رواية تعبت انتظر الى متى هذا الصمت : الفصل الثاني للكاتبة :هيون

 

📖 روايـــــــــــــة

{  تعبت أنتظر إلى متى هذا الصمت }

2

 

عند رتيـل تناظر ( اوه يا عمري مسكين شكل ابوه غــاصبـه على بنت عمه رحمته)

رعـد اتصل على ابو فياض : الو اجل لاعب برأس ابوي يـا كلــب

أبو فيـاض بعدم اهتمـام : الملكـة بعد شهرين المهم جهز نفسـك وآح٥ترم خـالك ..

رعـد بحده : ماراح امشيها لـم صبر علــي الى الحين ماعرفـت من رعــد

أبو فياض بكبرياء : وانت ماتعرفني الى الحين اسوي اشي اخليـك تنصرع منها وتنجلط بعد

رعـد عصب بحده خوفت رتيل وخلتها تتوتر : يــاواطي تهددني  شوف لا تخليني اطلع حرتي في بنتـك اللي راميها علي

أبو فياض بعدم اهتمام : بكيفيك سلام

رعد معصب ومنقهر من ابوه : حسبي الله لا احسـاس ولا ضمير

رتيـل كانت تسمع وتحس متوتره تكره المواقف اللي كـذا

رعــد وقف عند البقالة ونزل يجيب له مويه تهديه وجاب لــرتيل وركب ومد له المويه و يعتذر : العذر والسموحه شكلي وترتـك الدنيا ماتخلى من المشــاكل يــاخوك،

رتيـل تحس مره منحرجه : لا عادي خذ راحتـك

وصلو المعرض ووقف رعد ونزل : يلا

وتنزل رتـيل وكان في رجال تبع رعـد خذو لوحات رتيل حسب المكان اللي امرهم فيـه رعد

وكان بناء كبير بالمره رتيل تطالع ماعمرها دخلت مكـان كذا و تمشي ورا رعد ودخلو مكتب فيه موظف وجلست رتيـل ورعد

وجلسو يسألون رتيل أسئلة وكذا وعن الامور الخاصه في الرسم وكذا وبعض القواعد

رعـد بهدوء: بالله شوف أيش الضعف عندها عشـان تأخذ دروس بين فتره وفتره راح اجيبها عشان نزيد الحس الفني عندها

رتيـل رفعت عيونها لرعد : بس احنا ما اتفقنا كذا

رعـد بهدوء: عارف ماعليك انتي

رتيل بحده وعصبت منه : كيف ماعلي الا علي ونص انت قلت راح  تعرض  لوحاتي وبس ماقلت ي استاذ رعد دروس وحصص

رعـد بهدوء ( صعبه ذي البنت ): عارف بس انت ِ راح ترسمين هنـا مو قلت انا راح اكون مدير اعمـالك، لازم نقوي الضعف اللي عندك وعشان يكون إنتاجك افضل واحسن

رتيل : آهاه أجل كلم عبدالرحمن وقول له ذا الكلام ما اخطي خطوة الا أهلي لازم يعرفونها

رعـد مره ذي البنت تكبر في عينـي لا شعورياً : اقسم انك كفو ابشري ابشري

رتيل : على العموم شكراً على كل شي

رعـد : المهم خلصنا مقابله وراح اسجلك عضو عندي

رتيـل بهدوء : ليـه في غيري عندك

رعـد : لا لان من زمـان ماجيت هنـا بس من بعد ما شفت رسمك فكرت ارجع لأن حسك في الرسم جداً جميل وأنا عندي خبره في هذا النوع من الرسوم و اقدر الفن هـذا بشدة وراح اشهرك وراح تنكب العالم على رسومك وقولي رعد قال وطبعاً مدير أعمالك أنا محد له دخل فيك هنا الا انا وبس تطمني شغلك راح يكون معي

رتـيل : طيب أنت ترسـم والا بس تقيـم ؟

رعــد رفع حاجبه وابتسم : الاثنين تعـالي الحين بوريـك لوحات مشهوره تم عرضها واغلبها قريب ويتم بيعها محجوزه حالياً

رتيــل تطالعه ( كل يوم اكتشف فيـه شي ): ي حظي أجل راح اخذ دروس على فنان قدير

رعد غمز بعفويه : ولا يهمـك ي بـابا

رتيل بعفويه: بزر آنا ،!

رعـد ابتسم : بالعمر ايه بس بالعقل انا اشهد انه كبير فوق مالا يتوقعون

رتـيل بهدوء : أبي أشوف لوحات أستاذ رعد

رعد : طيب يلا نروح لها

كان المعرض مختلط يعني رجال ونساء بس كل وحده وحجابها اللي يمثلها ورتيل تعتبر استر وحده في حجابها وعبايتها اللي خاليه من الزينـه

ووصلو الغرفـه الخاصه برعد اللي كان يرسم فيها تدخل رتيل ورعد وكانت الغرفــه جداً كبيـرة وشغل النور وكان في لوحات كثيرة على الجدار معلقه وكان في مكان فيه اللي يجلس فيه رعد ويرسم فيـه وعلى جنب مكتـبه الفخم

رتيل مره اعجبت في المكـان وصارت تمشي وتناظر الرسوم وحده وحده وهي متخرفنه واعجبت برسمه اللي كان أكثر من جميـل وكان رسم رعد نفس أسلوب رتيـل في الرسم بس رعد أفضل لان عنده خبرة ورتيل تعتبر توها في البدايـه وفتحت فمها على الرسوم

رعـد شاف الاعجاب بعيونها وجلس على مكتبه : شوفي الرسوم وانا انتظرك هنـا أخت رتيـل

بعد مرور الوقت ترجع رتيل لرعد

وتجلس : اسلوبي نوعاً ما يشبه أسلوبـك

رعـد ابتسم : وعشان كذا حبيتك تشتغلين معي لان اول مره أشوف أحد له نفس الاسلوب في الرسم وعشان كذا  مهتم وبشدة تشتغلي معي ي أخت رتيـل

رتيل وهي مهتمه : انا مره تحمست واهلي موافقين المكان أكثر من روعه صراحه إبداع إبداع إبداع رسمك

رعـد : وعليه دروع ويش كثرها وابيك تحصلين على اللي حصلت عليه وابي الكل يقول لك رسامه قديرة وعشان كذا لازم دروس وحصص من أستاذك لو اجيك في البيت عشان مايكون فيها إحراج لك اجيبك هنا ومنها أخوانك يكونون معنا عشان ما احرجك

رتيل تحمست بالمره : جد مدري كيف اشكرك أخ رعد انت تعطيني الكثير من وقتك حتى وجزء من حياتـك كذا انت تحرجني بالمـره

رعـد بابتسامه : بالعكس شي مره احبه وابيـه

رتيل الفرحـه مو سيعتها

رعــد بهدوء: يلا تفضلي معي أخت رتيل عشان تبدين رسم بشوف وضعيتك كيف ترسمين عشان نشوف الضعف اللي عندك وين بالضبط

رتــيل توترت شوي وتجلس في الكرسي وقدمها اللوحه وترمش كيف ترسم وهو راح يطالعها

ي ربيه استحي أنا وتجمع قوتها وترفع الفرشات وتبدأ ترسم بكل ما اعطاها ربي من فن

رعد كان مركز معها وهي ترسم  و مندمج معها وهو يشوف رسمها

بعـد نص ساعه رتيـل تترك الفرشات وتعلن النهايه : خلصت

رعــد بتركيز في اللوحـة : يبي لك دروس واجده ي رتيـل مو مشكله بدايـه جميله شوفي اليوم بجلس على ذي اللوحه وراح اوريك الضعف اللي عندك ونكثف الدروس باذن الله

رتـيل تقوم بهدوء : كويس مو مشكله المكان هنا يساعد على الرسم بالمـره

رعــد بهدوء: أجل راح تكون الدروس هنـا مو في بيتكم إذا المكان مريحك اهم شي راحتـك ونفسيتك وانت ِ ترسمين عشان يطلع إبداع بشــكل افــضل

رتيل منحرجه : امم

رعـد وقف : على العموم راح تكون الدروس هنـا بأذن الله أخت رتــيل

ويلا بفرجك على المعرض

وطلع ورتيل معه وجلس يفرجها على المعرض ورتيل مره عجبها وجميل كل شي فيه " شعور جداً جميل وانت في معرض رسوم ومن افخم واكبر المعارض لفن الرسم "

واحد من الرجال نادو رعد : رتيل اتفرجي على المعرض الين اجيك دقايق بس

رتيل بخوف وتطالعه بارتباك : آءء

رعـد بهدوء : مابطول لاتخافين وراح الين اختفى عن أنظار رتــيل

رتيـل تهز رجولها بارتباك وتدور دورة المياة بعيونها " اكرمكم الله وتحس متوتره وخايفه من اللي تفكر فيه ومغصها بطنها بشده شوي" : اوه هذيك هي لنساء كويس وتروح " اكرمكم الله "

خرجت وبطنها يمغصها زيادة فكانت محتاجة لمسكن

رتيل : اممممم في صيدليه قريبه من المعرض بس قطع شارع اخاف ياربي مضطره انا الحين

تمشي بخطواتها والين طلعت من المعرض بكبره وراحت الصيدليـه اللي كانت قطع شارع وبعيده شوي ومع المشي الواحد يطول وهو يمشي وتوصل تأخذ اللي تبيـه وطلعـت وتحس نظرات غريبـه من واحد واقف من بعيد رتيل حسـت برعشه في جسمها وتروح تحاول تقطع عشان تروح المعرض بس ماتقدر عشان السيـارات وزحمـه رتيل بتوتر ياويلي بتأخر

٠

رعد طلع وفي يده ملف وورفع عيونـه يدور رتيل بعيونه ويدور عنها  ارتبـك وصار ينادي بهدوء: رتيــل بـنت

لا رد ارتبك وخاف " لايكون ضاعـت " هنـا جن جنونه وصار يمشي مثل المجنون وخايف يكون ضاعت كيف راح يحصلها مو عارف كيف يتصرف وطلع الصاله الثانيـه يدورها

وبارتباك طلع جواله يدق عليـها مره واثنين وثالثه واربعه خمسه سته لا رد يرن بس ما في رد

رعد جن جنونـه وطلع من الدور الثاني مثل المجنون ومرتبك وين راحت البنت المعرض كبير وين راح ادور فيه وش اخلي وين راحت البنت امـانـه عندي ونزل يدورها ويسأل رجال الامن و واضح عليه الارتبـاك

٠

رتيل راحت دورة المياة اللي في الدور الاول وطلعت وجذبها العروض اللي في الدور الاول وما حست بنفسها من الجمال وصارت تتفرج كان قريب من الاستقبال ووقفت عند لوحه من لوحات رعد وتنحت فيها وهي تتاملها ..

رعــد مرتبك وعروق رقبته برزت نزل رايح إلي الاستقبال يكلم له الامن يدورونها وهو يمشي مسرع

شاف هيئة جسدها وركز وعرفها وراح لها ولفها له وهو مو مصدق حصلها كان خايف

رتيل بروعه شهقت من حركته وتوها بتصارخ بس شافته رعـد

وسكتت

رعــد مرتبك وبحده : ويش تسوين هنا

رتيل ببراءة : اتفرج

رعــــد عصـــب منها ومسك معصم يدها بقوة وسحبها طالعين للكراج

رتيل يدها عورتها وخافت من عصبيته : آه اتركني رعد تالمني

رعد يسحبها معه وهو معــــــصب بالمـــره منها

وركبها السيارة وخبط البـــاب بقــوة خوفـــت رتيل رتيل تمسك يدها اللي معصمها حمر و شوي و تبكي

رعد ركب وحرك مسرع وسحب فـــــــرامـــــــل قــويه خلت رتـيل تلصق في الباب من السرعـه

رتيل بخوف وارتباك وهي تشوفه مسرع ويشطف خلق الله : آآء لا تسرع

رعد يهدي وبعصبيه : ويش نزلك تحت مو قلت لك انتظريني يا بنـت

رتيـل منقهره من صراخه وحركاته من شوي : لا تصـارخ علي وبعدين اطريت انزل تحت واروح الصيدلــيه

رعد طير عيونه وعصب زود كيف تسوي كذا بدون علمه وضرب الدركسون : ماشاءالله برافو والله كل ذا بدون علمي وانا فوق مثل المجنون  ادورك ي بزر

رتيل ماتحب أحد يصارخ عليها وخنقتها العبره : هيـهّ انت لا تصـارخ احترم نفسك عاد بزر بعيـنك تفهم

رعـد صرخ معصب : ولا كلمـه تفهمين غلطانه وتراددني بعد لو ضعتي ويش اقول لاهلك أنا انتِ امانه عندي تفهمين والا لا والا البزر مو قد المسؤوليه أبد

رتيل خلاص مو قادرة تتكلم لان راح يبين من بحة صوتها انها بكت وماتبي يعرف أنها بكت

لارد

رعـد تنهد واخذ نفس : استغفر الله بس معليش ي رتيل بغيت ابلغ الامن يدورونك وانتِ حظرتك تحوسين تحت كان انتظرتيني وانا راح اوريك كل حاجه تبين تشوفينها لوني مبلغ واتضح انك حظرتك تتمشين وين اودي وجهي انا تكلمي

رتيل تحبس عبرتها بصوت هادي وتحاول تنهي الحديث اللي مكهرب الجو : أسفة حصل خير اخوي ادري إني غلطانة

رعـد يستغفر ويهدي من عصبيته ومن اليوم متنرفز : معليش بس من اليوم متوتر اعذريني

رتيل تناظر الدريشه تحبس دموعها

رعد يطلع في المرايه وعرف انها شوي وتبكي وقرر يسكت وهمس : نرجع المعرض نكمله

رتيل لارد

رعد تنهد بهدوء: رتــيـل

رتيل تكتم صوت عبرتها : لا خلاص ماابي شي ابي البيت إذا ممـكن

رعـد تنهـد وبهدوء : بوديك لمطعم فخم ولا تزعلين عـاد أنا عصبي شوي وحار واتنرفز بسرعه اعذريني

رتيل بهدوء : لا مشكور ابي بيتنـا لو سمحت

رعد تنهد ومسك خط القـريــه ولحظة ســـكوت

رتيل تمسك فونها وتجيها رساله من نفس الرقم هذاك * أجل راجعه القـريــه تو ما نورت في حب قلبي اشتقت لك القريه بدونك ولا شي *

رتيل كل قطعه من جسمها ترتعش من هذا وش عرفه اني خارج القريه

من وين له رقمي

رتيل *هيـهّ من انت أيش تبـــي مني *

المجهول * ابيك انا عاشق رتـــيــل على العموم اخبـارك كلها عندي حركاتك المكان اللي تروحين له ومتى تنامي ومتى تقومي مدرسـتك فصلك اكلك المفضل اي حاجه بتحبيها عشقيك يعرفها كلها *

 

رتيـل بارتبـاك تلف تطلع إذا في أحد يلحق سيارة رعد بخوف كان في سيارة عابره

رتيل بتموت من الخوف من هذا وترسل * ويش تبي انت مني شوف إذا ارسلت ماتلوم الا نفسك تفهم والا لا *

المجهول بتهديد * شوفي ي رتيـل اقسم بالله لو ماتفذين كــلامي ماتلومي الا نفسك تفتحي فمك بحرف واحد بس والله إنتِ واهلك راح تدفعون الثمن فاهمه والا لا *

رتيل ترجف وصارت مرتبكة بجنون وش يبي هذا وترسل تدعي القوة * انت واحد فقاش ونصاب وحيوان وحقير ماعندك ماعند جدتي وأعلى مافي خيلك اركبه طيب مو رتيـل اللي تتهدد تفهم والا لا تفهم ي بزر حركاتك ذي مكشوفه وقديمه عيب عليك اكبر عن حركات الوساخه ذي شفني احذرك لا تزعجني انا ما اعرفك عشان كذا لا عاد ترسل تفهم ..

المجهول بضحكه * هههههه تخفين خوفك في بعض الكلمات اللي تشجعي نفسك فيها طيب ليه تتلفتي تطالعي وراك بخوف واضح انك قويه شوفي احذرك ي بنت ومع الايام راح اعلمك كيف ياعمري سلام حبي *

رعد ملاحظ ارتباك رتيل وكيف تلتفت تطالع ورا ورجفت يدها اللي تنتفظ بشكل واضح : خير إن شاءالله رتيل في شي مخوفـك

رتيـل بتوتر : لا لا

رعـد عقد حواجبـه : متـاكدة ي بنت

رتيل بهمس وتهدي نفسها ( وش فيك ي رتيل هذا واحد كذاب ليه خايفه بس ليه يراقبني ياقلبي بيتقطع خوف ) : لا متاكدة تطمن

بعد مرور الـوقت وصلو ونزل رعد فتح الباب رتيل رتيل تبي تنزل بس ماتقدر جسم رعد منعها

رعد بهدوء: آسف على الموقف اللي صـار اليوم اتمنى ماتزعلين والله ما اعتبرك الا أخت ي رتيل

رتيـل بهدوء وبحده متنرفزه منه : ممكن تبعد عشان انزل طيب

رعد بعد ورتيل تنزل وتفتح الباب في المفتاح وتدخل وتسكر البـاب

رعد تنهد : آف صعبه ذي البنت هي الغلطانـه وتزعـل صبرك ي رب

وحرك البيت اللي له هنا

٠

ام محمد : هلا يمـه هلا كيف المعرض ي بنتي

رتيل تبتسم تخفي ارتباكها : جميل الحمد الله يمه يلا عن اذنـك تعبانه وبنـام

أم محمد : ربي يحفظك ي بنتي نوم العافيه

تدخل رتيل غرفتهـا وتسكر الباب وتقفله وتشغل النور وتلف والصــدمـه الكبرى تنتظرها قلبها قام يضرب طبول وتقرب وتجلس على السرير ويدهـا ترتجف بخوف

وتطالع حولها كيف هـذي جت هنـا كيف وتطالع في باقة الورد وتمسك الكرت بارتباك وخوف ممزوج ( هلا حبي عشانك وصلتي القريه حبيت اهديك شي بسيط عشانك رجعتي روحي لي عاشق رتيل )

رتيـل قامت وهي تدور بالغرفه بارتباك وخوف  تطالع إذا في أحد فيها وترجف بخوف تاخذ الباقه وترميها في الزباله وتشق الورقه و ترميها في الزباله بخوف

وفجأة طاح شي هنـا رتيل قمطت ام ام العـافيه ودموع بعيونها وترجف بخوف

بصوت خايف : اءء في أحد هنا

وتناظر بخوف وتلف تشوف انها طيحت العطر بدون ماتحس من الخوف طبعاً ما انكسر لان في سجاد مفروش على الارض رتيـل تفكر كيف جت هذي هنـا من وين دخل الموضوع صار صدق اجل طيب ليه ليه أنا بالذات وليـه وليه الف سؤال وسؤال يدور في راسها والخوف مقطعها ومرتبكه بالمره

راحت فتحت باب غرفتها وشغلت النور من الخوف واسدحت تحاول تنام ماقدرت من كثر ما هي خايفه ومرتبـكة ..

٠

رعـد تنهد حس أنه غلط يوم صارخ عليها مهما كان البنت تعتبر صغيـره تنهد ارسل لها في الواتسـاب *: السلام عليكم أخت رتيـل أعيد واكرر اعذريني على الشي اللي صار اليوم

جداً انا اسف وما ابي تنامي وانتِ زعلانـه *

رتيـل سمعت صوت الجوال وتمسكه بارتباك اخذت نفس وهي تشوف اسم رعد

تدخل وتقرأ وتكتب معصبه * ماشـاءالله تـوه يهمـك هاه لاعاد ترسل طيب سلام *

 

رعد قرا وابتسم ( هههه مو هينه ذي البنت ي عندها عزة نفس مو طبيعيه )

ونام

لتكملة الفصل يمكنكم متابعته على قناتنا على اليوتيوب في الرابط اعلى الصفحة