تعبت أنتظر إلى متى هذا الصمت
الكاتبة : هيون
( ١ )
الصبــاح في الــقــريـــه على
صــوت الامام ينــادي بصوتــه
الى صلاة الفــجر .. عند أم محمد يرن منبه
الجوال وقامت وهي تسبح وتهلل وتذكر ربها وتقوم وتروح تتوضى عشــان الصلاة وطلعت من
غرفتها عشان تقوم الشبــاب
وتفتح البـاب : ي ريـان ي عبدالرحمن يلا
ي عيال الصلاة عبدالرحمن ي عيـــال ريـــان يلا يمـه صلاة الفجر
ريان قام وجلس : يمه ترا بغيب تعبان مالي
خلق لدوام
عبدالرحمن يقوم وضرب ظهره : الصلاة بعدين
فكر في الغياب
أم محمد بحده : اعنبو ابليسك لـك ،، سنتين
في ثـالث ثانوي استحي على وجهك، المفروض انك
بالجامعه لازم يكون عندك احسـاس في المسؤليه بكره بتتزوج لازم تعرف تهتم لو شوي
ريان : اوه الصلاة يا يمه بتفوتني
قام يتوضــى وراح المسجد ولحقه عبدالرحمن
..
رتـيل من خلصت صلاة والكل قام من البنات رتيـل تلبس مريولها وتروح تجهز
الفطور لهم
عند نوره تقوم رهف : ي بنت قومي لا صلاة
ولا عبادة كله من هذا الجوال بسكره أنا طول يومك عليه
رهف تتافف: اف اف يصير تحطه برأس هذا الضعيف
ام محمد بحده : رهـــيف نايمه الى الحين
رهف تقمز من السرير وتفركـك، عيونها : لبيه
ياوه هذاني قايمه
ام محمد : زين آجل بسرعه اجهزي عشان يوصلكم
عبدالرحمن
رهف تميل فمها: بروح مع خالي ريان تكفين
طلبتك طلبتك طلبتك طلبتـك
ام محمد بحده : نعم آيش قلتي ي بنت
رهف خافت : اقول لـك، صباح الخير والعسل
والسكر ي الغاليه
ام محمد : زين يلا الفطور جاهز روحي ساعدي
خالتك، رتيل من ساعه في المطبخ ليتـك مثلها بس وطلعت ..
الكل مجتمع على الفطور ( ام محمد ،عبدالرحمن
،ريان،ريما، لـمى، رتيل، رهف ، نوره )
ام محمد قامت : نعمه الله لا يغيرها يلا
عبد الرحمن قوم وصل البنات
وآنتِ ي لمى يلا نروح الثانويه حقتك وريان
يلا على مدرستك بتوصلنا يلا
نوره : بحفظ الله ي شباب
وطلعوا
٠
٠
في
الرياض في بيت أبو رعد
رعد كان توه راجع البيت على الساعه 6:4
دخل و واضح عليه التعب
وكان الكل على طولة الطعام يفطرون جلس على
الطاوله
ام رعد : الهنوف يمه حطي لاخوك شي يأكله
الهنوف قامت رعد بهدوء : آستريحي مو مشتهي
والله آمس كان الشغل كثير وماخلصت الا الحين بس بروح انام تعبان شوي
أبو رعد بهدوء : كلمت البنت ي رعد ترا مايصير
كــذا لـكم سنــه مخطوبين وانت تجلس بالشهور
ســاحب على البنت مو عيب ي ولدي
رعد قام بهدوء ويقفل الموضوع : تصبحون على
خيــر بروح انـام
أبو رعد : ي ولدي ي رعـــد أنا الى الحين
ما خلصت كلامي معــــاك،
أم رعد : يوه ويش فيك على الولد يقول لـك
تعبان
رعد بهدوء : يبه انت عارف جوابي ما يحتاج
تســال او تنتظر اي جواب مني عن آذنـك
وطلع فوق غرفته
فيصل : ي عمري رعد يبه خف عليه شوي شف كيف
مهلوك وزياده على كذا تجيب له سيرة البنت حرام عليـك،
قـام زياد بصمت وطلع فوق والباقين طلعو
لدوام ..
يزيد يضرب البـاب كم ضربــه ثم دخل
رعد كــتن منسدح وعقد حواجبه وواضح عليه
التعب
زياد يتقدم ويجلس على حافة السرير : ويش
فيــك ي رجــال
رعـد: مدري يـا زياد ما احب اظلم أحد بس
ماقدر اتحمل اللي جالس يصير ي خوي
زياد تنهد : طيب قول للبنت
رعد تنهد : صعبــه وخايف احرج ابـوي وراح
يزعل مني ماني قادر ماني عارف اتصرف ..
زياد : ماتدري يمكن الامور تتغير ي رجــال
ما تدري
رعد ابتسم : ي ليت كل شي يتغير وافتـــك
وارتـــاح
زياد : ربــك كريم يلا بروح الجامعه محاضرتي
بعد ساعه تأمر بشي
رعد : لا سلامتـك ي خوي
وطلع ورعد نــام
٠
٠
في بيت أبو فيـاض على الصبــاح
طبعاً من يومين ابو فيـاض مو في البيت
نوف تقوم وتنزل تحت وكانت الطاوله جاهزه
بس محد عليها
نوف : وينهم ذولي محد قام الى الحين هف
ي ربيه كله نوم نوم ميري ميري
ميري الخدامه : نعم آيش يبغى آنتِ
نوف : روحي قومي ماما الى الحين مـاقمـت
ميري: اوووف اووف كل شي أنـا روحي آنتِ
أنا مشغول
نوف عصبت : وجع وجع بسرعه روحي لا اهفـك
وجع
وراحت وهي تتذمر
مهند نازل وهو ينشد : صباح الورد ي وردة
حياتــي ي فل ي كادي ي نرجس
نوف رفعت حاجبها : آيش عندنآ آخ مهند مروق
مهند بستخفـاف : مروق والا رايــق
شروق توها نازله : ههههههه ي سخفـك على
الصبـاح
مهند : سخيف والا ســامــج
نزل فياض : مهند بليز بدون سمـاجتـك من
الصبـاح واللي يعآفيك
مهند : آبشر آخوي الكبير ما اقدر اقول لا
البراء : آيش تقولون آنتم بالله عيدو ما
سمعت
أم فياض : يقولون تعال افطر بسرعه لا تتاخرون
البراء: يمــه تلعبون علي مهند بالله عد
ماسمعت وانا اخوك
مهند : للأسف كــلام المــلـوك لا يعـاد
ي عمــري
شروق ضحكت على وجه مهند اللي بيموت ويعرف
: ملــقوف هـذا الرجآل اركد فديتـك،
فيـاض وهو يفطر : أقول يمــه خاطري انزل
الــقريــه عشــان أشوف عيـال عمي كان محتآجين شي
أم فيـــاض تغيرت ملامح وجهها و كشرت :
نعم نعم مالك دخـل فيهم آبد ي ولـد كل شخص يدبر عمره مو صغـار رجاجيل لا تروح
نوف تطلع و كاتمه الضحكة : مــره بيقنعني
انـه بيروح عشـان عيال عمي
آوه ماشـاءالله والله لو يعرف عبدالرحمن
ينفظـك،،
أم فيــاض: مدري وش تحب فيها وأنا عارفه
انو عيــال عمـك حجه مو غبيه انـــا كــله عشـان تروح تشوفهــا عارفه حركـتك ي ولد
فيــاض قـام وابتسـم مو همه أحد : ايــه
عشـانها أحبها وبسوي اي شي عشـان اشوفــها طيب
أم فيـاض بحقد ونرفزة : قطيعــه تقطعها
وتقولها قدام اخوانــك بدون ما تستحي
فيـاض بجراءة: والله الحب فطرة ي الغاليـه
مافي شي استحي منه
أم فياض بحده : انتبـه يا فيــاض لو تنطبق
السمــاء على الارض ماراح تأخذها نبهتـك بخليـك تلعب على راحتــك بس لو أيش ماراح اسمح
أن الموضوع هذا يكبر
فيـاض تنفس بضيقه وابتسـم : طالع لشركــه
شروق : حرام عليـك يا يمه انتـي عـارفه
أن فيـاض يحبهـا وبعدين هي بنت عمه مـافيها شي يا يمه الله يهديــك بس
ام فياض عصبت : اوص مابقى ياخذ الا ذي القرويه
هذيك الحجيـه شغل الملحجه وع وع مـاراح ياخذ الا وحده من عائله مرموقـه ونـاس سنعه
بنت دلال ودلع وجمال وسنع
نوف : رتـيل جمال شكل وجمال أخلاق ودين
بعد ولا تنسين أنها تحمل نفس اسم العائله
مهند : ايه ماشاءالله عليهـا البنـت أخلاق
الله يحفظها وسمعتها الطيبه تشهد لها ..
ام فياض متقرفه : اووووه خلاص على دواماتـكـم
تاخرتو
وكلهم قامو وطلعو بهدوء ..
٠
٠
عند عبد الرحمن رجع البيت وكـانت نوره جالسة
على الجوال
عبد الرحمن يجلس وشغل له فلم يطالعه
نوره تسـكر الجوال : أقول عبدالرحمن ليـه
ماتتزوج بدال من جلستـك كذا
عبد الرحمن : ماشـاءالله والحرمه تبي بيت
وفلوس وتبي مهر وأنـا ماعندي وظيفه
نـوره : طيب كلم فيـاض يحصل لك، وظيفه في
الريـاض
عبد الرحمن رفع حاجبه : نعم تبين اذل نفسي
لهــم مستحـيل اروح واتركم
نوره : في ريـان وبعدين احنـا في أمن وأمان
ولا تخاف أمك عن ١٠ رجاجيل
عبد الرحمن : لا مستحيل ريان مافلح كيف
تبين اخليه ينتبه لـكم مااقدر والله وهو كل يوم مشكله مو قد المسؤليـه آبد
نوره : بس لازم تأسس نفسـك
عبدالرحمن : خليهــا على ربـك اسمعي الكلب
ارسل مصروف لبنته والا لا
نوره : الا أرسل لا تخـاف يحب رهـف ويبي
ياخذها اصلاً بس على قطع رقبتي ياخذ بنتـي مني صح العيشه هنـاك أفضل من هنا بالف مره
بس مستحيل ارضى تكون بنتي بعيده عني
عبد الرحمن : والله شوري ياوخيتي تخلينها
تعيش هناك مع أبوها عشان يلبي احتياجاتها ومنها تدرس هناك والعطلـه تجيـك ..
لتكملة الفصل يمكنكم متابعته على قناتنا على اليوتيوب في الرابط اعلى الصفحة
ليست هناك تعليقات:
إرسال تعليق