وانا قلت للحرمه ان ناديه موافقه وبيجون
بكره والا بعده لشوفه
فجاءه وقفوا كل البنات يصرخون ويضمون ناديه
اللي كانت في قمة احراجها
ساره : ليش ما قلتي يانحيسه كنا بنستانس
والله
ناديه : ادري بس المصايب ما وقفت
جميله: لا ان شاء الله ولت المصايب
البنات : ان شاء الله
٠
٠
وعند صقر اللي كان اخذ له غرفه لوحده كان
واقف وهو يراقب اسماء اللي تغير على حرقها
صقر : طبعاً انسي تسولفين هاذي السالفه
للبنات
اسماء : طيب
صقر : وحياتنا كلها ما تسولفينها
اسماء :طيب
قرب صقر وهو يبعد شعرها عن وجهها : شيلي
لي هالخوف والتوتر من عيونك انا مو وحش عشان توجه لي ذا النظرات
اسماء بعدت بهدوء : طيب
استناها صقر تلبس العبايه وطلع واتجهت لدوانيه
واسماء للمطبخ
٠
اسماء دخلت وهي تقول : سلام
البنات لفوا عليها ببتسامه: صحت العروس
هديل : لا يا قلبي في عرايس غيرها الحين
ابتسمت اسماء بهدوء وجلست وهي تسمع صوت
صقر اللي دخل وهو يقول : وين الفطور يا ساره
ساره : الحين بنحضره
الكل سكت بحضور صقر وصاروا يراقبون الوضع
بينه وبينهم طبعا الكل يدري بنظرات صقر اللي فيها ليونه وهدوء عكس الحده اللي دايم
سمعوا صوت سطام اللي دخل وهو يقول : يا
ولد
صقر : خلك عندك فيه حريم
سطام اخذ نفس بزفره : ساره وين جهاز السكر
تبع جدي جيبوه
وقفت العنود واخذته وهي تطلع لسطام برا
اللي كان متكي ويشيك على وروده : سا... وقف لما شاف العنود وسحب الجهاز وهو ما يناظرها
سحبته العنود وهو منزله راسها : بلغ ابوي ومصعب اني موافقه
تركها سطام وراح وهو مغمض عمره ما توقع
انه يجبرها وعمره ما تخيل انه ما يحضن عنود ويبارك لها وعمره ما تخيل انه بيصير رسمي
مع العنود لدرجه انه ما يناظرها بعيونه
صدت العنود بحزن ودخلت وهي شوي وتبكي وكانت
تسمع طقطقه البنات على ناديه والجوري وهي مالها خلق ابد..
٠
٠
دخل سطام للمجلس ووجهه ضايق واتجه لجده
وهو يقيس له السكر واعطاه الابره ولف لابو مازن بهمس : عنود تقولك موافقه
ابتسم ابو مازن بصدمه : والله
سطام : اي والله
ابو مازن : والجوري
سطام : مدري والله
ابو مازن :زين اجل بعد الفطور نشوف
وبعد الفطور وقف ابو مازن وهو يقول : يا
ابو مصعب ابشرك ان العنود وافقت والله يتمم لهم على خير
ابو سند : وبنتنا بعد موافقه
وقف مازن لا شعوريا مبتسم وابتدوا الكل
يباركون لهم وبعدها المباركات والفرحه
قال ابو مازن: اجل الملكه ان شاء الله بعد
اسبوع
سند: لا لا خلوها بعد يومين
ابو مازن: وشوله العجله
سند: الا ازين هي مختصره
شريفه : ايه بعد يومين ازين
الجد : وين بتسوونها
سند: عندك يبه بس بنروح نجهز امورنا ونرجع
مازن اللي من الفرحه ماكان عنده اعتراض
بالعكس ولكن مصعب اللي كان ساكت وهو ما توقع
ابد انه بيواجه العنود ابد
وكانوا كلهم فرحانين ويتناقشون وهدوء مصعب
يمثل حزن عنود بالضبط
٠
٠
عند البنات الكل كان فرحان وعنود الكل مستغرب
موافقتها بس حطوه على النصيب
وطلعت دانه وهي تشوف عنود جالسه واتجهت
لها وقالت : عنود متهاوشه مع سطام صح
لفت عنود بهدوء: ليش !
دانه : اعرفكم اذا زعلتوا من بعض
عنود : لا مو زعلانين
دانه : طيب غريبه وافقتي على مصعب
عنود : الدنيا تبي كذا
دانه: مدري وش صاير معك بس اذا فيه شي مجبرك
قولي لسطام وبيساعدك
عنود ضحكت بإستهزاء: دانه اسألك شي
دانه: قولي
عنود : انتي تحبين سطام
انقلب وجه دانه : لا من وين جايبه هالحكي
عنود : كذا حسيت
دانه بهدوء: لا عاد تحسين تكفين
عنود بهدوء: مدري بس بقولك شي سطام متعلق
بخطيبته الاولى كثير ويحبها حباً جما وتراه جالس يدور عليها
دانه حست بقلبها ينعصر: يحبها وهي تركته
!
العنود : اصلا محد يدري وشوله يحبها سطام
كذا ولا عمرنا شفناها الا مره وحده بس جات مع ابوها قبل سنوات طويله ولا عاد شفناهم
بس رغم كل ذا يموت عليها سطام
دانه حست بضيق: وشوله تقولين لي ذا الحكي
العنود : عشان ما تذبلين
تركتها عنود وقامت وهي واثقه ان دانه تحب
سطام بس متاكده ان سطام معتبرها اخت وصعب مره يتغير رايه
٠
٠
وقبل المغرب بشويات وطبعاً مثل كل وقت كانوا
مجتمعين وجاهزين يمشون بس يتقهوون
وسطام اللي كان متوسط مازن ومصعب ومسوي
عليهم انه هو بعد يصير عمهم قطع عليهم الطقطقه شريفه اللي قالت : اقول يا سطام انت
طلعت هويتك
سطام : ايه الحمدلله
شريفه : وكيف نظامك بتتوظف والا كيف
سطام : الرزق اللي يكتبه لي ربي بيجيني
شريفه : دام امورك تيسرت ما بقى الا الزواج
تزوج وتستقر
سند بإستهزاء : ايه يتزوج ههه
شريفه طنشت ورجعت تقول : الحين على طاري
الزواج وش اخبار اهل امك
سطام : مدري عنهم
شريفه : جاني ناس يعرفونهم يقولون خالك
اللي قالو انه توفى ما توفى كان في غيبوبه وكان شبه ميت لكن الله لطف فيه ورجع ولكن
عليه قل صح شوي عقله مب متزن مره
غمض سطام اللي كان يحب خاله هذا حب عظيم
بس بعد ما رفضه حس انه جرحه ولا يبي له طاري : بكيفهم يحيون يموتون ما يفرقون بالنسبه
لي
ابو مازن : شكله يوم طاح وقل عقله استفردوا
عيال اخوه ببناته وشالوك يا سطام من طريقهم والا خالك يحبك حيل
سطام اللي تضايق ووقف اول ما طرت له دانه
: سكروا الموضوع
طلع متجه لدورات المياه وهو يغسل وجهه بس
لفت انتبااهه ظل قطب حواجبه وسكر المويه وهو يلحق الظل الا يشوف وحده متغطيه وعليها
عبايتها لحقها للمواقف واتجهت لسيارة ابو مازن وهو مستغرب من ذي بس شاف يدها واسواره
يدها اتسعت عيونه : دااانه
شافها تبعد اغراض ابو مازن وركبت وهي تنزل
الاغراض عليها وسكرت الباب انصعق سطام واتجه لها مسرع وهو يفتح الباب : ددااانه وش
تسوين هنا
٠
٠
اما في المطبخ وقفوا البنات على صلاة وهم
كل وحده تلبس عبايتها بتصلي ويمشون دخل مازن مسرع وهو ينزل اغراض القهوه ونايف وراه
ونزل اغراض الشاهي : يلا يلا بنمشي
مازن اللي كان يتلفت يبي الجوري صفقه نايف
على رقبته من ورا : يا بزر امش امش صل فكنا من البصبصه
جوري اللي نزلت راسها وهي تمسح لسند وقف
نايف متكتف : والله حاله هذا فغر وهي مسويه مستحيه امممممش انت وهي
مازن لف عليه : شوف عاد ضف وجهك مب شغلك
نايف : اقووول
مازن هبده : قول في سيارتك امش امش
ابتدو يصلون ويجهزون
٠
٠
وعند سطام اللي كان واقف بصدمه يراقب دانه
دانه بكت على طول سحبها سطام اللي عرف وش
قصدها ونزل متجه لمكان صاد : انتي انجنيتي خلااااص انهبلتي
دانه : سطام والله انت مافيك حيل مصايب
بعد
سطام : انا بموت منكم كل شوي طالع واحد
بمصيبه اسمعيني زين يا دانه يا ترجعين وتجلسين عندنا مكرمه معززه او والله لانبش عن
اهلك واطلعهم من سابع سماء واسلمك اياهم سامعه
دانه : سطااام انا مقدر اعيش هنا اكثر ولااقدر
ارجع لاهلي خلني اروح لدار بحصل من يراعني والله
سطام كان بهمس بغصب : وش قصرت عليك فيه
انا وش قصرت
دانه : المشكله انك مو مقصر سطام انت وراك
حياه مابي ادمرك
سطام : دانه قرري الحين وخليك ورا قرارك
يا انك تجلسين او اوديك لاهلك وحده منها اما الدار انسيها وان هربتي او فكرتي تهربين
ببلغ اهلك
دانه تدري انه يتكلم كذا عشان مصلحتها وبكت
وهي تقول : سطام انت ما تدري وش بيسوون فيك اهلي لو عرفوك
سطام : ما يهمني انا ما وقفت معك من البدايه
وانا جاهل باللي يصير كنت ادري بكل شي ممكن يصير وراضي وانا اتحمل هذا مب شغلك
دانه : سطاام اهلك مو مخليني شريفه وسند
وعايشه كلهم يضغطون علي
سطام : دانه انتي في وجهي وجاهي وورا ظهري
ولو يموتون ما يمسون منك شعره قومي تعوذي من ابليس واتركي عنك التصرفات الغلط وانا
بحل هالموضوع بس انتظري شوي
دانه : شلون
سطام: يحلها الله قومي بس وتعوذي من ابليس
قامت دانه وراحت وهي تبكي اما سطام اللي
ضاااق ورجع وهو يسلم على الشباب
انتبه على جواله اللي كان ياشر برساله من
عنود ( سطام لازم تجي بحاكيك .. اذا لي خاطر)
غمض سطام ودخل جواله جيبه واتجه للعنود
وهو ياخذعا بيدها وابتعد وقف بعيد وهو يقول : قولي و فيه
عنود اللي لا شعوريا بكت وهي تحضنه : انا
ما تعودت ازعلك ولا اروح وانت زعلان علي بس بطلبك تكفى سامحني غلطت وصار اللي صار وانتهى
وانا مستعده ادفن نفسي حيه عشان ترضى ايه غلطت بس غلطت بشرف يكفي انه كان اعمى ما يدري
عني ولا يشوفني مجرد صرت
شد سطام شعرها بقوه وهو يهمس بغضب: من قالك
انه اعمى
رفعت راسها عنود بشهقه وتعلقت بعيون سطام
اللي حكى كل شي وهو مكتض بكت عنود بزود وهي تحلف انها ماكانت حتى تقابله بعد سطام وهو
يحس ان هالزعل طال
وحضنها وهو يقول :انا ما صعب علي الا لانه
منك انتي لو هو من غيرك بسيطه لكن بسامحك لاني ادري فارس معاد هو فيه بس بشرط
عنود :راضيه وموافقه
سطام : بعدك ما سمعتي
عنود:ادري ما بتضرني
سطام: تعوديني ما تخونين مصعب حتى بتفكيرك
تصونين بيتك وزوجك وفارس تبعدينه
عنود مسحت دموعهت بقوه وهي حزينه : انا
دفنت فارس اللي يخصه من اول ما شفت ضيقك وانكسارك
شد عليها سطام وهو يقول : وش اسوي بك يالعنود
حضنته عنود بقوه : مابي شي الا تكون سطام
الاولي اخوي وسندي
كانها ضربت سطام فالصميم وتذكر اجباره لها
بس قال ماعليه احسن بكره بتعرف مصعب وتعيش معاه
مازن من بعيد: اذا خصلتوا بنمشي
بعدوا وقال سطام وهو ماسك نقاب العنود وهي
تلبس طرحتها : انتبهي لنفسك وفكري بمصلحتك زين
عنود :ابشر
راحوا لهم ونايف متكي على مصعب : اسمع يالحبيب بنصحك وانت بكيفك
اذا تزوجت عنود اعرف انك بتاخذ سطام معها مجاني يعني عادي جدا جدا تلقاهم يسولفون فجر
وتحصل سطام طاق طريق لبيتك يومياً جدا عادي تحصلهم يلعبون بلوت في صالتك وناهيك عن
الاخلاق الصفر وما انصحك تجرب تسب واحد فيهم عنود الثا .... انقطع صوته لما صفقته الكوره
ببطنه وطاح وهو يصارخ وقف سطام وهو يصرخ : لو انك راكب سيارتك ومتعوذ من ابليس مب احسن
من ذا الحال
جميله اللي ركضت وهي تطق سطام : اوجعته
يا سطام
مازن: الا احسن واعطوني الكوره بمغط فمه
بعد
مصعب رفع يده وهو يقول : لا ماعليكم خلو
الباقي علي
جميله : معصي انت وهو اذلفو عن وليدي
قام نايف بألم وهو يتحلف فيهم وبعد فتره
ضحك تحركو كلهم وتاكد سطام انهم راحوا
ورجع وهو متجه لبوابات المزرعه وقفلها كلها
واحكم قفله وترك بس الباب الصغير الرئيسي اللي مكشوف للكل عشان يشوف دانه لو حاولت
تهرب
صقر : وشوله مقفل البوابات
سطام: بفجر بالمزرعه شعليك انت
صقر : سطام انا اكلمك عدل
سطام بصراخ: لا تتصور مني اصفي لك اخلاقي
صقر : وش سويت لك عشان ما تصفيه
سطام : مدري اسال نفسك يمكن تحس
طلع جواله وهو متجاهل صقر ودق على فهد يجي
يسهر معاه
٠
٠
وعند دانه اللي بعد ما رجعت انشبت لها عايشه
بالاسئله انقذتها ساره اللي قالت : عايشه ولدك يصيح
قامت عايشه وهي تصارخ وقربت ساره لدانه:
وش فيك بكيتي
دانه: اللي مثلي يبكي دايم
ساره: دانه انا ادري وحاسه انك متغيره من
زمان بس كنت ابي افضى واعرف اسالك
دانه : ولا شي بس كذا احس اني ضايعه بدون
اهلي
ساره : ما عليك انتي بعد بين اهلك
لفوا على دخول اسماء اللي كانت معها ملابس
صقر وقربت وهي تاخذ الكوايه وبدأت تكويهم
ساره اتجهت لها بهدوء : اسماء حبيبتي كيفك
كيف حياتك ان شاء الله صقر كويس معك
اسماء ابتسمت بغصه: لا تخافين انا بخير
وصقر مو مقصر
ساره : ادري يمكن يكون صعب وحمقي بس حاولي
تكسبيه تراه يحتاج بس اهتمام وترا انا عشت تجربه ماكانت ناجحه بس عطيت حيلي وقوتي واذا
ما نفع مع صقر كلمي سطام
اسماء وهي خايفه يجي صقر باي لحظه :لا تخافين
بعدت ساره وهي تحسها خايفه بس قالت توها
ما عرفت صقر زين
٠
٠
وعند سطام اللي جاء فهد ودخل وهو يقول
: سطاموه راحوا العيال
سطام : ايه راحوا بس تعال اجلس ببشرك بشاره
فهد : لقيتوا اللي قتل فارس !
سطام ارتخت ملامحه بحزن: لا باقي يدورون
عليه مجهول مره ما ترك وراه شي
فهد رجع ورا بهدوء : طيب اجل لقيت دانه
سطام ضرب جبينه بضيق : هاذي نسيتها مع زحمة
المشاكل وازيدك من الشعر بيت خالي ما توفى دخل غيبوبه وطلع منها بنص عقل
فهد : لا اله الا الله اجل وش عندك
سطام اللي صار معاد له نفس وقال : مازن
ومصعب بيتزوجون
فهد : وشو
سطام : خطبو وبيتزوحون واتوقع مجرد عشاء
مافيه احتفال
فهد : غريبه
سطام : والله كلنا تفاجئنا بس خطبوا خوات
بعض
فهد : الله يتمم صراحه وانا بعد احس اني
معاد لي حيل للحياه كذا بس ابي اتوظف واتزوج وارتب اموري
سطام : الله يرزقك
فهد : وانت وش وضعك يا اخوي لي ايام اشوفك
مو على بعضك
سطام : ابد هواجيس الحياه انا بخير وما
ارتاح لين اودي قاتل فارس بيديني للقصاص
فهد : ان شاء الله نحصله وناخذ حقنا
سطام : فهد انا افكر في شي مدري يراودني
كثير
فهد : خير ان شاء الله
سطام : اول شي دانه اليوم كانت بتهرب
فهد : كيف
سطام : لها فتره وهي تقول اخذني دار الرعايه
ومدري وشو وانا ثقلت عليك وانا جبت لك مشاكل من ذا الكلام
فهد : طيب
سطام : وانا رفضت واليوم كانت بتروح
فهد : سطام لايكون متذكره اهلها
سطام : لاااا بس سند وشريفه طفشوها وبدأت
تحس انها غريبه
فهد : وش بتسوي طيب
سطام : بدور على اهلها
فهد : وبتسلمها !!!
سطام : لا
فهد :
طيب
سطام : بزوجها
فهد : وشو تزوجها مين
سطام: تتذكر ناجي
فهد : ناجي صاحب الاسطبل !
سطام : ايوه انسان عاقل وراعي خير ولا عنده
اهل واموره كويسه ويدور بس اللي تستر عليه ويستر عليها
فهد : حشى انجنيت
سطام : لا ما انجنيت بس هذا اللي لازم يصير
وتعرف ناجي رجال اثق فيه مثل ما اثق فيك
فهد كان وده يقول بيتزوجها هو بس رعب صقر
مسيطر على مخه ومخليه مو قادر حتى يفكر بالعواقب
سطام: عشان كذا بكره ببدا اني ادور على
اهلها واذا حصلتهم راح اكلم ناجي وارتب الامور معه واذا قلت لهم وجودها عندي بدخل ناجي
يخطبها وطبعا اكيد بيوافقون لان ما اتوقع عندهم قدره يواجهون الناس وكلامهم غابت 3
4 شهور ورجعت متزوجه فا اتوقع بيزوجونها ويخلونها تروح
فهد : انت ابخص انا عاد بروح اريح
سطام : الله معك وانتبه لنفسك
طلع فهد وهو متوقع من صقر انه يسوي له شي
بس ساكت وهو يبي يأمن حياته قبل
٠
٠
وعند صقر اللي كان جالس بالغرفه وهو ينتظر
اسماء اللي اول مادخلت شهقت برعب وقف صقر وهو رافع حواجبه :خير وشو له ذا الشهاق كله
اسماء بخوف: فجعتني بالظلام ما كنت ادري
انك هنا
صقر: مو منك ما تدرين هايته ولا تدرين عن
زوجك جاء ما جاء وش صار له وبعدين كم مرت ساعه على العشاء وانتي تعرفين انه بعد العشاء
بساعه انام
اسماء حست انها بتبكي : ككن كنت اكوي ملابسك
واغسل الباقي
صقر : وينك عن الملابس من الصباح
بكت اسماء : كانت ساره تغسل
قرب صقر وسحبها بقوه وارتطمت بصدره بخوف
وكانت بتبعد بس شدها صقر وهو يقول:قلت لك مابي هالخوف والدموع بعدين وش قلت انا عشان
تبكين
اسماء ماردت ورجع صقر يقول : انا وش قلت
عشان تبكين
اسماء اللي لا شعوريا حست انها ممكن تستعطفه
وتفتك من شره رفعت راسها وهي دموعها على خدها وجمعت قوتها وقالت : انت تصارخ ما تسال
وبعدين انا كنت مقدر اتحرك كثير لان الحرق يألمني وبالقوه خلصت الحين واحس انه انجرح
زود اركض ركض عشان ما تعصب وتصارخ وكأني ما سويت شي
صقر اللي حس بضيق من دموعها جلسها بهدوء
وهو يقول بصوت غريب : ليش ما قلتي لي يألمك وبعدين انا ما صارخت هاذي نبرت صوتي ولا
عاد تبكين حصل خير
مسحت دموعها اسماء لما حست انها اثرت فيه
وارتاحت نفسياً وهي تشوفه كعادته هو اللي يحط لها المرهم وهو اللي يداوي حرقها وكان
خفيف مثل النسمه وغريب حيل عن كونه صقر المرعب
٠
٠
وعند مازن اللي كانت الدنيا مب شايلته يحس
انه متحمس كثير و حيل كان وده يقول لجوري شي بس ما يدري وش يقول وحس انه مصخها كل شوي
يرسل لكن ما حس بننفسه الا لما طرت له اغنيه تمثل وضعه وكتب اول بيت منها "من
بعد مزح ولعب اهو صار حٌبك صحيح وأصبحت مغرم عيونك وأمسيت وقلبي طريح ".
ارسلها وهو يحس انه نقل ثلاث ارباع مشاعره
معها
٠
في الغرفه اللي بجنب مازن كان الوضع غير
جمعت عنود كل اغراض فارس اللي عطاها وهي ما تحتاج اي شي يوصف وجعها الا دموعها رمتها
كلها عشان سطام لكن ما قدرت ابد ابد ابد ترمي كتاب كان هديه من فارس عشان تعرف تتعامل
مع وضعه وهي كانت اصلا روايه رجعته لصندوقه وهي تبكي لكن صدمتها ان فارس مب اعمى كانت
اعظم بس ما غيرت حب فارس ابد بس كتمته
٠
وعند مصعب اللي كانت اول ليله في بيت ابوه
مميزه بالنسبه له وهو يشوف امه والجوري اللي يسعون لخدمته وراحته سكرت امه الباب بعد
ما لحفته بحب وطلعت وانسدح مصعب اللي يدري ان مواجهته مع العنود صعبه وهو بعد مايبي
يتزوج ولا شي يبي يعيش بهدوء وعنود ابعد خيار عن الهدوء وللحين مايدري كيف وافقت ومتاكد
انها مغصوبه
٠
وعند جوري اللي بعد ما نومت سند سمعت صون
الرساله وحست بدوخه لما قرت اسمه غمضت بفرح وهي تفتحها ولا شعوريا نطت وهي تدفن وجهها
بلحافها ماردت وهي تشوفه متصل ومره يكتب ومره يلغي قفلت جوالها بخجل وهي ما تدري وين
تروح من فرحها وسعادتها
٠
ومن بكره الكل صاحي مبكر ولكن كل واحد همه
مختلف وغرضه غير
فهد كان يدور على وظيفه ويدور بعد على شي
يثبت فيه ان صقر هو اللي قتل
وسطام اللي صحى وهو يبي يدور على اهل دانه
وابتداء يدور
ومازن اللي كان مع امه والعنود في الاسواق
يرتبون اغراض الملكه
ومصعب اللي كان هادي مع امه الفرحانه والجوري
وناديه اللي كانت تستعد لشوفتها وهي تسمع
طقطقه نايف عليها وهيفاء وهديل يساعدونه
ساره كان روتينها جدا عادي ودانه كانت مستغربه
روحت سطام بدري
وشريفه وعايشه اللي مفضعين بإستفزازهم للكل
واولهم صقر
ومن طرف ثاني كان هم اسماء وشلون تلين صقر
وتكسبه معها
وفي قسم الشرطه كان وضع قضية فارس ملف وتسكر
٠
٠
ومرت ثلاث ايام بسرعه البرق وهم على نفس الحال لكن
اليوم غير اليوم فرح لناس وكدر لناس ثانيه
كان سطام من بدري يلف ويساعد ساره بتنظيف
المزرعه وهم مستعدين لجية ابو مازن وسند وجميله مع المعاريس
رجع سطام ركض لساره بالمطبخ وصفق في دانه
بالغلط وطاح الصحن ولفت له دانه وهي تقول : سطاااااام حسبي الله على عدوك زين كسرته
ساره : يوه كان احسن صحن
سطام: ترا كله صحن ماصار شي وبعدين دانوه
لا تدفين
دانه وهي تشمق بمزح : فتح عيونك زين الله
لا يعمينا... لا شعوريا شهقت لما حست بمويه بارده عليها ولفت شافت سطام متكتف وهو يقول
: يوه ماشفتك تعرفين عيوني تعبانه
دانه بحقد سحبت حوض طين للورد ماكان فيه
شي وكبته على سطام : ما شفتك
وركضت بسرعه وهي تدخل عند شريفه
اما سطام اللي كان واقف وهو مغمض ومسكر
فمه عن التراب اتجه للمغسله وهو يغسل وجهه وقال بصراخ ؛هييييييين
الجد : سطام وش فيك
سطام : ولا شي
سمعوا صوت السيارات واتجهو كلهم للباب وهم
يرحبون فيهم طلع نايف من سيارت اللي كانت بين سياره خاله ابو مازن وخاله سند وطلع زي
الشراع من سيارته وهو يصوت على سطام : سطااام افزع
قرب سطام وهو يضحك : وش صاير
نايف بعباطته : عشان ما يغشون من بعض ولا
يناظرون بعض
رفس مازن الشراع وهو شايل بيدينه اغراض
: اقول نزله يا ظريف لافتري فيك
نايف :معصي
الجد: ههههههه تعال يا نايف الله يصلحك
اصر نايف انه يمسك الشراع لين كلهم يدخلون
ونزله وراح يضحك وهو يشوف مازن اللي حاقد عليه
دخلوا كل الاغراض وابتدوا العيال يرتبون
وكان سطام راكب على السلم ويصلح بعض اللمبات ومصعب واقف وهو ماسك له السلم قال بهدوء
: سطام
سطام : هلا
مصعب : بسألك شوية اسأله يعني ممكن تساعدني
فيها
سطام لف ونزل وهو يقول : وشو
مصعب : يعني للامانه اللي اعرفه عن عنود
انها مب سهله واللي اسمعه بعد انها صعبه حيل وهذا الموضوع شوي موترني مدري كيف بتعامل
معها لكن قلت مالي الا انت تعرفها وتعرف طبعها
سطام جلس بهدوء وهو يقول : هو صح عنود مب
سهله وصح انها يعني عندها اسلوب يستفز اللي ما يعرفها ولكن عنود تجي بالهدوء بالكلام
اللين وركز اني اقولك لين يعني حاول انك تتصرف في البدايه ب هدوء والا هي تراها متسرعه
وخبله وتؤمن بمقوله “ علي وعلى اعدائي “ اذا حست بخطر
وانت عاد حاول انك ما تلين مره ولا تشد
مره والا صدقني في كل الحالتين بتخرب ام حياتك
مصعب ضحك بضيق: يعني الحين مسوي انك هديت
الوضع زدت الطين بله
سطام : هههههه والله مدري وش اقولك بس عنود
عندها ومليون اسلوب يعني على حسب الشخص يعني تقدر انها تكلم عشره اشخاص بنفس الوقت
وكل واحد له طريقة واسلوب ثاني
مصعب : يعني قصدك تقول كل شي يعتمد علي
سطام : بالضبط
ابتسم مصعب وهو للان ما يدري وش اللي بيسويه
معها ما دامها تجرأت وطردته من بيتهم اكيد بتسوي العجب ..
٠
٠
وعند مازن اللي كان يتعمد ياخذ اي شغله
للمطبخ عشان يصادف الجوري ولكن نايف مستقعد له
وبعد ساعات جاء الشيخ وابتداء يعقد القران
والكل مبسوط وبحضور فهد وابو فهد
ووقفوا مصعب ومازن وسطام متوسطهم عشان يدخلون
للبنات
نايف : يعني شلون انا بجلس لحالي
ابو مازن : هههههه لا لا انت معك صقر وفهد
نايف : تكفون اخذوني معكم
مازن اللي كان قلبه مليان على نايف سحب
عقاله وهو يضرب نايف ضربه من كل قلبه وركض جوا بدون ما ينتظر احد .
ونايف اللي لا شعوريا صار يركض في كل المزرعه
وفهد يطقطق عليه متجاهل نظرات صقر المرعبه
ودخلو الباقين جوا
مازن وابو مازن وسند وسطام والجد ومصعب
اتجهوا لغرفة الجوري اللي كانوا الكل فيها
٠
٠
جوري اللي كانت من فرحتها تحس الكل يسمع
دقات قلبها حست بأرتباك لما قربت هديل وهي تركض : جاء المعرس جاء
اصطفوا بسرعه ومجهزين الكاميرات
ومازن اللي قلبه يطربق طربقه ويحس انه معاد
يشوف من الفرحه
دخلوا وهم يسمعون تهديد نايف اللي للحين
يتألم وضحك مازن وهو عينه تنطق بالفرح وهو يناظر جوري واللي ضاعت في فستانها الهادي
كان البنات يصارخون بحماس وضحك ويصورون
ومازن مب معهم كان مصعب يراقب فرحتهم وهو يدري انه ما بتكون فرحته كذا ابتدوا يلبسون
الشبكه ويصورون والكل فرحان لهم وبعدها طلعوا واتركوهم متجهين لغرفة العنود
لف مازن بضحك لا شعوريا وهو يقول : حي الله
ال ميه والخمسيين ( يقصد طولها ) تشوفيني والا اجيب كرسي
رفعت الجوري راسها بصدمه وانفجر مازن يضحك
ونزل وهو يبوس خذها : امزح معك وش فيك بشوف وجهك بس
جوري اللي كانت بتموت ما تدري وين تودي
نفسها وهي تشوف مازن يغرقها بالغزل وبلحظه يطلعها بطقطقته
٠
٠
اما عند العنود اللي كانت في حالة جمود
دخلو الكل بنفس الحماس ولكن ما كان نفس الفرح اللي بعيون مازن وجوري تقدم مصعب اللي
يحس انه يرمي نفسه لبركان وعم الهدوء ونزلت فلاشات الكاميره لما رفعت راسها عنود وهي
تعطي البنات نظرات ناريه بالقوه سلم مصعب وبالقوه لبسها الدبله وكانت العنود كل ما
مسكت دبلة مصعب تطيحها كأنها ما حست لما تقدم سطام ورفع الدبله وحطها بيد العنود بنظره
قويه مع ابتسامه فهمت عنود مقصدها ولبست مصعب اللي وصلت له الرساله وسلموا الكل وطلعوا
وقرب سطام للعنود وهو يقول : لا تخربين حياتك بيدك عطي مصعب فرصه .
طلعوا كلهم وتسكر الباب وماكان فيه صوت
ابد الا صوت التكييف جلست العنود هي تاخذ المويه وشربتها وهي ثابته وكان مصعب يناظرها
بهدوء من بعيد
وقرب مصعب وسحب يدها بشويش بس ردة فعل العنود
اقوى وهي تسحب يدها منه لكن ثبتها وهو يقول : ما راح اكلها
سحب الدبله بهدوء من اصبعها ومن اصبعه وكان
فيه خصله من شعر العنود طايحه على فستانها سحبها بهدوء واخذ مسبحته وقطع خيطها وهو
يرمي الخرز بالزباله وجمع الخيط وخصلة العنود وهو يدخل الدبل فيها وعقدها بهدوء
وعنود منذهله من الموقف بس كانت ثابته
وقف مصعب وهو يقول : اللي بينا يحكمه خيط
مسبحتي وخصلتك هالخواتم ما راح نلبسها ابد ولا نقيد انفسنا فيها دام كل شي بينا معدوم
مدري وش اشرح او ابرر بس انتي اصلا تعرفين
حياتي قبل والحين بتعرفينها في مستقبلها كيف ما اجبرك على شي ولا ادري وش اجبرك
بس احب اقولك اني موجود وحاضر تقدرين تحتمين
وتثقين فيني وانتي براحتك
دخل الدبل بعلبه ودخلها بجيبه وجلس بهدوء
ينتظر هالوقت ينتهي
والعنود اللي كانت منصدمه منه ومن تصرفه
اللي جلطها ولا بين لها اي شي عن الجاي والحين فعلا ارتبكت عنود وعرفت انها بتصارع
شخص ذكي ومب سهل
٠
٠
وبعد شوي طلعوا الشباب وابتدوا البنات يتجمعون
بفرحه ودخلوا للعنود اللي كانت جالسه
هديل : يمه يا عنود كلكم قويين وتزوجتوا
بعض
هيفاء : احس زواجهم زواج الجبابره
العنود : يا شين خفت الدم
ساره: وين دبلتك
العنود : طلعت كبيره واخذها يصلحها
الجوري : كيف انا قستها على خاتمك اللي
معي
العنود : يمكن غلطوا
دانه: يلا مب مشكله المهم اللي بالقلب
ضحكوا البنات وهم يلفون على جوري اللي قالت
بضحك : والله لا احد يسألني عن شي اخوك ياعنود عبيط
عنود :هههههه كلنا متفقين على ذا الشي
دانه :وش سوا
قالت لهم جوري طقطقته عليها وانفجروا البنات
يضحكون
ساره: شكله مازن ما بيعتقك من ذا الطقطقه
جوري : شكله
وفاجأهم صراخ برا وطلعوا وهم يشوفون مازن
يركض ونايف وراه بالسوط تبع سطام والخيل
والكل يضحك ونط مازن ورا سند : افزع يا
عمي تكفى
سند : ياخي روح عني هناك مانيب فازع
مازن: افاااااا نسيبك ما تفزع له
سند : توك عرفتني
تركه مازن ونط ورا شريفه: انا دخيلك ياعمه
شريفه : نايف والله ما تلمسه اجلس
نايف : لاااااا والله غش غش يطقني وتسكتون
سطام : يا رجال جيب السوط بس لا تخربه
شريفه : انا حلفت بكره سو اللي تبي فيه
نايف رمى السوط بغضب : ما عليه ماني بطقاقك
اصلا الطق في الميت حرام
سطام رفع راسه لنايف: وش دخل
نايف : مدري بس فيها طق
ضحكوا كلهم بس وقفهم نايف اللي يقول
.’: الحين فيه جوري بطلع حرتي فيها
طلع مازن بسرعه : تخسي
ركض نايف ورا مازن ركضوا البنات جوا ومازن
يدور على جوري ونايف بعد
وبسرعه اتجه مازن لها وهو يوقف قبالها
: نايفوه ما اتفقنا خذ حقك مني ال 150 مالها دخل
لا شعوريا دفته جوري : 150 وجع بالعدو ان
شاء الله وش شايفني انت نايف طقه طقه حلال عليك
سطام : هههههه كفو يال 150 عليك فيه ذا
المدلع
جوري : نايف تكفى وسطام معه
جات عايشه بسماجتها المعتاده : دانه دافعي
عن سطام
الكل ناظرها وقال سطام : تكفى يا نايف طق
عايشه والله لمسك لك مازن
نايف : ليه يا حبيبي بايع نفسي
جوري : نايف نخيتك
تحمس نايف وسحب السوط وهو يركض ورا سطام
ومازن اللي تركوهم وهم يركضون للاسطبل
ووقف صقر وترك البنات والحوسه وهو عيونه
تدور على اسماء دخل جوا وشافها جالسه بالطرف اللي فيه مزرعه فارس وهي تبكي بصمت قرب بهدوء : اسماء !! وش تسوين هنا
فزت برعب اسماء وهي تمسح دموعها وصرخت لما
اوجعها الحرق ركض لها صقر : بسم لله عليك وش فيك
اسماء : ولا شي بس خفت واوجعني الحرق
صقر اللي كان معاها لين وحنون وهو يحاول
يعيش بهدوء : قلت لك بطلي ذا الخوف وبعدين ليش تبكين
اسماء اللي تعرف مستحيل صقر يتركها وما
يعرف سبب بكاها قالت بضيق وهي تحس بيد صقر الدافيه على ظهرها : اشتقت لفارس
سكت صقر وهو يحتضنها بهدوء : مافي يدك شي
الا تدعين له البكا ما يرجع اللي راح ما راح تفيدينه الا بالتعذيب ادعي له وربي بيجبر
مصابك
اسماء اللي كانت متفاجاه بتصرفات صقر معها
بس قررت انها تسايره لانها تعبت كثير خلاص بتكون مسالمه وان شاء الله ربي يهدي لها
صقر ويسخره
٠
في طرف ثاني ساره والعنود اللي تركوا الزحمه
ولحقوا صقر وهاذي فرصتهم يشوفون تعامل صقر مع اسماء وكان المنظر بالنسبه لهم صادم
دخلوا المطبخ بصدمه العنود : شفتي اللي
صار !!
ساره : لو بتخيل مليون سنه ما تخيلت كذا
العنود : شلون صقر كذا !
ساره : الله سخره لها وهداه اسماء مسكينه
وتستاهل كل خير
العنود : الله يوفقهم
ساره بتدقيق : انت اللي كيفك وشو وضعك مع
مصعب
العنود : باقي ما بان وضعنا تونا بالبدايه
ساره: عنود ترا عيونك فاضحه كرهك لمصعب
اصلا انا ماني مستوعبه كيف وافقتي عليه
العنود : وش فيك عادي ربي كاتب نصيب
انسحبت عنود وتركت ساره اللي شكت اكثر في
عنود ومصعب
٠
وبعد صراع رجعوا مازن وسطام ومكتفين نايف
فوق الخيل ويركضون فيه وهو يصارخ : يمممممه يمممه لحقيني افزعي لضناك يممممه
فزت جميله وهي تركض لهم وهم يركضون ووقف
الجد وهو يحلف على سطام يجي وجو بضحك ونزلوا نايف اللي كان يتوعد ويتحلف فيهم
الجد : خلاص اعقلوا
جلسوا كلهم ودق جوال سطام وهو لف مازن
: ناجي يتصل بك
اخذه سطام اللي دق قلبه بتردد ورد وهو يبعد
: هلا والله هلاا حي الله ناجي
ناجي : هلا والله يا سطام كيفك وش علومك
ما تمر ولا تسلم
سطام: ان شاء الله اني بجيك بس اتصل فيك
ما ترد
ناجي : كان عندي شغل وتو فضيت امرني
سطام: لا والله بس بغيتك في موضوع
ناجي: خير اللهم اجعله خير
سطام/ خير خير بس مايجي على الجوال
ناجي: تعال تعال تعش عندي خلنا نسولف ونشوف
موضوعك
سكت سطام شوي وقال: زين يلا مسافة الطريق
سكر سطام واتجه لساره: اعطيني ملابس وثوب
الجد : وين رايح
سطام: معزوم على عشاء وبروح له
نايف: يا برد قلبك تطق يتيم وتروح تعشى
سطام بنفس نبرته وبضحك: انا يتيم اقوى منك
ماخفت ربك فيني
الجد : عند مين معزوم
سطام: ناجي يا جدي
نايف : الحين جايين لك وتروح وتخلينا
سطام : والله عشى ضروري
دخل سطام يلبس وطلع وهو يرتب شماغه ومر
المطبخ وشاف عنود ودانه وساره مر من جنب دانه وهو يطقها كإنه ما شافها
دانه: ياخي ظرافتك هاذي مشكله
ضحك سطام وهو يسمع ساره تقول :سطام اترك
الهواش بقولك شغله
سطام : وشو
العنود اللي حبت تبدا من جديد مع سطام
: جبنا لك خبر اسماء وصقر
نزل سطام يده من شماغه: لا يكون مأذيها
ساره : لا ارتاح
العنود : العكس تماماً انت لو شفت ما تصدق
سطام : كيف!! شرحت له ساره الموقف وقطب
سطام حواجبه بأستغراب وقالت دانه : طيب ما دام طيب معها انت لا تضغط يا سطام اخاف يأذيها
عناد فيك
سطام: يخسي
العنود : دانه صادقه خلك حيادي واتركه بكيفه
واحنا بنراقب الوضع
رجع سطام يرتب شماغه واخذ اغراضه : زين
انتبهوا
طلع متجه لنادي وصل ونزل وهو يسمع ترحيبه
ابتسم وهو يحضنه : وحشتنا ياهوه
ناجي : وانت والله اكثر
دخلوا جوا بعد سوالف عاديه جلس سطام بإعتدال
وهو يقول : ناجي انت ما تزوجت للحين
ناجي باستغراب : لا للحين غريبه تسال
سطام : والله ياناجي انا لك عندي بنت حلال
انصدم ناجي وسكت وقال سطام : انا بحكي لك
القصه وانت براحتك اذا حبيت تمم كان بها واذا ما بغيت براحتك
ابتداء سطام يحكي كل السالفه من والى لناجي
وكان متردد يحكي له عن اغتصابها بس تردد وغير الموضوع وقال :والبنت صار لها من الحادث
اضرار جانبيه وفقدت شي كبير بحياتها وهي بمثل هذا الوضع ما تقدر ترجع لاهلها وفاقده
ذاكرتها وانا بدور على اهلها واخاف يصير منهم شي عكسي لذلك قلت بكلمك يمكن تتزوجها
تستر عليها وتكسب اجرها
ناجي كان في ذهول من القصه وقال بحيره
: يعني هي ماهي بنت !!! سطام بضيق : لا بعد الحادث تعرضت الاصابه قويه ولا تخاف انا
احلف بعفتها وشرفها واخذتهاا من المستشفى وبتقارير تثبت ان اللي صار معها اثر حادث
وهي حتى لو تذكرت اهلها ما تقدر تروح لهم
ناجي : سطام لحظه بفهم شوي شوي
وبعد ما رجع سطام يشرح نفس اللي شرحه قال
ناجي : ليه ما تتزوجها انت
سطام : انت تدري ما معي هويه وغير كذا سند
حاط نقره من نقرها واخاف يأذيها ويسبب لها مشاكل عشان كذا انا دورت على رجال كفو وطرا
لي انت وتأكد انها عندي مثل خواتي وبنات عايلتنا واني مستحيل ارضى لها المذله والسمعه
السيئه
ناجي : والله يا سطام مدري لكن عطني وقت
افكر وانا ما عندي شك بالبنت دامك حلفت بطهرها وعفتها
سطام وقف وهو يقول : اجل خذ وقتك وحل الموضوع
بينا ترا حتى اهلي ما يدرون بوضعها
ناجي : افا عليك ما يحتاج توصي يا بقول
لك تم يا انسى الموضوع كله
سطام : كلي ثقه فيك يا ناجي
طلع سطام من عند ناجي اللي كان مصدق سطام
بكل عقله ويدري سطام مستحيل يغدر فيه او يغشه بس اللي مكبر الموضوع اهل البنت بعدين
وكيف بيتصرف معهم ..
٠
٠
من بكره طلع سطام وهو متجه لقسم الشرطه سأل عن قضية
فارس اللي تسكرت ومحد قدر يفتحها وطلع وقدم بلاغ عن دانه وعطاهم كل المواصفات والبيانات
ورجع دخل المزرعه وشافها هدوء والكل نايم اتجه لغرفة ساره ودخل بهدوء شاف البنات نايمين
بهدوء شد على اسنانه لما شاف عايشه بس تركها وهو يدور على العنود وما حصلها طلع وسكر
الباب وهو يسحب جواله اتصل على العنود اللي قامت وهي مستغربه وردت بهدوء: سطااام
سطام : اسمعي اطلعي ابيك
العنود : طيب
طلعت وهي تشوفه واقف وراحت له : وش فيك
سطام : ابيك بشغله تعالي
طلعوا برا وقال سطام : اسمعي انا بزوج دانه
لفت عنود بصدمه : وشو
سطام : اجلسي بقولك
جلسوا وابتداء سطام يشرح كل شي بالحرف لعنود
وقالت عنود : بتزوجها من غير رضاها !!!
سطام : من قالك من غير رضاها انا بكلمها
وافهمها وبعدين تدرين بوضعها
العنود : دامك ناوي تفتك منها وشو له ما
بلغت عنها من البدايه وخليتها تروح تواجه حياتها بنفسها من عطاك الحق تتحكم في حياتها
سطام بحده : انا ما سويت كذا الا عشان مصلحتها
العنود : سطام تراك بديت تظلم وكثير بعد
سكت سطام بضيق وقال : انا ما ظلمت انا ادور
على المصلحه للكل
العنود : التفت لنفسك واترك مطارد مصالح
الناس ومن الحين اقولك دانه ما بتوافق لا تمحي معروفك بحركة غبيه
راحت وتركت سطام اللي تنهد بضيق ولا عطى
اهميه لكلام العنود رجع لديوانيه وهو يحضر القهوه ..
٠
٠
عند مصعب اللي صحى من بدري وكان يمشي اتجه
للمطبخ لما حس انه تعب واخذ مويه وجلس ولف
على صوت الباب ودخلت عنود بغضب وهي ترمي جوالها : على باله الدنيا على كيفه يغرق اللي
يبي وينقذ اللي يبي مدري الى وين بتوصل يا سطام
لفت واختفت ابتسامتها اول ما شافت مصعب
وقالت : بسم الله الرحمن الرحيم
قال مصعب بطرف عين : بسم لله عليك اذا خفتي
وصباح الخير اذا كنتي طبيعيه
العنود :وش قصدك !
مصعب وقف وهو ياخذ علبة المويه وحطها بيد
العنود : سلامتك ، بس اشربي مويه يقولون تنفع لناس العصبيه
طلع وهو مبتسم والعنود اتسعت عيونها بغضب
ورمت المويه وراه وطلعت وهي ودها تخنقه
٠
وابتدا الكل يصحى وابتداء الازعاج وفي المجلس
ارتمى نايف بجنب سطام وهو ماسك راسه بألم
سطام : وش فيك
نايف : ياخي بقترح عليكم اقتراح
سطام : وشو
نايف : تعرف شبك الحيوانات المفترسه
سطام باستغراب : ايوه
نايف : جبه وحط عايشه فيه ياخي قسم بالله
طفشتني
سطام: هههههه وش مسويه بعد
نايف : ياخي رايح ابي مويه طبعا انا فيني
نص نوم ولا صحيت الا بالجزمه على راسي يقالها بتصحيني سطام:هههههه يا رجال حلال فيك
نايف : سكت لك حيل والله
سطام : خلاص اسفين وينه مازن ما صحى
نايف لا إرادياً اعتفس وجهه : يا رجال لا
تذكرني بس جاب لي غثيان ما نمت طول الليل منه هو وجواله كأن ما خطب وملك الا هو نمت
وهو باقي جالس عليه
ابتسم سطام وهو يرجع لقهوته ونايف اللي
كان يتسدح بكمية نوم مو طبيعيه
دخل الجد : صباح الخير
وقف سطام وهو يبوس راسه : صباح النور والسرور
كيفك اليوم
الجد : الحمدلله زين
ابو مازن : صباح الخير
سطام : صباح النور
نايف وهو منسدح ويرسل لهم بوسات : والله
مالي حيل اقوم
دخل صقر : سلام عليكم
الكل : وعليكم السلام
وابتدوا يتوافدون الكل ويفطرون وبعدها جلسوا
للقهوه وفي نص السوالف كان سند الصغير يلعب وهو يركض كب الفنجان على صقر بالغلط
وفز صقر وهو يدفه بكل قوه : عساك بالعمى
فز مصعب : بسم لله عليه احشم نفسك يا صقر
احسن ولا تدعي على طفل
سطام : ترا ماشافك وبعدين ما تخاف الله
تدعي على بزر
صقر : هذا بزر هذا شيطان
سند الكبير بصراخ : انت الشيطان واشكالك
صقر : شوف من يتكلم بس
شريفه : بس انت ويياه معاد فيه حشمه لابوكم بينكم
اخذ مصعب ولده وطلع بغضب ولحقه مازن : مصعب
لا تفكر في كلامه سفيه
مصعب : ياخي يسوي اللي يبي بس لا يدعي على
بزر
نايف اللي لحقهم وهو فيه نوم : استغفرلله
بس ما ظنتي ربي يستيجب دعاه
مازن : استغفر ربك يا خبل
مصعب : انا خلاص طقت كبدي منه
نايف : شف وش رايك نمسكه ونرنه رن لين يعض
الارض
مازن : اقول اترك عن الزن وحركات عايشه
وخل الرجال بحاله
مصعب : والله لو ما جدي لدفنه
٠
وعند البنات اللي طلعوا من المجلس بضيق
واتجهوا للاسطبل وبما فيهم دانه وجلسوا
ناديه وهي بتغير الموضوع : بنات زواجي بعد
شهرين
الكل لف لها بفرحه واختلفت الردود ما بين
، والله ، مبروك ، الله يتمم لك ، اخيرا بنفرح
ساره : انا بعد عندي خبر
هديل : لا يكون بتتزوجين
ساره : لا يا شينه
العنود: وشو
ساره وهي تراقب وجه العنود: سمعت ابوي وعمي
سند وجدي يتفقون ان زواجكم بيكون بعد شهر من الان وانكم بترجعون ذا اليومين
العنود : تمزحين وش ذا العجله
هديل : ياخي وش بهم مستعجلين
ساره : اتوقع مازن مستعجل
لفوا كلهم على جوري اللي ما استغربت وهي
مبتسمه
العنود : ادري كله من تحت راسك انتي ومازن
الزفت
هديل : اوصخ اثنين
دانه بمزح : يلعن ابو الحب يا شيخه
الجوري :وش اسوي انا
اسكتوا لما شافوا سطام جاي : بنات
العنود وقفت له : سطام صدق حددوا الزواج
بعد شهر
سكت سطام وهو يراقب عيونها بهدوء : يقولون
العنود بهمس : ليش السرعه
سطاام: احسن لك
العنود : تكفى سطام سوي شي مابي ذا السرعه
سطام: مو بيدي انتهى الموضوع
العنود : سطام انت تقدر
سطام:الموضوع في يد سند
راحت عنود بضيق ورجع سطام وهو ناسي اصلا
وش كان يبي
وهو كان يقدر يكنسل الزواج لكن عشان عنود
تنسى فارس هو موافق
٠
في طرف ثاني وفي بيت ثاني
وقف ابو دانه لما وصله اتصال من الشرطه
يقولون حصلوا بنت يمكن تكون بنتك وقصتها قريبه لبنتك
دق على الكل وجو سعيد وابوه واخوانه والكل معاه وطلعوا متجهين لشرطه
٠
٠
عند دانه اللي كان قلبها مقبوض وهي تشوف
سطام يصد عنها كثير وما يكلمها وكأنه مسوي شي اتجهت له بغضب وهي تشوفه في الاسطبل راحت
من الجهه الخلفيه وقفت وهي تقول : سطام تعال
غمض سطام اللي كان يتحاشاها : الحين مشغول
دانه: ادري مو مشغول وادري بعد عندك شي
مخبيه فقول لي احسن لان قلبي مو مرتاح
نزل سطام يده وهو يغسل واتجه لها وقلبه
حتى هو ضايق : انا عندي شي بس مابي تفهميني غلط انا سويت كذا عشان اساعدك
دانه بشك : وش سويت .
سطام وهو يناظر يده : انا بلغت عن وجودك
عندنا بالشرطه
شهقت دانه بصدمه : شلون تسوي كذا وانا اللي
حكيت لك عن اهلي وش بيسوون فيني دامك تبي الفكه ليه ما وديتني دار الرعايه ليش
سطام : لحظه يا دانه اسمعيني انا حصلت حل
بعد لاهلك
دانه جلست وهي تحس رجولها ما قدرت تشيلها
بكت : مابي اسمع شي تكفى ماابي كفايه هاذي وبقولك يا سطام انك دمرتني ودمرت نفسك ما
انقذتنا وانتظر المصيبه اللي بتصير
وقفت وراحت وتركته وهي تبكي بانهيار وسطام
اللي ضاق صدره وجلس وهو مايدري وش يسوي
سمع مصعب : يقول : سطام فيك شي
سطام : لا
مصعب : من هاذي اللي طلعت تبكي
سطام ما يدري وش يسوي بس وقفه صوت السيارات
اللي كانت مسرعه ووقف سطام برعب وهو يقول : وصلت المصيبه وصلت
مصعب : سطام بسم لله وش فيك
سطام عطى الجوال لمصعب : ارسل لرقم ناجي
قله سطام يقول افزع الفاس طاح بالراس
مصعب كان مصدوم ولا فهم شي وارسل وراح يركض
ورا سطام اللي كان يركض و وجهه اسود حرفياً
انفجعوا كلهم ووقفوا سطام بنص المجلس والكل
موجود فيه وقال : من اللي قلبه على قلبي
فزوا كلهم وقال مازن : سطام وش فيك
صقر اللي قرب وهو يشد على كتف سطام : ارم
همك علي وانساه
الكل اجتمعوا حول سطام وقال سطام وهو يإشر
على الباب وصوت الشرطه : اهل دانه برا
٠
٠
عند ناجي اللي فز اول ما وصلته الرساله
وهو اللي كان بيقول لسطام انه موافق وركض وهو يركب سيارته متجه لمزرعه سطام
٠
وفي طرف ثاني وقفوا فهد وابوه لما شافو
سيارات الشرطه وسيارات ثانيه
ابو فهد : فهد وش فيه
فهد : مدري يبه
ابو فهد : لا يكون صاير شي بس
فهد اللي كان تفكيره مع صقر لا يكون سوا
لسطام شي وقف وهو خايف يروح او يرجع
٠
و عند البنات اللي فزعوا لما دخلت دانه
تبكي بإنهيار وركضت لها العنود :دانه وش حصل
دانه بكت وهي تقول : سطام جاب الموت لراسه
شهقوا كلهم واجتمعوا عليها وهم يحاولون
يفهمون وش صار بس قطع عليه صوت الشرطه وركضت دانه وهي تدخل وتقفل الباب برعب وخوف ومحد
قدر يطلعها
٠
وعند سطام اللي سمع الباب يدق مسح وجهه
وهو ما يدري وش ينتظره فتح الباب وجمدت يده على الباب اول ما شاف ابو دانه وسعيد ما
قدر حتى يرمش وكانت الصدمه نفسها الصدمه على ابو دانه اللي لا شعوريا قال : انت سطام
صح
سعيد : لا مب هو اصلا وش يجيب دانه عنده
تداخلت اصواتهم ولا احد قدر يسكتهم الا
صقر اللي تدخل وهو يقول : خير يا جماعه خير وحدوا الصوت نبي نفهم
الضابط : الشخص اللي اسمه سطام قدم عندنا
بلاغ اليوم وقال انه عندكم بنت مفقوده من تقريبا 4 شهور
صقر لف على سطام باستغراب وارتباك : سطام
انت معنا
ما كان سطام ابد يسمع وش يقولون وهو عيونه
معلقه بعيون ( ابو دانه )
وتقدم الجد وهو يقول : انتم وش تسوون هنا
صقر : تعرفهم يبه سطام تعرفهم
سطام اللي لا شعوريا شد على يد صقر وهو
يقول : هذا اا ا ... خالي يا صقر
الضابط ناظره باستغراب : شلون يعني
ابو دانه اللي ارتخى وجهه بضيق وصدمه ورعب
وكلها تجمعت في صدر سطام اللي كان خايف من اللي بيقوله خاله
سعيد اللي اسرع وهو يمسك ياقة سطام بس بعده
صقر ومازن بسرعه ودفوه ومسكوه الشرطه
سعيد بصراخ: وش جاب دانه عنده وش جابها
اكيد هربت له بنت ***** كنت ادري انها واطيه وطاحت على واحد سافل زيها كنت عارف ادري
ما اختفت الا في طريق وصخ زيها
٠
وعند دانه اللي كانت تبكي بإنهيار وهي خايفه
من المصايب واولهم سطام الكل اذا عرفوا ان دانه هي نفسها خطيبه سطام وبنت خاله كانت
عنود كثير تقولها انا اعرفك احس وجهك مو غريب
بكت وهي ما تدري وين تروح غير انها فتحت
الشباك وانطلقت تركض وهي ما تدري وين بتروح
٠
وبرا الكل كان مصدوم وسطام اللي شحب وجهه
زياده ومصعب سانده والكلام بدا يطلع والكل بدا يستغرب والكل يتكلم وابو دانه جامد بجمود
سطام بس تكلم وكسر الصمت وهو يقول : وش جاب دانه عندك يا سطام كيف تعيش عندك كل هالمده
وش جابها لك
الجد : يا ابو دانه اجلس وخلنا نفهمك السالفه
لا تفهم الموضوع غلط
ابو مازن : يا ابو دانه لا يلعب عليك ابليس
سعيد : لا تجلس ياعمي عند الناس اللي لعبوا
في شرفك
الضابط : خذوه لسياره وسكروا فمه لا اسمع صوته
سحبوا سعيد اللي يصارخ وقال ابو دانه :
تكلم يا سطام
سطام بطبيعة الحال صدمته ما هي طبيعيه البنت
اللي يحبها جنبه من شهور وما درا بها بس اللي ما استوعبه كيف دانه تغيرت كذا
صقر خبط كتف سطام عشان يطلعه من الصدمه
: سطااام تكلم
رجع سطام على صوت صقر وهو يناظر خاله اللي تغير كثير رجعت تنرسم ملامح
دانه قدامه كيف انعمى عنها كيف تغيرت كذا وكيف ما قلبه فز وكيف ما دقق فيها تكلم بهدوء
وهو بالقوه صوته يطلع : تعال ياخالي بكلمك على انفراد
ابو دانه بغضب : اول شي تشرح لي
اخذ سطااام نفس عميق وقال : طيب اجلس اقل
شي
جلسوا الا سطام اللي كان يحس رجوله متجبصه
مو قادر يجلس : طلعت قبل تقريبا ٥ شهور كنت طالع قبل الفجر عندي شغل لازم الفجر اكون
فيه ولما ادركتني الصلاة نزلت اصلي قريب الخط
وبعد ما انتهيت شفت بنت طايحه ولا فكرت من تكون نقلتها بسرعه لسياره لكن ماقدرت اخذها
للمستشفى ... وكمل يسرد القصه مثل ماصارت وبأتسثناء اللي صار له والاغتصاب وانتهى من
كلامه وهو يقول ...: انا كنت مسؤول عنها عشان كذا رفضت احد يبلغ عنها غيري وبعد ما
طلعت هويتي واثبتها جيت وبلغت
ابو دانه : بتقنعني انك ما عرفتها وبتقنعني
انها ماعرفتك
سطام : ما شفتها عشان اعرفها كانت امانه
برقبتي ولا افكر اناظرها ولا ادقق فيها اذا كانت دانه او غيره اصلا حتى اسمها عرفناه
من سواره بيدها وهي اصلا فاقده الذاكره
ابو دانه وقف وهو مصدق ولا هو مصدق : نادها
بشوفها
راح سطام وهو شايل هم كاسر ظهره قابلته
عنود اللي تركض وتبكي : دانه هربت
انصعق سطام وهي يقول : كيف وين
عنود : طلعت من الشباك محد شافها ولا حصلتها
تركها سطام وركض بكل قوته وهو يحس انه في
أي لحظه بيطيح من طوله كان يدور حوالين المزرعه برعب وخوف كان يحس انه قدر يفهم خاله
لا تخرب دانه كل شي بهروبها .
٠
عند دانه اللي كانت تركض وهي منهاره بين
المزارع ما تدري وين تروح كانت تدخل وتطلع من بين المزارع وهي قلبها يدق بخوف ورعب
انهلكت وطاحت على رجلها وكانت تحاول تقوم ولا تقدر ماقدرت تركض بس كانت تمشي بهروله
٠
اما سطام اللي كان يركض ولحقه مازن اللي
قالت له عنود وقف لما سمع صوت بكي ولف وهو يقول : مازن روح من هنا وانا بروح من هنا
ركض بسرعه لصوت وخاب امله لما شافه طفل
يبكي مع امه ولكن لف بأمل لما سمع صوت مازن يقول : سطام اركض
ركض لمازن وشاف دانه اللي تقوم وتطيح وتبكي
وركض وهو يقول : داااانه داااانه انتظري دااانه انتظري .
وصل عندها بعد ما انهد حيله سحبها وطاحت
وهي تبكي : ليش يا سطام سويت كذا ليش
سطام : دمرتينا يا دانه دمرتينا ليه ما
قلتي انك انتي نفسها
دانه وهي تسحب نفسها: سطام تكفى خلني اروح
والله ابوي بيذبحني وسعيد بعد
سطام ثبتها وهو يوقف ويوقفها : والله اللي
جابك لي ما ياخذونك
اخذها معه وهو يسمع بكاها وصل للمزرعه بتعب
ولف وهو يقول : عنود جيبي عبايه جديده
ولف لدانه : اسمعيني انسي كل شي وركزي على
اللي بقوله ... ابتدا يشرح لها القصه اللي قالها لهم وقال : انتي ماعرفتيني وانا ما
عرفتك وغير هذا مافيه حاولي تثبتين وبيني لهم انك مازلتي فاقده الذاكره واتركي الباقي
علي
دانه : سطام انا خايفه
سطام : الله معنا لا تخافين
جات عنود وساعدت دانه تلبس وتقدم سطام ودانه
وراه والكل ينتظر كانت رجفه دانه واضحه مثل الشمس ورعب سطام واضح وقف سطام وهو يقول
: خلو لنا المجلس يا جماعه
طلعوا الكل ومابقى الا دانه وسطام وابوها
ابو دانه :دانوه
دانه رفعت راسها بخوف
سطام : عمي مالها داعي الصراخ البنت ما
تذكر الا تفاصيل مشوشه
ابو دانه : انت اطلع واتركنا
سطام : مقدر اطلع هالبنت في رقبتي
ابو دانه : بنتي !! تراها
سطام : ادري بس انا اعرفك بتصعب الامور
ابو دانه : لا حول ولا قوة الا بالله قولي
لي وش تتذكرين
قالت دانه كل شي قاله لها سطام وهي تتصرف
وكأنها ما تعرفه
ابو دانه : سطام جيب اغراض دانه بترجع معي
سطام هنا توتر: خالي انتظر اقل شي ترجع ذاكرتها
ابو دانه : سطام هي بترجع لاهلها اكيد بتتذكر
سطام اتجه له وهو يحاول يكسب اخر فرصه في
يده : خالي اذا باقي لي في قلبك معزه ولو شوي تصبر اقل شي سعيد هذا اللي برا نفتك منه
وبعدين احمد ربك بنتك طاحت في يد ولد اختك وحفظها وصانها
ارتخى ابو دانه اللي كان فعلا يحب سطام
ولكن بعد ما مرض قالو سطام هو اللي ترك دانه واختفى حس انه شال بقلبه عليه وقال : مستحيل
اخلي بنتي عند واحد اول ما فقدت سندها تركها
اتسعت عيون سطام بصدمه : كيف تقول هذا الكلام
يا خال متى تركتكم ومتى صار هالحكي انتم اللي ارسلتوا المراسيل واجبرتوني اني اترك
دانه غصب علي .
ابو دانه : مراسيل وش تقول انت
سطام هنا خلاص جلس بصدمه : خالي انت ارسلت
سعيد ومعه نفس الشيخ وقلت له قل لسطام يترك دانه انا ماني مسؤول عن شخص ماله هويه وليته
بس كذا لا بالاجبار لما رفضت
ابو دانه جلس وهو يقول : اشرح لي اللي صار
بالتفصيل
ابتدا سطام يشرح كل شي لخاله وخاله في صدمه
سطام : قولي يا خال ان كل اللي صار لعبه
تكفى
ابو دانه : انا ما ارسلت احد ابد انا تعبت
وطحت مريض وارسلت سعيد يناديك لي ابيك عندي لكنه رجع لي وهو يقول انك تقول مابي منكم
شي واتركوني في حالي بنتكم عندكم وانا مابيها
مسك سطام راسه بصدمه من لعبة سعيد العلنيه
وكيف لعبها عليهم كلهم
وقف سطام بغضب وهو: كذاب وابن سته وستين
كذاب
طلع سطام بغضب والكل وقف بخوف وشافوا الشرطه
اللي شافت ان الوضع عايلي ونزلت سعيد وراحت وكان صقر واقف لسعيد وكأنه لقى احد يحط
راسه براسه ويوقفه عند حده
سطام اللي احتدت نظرته وهجم على سعيد وهو
ناوي يطلع الاولي والتالي بيطلع حرة السنين كلها فيه واللي صار بدانه واللي صار فيه
واللي صار بالكل
صقر اللي شاف من انفعال سطام ان سعيد مسوي
شي قوي ووقف وهو يرجعهم لا يبعدون سطام وكان قادر انه يوقف الكل بعيد عند سطام
وبعد ما قضى سطام على سعيد تماماً ورماه
وهو ما ينشاف وجهه صح سطام تضرر شوي بس ماكان هامه
ابتعد وهو يقول بصراخ انسان فاقد عقله من
اللي قاعد يصير له : اشهدوا كلكم ان دانه ما تطلع من ذا البيت الا بأمرين : يا على
جثتي والا على ذمتي
٠
دانه اللي كانت تسمع الحقايق تنشرح قدامها
بالتفاصيل وهي اللي من اول متاكدة ان سطام مستحيل يخليها مستحيل لكن يحق له ما يعرفها
وهي اللي تبدلت عيشتها وحالتها من يوم طاح ابوها وصار سعيد هو اللي متحكم بعقله وتصرفات
ابوها وكل شي يخصه ذبلت تغير شكلها كبرت من همها ولكن ما نست سطام تزلزلت الارض فيها
وهي تسمع سطام يصرح بكل صوته والكل واقفين يسمعونه بذهول وكان فعلاً سطام وقتها ما
همه وحرفياً صار ما يفرق معه اي احد بالدنيا غير انه يستقر بحياته مع دانه اللي ضيعها
سنين ورجعتها له الصدفه والاقدار ماعاد يهمه وش بيصير ولا عاد يهمه رضى احد وزعله لانه
اكتفى بالمصايب اللي تحذف عليه وعلى دانه معاه
٠
صقر اللي كان واقف وبجنب سطام وهو صح بينهم
شوشره بس لو يتضرر اظفر سطام يقوم الدنيا صقر
مازن اللي كان مصدوم من الحقايق لكن كان
ينتظر من سطام هالانتفاضه
مصعب اللي مايدري وش صاير بس من وضع سطام
عرف ان سطام تحت ظلم عظيم
الجد اللي كان منهار مايدري وش يسوي عشان
يحمي سطام من المصايب ومن حظه السيء
الكل كان يفكر والكل كان مصدوم والكل كان
مذهول من هالصدفة اللي جمعتهم بلا ميعاد
٠
وقف ابو دانه وهو يشوف اصرار سطام ولد اخته
اللي يعرفه بعكس سعيد الكلب اللي كان مرمي بالارض وتقدم وهو يحضن سطام بقوته ويشد عليه
: ايه هذا سطام وايه هذا كلامه وايه هذا ولد اختي وعضيدي وسندي دانه لك وما يحتاج اخاف
على الدانه من بحارها
شد سطام عليه وهو في نفسه وده يصرخ بكل
صوته يحس شي داخله ما يدري كيف يشتته
الكل ابتسم وهم يباركون لسطام ولكن سطام
لف لصقر وقال : طلع هالكلب برا ياصقر
تركهم واتجه لدانه اللي منهاره بالمجلس
وهو مايدري وشلون يبدا لكن اول شي قاله قال : قومي سلمي على ابوك وادخلي وانا بروح
اجيب امك واختك دانه : سطام لا تروح وتخليني
لحالي
سطام وعيونه من الفرحه تبتسم :لا تخافين
انتهى كابوس سعيد وقسوة ابوك انتهت قومي معي سلمي عليه وادخلي وانا ظرف ساعه واكون
هنا
طلعت دانه ورا سطام وقرب ابوها وهو يحضنها ويسلم عليها بحراره
وراح سطام لمازن : تعال معي بنجيب اهل دانه
مازن : ابشر
سطام لف على مصعب : سطام انتبه على الوضع
وخلك قريب دانه
مصعب : ابشر بس واحد اسمه ناجي عند الباب
اخذ نفس سطام وقال : نايف روح لناجي وقله
سطام يقول يروح وانا بجي له وافهمه
ورجع لمصعب وهو يقول : خذ العنود معك وخلها
تنتبه على دانه من الكل
مصعب : ابشر
طلع سطام بعد ما اخذ العنوان من خاله كان
مستند على الباب ومازن يسوق ونايف معه
لكن كان يحاول يستوعب اللي صار
ضحك نايف وهو يدق كتف سطام : تقول حظي ما
يقوم هذا هو قام وسوا معجزه
ضحك سطام وهو يقول : وربك ماني مصدق
مازن : هههههه صدق صدق ياخي وش ذا الحركات خطبه علنيه ودفاع وتكفيخ وش ذا الافلام
نايف : بس والله صدمني صقر
سطام وهو يناظر المرايه بشرود : هذا هو
صقر الحقيقي بدون تزييف تعتمد عليه بأصعب المواقف مهما كان مستفز
مازن : يعني صادق صقر مب سيء بس حياته حكمت
عليه
.
عند دانه اللي طلعت وهي ما تدري كيف تواجهم
بس قررت انها تمثل انها باقي فاقده الذاكره
ركضت لها عايشه وهي تقول : لا يالخبيثه
عايشه معنا ٤ شهور ما قلتي انك خطيبة سطام
العنود اللي جت وبعدت عايشه بقوه: ابعدي
عنها البنت ما تتذكر اهلها تبينها تذكر سطام وخري بس
اخذتها ودخلتها الغرفه ودانه جلست وهي تحس
برجفه
العنود : كنت احس اني اعرفك والله
حضنتها عنود وهي تقول : ابركها واسعدها
صدف جمعتكم يا دانه
دانه : عنود بقولك شي
عنود : قولي
دانه : انا اصلا رجعت لي ذاكرتي من فتره
بس خفت على سطام من سعيد عشان كذا سكت وطلبت من سطام ياخذني دار الرعايه ورفض
العنود بصدمه: وسطام يدري انك انتي نفسها
خطيبته
دانه : لا بس يدري اني رجعت لي الذاكره
العنود : اهم شي ربي جمعكم الباقي اتركيه
ابتسمت دانه بفرحه وهي ما توقعت بتوصل للاحداث
هاذي دخلوا كل البنات بفرح وهم يحضنون دانه بفرح بعد ما عرفوا القصه من شريفه اللي
قالها الجد
وجات جوري وهي تحط سند الصغير بحضن العنود
: مصعب اتصل علي يقول خلي عنود تجي وخذي له سند بطريقك
عنود اللي عطتها نظره قويه ورجعت لها سند
: روحي خذيه انتي
جوري : يقول سطام قاله يوصلك شي
وقفت عنود واخذت سند بغضب واتجهت له
ورجعوا البنات وهم يسمعون هديل تقول : ياخي
قصتكم بطله كيف كذا سطام ماعرفك
ناديه : انا ما ألومه تغيرتي كثير يا دانه
صح نحفتي وتغيرت ملامحك بس والله باقي جميله
ساره : ياربي لك الحمد اللي شفت سطام فرحان
يعني الحين بيصير عندنا ٤ زواجات
هيفاء : ماشاء الله وش ذا الحماس العائلي
نزلت دانه راسها بفرحه تحتويها خجل واسماء
اللي تناظرها بحب وهي تتمنى لها حياه حلوه
٠
عند عنود اللي طلعت وهي تدور بعيونها على
مصعب اللي جاء من وراها واخذ سند من بين يديها وقال قبل تنفجع : بسم لله عليك اذا خفتي
عنود عصبت وهي كلمته هاذي تستفزها : بتقول
وش قصدك بها والا كيف
مصعب مارد وهو يبوس بحب ويحضنه: ابد سطام
يقولك انتبهي على دانه ولا تخلين احد يضايقها واي شي يصير قولي لي انا يا مصعب العنود بنظرات مستفزه : ههه والله لو قايل صقر افود
على الاقل صقر يواجه ما يهرب .
مصعب اللي كان يدري انها بتستفزه بكل شي
تسويه عشان كذا مريح باله على الاخر ضحك وهو يرجع يبوس سند : ابشري بوصل لسطام رايك
ابتعد وهو يلعب مع ولده وجلس قريب واما
عنود اللي كانت مقهوره منه ومن بروده المستفز راحت وتركته
٠
اما عند سطام اللي وصل العنوان نزل وهو
يدق الباب وانفتح وسمع ديمه تقول : ميييين
سطام : نادلي لي امك
ديمه: مين انت
سطام : قولي لامك مرسول لها من ابو دانه
ديمه سكرت وراحت وهي تقول : يمه في واحد
يبيك
ام دانه : بسم لله لايكون بنتي فيها شي
ديمه : الله يستر
طلعت ام دانه وتعكر وجهها اول ماشافت سطام
: انت وش بغيت
سطام اللي كان ما يطيقها ويدري بها ما تبيه
بس عشان دانه ساكت : خالي يقول تعالي انتي وديمه معي
ديمه بحده : وش نبي فيك
سطام من دون ما يتكلم رفع الجوال ودق على
خاله اللي حسم الامر وقالهم يجيون وهم ساكتين
وقفت ديمه عند باب السياره : بالله وشلون
بنركب والكائن هذا موجود
طارت عيون نايف وهو يناظرها بإستحقار ولكن
سطام اللي اسرع وهو يقول : نايف تعال قدام وانا بركب ورا مع ام دانه وديمه في الشنطه
ديمه : خير ان شاء الله وشو اللي في الشنطه
شايفني بهيمه
نايف : رحم الله مرء عرف قدر نفسه
ديمه : احترم نفسك انت احسن لك
سطام : ناااايف خلصنا وانتي مالك مكان الا
بالشنطة واختاري يا تركبين وانتي ساكته والا ادق على خالي ركبوا مع سطام وهم كارهينه بس ما اهتم لهم سطام
ابد
٠
وعند صقر اللي ما سكت ابد على غدرة سعيد
في سطام ابد وصل لخرابته وهو ينزل صرخ على اصحابه وهو يقول : تعالوا نزلو الكلب
مسفر : ضحيه جديده
صقر ابتسم وهو يقول : خذوه هو لكم لا تخلون
في خاطركم من التعذيب والاهانه شي وتعرفون وش عقاب اللي يغدر
مسفر اللي كان مرعب ومجرم اكثر من صقر
: لا تخاف ناخذه لحم ونرميه عظم
سامح المرعب الثاني: انا اقول نرميه جثه
صقر رفع يده وهو يركب سيارته : اللي يجوز
لكم ولا تنسوني من التوثيق
تحرك وهو يطلع من خرابة مجرمين مدمين وحالتهم
حاله متجه للمزرعه
٠
وعند البنات اللي كانوا ينتظرون سطام وهم
يبون يشوفون فرحته بعيونه وماهي الا ساعه ودخل سطام ونزل ووقف قدام ام دانه وهو يقول
:خالي ينتظرك هناك نايف وصلهم
نايف : انااااا
سطام : نايف
مشى نايف وهو وده يفقع وجه ديمه
واتجه سطام للبيت وقابلته ساره اللي حضنته
وهي تقول : الحمدلله اللي رد لك فرحتك
حضنها سطام وهو مبتسم : ما بعد الصبر الا
الفرج
عنود اللي قربت وهي تبتسم له وتهمس بإذنه
: بغيت تطير دانتك من يدك
خبط سطام على كتفها وهو يضحك وابتدوء يتجمعون
عليه يباركون له وهو بس يبي يوصل لدانه وقفته شريفه :وين بتروح
سطام : بكلم دانه
دخل وهو يشوفها جالسه بغطاها وواضح بكاها
ماعرف وش يقول الا انه يقول : امك برا
فزت دانه وهي تشهق : اكيد هي معصبه بعد
سطام : مدري عنها بس ابيك تكونين هاديه
ولا تخافين محد بيسوي لك شي جهزي نفسك وخليك تمثلين انك ما تعرفينهم للحين
دانه : سطام انتبه من سعيد
سطام : ما عليك المهم محد ضايقك من اهلي
دانه : لا ولا يهمني
سطام : زين خليك كذا
دانه بتردد : سطام
لف سطام : امري
دانه: اخاف يعرفون اهلي باللي صار
سطام من باب انه يبي يريحها ويخليها تنسى
الماضي : وش صار لك ! غير انك رجعتي لي
دانه فرحت لكن رجعت تقول بضيق : اخاف يودوني
المستشفى
سطام : لا تخافين ماراح اعطي احد فرصه بحل
الامور بسرعه وتنتهي ولا تخافين سرك في بير
طلع وهو يتركها تتجهز وشاف جميله جايه وراها
ام دانه وديمه اللي شبه يركضون ودخلوا لدانه اللي كان ودها تحضن امها بفرح بس عشان
تحمي نفسها مازالت تمثل انها ما تعرفهم
ام دانه : يمه دانه بنتي وش فيك ليه ما
تردين علي
ديمه : لا يكون سطام هذا مسوي لك شي
العنود بحده : انتي هيه احترمي نفسك واحمدي
ربك انها جت بيد سطام اللي كان محافظ عليها حتى من الهوا الطاير واحترمي نفسك ودانه
فاقده ذاكرتها ماراح تعرفكم
ام دانه رجعت وهي تحضنها : بسم الله عليك
يا يمه بسم لله عليك يا بنتي انا امك يا دانه
دانه كانت تناظرها ببكى والكل حزين على
حالتها .
.
ومر الوقت وسطام رايح جاي يسأل عن وضع دانه
واخر شي رمت العنود الفنجان من يدها وهي تصرخ : خلاااص سطام خلااص وش فيك انهبلت كذا
اثقل ياخي نقولك بخير وجالسه وهالسلقه اختها خلاص
سطام : انا اقول ما ضغطوا عليها
ساره : لا عنود واقفه لهم
سطام : والله تشكرين يالعنود
العنود : عشان كذا خلني اكمل جميلي والا
ترا بانفجر وافجر في دانه معي
هديل : الحين سطام انت صدق ما كنت تدري
انها دانه يعني اذكر اكثر من مره شفت دانه يعني ما عرفتها
سطام : والله انا للحين مدري
جوري : تسمح لي ابرر لك
العنود : يوه جت فيلسوفة الحب والصدف
سطام : والله اني غاسل يدي منك ومن مازن
بس قولي نسمع لك
جوري : بنسى الطقطقه علي وبقولكم عشانك
كنت حاط في مخك وقلبك صورة دانه القديمه ومخلص لها ما قدرت عينك تشوف غيرها حتى يوم
تغيرت ما انتبهت لانك تبي نفس الشخص اللي عينك عليه ومتعود عليه ومن طرف ثاني هذا يدل
يدل ان نيتك صافيه ومعتبر دانه هاذي امانه حتى على نفسك
سطام وهو رافع حاجبه:والله يجي منك صراحه
اقتنعت
العنود :وانا بعد
مازن اللي كان جاي ومعاه القهوه وواقف برا:
وانا بعد يا لبى وش ذا الفلسفه الخطيره
جوري اللي فزت وحمرت وضحك سطام وهو يقول
: يا ليل الله لا يعطي العدو خير يوم زوجناكم بعض
مازن : ادخل
سطام: تعال
دخل مازن وهو يحط القهوه وقال بمزح: صح
انك قصيره وان عقلك هه هه مدري كيف بس يطلع منك
جوري : انت وبعدين معك معجبك طولك اللي
كأنك إنارة شارع
مازن بصدمه : افااا إنارة مره وحده
سطام:ههههههه يوه يا مازن طقطقت عليك رايح
جاي
مازن : ياخي خلها خلها تنرحم المسكينه توها
تستجمع قواها
هديل : اقول والله ان ما رديت عليها انك
اهبل بجميع ما سبق
جوري : يعني باقي شاكين !!!
سطام: الثانيه يا مازن
مازن اللي انقهر وقال : خلوها تستانس ماشا
( شخصية كرتونيه ابحثوا عنها اذا ما تعرفونها )
شهقت جوري وسط ضحك الكل : وش قصدك
مازن وهو منحاش : اقصد طال عمرك انك 1٪
جسم 99% لسان وعيون
هنا انهاروا الكل من الضحك وانحاش مازن
وجوري اللي عصبت وهي تحلف فيه .
.
اتجهوا الشباب للمجلس وكان سطام على الباب
وقال خاله بود : تعال يا سطام تعال جنبي خلني اشبع منك
ابتسم سطام وهو يجلس بجنبه وقال نايف بمزح
:يارب اذا كان حظي بينام مثل حظ سطام ويصحى يلقى خطيبته عنده ويتراضى هو وخاله وتطلع
هويته والدنيا تضحك يارب نوم حظي
مصعب : هههههه ما شفت احد يتحلطم كثرك
نايف : ياربي ان كان حظي بيصير مثل حظ مصعب
واخذ مثل عنود يارب جعل حظي يموت مره وحده
الكل :هههههه
مازن : هين الله لقول لها والله لخليها
تدفنك
سطام : انت انقذ نفسك وبعدين نتفاهم
دخل صقر وهو يقول : سلام عليكم
الكل : وعليكم السلام
سطام وقف واتجهه له : وين وديت سعيد
صقر: لبيتهم
سطام : وشو له ما خليته يتعفن
صقر: خلاص اخذ درسه ولا تخاف ماراح يطلع
بحياتك ابد
جلس سطام وهو مبتسم لصقر اللي فعلا اثبت
وجوده رغم المصاعب
الجد : الحين دام الله جمعنا ورجعت المياه
لمجاريها ليه ما نسوي زواج سطام مع الشباب بعد شهر
سطام : مالك لوى يا جدي بس انا اعتذر
ابو مازن : ليه ياسطام
سطام : انا والله مابي احرم احد من فرحته
والشباب اكيد يبون يفرحون امهاتهم فيهم وانا خاطر لفارس ما راح اسوي زواج كبير وفيه
حفل بختصر زواجي بعشاء عايلي بينا وبأسرع ما يمكن بعد اذن خالي واذنكم
ابو مازن : الحين قضينا من مازن جيت انت
سطام: الله يخليك لا احد يضغط علي ضيعت
من عمري كثير ومابي احير خالي بعد
ابو دانه : بس يا سطام الحين وش بيقولون
الناس
سطام : ما علينا من الناس يا خالي وصلنا
لذا المرحله من ورا الناس لين هنا وكفايه
الجد : طيب كلم دانه وشوف وش تقول
سطام : اكيد
ابتدوا يتفقون على المهر وعلى الزواج والكل
فرحان لسطام ويدرون انه من فرحته بيجتمع في دانه ما يهمه حفل وزواج
٠
وبعد العشاء اصر سطام على خاله ينامون عنده
وطبعا المزرعه كانت مليانه ناس وزحمه وبعد الهدوء وبعد ما ناموا الكل انسحب سطام من
فراشه وهو يتجه لشباك غرفة دانه فتحها بهدوء وهو يشوف امها عندها واختها
كتم نفسه بضيق لكن انتبه لدانه اللي صحت
وهي مصدومه من وجوده اشر لها تجي وانسحب بسرعه وقف وهو يساعدها تنزل من الشباك وسكرها
وهو يتجه بعيد
دانه : وش جابك ..
ابتسم سطام وهو ياخذ نفس : جيت ابي افتح
عمى عيوني
دانه انحرجت وهي اول مره تشوف سطام بذا
الفرحه
سطام : اول شي بسأله ومن وين حصلتي ذا الاسواره
كيف وصلت لك
دانه ناظرت يدها وحضنتها : تتذكر هذاك صاحب
الذهب اللي كنا نروح له مع ابوي اللي كان يعرفك
سطام : ايه
دانه :بعد ما حصل اللي حصل وانفصلنا رحت
مع امي عشان نبيع كل الذهب اللي جبتوه لي طبعا بإراده من امي وبعد ما لهت امي قال لي
صاحب المحل انك سويت عنده سواره بس رجعت بعتها وكانت بأسمي وطلبت من امي تشتريها لي
وطبعا وافقت عشان تنسيني اياك ما عرفت انها بتأسرني بها معك
سطام : يالله والله اني بعتها وخاطري فيها
لك ولا توقعت انها بتوصلك
دانه : وصلت فالنهايه
سطام : المهم انا كلمت خالي زواجنا بعد
اسبوع
دانه رفعت راسها بقوه : بذا السرعه
سطام : ماعندي وقت اضيعه ولا ابي اطول في
ذا السوالف وبيكون مختصر ادري بيضيق صدرك ما فرحتي بعرسك بس مالي خاطر اسوي زواج وفارس
باقي ما عرفت قاتله ولا ابي انتظر بعدك زياده
دانه ابتسمت : اللي تبيه يصير
سطام : اصلا بيجلسون اهلك هنا طول الاسبوع
دانه : بس امي بترفض
سطام : اذا رفضها عشاني بطلع انا لمزرعة
فارس وبعطيكم المهر وانتم تصرفوا وطبعا العنود بتكون معك
دانه اللي كانت تراقبه بحب لكل تصرفاته
اللي تجبر الخاطر شافته وهو يصد: كيف امك ما ضغطت عليك هي واختك الملسونه
دانه ابتسمت : لا طبعا لاني فاقده الذاكره
وعنود ما تقصر
ابتسم سطام: زين خليك كذا وبعد الزواج بنقول
انك تذكرتي
دانه : طيب
سطام : يلا ارجعي قبل يفقدونك
ساعدها سطام ترجع ورجع هو لفراشه ونام براحه
مفارقته سنين
وطبعا دانه بنفس فرحته واكثر بس مو قادره
تسوي شي تعبر فيه
٠
وعند صقر اللي اتجه لغرفته وهو يحس انه
اليوم قدر يثبت لسطام اشياء كثير دخل وهو ما يبي يشعل النور ويصحي اسماء اللي متاكد
انها نايمه لكن شافها جالسه وهي تنتظره وقفت وهي متجهه له تساعده
صقر : مانمتي !!
اسماء : لا انتظرك تجي تاخرت مو بالعاده
صقر اللي ما توقع تقبلها له بذا السرعه
بس ما فكر وهو يقول : كان عندي شغل
رجعت اسماء ببيجامه جديده وهي تعطيه : ما
تعبت ان شاء الله
صقر مازال في ذهول :شوي
ابتسمت اسماء وهي تحاول تكافح وتبني حياتها
من حطام صقر اللي كان مفتون ببتسامتها ووقفها وهو يقول : كيف وضع دانه اليوم
اسماء اللي جلست بعمد قباله ومسكت يده وهي
تشرح له تفاصيل اللي صار وصقر اللي ما سمع شي ابد وعينه على يدها وانطلاقتها وضحكتها
وهنا دب الخوف في قلب صقر للمره الأولى .
.
مر الاسبوع بحماس الكل وسطام اللي انتقل
من اليوم الثاني لمزرعه فارس اللي ماكان مرتاح فيها كثير بسبب خيالاته في فارس وصاروا
العيال يروحون ويجون عليه وكان وجود سطام في المزرعة اكبر تسلية لمؤمن اللي كان ينتظر
تاريخ عودته لديرته
ودانه اللي كانت تتجهز بأبسط الاشياء بسبب
قرارات امها اللي كان زواج دانه من سطام ما يرضيها
(((في يوم زواج سطام )))
في طرف المزرعه كانت عنود واقفه وهي تنتظر
وتكتفت اول ما شافت مصعب متقدم وهو مبتسم كعادته
مصعب : سلام
العنود : وعليكم السلام
مصعب جلس : امري يقولون تبيني
العنود اخذت نفس : ايه في شغله يعني محد
يقدر يسويها غيرك يعني مازن ما يعتمد عليه كل شي يقوله لسطام وانا محتاجه اخلص هالشغله
وسطام ما يدري
مصعب قطب حواجبه : وش ذا الشغله اللي مخبيتها العنود على سطام
العنود جلست وهي تقول : اسمع ابي منك تجيب
لي حريم حجزتهم عشان اليوم بس ما يدلون الطريق ويبون احد يوصلهم ويدفع حقهم
مصعب : حريم ايش اشرحي بالتفاصيل عشان افهم
العنود اللي كانت ماهي طايقته بس عشان تخلص
امورها : شوف انا حجزت ميكب ارتست وطاقمها ومصوره بعد وحجزت كمان فستان لدانه كهديه
مني وابي اجيبها بس مابي سطام يدري لانه ابيها له مفاجاءه هو ودانه
مصعب : هالاشياء مو المفروض دانه مخلصتها
وبعدين وش دخل سطام فيها
العنود بقل صبر :ام دانه هالزفت ما جهزتها
كويس يعني اعتبرتها تمشية حال واغلب مهر سطام اللي اعطاه دانه جابت فيه خرابيط لهم
ودانه مسكينه مو قادرة حتى ترد وطبعا قالت لها زواج عائلي تجهزي بالبيت والبسي لبس
عادي يعني كنها طالعه زواج عادي مو زواجها اتمنى انك فهمت مدى حساسية الموضوع
مصعب اللي كان يدري ان اصعب شي ان الانسانه
ماتتجهز لزواجها وانها تكون بسيطه بس قال وهو يبي عنود تشرح : يعني احس عادي
العنود فقدت صبرها : شلون عادي يا انسان
كيف تبيها تكون عروسه كذا كيف بتتجهز للانسان اللي تحبه ويحبها بذا المنظر وكأنها مغصوبه
عليه
ابتسم مصعب : خلاص وصلت المهم وين عنوانهم
وكم فلوسهم وش طريقتهم
عنود : برسلك تفاصيلهم واتس وكل شي حتى
اللوكيشن بس انتظر اعطيك الفلوس
مصعب : فلوس ايش يا ينت الناس خلي فلوسك
لك
العنود اللي تكره ذا الحركه : مستحيل ما
راح تاخذ الفلوس ما راح اطلبك وانتهينا
مصعب اللي عارف انها مضطره له : بكيفك والله
ما اخذ هالفلوس وبراحتك انا ما راح يضرني شي
العنود اللي رجعت بغضب : اذا بتسوي حركتك
هاذي عشان تذلني ..
#يـــــتـــــــبــــــــــع...
في الحلقة القادمة
ليست هناك تعليقات:
إرسال تعليق