قاطعها مصعب بحده : وش اللي يخليني اذلك
فكري بعقلك بلاش جنان مافيه فرق بين فلوسي وفلوسك خلي فلوسك بتحتاجينها واعتبري هديتك
وصلت وانتهى ارسلي التفاصيل وخلي السالفه تعدي على خير
العنود : طيب
مصعب : دقيقه دقيقه خذي سجلي رقمك ما اعرفه
العنود : بملي عليك سجله انت
مصعب : يا حركات البزران هاذي ترا جوالي
ما يعض
اخذت الجوال لما حست ان الوقت تأخر وسجلت
وقالت : خذ
مصعب : انتي سجلي الاسم
العنود : وش اسجل !؟
وقف مصعب وهو يدور : لحظه افكر
وبعد شوي قال : امممم نسميك عنود العنيده
ابتدت عنود تكتب وقفها مصعب لما قال : لا
لا لا لا انتظري بغير خلينا نكتب زوجتي العنيده !!
ناظرته العنود بحده وابتسم وهو يتكي على
كتفها وهو يحط يده على يدها واصبعه على الكيبورد : والا اقولك لازم نحط لك اسم يليق
بك وش رايك ايش نكتب فالجوال
وكتب وهو يتكلم : قوية كالحرب
ولف لها وهو يراقبها وهمس : و ناعمة كالسلام
في الواقع
ارتعشت عنود بقوه ورمت الجوال عليه وراحت
وتركته وهي تقول : بتوصلك البيانات في الواتس
ضحك مصعب وهو بس يبي يهد حيلها وسجل الرقم
بنفس الاسم
واتجه لسيارته وهو يشوفها تأخرت لين ارسلت
البيانات
٠
عنود اللي دخلت وجلست برعب وهي تهوي نفسها
ام مازن :عنود وينك من زمان اصوت لك
عنود : هنا يمه
ساره : وش فيك
عنود : ولا شي
هديل : تكفين عنود قومي كفخي ديمه قهرتني
مو راضيه ندخل لدانه
عنود : اتركوني منها الحين سطام ماجاء
ناديه : جاء نايف وقال بيروحون يحلقون
عنود : زين
دخلت اسماء : صباح الخير
الكل : صباح النور
ابتدت اسماء تحضر فطور صقر ببتسامه والبنات
يناظرونها بفرح
عايشه : والله كنا نتوقع تطلعين من عند
صقر مكفخه
اسماء لفت ببتسامه : شدعوه صقر مو وحش
جميله : الله يهنيكم يا حبيبتي
اسماء( والله وحش واكثر بس مضطره اني اداري
الوحش ) : امين
ناديه : ماشا اقصد جوري وش وضعك مع هبل
باقي متزاعلين
العنود : الحمدلله تزاعلوا ورحمونا
هديل : ايه طبعا ما عاشو صراع السلاطين
العنود : مسويه تذبين انتي وجهك
شريفه : اتركوا الكلام وقوموا ساعدو ساره
في التنظيف
قاموا البنات وابتدوا مع ساره
٠
وعند دانه اللي كانت واقفه قبال المرايه
تتأمل فستانها اللي كان سيء بنظرها وكانت امها متعمده تهلقها بعيون سطام تجمعت دموعها
وهي تناظر المكياج اللي كان اسوء من الفستان وهي ما تعرف تتصرف معاه ناظرت ديمه النايمه
وامها اللي تكلم وماهي معطتها اهميه ضاقت وهي ماتبي تكون بذا المنظر قدام سطام بكت
وهي تدعي ان الله يساعدها
٠
وعند سطام اللي كانوا عند الحلاق وطبعا
مع فهد اللي للحين مو مستوعب زواج سطام اصلا مايدري كيف اصلا بيهضم هالزواج مايدري
كيف بيشرح لسطام ان صقر هو اللي اغتصب دانه اللي تكون بنت خاله والحين زوجته كان فهد
شارد طول الاسبوع وصحى على سطام اللي يقول : فهدون اناديك لي سنه وشوله ما ترد ترا
لك فتره مب عاجبني وش فيك
فهد : لا يارجال مافيني شي بس عشان فاقد
فارس
نزل راسه سطام بضيق : الله يرحمه
نايف : لحظة يا كابتن اليوم فرح شبعنا حزن
تكفون الله يرحم فارس وكلنا فاقدينه ونبيه معنا لكن هذا تقدير ربي خلاص روقوا
مازن: اول مره ينطق صح بس هذا الصدق
فهد : اي صادقين انبسط انت
رجع سطام وهو ما نسى فارس بس يبي اقل شي
يفرح بيومه
٠
وعند مصعب وصل بعد ما اخذ كل شي اتصل على
عنود اللي جات واخذت كل شي بفرح ومعاها الميكب ارتست والمصوره والفستان
قال مصعب بصوت عاالي : الله يعافيك ما سوينا
شي واجبنا
العنود لفت بأستغراب وبعدها قالت : مشكور
ابتسم مصعب واتجه للدوانيه جهة الرجال
٠
ودخلت العنود ووقفوا البنات : عنود من ذي
العنود : اصبروا شوي بقولكم
اتجهت لغرفة دانه ودقت الباب وفتحت ام دانه
بعدتها عنود بقوه ودخلت وهي تاخذ دانة واتجهت فيها لغرفة ساره
دانه : عنود وش تسوين
العنود ؛اجلسي دقيقه
قفلت الباب وهي تقول للميكب : هاذي العروس
تقدرين تبدين وانتي يالمصوره خليك جاهزه بالتفاصيل
دانه : عند وشو ذا
عنود : وش تشوفين
دانه: ما فهمت
العنود : اسمعي هاذي بتسوي لك مكياجك وشعرك
وكل شي بيصورونك ولا تخافين جبت لك فستان ما راح تطلعين ناقصه بزواجك وبتفرحين مثلك
مثل الباقين .
دانه اللي كانت تحاول تصدق لا شعوريا حضنت
عنود وهي تبكي وعنود اللي كانت متوقعه ذا الشي بادلتها الحضن وهي تقول : ما معنا وقت
اجهزي بسرعه
ابتعدت دانه وجلست وهي تشوفهم يشتغلون حواليها
وانهارت تبكي وتحاول تهدي
طلعت عنود وهي تقول : هديل بنات تعالو معي
نرتب غرفة سطام ودانه
واتجهت لام دانه اللي وقفت بحده : وين اخذتي
بنتي
العنود بعبط : خطفتها
هديل اتجهت لديمه : يلا من غير مطرود بنرتب
الغرفه
ديمه : اتوقع احنا اللي بنرتب غرفة اختي
العنود : واللي يرحم والديك تقومين تطلعين
بس شفناك وش سويتي لاختك قومي تسهلي
ام دانه : بعد بتطردونا
العنود : اعرف انك تدورين الزله عشان يحتاس
الزواج لكن اطلعي تكفين لو نفجر فيك ماراح ينلغي الزواج
طلعت ام دانه بغضب وهي تصارخ وقفتها شريفه
وهي تقول : الزمي حدودك واجلسي احسن لك
ديمه : انتي هيه لا تصارخين على امي
شريفه دقت بعصاها الارض وصرخت: اقصري صوتك
يا بزر احسن لك واجلسي
جلسوا وهم مغتاضين والبنات اللي كانو مروقين
بقوه
٠
العشاء جاء سطام بهدوء بدون مزامير وازعاج
دخل المزرعه واستقبله جده اللي كان كاشخ بحب وهو يحضنه بفرح ابتعد سطام لما حس بجده
يبكي: افا ياجدي تبكي ما عاش والله من نزل دموعك
الجد : والله ما نزلت الا فرحة بك يا ولدي
سطام اللي اخذ طرف شماغه وهو يمسح دموعه
: اذا تبيني افرح لا تبكي
الجد بمزح وهو يمسح دموعه : لا تخرب شماغك
بدموع شايب
سطام : لا ابوه شماغ ما يفتخر بدموعك
ابو مازن : بس بس خلونا حنا نسلم بعد
سلم ابو مازن وابو دانه وهم يباركون ووقف
مصعب وهو يقول : قبل تكتب عقد قرانك
اخذ البشت اللي جابه هديه لسطام اللي ما
لبس بشت وهو يلبسه سطام : العريس بدون بشته مب عريس
حضنه سطام وهو يسلم عليه
نايف : حركة حلوه يا مصيعب تبي تكسب سطام
بصفك عشان ما يوقف مع عنود ضدك
مصعب : يوه كيف كشفتني
الشيخ : نبدا
الكل جلسوا وابتدا الشيخ يكتب العقد ووقع
سطام ووقعوا الشهود .
وقف مازن وهو يقول : بودي لهم الكتاب
طلع مسرع قبل يوقفه احد اتجه للمطبخ وهو
ينادي ساره اللي اخذت منه الكتاب وقفها وهو يقول : بالله سوير نادي جوري
ساره : طيب
وقف مازن ينتظر الجوري وساره اللي اخذت
الكتاب لدانه : عنود خذي الكتاب لدانه
عنود وقفت واخذته وراحت وقالت جوري بغضب
: عنود تكفين بنشوف دانه
عنود: معصي محد بيشوفها قبل سطام حتى انا
ما شفتها
ناديه : يا كذابه يا عنود
عنود دقت الباب وعطت المصوره الدفتر وهي
تقولها وين توقع دانه وقالت لها تصور كل شي ورجعت
ساره : والله من جدها ما تبي احد يشوفها
هيفاء: مدري من الام بالضبط
ولكن عايشه اللي ركضت تبي تشوف اذا فتحوا الباب بس ركضت عنود وهي
تدفها : عااايشه يا سامجه خلاص قلنا محد بيشوفها الا سطام
عايشه : ما بتموت اذا شفتها
العنود : انا بموت انا
شريفه : عايشه خلصنا
اخذت عنود الدفتر ودته لمازن اللي كان كاشخ
لكن كشر اول ماشاف العنود : وينها الجوري
عنود : مافيه جوري اذلف يلا
سكرت الباب وهو مصدوم ولكن جت ساره وهي
تقول : جوري تقول ماشا ما تسمع زين تعرف كل راسها عيون ولسان
مازن: اححح زعلانه لذا الدرجه
ساره : الله يعينك
مازن: وشلون اراضيها
ساره : مدري
راحت وتركته وراح يودي الدفتر وهو يفكر
وابتدو الكل يباركون لسطام وصار وقته يدخل
لدانه لكن وقفه صقر اللي قال : سطام انت خلاص يعني بتدخل مدري متى اشوفك لكن خذ
حط في يده مفتاح سياره وهو يقول : هديتك
موجودة جهة البوابة الخلفيه رتبتها لك وتقدر تنزف فيها عريس
سطام انصدم ورجع المفتاح وتوه بيعترض بس
قال صقر : والله ما ترجع هدية اخو وش فيك
الجد: اقبلها يا سطام
سطام: ماكان له داعي الكلافه
صقر : تستاهل كل خير
مازن : دام بديتوا اجل خذ فكرت وش بهديك
ما توقعت اني بحصل افضل من عمرة في بيت ربي تستفتح بها حياتك من جديد هاذي تذاكر محفول
مكفول بس روح وكل التفاصيل موجوده عندك
سطام اللي يحس انه اختنق : والله ما تقصر
بس كذا كثير
نايف : لا يا لبى باقي ماجاك الكثير دامهم
سلموا اجل هاذي عنوان الفندق اللي بتقضي فيه ليلتك خذ زوجتك وروح وتراك محفول ومكفول
اسبوع كااامل مالك الا تستانس
سطاام : يا جماااعه والله انكم فضلتوا علي
لكن والله انا مو محتاجها
اابو مازن: مو محتاج بس بيهدونك لا تردها
بخاطرهم
فهد تقدم وهو في قلبه غصة : والله احترت
وانا افكر وش بهديك والشباب ما قصروا لكن فكرت في شي ممكن يكون يختصر عليك اشياء عشان
كذا بعطيك ذا الظرف بس ما بيك تفتحه الحين
سطام اخذ الظرف وهو يحتضن فهد بحب يسلم
عليهم كلهم واتجه للباب رايح لدانه
.
وقف سطام وهو يستقبل السلام من الكل وتهاني
وهو يشوف ام دانه اللي تخزه ولا فكرت حتى تروح مع بنتها هز راسه بأسى وهو يلتفت للعنود
اللي قالت : ما عليك منها ادخل لغرفتك دانه هناك
سطام : زين
تقدم وهو يحس مكسور قلبه على دانه اللي
اكيد امها معذبتها فتح باب الغرفه ودخل وهو متوقع يشوف دانه بشكل يعرفه يعني لكن انشل
تمام وهو يناظرها واقفه بخجل بأخر الغرفه لاشعورياً جلس وهو يحس انه بيطيح من خقته
وقف وهو يتنحنح ويستجمع نفسه يحس انه يسحب
نفسه سحب مشى لها وهو يشتت التوتر : ماشاء الله تبارك الله ماشاء الله تبارك الله
لاحظ رجفة دانه وهو مو افضل منها ماعرف
وش يسوي لكن تقدم وهو يسلم عليها بهدوء ورجع : مبروك
دانه كانت ساكته خجل ورعب وخوف وكان وسواس
ان سطام ماعاد يبيها وهو يعرف باللي صار لها
سطام اللي ماحس الا هو يحتضنها ببشته وهو
يقول : اللهم لك الحمد اللي فرحتني ذا اليوم واللي جبرت قلبي الحمدلله اللي رجعك لي
وهو عالم اني مت وحييت وانا احتريك
دانه حست انها بتبكي وحس سطام وابتعد وهو
يقول : تكفين الاا البكى والله ان بكيتي لطلع
ابتسمت دانه وهي تحس به يمسح على ظهرها
وهو يقول : ابي اوعدك ما دام ربي جمعنا ما يفرقنا الا ربي مابيك تتذكرين من الماضي
السيء شي ماكان بيدك مابيك تتأثرين به وتأثرين على حياتنا فيه اللي راح راح والايام
الحلوه جايه
دانه رفعت راسها وهي تناظرها بخوف : انت
تدري اني مالي ذنب في الما...
سطام قاطعها بسرعه وهو يقول : مالك ذنب
في شي ابد بالعكس هااذي فرصة من ربي جمعنا فيها وانسي ذا الخرابيط خلاص انتي ما زلتي
الدانه الغاليه العفيفه
ابتعد لما سمع صوت الباب وطلت عنود وهي
تصرخ : يوه يا ربي ماشاء الله وش ذا الكياته
دخلوا الكل بعدها وهو يحضنون دانه وسطام
مستغرب من صدمتهم بعد بدانه اللي تغيرت وكانت طلتها هاديه صح بس تأسر
ام مازن :ماشاء الله تبارك الله الله يهنيكم
جميله وهي تحصنهم : الله يحفظكم يارب من
كل شي
جوري : والله ياعنود معك حق تخبينها
ناديه : سطام اقرا عليها تكفى
هديل : اثاريك مزه تشلعين القلب
كفخها سطام : اقول توكلي على الله يلا
هديل : ايييه يحق لك عاشرت غيري وسلاااك
سطام : عنود تصرفي
عنود : تمام الوضع تحت السيطره احنا بنطلع
وانتم صوروا
طلعوا ودخلت المصوره ولف سطام على دانه:
من جابها
دانه : عنود
ابتسم سطام وهو يسمعها تقولهم بتبدا وماكان
سطام يحتاج احد يوصية كيف يصور لانه تلقائياً من خقته على دانه تطلع معاه الوضعيات
وبعد التصوير طلعوا دانه وسطام اللي اول ماشاف السيارة ضاق صدره بس مايبي يخرب على
نفسه وراح يساعد دانه وتحرك على الفندق
٠
وعند مازن اللي ما صدق انتهى الزواج وبسرعة
ركض وهو ينادي ساره : سوير تكفين جيبي لي جوري لا تقولين مازن يبيك قولي لها اي شي
ثاني
ساره : وش اقول لها يعني
مازن : مدري المهم خليها تجي
ساره : زييين زييين
راحت ساره للجوري وهي تقول : جوري روحي
بالله جيبي باقي الاغراض اللي عند الرجال بس روحي من الباب الخلفي عشان العيال عند
الباب هذا
جوري : زين
طلعت جوري وهي تغني بخفيف وشهقت برعب لما
حست احد سكر فمها وشالها بسرعه
ابتعد مازن ونزلها وهو يمسك كتفه بألم على
كثر ما ضربته : وش فيك انتي كسرتي كتفي
جوري : ليتني كسرت راسك بعد
مازن : وشوله اناديك ولا تجين
جوري : ما يتسوعب عقلي كله عيون
مازن ابتسم : افاااا والله زعلتي نمزح يا
بنت الناس انا هذاني ما زعلت وانتي مشبهتني بصنم صنم ولا زعلت
جوري : لا والله من اللي بدأ
مازن: عادي يعني نطقطق زي زمان وش فيك اخذتيها
بحساسيه
جوري : ماعاد احنا زي زمان
مازن ابتسم وهو يتكي على الجدار وعينه بعينها
: اجل كيف صرنا
جوري اللي وقفت وهي ترفع يده ويدها لوجهه
واشرت على الدبله : صرنا كذا وصار يزعلنا الحكي
مازن اللي سحب يدها وهو يبوسها :ولا تزعلين
انا اسف بس انا احب امزح معك ينشرح صدري واستانس حتى لو زودناها شوي نعرف وش في قلوبنا
لبعض والا تبين نصير نفسيات
ابتسمت جوري بخجل : طيب ما قلت شي نمزح
بس اقل مو عند عايشه اللي ما تخلي احد ما تقوله ولا عند اسماء باقي غريبه
مازن : من عيوني خلاص
ابتسمت جوري وسحبت يدها بتروح وقفها مازن:
وييين وييين
جوري : بروح اخذ الاغراض من المجلس
ضحك مازن: انا الاغراض
جوري : شلون
مازن: كذبت عليك سوير عشان تجين وبعدين
لا عاد اشوفك تزعلين علي ولا تقفلين الجوال
جوري ضحكت وجلست وجلس مازن ويلاطفها ويمزح
معاها
٠
وفي المجلس كانت ساره والعنود ينظفون دخل
مصعب مستعجل ورجع بقوه لكن قالت ساره : مصعب تعال مافي احد
مصعب
دخل وهو مرتبك : ساره احصل عندك ثلج
ساره : ايه بالفريزر
مصعب لف على العنود : عنود ممكن تجيبينه
ع...
قاطعته عنود بحده : جيبه انت والا على يدينك
نقش الحنا
سكت مصعب وبان ضيقه على وجهه وقال : وين
هو فيه يا ساره
ساره : لا خلني اجيبه انا
مصعب : لا بروح انا بس انتبهي لسند في المقلط
مسخن بروح بسرعه وارجع
طلع وهو يسرع للمطبخ
ساره : عنود خير وش ذا الا سلوب
عنود : وش اللي خير لا يكون تبيني اخدمه
ساره : حرام عليك تارك ولده مريض وجاي يطلب
منك مساعده وهذا اسلوبك
عنود : والله عاد انا ماني مسؤوله عنهم
ساره: اقل شي ساعدي من باب الانسانيه هذا
هو ساعدك وجاب لك الميكب ارتست والمصوره ورجعهم وما طلع منه الا ابشري وهو مبتسم
عنود : والله تعرفين ما احب احد يتخدم فيني
وخصوصا اذا شخص ما اطيقه
ساره : دام ما تطيقينه وشوله موافقه عليه
عنود : اوووه يا ساره
طلعت وتركتها وهي تشوف مصعب مره مسرع ودخل
المقلط
اما عند مصعب اللي كبرت في نفسه كثير وزعل
جلس وهو يكمد سند بضيق
وفي عند صقر اللي صار ما يقدر يبعد ابد
ابد عن اسماء اتجه للغرفه ما حصلها فيها واتجه للبنات وشافهم جالسين واسماء معهم وسكتوا
اول ما شافوه وفزت اسماء بتوقفهم لكن وقفها وهو يقولها : اجلسي وين بتروحين
اسماء : معك
صقر ابتسم بخفه : لااا بنسهر مع البنات
اليوم اتوقع اليوم نفسياتهم تعبانه لا سطام ولا دانه موجودين
هديل لا شعوريا : من مات يا جماعه
دقتها ناديه وسكتت ولف صقر : وين باقي البنات
ناديه : هاذي عنود جات وساره بعد وجوري مدري وينها
عايشه : ماعليك منهم المهم دامك جيت يا
صقر قلنا انت وش تشتغل اشوف عندك فلوس بس وش مصدرها
حول صقر عينه لها بحده : اعمال حره
عايشه : يعني كيف
صقر : بيع وشرا
عايشه : يعني في ايش
صقر : اي شي
عايشه : يعني هي تجيب ذا الفلوس هههههه
والله احسك تمشي وتكفخ وتذبح اللي ما يشتري منك
اسماء حست صقر بدا يعصب وقالت بسرعه : صقر ناديه زواجها تحدد دريت
فهم صقر انها تبي تشتت غضبه ولف وهو يبتسم
لناديه : ماشاء الله مبروك متى
ناديه بصدمه: يبارك فيك بعد شهرين
صقر: الله يتمم لك
عنود اللي كانت جالسه بضيق
صقر: اتوقع عنود اليوم محد متضايق كثرها
توأمها مب موجود
عنود ناظرت فيه نظره طويله ساكنه : طبيعي
اتضايق انسان له فقده واذا دخل مكان يمليه حياه
صقر حس بدقتها وهو يشوف اصلا الجو متوتر
بوجوده
وقالت اسماء اللي تبي تدخل صقر مع البنات
: بنات تخيلوا صقر يعرف ينوم تنويم مغناطيسي
عايشه : هههههه ايوه قولي كذا يبيع ويشري
هديل : بالله كيف
اسماء لفت على صقر : بالله صقر وريهم
صقر اللي كان ماعمره قال لاحد بس انه قال
لاسما من باب انه يسولف معها ويعرفها اكثر
هديل : ايه تكفى انا نومني
الكل صار يناظر صقر اللي كان شوي مستصعب
السالفه لكن قال : زين استندي على شي عشان
ما تطيحين .
جلست هديل زين وقف صقر وجلس قبالها وهو
يقول : لحد يتكلم وخلكم هادين
ولف لهديل بنبره هاديه : اسمعي ركزي في
الفراغ اللي بين حواجبي وخليك مركزه وثابته واذا عندك موضوع في مخك تحسين بتفكرين فيه
خليه في مخك طيب
هديل حست برعب لما ركزت بعيونه وثبتت نظرتها
بين حواجبه صقر : خليك مركزه طيب
هديل : طيب
ركزت هديل وكان صقر يتكلم معاها بصوت رخيم
وخافت ولا شعوريا قفلت هديل عيونها وابتدت ترتخي على الجدار وصقر يتكلم وهو يقولها
تاخذ شهيق وزفير وقال بهدوء : تخيلي معي لو فيه مغناطيس يسحب لطرف ومو قادره توقفينه
لا شعوريا بدت هديل تميل لين فزت على طيحتها على طرف
وابتسم صقر وهو يقول : عسى موضوعك خلصتيه
ضحكت هديل برعب : يمه صار لازم ننتبه منك
الكل كان مستغرب ووقف صقر وهو يقول : انتبهي
طيب
اتجه لاسماء وهو يمد يده لها وقفت اسماء
معاه
وهو مبتسم شوي ان هديل بدت معه لانها جريئه
وبتساعد صقر يدخل معهم
هيفاء : نومك صدق او تطقطقين
هديل : والله يا بنات حسيت كذا اني مقدر
اتحكم
عنود : يمه اصلا انا دخت معك
دخلت جوري وهي تدور على علاج بثلاجه
ناديه : انتي وينك من اليوم والا مع الحب
جوري : ماني فاضيه الحين مين معاها علاج
فيفادول اطفال
هديل : شتبين فيه
جوري : سند تعبان وبشوف اذا فيه والا لا
عايشه : انا معي خذيه
عنود اللي كانت تراقبها بصمت وهي تحس انها
مو مسؤوله
٠
وفي طرف ثاني عند العرسان وصل سطام وهو
مصدوم من فخامة الفندق نزل ودخل وهو يشوف دانه المربوكه هنا حرفيا ما عرف كيف يتصرف
مايبي يخوفها ولا يبيها تحس انه عايفها
نزل بشته وهو يتجه لها : دانه نزلي عبايتك
على ما اجيب العشاء
نزلت دانه بإرتباك ووصل العشاء وتعشوا وسطام
يحس انه مقيد كان لا شعوريا يسرح بوجه دانه
ابتسم لما حس انها شرقت عطاها المويه :
بسم لله عليك
دانه بعد ماشربت قالت بهدوء: شفيك تناظر
رجع سطام لوراء : بأستوعب وين عيوني من
٤ شهور ما شفتك ماعرفتك
دانه وقفت : هذا اذا دل على شي يدل انك
سريرتك نظيفه وقلبك حافظ للامانه
بعد سطام الاكل ووقف وهو يغسل ورجع لدانه
اللي بدلت بقميص يناسب جمالها
ابتداء سطام يكح بصدمه اخذ المويه وهو عيونه
متعلقه فيها لا شعوريا ما حس بنفسه الا يقول
: يوه يا ربي .
انتبه لنفسه وهو ينزل اكمامه لف وهو يبدل
ملابسه ورجع هو يحس انه مسير مو مخير معاد لعقله مجال يفكر استسلم لقلبه اتجه لدانه
وهو يحتضنها همس في اذنها: كنتي بعيده عني6 سنين لكن ما بعدتي عن قلبي وعيني كل شي
يرجعني لحبيبتي بكل قوه ورغم اني شفتك وعرفتك ك دانه الغريبه المريضه وكثير قالوا فرصه
يا سطام تنسى دانه الاولى بس حتى انتي نفسك ما قدرتي تبعديني عنك جمعني القدر فيك
( بلا ميعاد)
دانه بربكه : سطام بقولك شي ! بس ما تزعل
سطام : تكلمنا بما فيه الكفايه وزعلنا لين
شبعنا ! مو وقته الحين
٠
ومن بكره الصباح في المطبخ كانوا البنات
يجهزون الفطور دخل مازن: صباح الخير
الكل : صباح النور
مازن : سوير بالله وانتي تحضرين خبي فطور
لمصعب
ساره: وينه مصعب
مازن:نايم
ساره: صحوه طيب
مازن : لا مسكين من نص ساعه نام سند تعب
عليه واخذه للمستشفى وتو رجع ونام
جوري دخلت وهي تقول : بنات لا احد يروح
غرفة سطام سند نام هناك تعبت وانا انومه
مازن : يمه يا زين الحنونين
عنود وهي تعطيه الخبز: خذ وتوكل
ابتسمت جوري وهي تسمع تعزيز البنات وحش
بعضهم وفتحت جوالها وهي ترسل لمازن ( واخجل اذا جات عيني صدفه في عينك واصير
مربوك وحاير في امري ومن فرحي ابغى اطير
)
رفع مازن جواله وابتسم ابتسامه عريضه وكمل
وهو يغني بصوت عالي معاه الخبز والشاهي
توحشني وانت بجنبي واشتاق لك لو تغيب و
احسد عليك حتى نفسي و اخشى يمسك غريب
ابتسم وهو يشوف رسالة جوري اللي ردت وهي
تضحك وكملت (و انا الذي كنت اهرج والكل حولي سكوت صرت اتلام واسكت واحسب حساب كل صوت
)
وكان مو هامه احد ولا احد في جوه وطلع من
المطبخ وهو يغني بكل صوته وبكل ابتسامه (والله يا احلا عمري في عيوني مالك مثيل تساوي
الروح وتغلى وتكون عنها بديل)
نايف اللي كان جالس وهو يناظره بطرف عين:
والله ياخالي سند اذا بأيدك في شي كنت اتمنى اني أيدك وانت رافض مازن
مازن: خير انت وش عليك
نايف: ذبحنا ذبحنا قبل بالقوه نفرقهم متطاقين
والحين ذبحونا بالحب
ابو مازن: هههههه بنزوجك بعد لا تضايق
نايف: لا تكفى مابي اصير مسخره
الجد: ما كلمتوا سطام
نايف انسدح على رجل جده بضيق : ايه يا جدي
سطام الحين غارق في شبر مويه يلعن ابو الحب
الجد : ههههه وش بلاك انت وش ضارك
نايف: جدي تعال اسمعني بتزوج انا وانت مع
بعض .
مازن: الله لا يسيء خاتمتنا صابر طول عمره فالاخير
يتزوج معك
الجد : هههههه لا تكفى انت تزوج وانا كذا
مرتاح
سطام اللي دخل وهو يقول : يا كثر حلطمتك
الكل فز بفرح وهم يسلمون عليه
مازن: وش جايبك يا عريس
سطام وهو يبوس راس جده: عجزت اصبر من غير
ما اشوف الوجه الحلو
الجد: والله اني اشتقت لك من الحين الصبح
مب زين من دونك
نايف: يا جدي الله يخليك الحين دور لك وجه
تصبح عليه سطام الحين صار مب لك الحين فيه وجه شباب يصبح عليه الشايب ما ينفع بس طعني
وتزوج وتشبب
مازن :ههههههه الله يغربل العدو
سطام : الله لا يعطيك عافيه انا استغني
عن حياتي انا والله لو تصير الوجيه مليون ما استغني عن جدي حبيبي
شريفه دخلت : سطام حياك الله
راح لها سطام يسلم عليها : وش جايبك وين
زوجتك
سطام : تركتها في الفندق انا جيت بسلم على
جدي وبطلع اعتمر
الجد : الله يقبل منك
الكل : الله يتقبل
سطام: اجل بدخل اسلم على البنات واطلع
مازن : انصحك لا تدخل ودانه مب معك بيذبحونك
ضحك سطام وقبل يتحرك وقفه نايف : يااااا
ربي يا ريحة المعرس الجديد يا الله
مازن قرب وهو يشم سطام : يوه يا ربي متى
تصير ريحتي
ابو مازن سحبه وهو يطقه: اسكت فشلتنا
دفهم سطام وهو يضحك واتجه للمطبخ ببتسامه
المشهوده
وقف وهو يقول : اشتقتوا لي
كلهم ركضوا له بفرح وهم يحضنونه جميله
: وش جابك يا معرسنا
سطام : جيت ابي اسلم على جدي واشوفه واخذ
كم غرض وبطلع اعتمر
جوري : الله الله كشخه وحركات وريحة عرسان
سحبها سطام من شعرها وهو يقول :ياختي تزوجي
انت والاهبل حقك وريحينا اذيتونا بالريحه تزوجوا وريحونا
عنود : اسكت تكفى فاتك غزل غثيان
ساره: وينها دانه
سطام: تركتها فالفندق بتجي لها امها وبرجع
بسرعه
عايشه : وش تبي امها من الصبح
سطام: عايشه امها وبعدين ما لقيتي حل للقافه
الكل :هههههه
سطام: يلا اجل باخذ الاغراض واطلع تبون
شي
الكل : سلامتك
٠
وفي الفندق صحت دانه وهي تدور لسطام ما
حصلته وابتسمت وهي تبدل وتكشخ ورتبت الغرفه وهي تنتظره يجي وتعرفه يصحى بدري سمعت صوته
وهو داخل يكلم ونزل الجوال وهو يقول : ياااا حبيبي صباح الخير
دانه : صباح النور وين رحت
سطام وهو يدخل الفطور: رحت لجدي سلمت عليه
واخذت الاغراض وطلعت ويسلمون عليك
دانه: ليش ما صحيتني اروح معك ..
سطام: ما حبيت ازعجك والا صدق عجزت اخرب
جمال نومك واصحيك
دانه اللي احترت واحمرت وضحك سطام وهو يقول
: يلا بنفطر ونطلع نعتمر
دانه: على طول
سطام : احس اني ودي اروح اشكر ربي بكل قدرتي
دانه : الحمدلله دايماً وابدا
سطام : لا تعالي وش كنتي بتقولين امس
دانه نزلت ملعقتها بهدوء:يعني بس ما تعصب
ولا تزعل
سطام : اعصب عليك !!
دانه: ايوه
سطام: معصي اعصب وازعل على كل هالخلق الا
انتي
ضحكت دانه : اسمع طيب
سطام : قولي
دانه : تتذكر ما كنت انت وفهد تدورون على
دانه خطيبتك وتسوي برنت عنها واشياء
سطام: ايه
دانه: انا اخذت اوراقك مرتين وشققتها ورميتها
سطام بصدمه : وشو ليه
دانه: يعني انا دانه وخفت تعرف وتحوس الدنيا
سطام: يامجنونه كنتي بتختصرين علينا
دانه: يعني والله عجزت اخليك كذا متعلق
بأمل على الفاضي
سطام : من قالك اني قطعت الأمل اصلا كنت
اي شي يقابلني يخصك انبش فيه بس يوم صرتي قريب ماعرفتك
دانه: خلاص يعني صار ماضي وانتهى
سطام : ايه ذكرتيني ان فيه وحده خبله الله
لا يبلانا اشغلتنا بدار الرعايه
دانه ضحكت باحراج : وش اسوي كنت خايفه عليك
وخايفه منك ياخي ما تعرف وش كنت امر فيه
سطام : يعني انتي من جدك كنتي بتهربين يعني
تتوقعين اني ما بدور عليك
دانه : يعني كنت خبله
سطام : دامها اعترافات في اعترافات والله
اني كنت خبل بعد
دانه : ليه؟!
سطام : تتذكرين يوم قلت بلغت عن وجودك
دانه: ايه
سطام : كنت مفكر اذا جو اهلك ازوجك واحد
يعني كنت اعرفه وخططت وانتهيت وبقولك بس انتي انحشتي
دانه شهقت بصدمه : انت صادق
سطام : يعني قبل لا اعرف انك دانتي حبيبتي
وروحي
دانه : سطام تستهبل كيف يعني بتزوجني وبدون
مدري
سطام: لا وش بدون ما تعرفين انا فكرت انك
ممكن تهربين وتحوسين حياتك وخفت بعد من جنانك طبعا ما طرا لي الا ذي الفكره
دانه: ليتك ما فكرت
سحبها سطام وهو يجلسها: اسمعي القصة طيب
حكى سطام لها عن مخاوفه وان ماكان حتى يقدر
يتزوجها
دانه: حتى ماكان لك حق تخيل لو صار شي وزوجتني
صدق
سطام ضحك وهو يحضنها: لاالحمدلله كنتي لي
وظليتي لي
دانه: يا شين بعض افكارك
سطام : قومي قومي اجهزي احسن
راحت دانه وهي للحين مو مستوعبه فكرة سطام
اللي تصنفها غبيه
٠
وهي طرف ثاني صحى مصعب وهو يترنح اتجه لديوانيه
ما حصل الا نايف ومازن
مازن: صحيت
مصعب : ايه وين الناس
نايف : راحوا عند واحد من ذا الجيران
مصعب: تكفى نايف دور لي اي دواء
نايف: وش بك
مصعب : مدري شكله سند اعداني
مازن قرب وهو يقيس حرارته: اوووف حار و
الله
نايف :زين انتظر
طلع نايف متجه لساره: سوير نبي بنادول
جميله : بسم لله من يبيها !
نايف: مصعب تعبان يمه الظاهر سند اعداه
ام مصعب فزت: بسم لله عليه ولدي وش فيه
نايف: لا تخافين مسخن بس
رجعت ساره وهي تعطي نايف الدواء واخذه وراح
والكل راح معاه
ولفت ساره بغضب للعنود : مو ناويه تتحركين
وتروحين
عنود : وشو له اروح انا لا يكون انا امه
ساره: لذا الدرجه وضعك صعب
عنود : مب مشكلة وضعي اذا هو مريض
وقفت وطلعت وهي متضايقه من ساره وهي من
وجهة نظرها تشوف انه حتى لو ساعدها هي مو مجبره تسوي له شي
٠
عند مصعب اللي تفاجئ بالكل جايين واللي
يسأله اللي يلحفه واللي يتطمن عليه واللي يعطيه الدواء وكان مصعب فاقد ذا الاحساس من
10 سنين
ابتسم بصوت مبحوح وقال: لا تخافون انا بخير
شوية سخونه وتعدي
ام مصعب : والله انك نار يمه
مصعب : لا يمه بس عشان كنت متلحف وعرقت
بس
جميله: نايف خذوه للمستشفى
مصعب : ماله داعي ساعتين واصير كويس
جوري : خذ اشرب هالحليب يساعدك بعد
ناديه : لا لا جيبي له عسل وليمون احسن
نايف قرب وهو يهمس لمصعب : والا نجيب العنود
ابتسم مصعب وهو يقول : وخروه عني وبصير
بخير
نايف : هاذي جزاتي
جميله: نايف ابعد عنه
صقر دخل وهو يقول : وش فيكم وش ذا التجمع
نايف : حبيبك مريض
احتدت النظرات بين صقر ومصعب وجلس صقر وهو
مطنش ومصعب اللي جلس وهو يتلحف : اجلسوا لا توقفون كذا بتكتموني
صقر : لا احد يكتمه الدلوع
ردت عنود من عند الباب وهي متكتفه : هههههه
سحبان الله دايماً طريقة غيرتك وحقدك من اللي احسن منك مكرره وممله انصحك تجدد صرت
قديم
تحولت عيون صقر لها بغضب وحده : من متى
صرتي تدافعين وصار لسانك طويل
عنود طنشته وجلست وهي تسكر اكمام عبايتها
ومصعب اللي اعجبه ردها بس ما عطاه اي اهتمام
لانه فعلا ضايق منها
٠
وعند سطام ودانه اللي وصلو الحرم وابتدوا
ياخذون عمرتهم ودانه اللي كانت من بداية عمرتها لنهايه وهي تبكي فرح وتضحك فرح اذا
شافت سطام اللي كان مثبتها معاه بكل قوته ولما صار يهرول في المسعى كان كل شوي يلف
عليها ويتطمن انه يشوفها خلصوا وجلسوا يصلون ويدعون وهي تشوف سطام اللي كان يدعي بفرح
بعيونه واضح وبعد ما صلى ركعتين وسلم وطاحت عينه عليها ابتسم وهو يقول : خلصتي
دانه : ايه
سطام : بتجلسين والا نرجع الفندق
دانه : لا نرجع احس تعبت
رجعوا وجلس سطام يكلم جده ودانه كلمت البنات
وبعد ما سكروا قالت دانه : سطام
سطام : عيونه
ابتسمت دانه : الحين بسألك شي
سطام : وشو
دانه: شكثر تحب العنود
سطام ضحك: وش جابها لبالك
دانه : يعني جاوب وبعدين اقولك .
سطام : امممم عنود تقدرين تقولين انها مو
بس تؤام لروحي هي نص روحي بالضبط يعني هي جنبي اليمين قوتي وصندوق اسراري يعني قولي
انها الصديقه الاولى بالنسبه لي يعني لو تطلب روحي مستحيل ارفضها صح كان فيه فارس وفيه
فهد وفيه مازن ونايف وكثير بس عنود غير رغم انها بنت الا انها بقوه غريبه اقدر اعتمد
عليها بأشياء ما اعتمد على مازن فيها يعني مدري وش اشرح لك بس عنود يكفيني انها تعرف
وش فيني من نبرتي ومن عيوني وهي اللي توقف قدامي وترجعني بقوه اذا غلطت والله لو اقول
انها ضلع من ضلوعي ما وفيتها حقها
دانه بهدوء : دامها كل هذا وشو له تجبرها
سطام : اجبرها على ايش
دانه : على مصعب
احتدت نظرت سطام: من قالك اجبرتها
دانه : سطام واضح عنود تكره مصعب اصلا من
اول ما عرفتكم وقبل يجي مصعب وهو حتى اسمه تكرهه ولا تطيقه وكانت رافضته و واضح والكل
كان يدري برفضها بس دخلت عندها انت وطلعت وهي شبه ميته حتى انها شالت دبلتها من بعد
زفتهم على طول بتقنعني انك ما اجبرتها وخصوصاً انكم متهاوشين قبل وعلى بالكم محد حاس
بهوشتكم
تنحنح سطام ورجع لورا وهو يقول : انا ادرى
بمصلحتها
دانه: سطااام وشو اللي تدري بمصلحتها تجبرها
وتقتل روحها وتقول ادرى اشوف الموضوع عندك بسيط وتزوج وتطلق على كيفك
سطام بحده : دانه احشمي كلامك ماله داعي
نتمشكل من البدايه
دانه: مو مشاكل بس موقفها صعب
سطام بشك : عنود قايله لك شي
دانه : لا عنود اصلا ماكانت تتكلم ابد عن
مثل هالاشياء
سطام : معناته هذا شي بينا وبكره بتشوفين
كيف بتتفاهم مع مصعب
دانه : يعني هي مدري ليش اصلا تكرهه
سطام : ماضي مصعب كان زفت عشان كذا وبعدين
لا اسمعك تقولين لاحد انها مجبوره عليه
دانه : انا كنت بسألك بس
سطام مسح وجهه وتضايق من الطاري وهو يعدل
جلسته : يا دانه يا حبيبي فيه اشياء مقدر اقولها لاحد سواء انتي او غيرك فخليها في
القلب تجرح ولا تطلع برا وتفضح
دانه: عادي بس والله عايلتكم مره تدوخ
ابتسم سطام وهو ينسدح على ركبتها : ليش
دانه : يعني وضعك مع سند وصقر وشريفه وسيطرتها
وحوسه
سطام : ايه صح مشاكلنا كثير بس والله اني
اشتقت لهم من الحين صح انهم يطلعوني من طوري ويطري لي اذبحهم كلهم بس من جد صعب صعب
اني اعيش بدونهم وصعب اصلا إنا كلنا نفترق عن بعض ما نقدر سواء كرهنا بعض او تهاوشنا
ما نقدر
دانه : والله احسك صبرت كثير عليهم ولك
الجنه ان شاء الله
سطام : ان شاء الله بس انا راضي بجزاي في
الدنيا
دانه: جزاك !؟ وشو
سطام : انتي .
ضحكت دانه وهي تقول : والله تدري صح كنت
اعرفك زمان بس انصدمت فيك بعد الحادث من قريب غير جنونك غريب كل ما تذكر وشلون كنت
تهربني من نص المستشفى بكل بساطة اخاف منك
سطام :ههههههه يوه لا تحسبين شي سهل بالنسبه
لي كان صعب صح بس وش اسوي مضطر مقدر اخليك وراي
دانه وهي تمسح على شعره ونزلت وهي تبوسه من بين عيونه : بس والله لو عمري كله
اجازيك فيه ما وفيت يكفي انك تحديت سند وشريفه يكفي انك طلعتني من موت محقق
سطام اللي ضاع وهو يرد بهمس : مابيك تجازيني
ابيك معي بس وهذا لحاله جزاء
٠
ومر الوقت كان حلو ولطيف وبدون مشاكل وفي
دوانية الجد الكل كان يستعد لجيت سطام ودخل نايف وهو معاه لوحه واتجه لاحد الجدران
وهو يعلقها والكل يناظره بإستغراب وكان كاتب ( فل يشهد التاريخ بأن عائلة ال عاطف يمر
بنا اسبوع بسلام وبدون مشاكل وزعزعة امن )
مصعب :ههههه يا مجنون
مازن : ههههههه والله صادق ما ركزت
نايف : ايه يا عيني يحق لكم ما تركزون ما
يركز الا انا العزابي والوحيد المسكين مكسور الخاطر اراقب الجدران
سند : ايه كله من ذا السطام اللي يدور المشاكل
نايف وهو ما يبي ترجع المشاكل : والله توني
اعرفك يا خالي سند طلعت مسوي جو بالمشاكل
سند بطرف عين : مسوي تنكت
ضحك الجد : يمزح معك يا رجال والله يستر
على سطام والله انه حبيب
شريفة : اي والله حبيب له وحشه والله
سند بغضب وكبرياء : مهما كان فقدته واضحه
سطام : اوه اول اعترافين وشهادتين احطها
وسام على صدري
الكل وقفوا وهم يضحكون ويسلمون عليه واخذ
سطام القلم وركض وهو يكتب تحت كلام نايف ( فل يشهد للمره الاولى ان عمي سند انصفني
اخيراً) صقر اللي دخل وهو يسلم على سطام بحراره والكل بدوا يجون يسلمون عليه لكن طبعا
كان سلامه على العنود غير
نايف: سطام والله اني فقدتك صدق لو تشوف
بس الاوضاع بدون مشاكل تطفش صح عنود وصقر ما يقصرون بس مايجون في مستوى الاكباريه انت
وخالي سند
سطام:ههههههههه انا والله بعد طفشت من الراحه
الجد : الله يدومها عليك
جميله : عساك دعيت لنا في الحرم
سطام : دعيت لكم كلكم الا نايف
عنود : احسن شي سويته
نايف : خير والله لو اني سند شدعوه
سند : نايف احترم نفسك
نايف : مستخسر الدعوه على يتيم
سطام : معاد ينفع عذرك دور غيره قد قلت
لك اني ايتم منك
نايف :استغفر لله بس
جميله : حرام عليك يا سطام كان دعيت له
وش بيضرك
سطام : ههههه لا تضيقين يا عميمه انا مو
بس دعيت له انا حتى سعيت ورا كل المطاوعه بموية زمزم بعد عشان يقرون فيها ونعطيه عل
وعسى ربي يشفيه
الكل :هههههه
نايف : يعني تذب انت الحين
مصعب :كان ناديتني والله لجيب معك وايت
مويه مقري عليها
نايف : لااا انتم ما ينفع معكم ارد انا
احتاج جوري وينها وينها
مازن: اقول تلايط بس
نايف : افااا جيتكم واحد وجيتوني جماعه
كلكم ضدي ترا ماهي شجاعه صقر وينه تكفى يا صقر تعال كفخهم
صقر ببتسامه : من ينخاني
نايف : انا اناااا
سطام : شوفوا انا الحين وضعي خاص ما تكفخوني
كفخوا مصعب بالنيابه يكفي ماشاء الله لحاله ٢٠ طن يكفي
مصعب : سطاااام لا يالردي
الجد : هههههه اعقلوا بس خلوا الهوايش
ابتدت سوالف حلوه وضحك كان غريب على ذا
العايله
وبعد العشاء ابتدوا ينسحبون الكبار وينامون
وكان المجلس مافيه الا الشباب والبنات
مازن: بما انك جيت ياسطام يا وزير الترفيه
دور لنا شي نسويه بما انه اخر ليله
نايف : وياليت شي يونس
سطام : والله حالياً مقدر انفعكم مسوي فرمات
عظيم
مازن: استح على وجهك اسبوع طيرت ٢٧ سنه
من مخك
ضحك سطام : ياخي فكروا انتم خلوني
عنود : اصلا دوروا شي يصلح لنا كلنا والا
سطام بيكون معنا
نايف : من عطاك الحق انتي
عنود: انا عطيت نفسي
مازن: تعجبني الثقه سطام رجال مع الرجال
انتي خير
سطام : والله يا شباب اقول لا تجربون حظكم مع عنود خلوكم
ساكتين وفكروا
مصعب اللي كان متكي وهو يسرح ويرجع للواقع
نايف : عاد مصعب ما راح يكلف على نفسه ويفكر
٢٤ ساعه مسرح ممكن تشرح وين توصل
عايشه :اكيد عقله مع الامريكيه
كل الانظار توجهت لها وقال سطام وهو يمسح
شعره : لو نجلس نفكر وندور على حل لك يكون افضل
عايشه: وش سويت
سطام : الثرثره اللي مالها سنع حطي لها
حدود ازين
صقر: ههه وهي وش قالت هذا الصدق
مازن : صقر بالقوه جالسين نساير الوضع ونروق
مانبي مشاكل
مصعب رد على صقر وهو يقول : والله عاد انت
ادرى بذا الحركات انا والله اتجاهي واحد معروف هذا هي عنود جالسه ولو بفكر ما بفكر
الا فيها لكن انت الظاهر تدير مواضيعك كثير مثل ما كنت
صقر وقف بغضب : انت قد كلامك
مصعب ببتسامه هاديه:تعرف زين اني قد كلامي
يا صقر دامك مو راضي تترك اللي راح خلني اذكرك شوي بعض صفاتي
صقر : تحب اذكرك بأكثر .
مصعب اللي في لحظات تغير اسلوبه واللي خلا
الكل مستغرب من رده على صقر وهو متجاهله طول ذا الفتره ووضح على وجهه مصعب مكره وقوته
اللي هو مخليها خفيه بكيفه وقف وهو يمسح دقنه بيده وراح لصقر اللي كان واقف بطغيان
وقف قدامه وهو يحط يده ورا ظهره : شوف يا صقر ابعد عني احسن لك سكت لك وقلت يلا مهما
كان ظلمناه وله حق يسوي اللي يسوي بس اتوقع انك زدتها كثير وصار وضعك اوفر لكن بكلمك
هالمره بس ابعد عني وعن كل شي يعنيني وانت تعرف زين وحافظ زين وش ممكن اسوي فيك واتق
شري لاني خلاص وصلت لحدودي اللي تعرف انت وش بعدها مابي احلف بس لا تخليني التفت لك
لا تشغلني اكثر كلنا ندري كيف نقدر نأذي بعض عشان كذا احسن انك تسكر على الموضوع لاني
سكرت الماضي
وتغيرت نبرته وقال بصوت ضخم ارعب الكل ورجع
مصعب القديم : ولو بفتحه بتكون العواقب وخيمه دور احد ثاني تتسلى فيه طيب !؟ (يا النوي
)
كان تهديد واضح وصريح من مصعب اللي هز صقر
قدام الكل وخصوصاً باللقب الاخير اللي كان يعني لصقر كل مصايب حياته ولا احد يناديه
بذا الاسم الا احد يعرف مصايبه كلها
كلهم الاثنين سواء صقر او مصعب مب هينين
كل واحد في راسه شر العالم بس مصعب دافن شره بطيبه وبدله بس صقر رافض يتحرر
تدخل سطام اللي حس ان مصعب ماعاد فيه صبر
اكثر وهو يقول : دام وكلتوني بشيء خلونا نلعب لعبه جديده
هديل : عندي لكم لعبه رهيبه
مازن : اش هي
هديل : قول بس لا تقول
سطام : اشرحي
هيفاء جابت العلبه ووقفت هديل وهي تشرح
لهم وانقسموا فريقين بنات وعيال وابتداء حماسهم
٠
وصقر اللي طلع هو اسماء وهو متضايق مره
واسماء اللي ما تدري وش سبب العداون بينهم
قربت بخوف وهي تقول : صقر
لف صقر وعيونه حمرا : وش فيك
اسماء : اخاف اسألك وتعصب
صقر: قولي
اسماء : خلاص معاد بقول شي
صقر : انا اقول تكلمي
اسماء : يعني انت ومصعب ليه تكرهون بعض
ما فهمت وليه كلهم رسميين معك
صقر اللي طول يناظرها وبعدها شد على كتفها
وهو يقول : انتي وش وضعك معي .
اسماء بخوف : كيف يعني
صقر:انا وش اعني لك
اسماء اللي حسته رجع لصقر القديم وخافت
لكن قالت : انت زوجي يا صقر كل عيوبك عندي محاسن
صقر: بس زوجك!
اسماء : وش بتكون اكثر من انك زوجي
صقر وهو يشد على كتفها: انا مو بس زوجك
انا ابوك اهلك وناسك انا حبيبك وسندك وكل شي غير هذا مستحيل سامعتني
اسماء: ايه اكيد انت كذا اهداء لا تعصب
صقر نزل يده لا شعوريا وهو يشوفها موجوعه
: اوجعتك
اسماء : لا عادي
صقر : الا اوجعتك اشوف كتفك
اسماء: صقر بسم الله عليك ما اوجعتني مافيها
شي كتفي
صقر اللي جلس بيأس وهو حزين : تكذبين عشان
تفتكين من شري عشان تبعديني عنك ماله داعي انا ادري ان الكل يكرهني وان الكل يشوفني
شيطان ادري ما تطيقني وادري اني عاله على الكل حتى امي ما تحملتني وراحت وتركتني كذا
اخذو كل شي مني وعطوه مصعب
اسماء انصدمت من ضعفه اللي يبان لاول مره
قدامها فزت وهي تقول : لا يا صقر انا ما اكرهك وانت مو عاله انت زوجي وحبيبي واهلي
وانت تعرف انت لي كل شي وابوك يحبك بعد واهلك بس انهم مستغربين عصبيتك ومصعب عشانه
حسن نفسه رجعوا له جرب انك تنسى عيش معهم اسمع معهم واضحك وسولف لا تصير سلبي صدقني
بيحبونك والله يا صقر انت مو عاله وامك ربي كاتب يومها ما راحت لانها ما تحملتك
صقر اللي ناظرها بهدوء: لو اتغير بيرجعون
يحبوني
اسماء : هم يحبونك اصلا بس يكرهون فعلك
صقر بضعف يوجع القلب : طيب ساعديني اتغير
يا اسماء مابي اكون كذا مابي اكون عند اهلي غريب تكفين ساعديني
انكسر خاطر اسماء وحضنته وهي تقول : لا
تخاف انا معك وبيحبون افعالك بس خلك معي
صقر وهو يشد عليها : انا انا معك بس انا تعبت
اسماء : انا بسندك لا تخاف
كان صقر مستسلم لضعفه وهو يبي اي شي يغير
وضعه
واسماء اللي كانت مرعوبه من ضعف صقر ولا تبيه يضعف اكثر
٠
وعند الشباب وصل الدور لمصعب وبالصدفة كانت
الورقه مع عنود والكل كان متحمسين
وعنود اللي تورطت ما تدري كيف تشرح الكلمه
لمصعب اللي كان ساكن ومبتسم وللحين ما يكلم عنود وكانت الكلمه ( قسمه ونصيب )
سطام: عنود بسرعه
عنود : طيب دقيقه بفكر
هديل : بسرعه الوقت يمر
عنود : اااااااا كيف اشرح اممم وش صار مع
سطام ودانه قبل اسبوع
تنح مصعب : وش صار
عنود : يعني وش وضعهم
مصعب : وش دراني اشرحي زين
عنود : يوه طيب سطام وشهو لدانه
مصعب :زوجها
سطام: ما لقيتي مثال افضل
عنود : مب وقتك المهم كيف صار زوجها
الكل صاروا يناظرون فيها والكل فهم غلط
وهبدتها هديل : مالها دخل يا بقره غيري اشرحي زين
عنود : يوه طيب الحين انا وانت وش جمعنا
وش صار بينا .
مازن: وش صار يا خبله
مصعب اللي اخذ السؤال بجديه وهو وده يعرف
وش وضعهم
دفتها ناديه : ياخي بقره انتهى الوقت
نايف : وش الكلمه تكفون عشان اعرف كل هالاعياد
عشان ايش
سطام : يمه قلبي بموت عنود انتي وين عقلك
ذبحتينا عشان تشرحين قسمه ونصيب
عنود اللي اصلا تفشلت من مصعب اللي حسته
فهم سؤالها غلط : وش اسوي
مازن: الله من الغبى والدلاخه
سطام : اقول دورك يا مصعب اشرح لها وهي
تجاوب وفكونا من الهباله
نايف : لا تكفى
مصعب : معرف اشرح
سطام : حاول
سحب مصعب الورقه وغمض وهو يقول : مايصير
اغير لون
نايف: اشوف وش طلع لك( خلق ضيق) يوه بسيطه
مصعب : بسيطه ما قلنا شي بس
مازن: بتعرفها صدقني
مصعب : وخروا عني
جوري : بدا الوقت
ما عرف مصعب يشرح الا قال : صفه مشتركه
بينك وبين ابوي
الكل سكت فجاءه وتفجرواا فريق العيال من
الضحك
نايف: والله جبتها
مازن: اقوى صراحه ذبه غير مقصوده
سطااام: ياااا ويلك ويلاه
مصعب حمر وجهه وهو يضحك: وش اسوي طيب اقرب
شي
ساره: بسرعه بنعرف وش الصفه
عنود: اشرح من دون ظرافه
مصعب اخذ نفس : والله ماتنشرح الا بظرافه
المهم يعني هي صفه مب حلوه
سطام: يوه خربها زياده
مصعب : انت اسكت المهم انه صفه هي يعني
منتشره هنا كثير او عندك يوم تكونين متنرفزه وش تقولين
عنود :وش اقول
مصعب :تقولي مالي ..
عنود : مالي خلق
مصعب : ايوه الكلمه الثانيه صح وهي الاولى
عنود : خلق !؟!
مصعب : ايه
عنود : خلق !! منفس
مصعب : يعني بكلمه ثانيه
عنود : خلقي ضايق
مصعب : ايوه بس بدلي شوي في الكلمه
عنود : خلق ضيق
مصعب حذف الورقه بحماس : ايه ينصر دينك
عنود : الحين انا خلقي ضيق واشبه ابوك
سطام بضحك: خانه التعبير يا مسلمه
نايف:ههههه اجلديه تكفين
مصعب : اقصد نفس الصفه مشتركه
عنود : لا والله
مصعب بنظره هاديه : ماله داعي المبالغه
طيب ! تطلع مثل التصرفات احيان
جلست عنود لما حست بدقه في كلامه وهو يقصد
تصرفها معاه في كثير اشياء
نايف : دورك سطام
هديل : ودورك يا دانه
الكل : اوووه
اخذ سطام ورقه ببتسامه وكانت عن ( حوريه)
سطام : يوه يا عيال سكروا اذانكم الكلمه
تحتاج شعور
نايف وهو يشوف الكلمه : الله يرزقنا
مازن: وش ذا الحظ الزين
سطام : سكروا بالله
مصعب : يا شينك اشرحها بسيطه لا تعمق وريحنا
عنود : بسرعه
دانه انحرجت وقف سطام وهو يقول : ايه يالدانه
الحين الدانه الحقيقه وين يحصلونها
هديل بظرافه : عند سطام
مصعب : تكفون جيبوها بتوطى في بطنها
نايف : خذها يارجال والله مانطلب ديه حتى
عنود : اص خلوه يكمل .
دانه: في البحر
سطام: صح عليك طيب المخلوقات الحلوه اللي
فيه وش هي
دانه : سمك
سطام : سمك حلوه !
دانه ضحكت: فيه هي
سطام: سكروا اذانكم ي عيال تكفون
سكروا العيال بملل وقال سطام اللي ماعليه
من البنات
سطام : يعني بمعنى اخر حلوه مثلك
ماتت دانه من الاحراج والبنات يصارخون نايف
نط: والله انه تغزل فيها فاتني
سطام : اركد
مازن: يا سطام بسرعه الوقت راح
دانه بالقوه نطقت :حوريه
سطام : يا لبيه
نايف خبط سطام: سكتنا لك كثير
مازن عطاه وحده ثانيه: قلنا معرس بس اعقل
مصعب اعطاه الثالثه : الكلام اللي يعور
القلوب فكنا منه
الكل :هههههههه
هديل : الدور عند دانه
نايف : بموت لاقضيتوا علموني
سطام : اشرحي جعل
مازن : كملها وشوف وش بيصير
اخذت دانه الورقه وقالت : نايف ارجع مافيها
شي يجلط
نايف: قولي والله
دانه: والله
سطام : ياخساره
عنود : ذبحتونا ترا
دانه : يلا ( شختك بختك) الحين اذا سويت
شي وطلع معك صح من دون قصد وش تقوله
نايف : يعني زي زواجكم
عنود: نايف فكناا
سطام : ااااا حظ حلو
دانه: بمعنى ثاني
سطام: اشرحي اكثر
دانه : يعني الحين دخلت في شي وبدون ماتردي
ربحته شي زين وش تسميه
سطاام : حظ يكسر الصخر
مازن: والله اني داري انك غبي
سطام : احترم نفسك
دانه : هو اول كلمه تعنيها
سطام : مدري
ساره: خلص الوقت
سطام: وش هي
دانه: شختك بختك
سطام: انتي شرحتي بس صعبه والله
كملوا لعب بضحك وحماس .
.
وانتهى يومهم ومن بكره الكل راح يجهزون
لزواجهم
وتعدي الايام والكل مستمتع بحياته والكل
ملاحظ صقر وتغيره وسطام وفرحته وبسرعه مر الشهر والهدوء والفرحه تعم المكان
٠
وفي غرفة سطام اللي كان جالس يدور على شاحنه
وطاحت عينه على ظرف فهد ابتسم وهو يفتحه وكان خفيف غمض اول ماشاف شيك بمبلغ وضحك وهو
يقرا رسالته ( مدري متى بتفتح الظرف بس والله ماعرفت وش اهديك وشفت الفلوس بتنفعك اكثر
ادري انك حاليا تحتاجها وعلى فكره حلفت انك ما ترفضها وترا نصها انا تستلفتها منك زمان
هههههه المهم الله يوفقك يا حبيبي )
دانه دخلت وهي تعلق ثيابه: سطام وش فيك
تضحك
سطام : فهد كاتب ذا الرساله وضحكتني
ابتسمت دانه : طيب يلا ترا تأخرنا وجدي
ينتظر برا هو وساره بنتاخر كذا على الزواج
سطام : يا زينه ذا الزواج اللي بتحضره دانتي
الحلوه
دانه: ودانتك تبي تسلم على اهلها
سطام: نروح نسلم بس خلي بعد الزواج
دانه: طيب
قرب سطام وهو يبوسها بخفه وابتعد وهو ياخذ
اغراضه ولبست دانه وطلعت وهم يشوفون صقر يرتب الاغراض بشنطة السياره
صقر: سطام من اي طريق بتروح
سطام : الرئيسي
صقر: زين اجل على بالي بتروح مع المختصر
سطام: لا لا هذا اقرب للحفل
الجد: يلا يا عيال
صقر: يبه تعال معي
سطام: صقير فكني من شرك جدي معي
صقر: سطاموه هو معك دايم هالمره معي
ساره : اصلا ليش رايحين سيارتين
الجد: اي والله خلونا وحده خفيفين احنا
صقر: طيب بس انا بسوق
سطام: اجل على سيارتي
صقر : يلا اجل ساعدني بالشنط
نزل صقر وسطام الشنط ورتبوها وهم اللي علاقتهم
صارت كويسه
ركبت اسماء ورا بالمرتبه االاخيره وهي تحس
نفسها تعبانه وقالت بتنام
وسطام وساره ودانه بالثانيه والجد وصقر
قدام
استند سطام على كتف دانه ودخل بنومه عميقه
يتهيء فيها لزواج
٠
وعند الشباب الكل كان يستعد والكل فرحان
ومصعب اللي هادي شعوره اتجاه العنود وعنود اللي مازالت كارهه مصعب
اما مازن وجوري غرقانين بحبهم وهواشهم الحلو
٠
المغرب بعد ماجهزوا الكل ورجع سطام بيت
ابو مازن بعد ما حلقو الشباب ودخل وهو يصوت : ياهوه يلا بنمشي تاخرنا
ساره: يلا يلا خذ هاذي الاغراض بس لسياره
سطام اللي كان يشيل بالاغراض ويسولف مع
ام مازن وركبوا كلهم ولف سطام : دانه وين
ساره: بتجلس مع عنود لما تخلص
سطام: يلا اجل
اخذهم للقصر ورجع يبي يكلم العنود قبل زواجها
ويدري نفسيتها ماش دخل وطلع فوق ..
ووقف اول ماشاف دانه واقفه وهي تكلم امها
وبكامل اناقتها ابتسم بخقه واتجه لها وسحب الجوال وهو يقفله
شهقت دانه: سطام امي تتكلم
سطام: امك وين وانا وين وش ذا العذاب يا
بنت الناس
دانه: كيف بالله
سطام : اسكتي تكفين لا تاخذين رايي الا
بعد العرس
دانه: ليه مو حلو
سطام: اقول عذاب تقول مو حلو
دانه ابتسمت : طيب وين بتروح
سطام بجديه: بكلم عنود
دانه: سطام ارفق بها ترا مره نفسيتها تعبانه
سطام: زين بس هي عندها احد
دانه: بس المصوره
سطام: عادي ادخل
دانه: ايه عادي
دق سطام الباب وطل وهو يقول : ندخل يا عروستنا
عنود بصوت متذبذب : ادخل
تقدم سطام وهو يصفق : الله الله الله وش
ذا الزين وش ذا الحلاااااا يا ابوي
ابتسمت العنود وقرب سطام وهو يسلم عليها
: لا لا لازم صوره مع المزه
لف وهو يأشر للمصوره تصورهم صورتهم وبعدها
طلب منها تطلع
ولف وهو يقول: عنود اسمعيني
حست عنود بخوف وهي تناظره جلس سطام وهو
يمسك يدها : ما ابيك تزعلين على زواجك ابد ولا ابيك تضيقين وتفكرين افكار سيئه طيعيني
وعيشي حياتك صح انتي الحين بتبتدين حياه جديده وان شاء الله حلوه لا تاخذين الموضوع
بجديه وكرهه ترا الكل ملاحظ كرهك لمصعب حاولي
تعيشين معاه وتطلعين بأقل الخساير انا صح ما اعرف شعورك بس انا متاكد محد يستاهلك الا
مصعب
عنود هزت راسها بهدوء وقرب سطام وهو يبوس
راسها : الله يوفقك هذا اللي بقوله
ابتعد وهو يسمع صوت العيال ونزل تحت وهو
يشوف مازن طالع يجهز وهو يغني
طلع لشباب وهو يسمع سوالفهم وضحكهم
سطام : هاااااه جيتوا
نايف : جينا والواضح ان الليله وحيد
صقر : الله يكون بعونك
سطام : مصعب ما رحتو له
نايف : بناخذ مازن ونروح
سطاام : يلا اجل انا بجلس عند البنات لما
يخلصون
نايف: بتاخذ جوري والا ناخذها
مصعب : لا باخذها انا هي مين معها
نايف: ناديه
٠
عند جوري اللي انتهت ووقفت وهي تشوف نفسها
بفرح وحماس لفت على صوت رساله بجوالها وكان مازن يقول ( الشي الوحيد اللي مصبرني اني
ما احاكيك هو اني ادري اني بعد هاللحظه بتكونين لي ونكون مع بعض دايم وانك بهاللحظات
تجهزين لاسعد يوم بحياتنا يا اجمل ما حصل في حياة مازن
ابتسمت جوري بفرح وهي ما تدري وش ترد لكن
تركت الجوال وهي تقول :ارد عليه بنفسي احسن
لفت لما سمعت الباب يدق وكان مصعب :جوري
فاضيه
جوري : ايوه تعال
دخل مصعب وهو بيده كيس هديه : اول شي اسف
على تاخير الهديه بس انشغلت شوي وثاني شي مبروك لك والله يتمم عليكم فرحتكم وثالث والاخير
مهما حصل معك يا جوري اعرفي عندك اخو وسند يفديك بروحه وانك اغلى شي عندي ان شاء الله
ربي يكتب لك السعاده دايم لكن مابي اوصيك على نفسك وزوجك انتبهي يا جوري تخلين حياتك
كتاب لكل واحد يدخل ويعدل على كيفه كل شي يصير معك زين او شين خليه بينكم وانتبهي وانا
اخوك انك تهدمين بيتك بيدك وادري بك عاقله ما يحتاج توصيه
جوري حضنته بفرح: ابشر كل شي تقوله على
راسي يكفيني انك تكون عزوتي
ابتسم مصعب : اجل بخليك تجهزين وبطلع ومبروك
جوري : مبروك لك بعد
طلع مصعب وهو مبتسم وقف يناظر كشخته بالمرايه
وكان ضايق اخذ نفس بضيق وهو يمسح جبينه نزل وهو يسمع صوت بوري الشباب
٠
وعلى الساعه ١١:٣٠ اخذ سطام جوري وعنود
واتهجوا للقاعه ونزلوا وكل وحده راحت لغرفتها تتجهز وتجهز وضعها
٠
وع الساعه ١ جت الزفه والكل كان مسبوط وفرحانين
وفي طرف ثاني كانت العنود اللي تحس بجمود مسيطر عليها
سمعت صوت الشباب وهم يزفون مصعب ومازن
ودخلوا مع مصعب اول شي وارتبكت عنود وهي
تحس الاكسجين انقطع عنها شافت سطام اللي اقبل مع مصعب اللي سلم على راسها وقف بهدوء
وهو يسلم على الباقين
وقف سطام وهو يقول :مصعب ما اوصيك على العنود
حطها بعيونك وان فكرت تزعلها تلقاني قدامك
ابتسم مصعب: في عيوني لا تخاف
سطام : بخليكم واروح لمازن
مصعب : موفق
سطام طلع وهو قلبه مو متطمن للعنود بس يدعي
ان الله يوفقها
عنود اللي كانت واقفه بهدوء مليان انكسار
بس واقفه بشموخ
جلس مصعب وهو يحس راسه بينفجر من الصداع
: مبروك
عنود ناظرته بهدوء وطنشته وقف مصعب وهو
يرتب شكله ويستعد لزفه وهو متجاهل العنود ومتجاهلته
٠
وعند مازن اللي كان يتشقق فرح وحماس اول
ما دخل لف بسرعه وهو يبوس راس امه وام مصعب ولف لجوري بحماس
سطام هبده: عيونك لا تطيح
مازن: انت وش تبي جاي
سطام وهو متجه لجوري : بسلم على حبيبتي
كان سطام بيحضنها لكن بسرعه البرق ركض مازن
وهو يحضنها قبله: معصي تسبقني
الكل انصدموا وضحكوا بنفس الوقت وجوري ماتت
بمكانها
سطام : اركد طيب بنسلم عليها ونطلع
مازن: وصل سلامك توكل
سطام اللي قرب وهو يسحب جوري غصب وسلم عليها
وطلعوا وهم يضحكون على مازن المجنون اللي اول ما تسكر الباب اخذ نفس ولف يحضنها من
جديد
جوري اللي هنا كانت ميته احراج ابتعد مازن
وهو يقول : مبروك ولو انك مارديتي علي للحين
ابتسمت جوري بخجل : برد عليك بس مو الحين
مازن ضحك : وش الزين اللي يشلع القلب
جوري نزلت راسها بخجل وهي تسمع كلام مازن
الغزلي البحت وهو مندمج معها لما اعلنوا الزفه
٠
وانزفوا العرسان بهدوء وفرح وحب وطلعوا
كل واحد متجه لفندقه
عند مصعب اللي دخلوا وهو راح يطلب عشاء
وعنود اللي بدلت على طول وانسدحت بغضب تبي تنام
شافها مصعب وهز راسه بأسى وهو ينزل العشاء
: تعالي تعشي
عنود : ما ابي
مصعب : ادري ما اكلتي شي من الصباح تعالي
كلي
عنود : ليه ان شاء الله قالوا لك بهمل نفسي
عشان زواجك الخايس
مصعب بهدوء طنشها ورجع ياكل اما عنود انسدحت
وهي خايفه منه اكثر من اي شي ثاني
وقف مصعب وطلع الاكل وغسل ورجع بينسدح وفزت
عنود : شتبي
مصعب : بناام
عنود : لا تنام جنبي
مصعب : ليش ان شاء الله
عنود : ما ابيك كيفي
مصعب هنا معاد يتحمل وناظرها وهو رافع حواجبها
بغضب : لا تفكرين اني بروح انام برا او على كنب عشان حضرتك ترتاحين
انسدح وهو يعطيها ظهره وقال بإستفزاز لها
: لا تخافين انا ما ارمي نفسي على احد
تلحف وهو كان تعبان وبينام وعنود اللي انسدحت
براحه وهي خايفه انه يغدر بها
٠
اما عند مازن اللي ماصدق وصل الفندق ودخل
بحماسه وهو يساعد جوري اللي دخلت بخوف
وبعد ماطلب العشاء وبدلوا لف مازن وهو يقول
: ايوه يا جوري كيف شفتي الزواج
جوري اللي تشوفه يحاول يفتح موضوع : حلو
مازن : والله مو محليه الا انتي
جوري : تسلم
مازن حب يطلعها من خجلها : اقول كم ارتفاع
كعبك
جوري : ليش
مازن: كنتي طولي تقريبا واضح تعبتي لين
حصلتي شي يوصلك لي
جوري : يعني انت الحين بتستهبل وتستعبط
مازن: : يعني بقولك رايي
جوري وقفت بغضب : ليش مو عاجبك طولي
مازن اللي قرب بهمس وهو نزل لها مره بسبب
فرق الطول :انا وش جابني على وجهي الا انتي وطولك ولطافتك اللي تشلع قلبي من مكانه
وش سويتي فيني يا بنت الناس وين اخذتيني وين وصلتي بي من دروب الحب
جوري اللي حست انها احترت ولفت بتروح بس
وقفها مازن بيده لما حاوط خصرها: وين
جوري : بروح اشوف جوالي
مازن : مو وقته ابد هالجوال
٠
وعند صقر اتجه للغرفه اللي خصصها له ابو
مازن هو واسماء دخل وهو شماغه بيده وعيونه تدور على اسماء لكن وقف بخوف لما سمع صوتها
تبكي وتستفرغ ( الله يكرمكم ) رمى شماغه وركض : اسماااااء حبيبتي وش فيك اسماء
اسماء اللي استندت على صقر وهي تبكي : ما
ادري احس بدوخه وغثيان كل شي فيني يوجعني
صقر: بسم الله عليك من متى
اسماء : من يومين احس بدوخه وغثيان بس الحين
زاد
صقر سندها وهو يساعدها تلبس العبايه: اكلتي
شي انتي اوجعك
اسماء : لا
نزل صقر بها لكن واجهه سطام اللي توه جاء:
صقر وش فيكم
صقر اللي كان بين قلقه: مدري اسماء تعبانه
باخذها للمستشفى
فتح سطام لهم الباب : سلامات سلامات ان
شاء الله بسيطه طمني طيب
صقر : زين
طلع سطام متجه لغرفته وفتح الباب وهو مبتسم
كعادته وشاف دانه اللي كانت جالسه تنتظره ووقفت وتقدمت بسرعه وهي تحضنه: طولت
استغرب سطام لكن ابتسم وهو يشد عليها :
كنت اوصل العرسان وش فيك وش ذا الشوق المفاجئ
دانه ابتسمت : ولا شي ما يصير احضنك
سطام : يصير يصير يصير كثير بعد
دانه اللي كانت تراقب سطام بكل تصرفاته
بفرح وحب زاد كثير خصوصا هالفتره بعد ما تعمقت في سطام وعرفت عن حياته كثير
٠
وعند صقر اللي وصلو المستشفى ودخلوا سيده
على الدكتوره اللي بدأت تاخذ الاعراض والتحاليل وبعد ساعتين وقف صقر بضيق من بكى اسماء
اللي قطع قلبه وهو يقول : وش صار على التحاليل
اعطته الممرضه التحليل : انتهى خلاص خذها
لدكتوره
اخذها صقر وراحوا لدكتوره اللي كانت تقرا
وهي تسمع بكى اسماء : الله الله شكل المدام دلوعه مره
صقر بحده: وش اللي دلوعه انسانه مريضه وتقولين
دلوعه
الدكتوره: ههههه واضح مين مدلعها بس ما
يحتاج تخافون الوضع طبيعي
صقر: شلون يعني
الدكتوره: زوجتك حامل يا استاذ وحملها من
بدايته واضح صعب الله يعينك
جمد صقر شوي لكنه لف على اسماء اللي وقفت
بكيها ورجع يناظر الدكتوره : كيف .؟!!
الدكتوره :كيف يعني كيف زوجتك حامل
جلس صقر بفرح وصدمه ولف على اسماء : تسمعين
اسماء اللي بكت بفرح : اسمع يا صقر اسمع
كانت مشاعر صقر مختلطه خوف وحب طلعت الدكتوره
واتجه صقر لاسماء وهو يحتضنها بفرح واسماء اللي فرحانه وخايفه بعد من تقلب صقر ومزاجاته
رغم انه تحسن كثير بس الموضوع مخوفها
طلعوا بعد ما اخذوا الادويه ورجعوا البيت
وساعدها صقر لين نامت ورجع صقر لغرفة سطام وهو مبسوط دق الباب وهو مو قادر ينتظر لصباح
يحتاج احد يبشره طلع سطام : صقر جيتوا وش فيها اسماء
صقر : اسف ازعجتك بس انت قلت طمني
سطام وهو يرجع شعره: لا يا رجال وش ازعاج
هاه وش صار معكم
صقر مد لسطام الورقه ناظره سطام : لا تستهبل
وش عرفني وش مكتوب معرف اقراها
صقر: ابشرك بصير اب
اتسعت عيون سطام بفرحه وهو يحضنه بفرح ويبارك
له : مبروك يا رب يتمم لكم وتفرحون فيه يارب
صقر: الله يبارك وعقبال عندك
سطام : ان شاء الله
صقر: انا بس بقولك وبروح انام
سطام : الله معك
رجع سطام وهو مبسوط دانه : وش فيه صقر
سطام سحب ذراعها وهو ينسدح عليه : ابد ينتظر
ولده بالطريق
سكتت دانه وهي ما فهمت وبعدها وقفت وهي
تصرخ: اسمااااء حامل
سطام : هههههه ايه حامل
دانه : بروح ابارك لك لها
سطام مسكها: وين وين الناس فرحانين مع بعض
وين رايحه انتي
دانه : ماعليه بسلم وارجع
سحبها سطام : اتركي الناس وتعالي نفرح احنا
بس
دانه: يوه والله فرحانه لها مره
سطام : بكره تباركين لها
دانه: والله كنت ملاحظه عليها بس اني ما
فكرت في الموضوع كثير
سطام : وش عرفك انتي
دانه سكتت بضيق : يعني مريت قبل بنفس الوضع
سطام اللي حس انه جرحها بدون ما يقصد وجلس
وهو يقول : اللي راح راح والله يجعلك ما تمرين فيه الا بوضع احلى
دانه قربت وهي تحتمي بحضنه : امين
٠
ومن بكره الصبح ابتدو الكل ينزلون للفطور
في صالة ابو مازن وكان صقر مسنتر بالصاله من بدري
الجد : صقر وش فيك يا ابوي هنا
صقر :انتظركم تصحون
ابو مازن: بسم لله وش فيك
صقر :خير خير
الجد : صقر خوفتنا
سطام اللي جاء يركض : انا انا بقول
صقر نط وهو يسكر فم سطام: بلا استهبال انا
اللي بقول
كان سطام يمازح صقر وهو يحاول يتفلت لكن
طيحه صقر وهو يسكر فمه وجالس فوقه وبصراخ : اسماء حامل
وقف سطام وهو يضحك : هيا مبروووك
الجد بفرح وهو يحضن صقر: مبرووك مبروك الله
يتمم عليك
ابو مازن: الله يهنيك ياصقر وتقر عينك بشوفته
ام مازن: مبروك يا صقر
صقر: الله يبارك فيكم كلكم
وعند البنات نزلت دانه وهي تشوف اسماء حضنتها
وهي تبارك لها
اسماء : الله يبارك فيك وعقبالك
دانه: ان شاء الله
ساره اللي ركضت وهي تحضنها : مبروك اسماء
والله فرحت لكم
اسماء : الله يبارك فيك
ساره : بنزل ابارك لصقر
سطام اللي يصوت من تحت : ياهوه الفطور تاخر
نزلت ساره ببتسامه: الحين يجهز
راحت لصقر وهي تسلم عليه وتبارك له وخصوصا
ان صقر بعد ما تغير صار الكل تقريبا يحبه
٠
عند مصعب اللي تحرك بإنزعاج من نور الشمس
لف بضيق وهو يغطي وجهه وهو ناسي اصلا انه تزوج لكنه فز وهو يناظر عنود اللي نايمه بجنبه
بهدوء تنهد وهو يراقب ملامحها الهاديه الجميله اللي مخربتها بأخلاقها
رفع نفسه بيتعدل وفي ذا اللحظه كان قريب
من عنود
وفجاءه حس بضربه قويه على صدره دفعته بقوه
وطاح من فوق السرير على راسه ويده وصرخ بألم لان اصلا السرير مرتفع فأوجعت مصعب
عنود اللي اول ما فتحت شافت صدر مصعب قبالها
وقريب منها مره وخافت انه ناوي لها نيه ولا شعوريا دافعت عن نفسها
جلست وهي تناظر فيه بحده اما مصعب اللي
اعتدل بألم وهو ماسك كتفه ناظره بغضب : انهبلتي انتي وش حركات الهمج هاذي
العنود: على بالك بسكت لك واعدي لك حركاتك
لا تحسبني خبله ما افهم
مصعب بوجع : حركاتي !! وش سويت لك يا بنت
الناس
العنود : أسال نفسك لا تسألني
مصعب وقف وهو ماسك كتفه : قسم بالله انك
مريضه
العنود : انت المريض
مصعب اللي لف بألم وهو يقول : قد ما فيك
يا عنود لا تختبرين صبري احسن
العنود : وش بتسوي
مصعب هز راسه بأسى وهو ما يبي يأذيها راح
يغسل وهو مو قادر حتى يرفع كتفه من الالم رجع بضيق وهو يجلس طلب لها فطور وهو اتلحف
وهو يحاول ينام عشان ما يذبحها
اما عنود اللي جلست تفطر وهي تشوف انها
منتصره من البدايه ولا بتسمح له يقرب لها .
.
.
اما عند الكتاكيت كان وضعهم جدا جميل مازن
اللي كان صاحي من بدري وهو يجهز هديته لجوري
بعد ما صحت جوري وبدلت وطلعت سمعت مازن
اللي وقف وهو يقول : هلاااا هلاااا بالملح والقبله
ابتسمت جوري بخجل وهي تجلس
مازن : ردي عبريني والا لسانك اللي ثلاث
مية متر وين اختفى
جوري رفعت راسها : مصر تطقطق حتى الحين
مازن: مصر انك تحكين والله قطعتي قلبي اختفى
صوتك فجاءه شكلي بطلقك عشان ترجعين تسولفين
طارت عيون جوري بصدمه: بالله عليك هذا كلام
عريس بصباحية عرسه
ابتسم مازن بخبث : يا لبى الصباحيه والله
وش اسوي تغزلت وانسحب علي وانطرمتي قلت ادور شي يخليك تتفاعلين
جوري : دور سالفه زينه اقل شي
ضحك مازن : ابشري ندور
سحب الهديه من ورا الكرسي : اجل دام كذا
خذي هذه هديه بسيطه بس غلاتها كونها لك
جوري ابتسمت وهي تاخذها: ليش كلفت على نفسك
مازن : انا لو اعطيك سيقاني قليلة عليك
جوري لفت بصدمه : وشو
مازن بمزح : يعني انتي بسم لله عليك عيونك
تغطي على عيوني ف انا بعطيك شي ناقص عندك سيقاني توفي بالغرض
تكتفت جوري بغضب وضحك مازن وهو يبوس يدها:
والله والله اني امزح اطقطق يا بنت الحلال اصلا انا بطولي اضيع عندك
ضحكت جوري وهي تقول : والله انك مجنون
مازن: افتحي الهديه طيب
جوري فتحت الهديه وهي كانت سلسلة راقية
وجميله ابتسمت وهي لا شعوريا قربت وهي تبوس خده : حلوه مثل حلاوة اللي جابها
اختفت ابتسامة مازن اللي جمد من بوستها
وفجاءه صار يضحك بحماس : يا لبيه يا لبييييه يا لبيييه
ضحكت جوري باحراج وهي تشوف تعابير وجهه
المصدوم
٠
وفي بيت ابو مازن الكل تجمع عندهم وكان
من العادات انه يكون فيه عشاء المعاريس كانو يجهزون ويساعدون ام مازن وام مصعب
دخل صقر المطبخ وهو ينزل الاغراض : خذي
سوير هاذي الاغراض
ساره: يعطيك العافيه
صقر: الله يعافيك وينها اسماء
ساره: مع البنات ادخل
صقر دخل وهو يسلم على البنات وباركوا له
صقر: اسماء كيفك الحين تحتاجين شي
هديل : الله يرحم والدينك صقر ترا ما صدقنا
نفتك من سطام ودانه ومازن وجوري فكونا من الاهتمام الزايد
عايشه: لا تخاف هي عندنا ما تحتاج شي
صقر: اكبر كارثه انها عندكم
هديل : نعم !
صقر ابتسم وهو يقول : تكفين يا جميله لا
احد يقرب تراهم مجانين يذبحونها والله
هيفاء : لا تحدا والله لاذبحها صدق
صقر : قربي وشوفي
جميله: ههههه ما عليك بعيوني محد مقرب لها
سطام اللي دخل : ياليل صقر ولقى له شي ينشب
فيه ياخي تاركني اكرف وجاي هنا
صقر: شتبي انت نايف معك
سطام وهو يعطي دانه القهوه : سخنيها .. نايف مسوي اضراب
صقر: وشو له
سطام : عزابي لحاله متحطم نفسياً
الكل :هههههه
صقر : خله خله بروح احره زياده
سطام ضحك وهو يشوف صقر متجه لنايف اللي
كان جالس جنب الجد ويتحلطم عليه
صقر : اقول نايف ما سمعت اخر خبر
نايف بطرف عين: يعني بتقهرني دريت تزوجت
وبيجي لك بيبي وش تبي بعد
صقر: يعني انا والله اقول انه ان شاء الله
اذا جاء البيبي نعطيك اياه تتسلى فيه مثلك عارف عزابي ومسكين العيال تزوجوا وسحبوا
عليك
نايف : جدي شوفه لا واالله اتوطى في بطنه
الجد : صقر وخر عنه خله ذا ولدي ما احد
يقوله شي
سطام: ولد مين يا حبيبي انا وش صار علي
نايف: انت خلاص ولد دانه
ابومازن:هههههه والله يا سطام نايف قادم
وبقوه
سطام : بسكت لك هالمره جروحك توها طريه
سند اللي كان جالس وهو يلعب مع سند الصغير
: وش اللي حادك تزوج انت يا نايف
نايف: والله ما لقيت شريكة حياتي
صقر: يع يا شريكة الحياه اللي بتشاركك
جميله: صقر خلك عن ولدي والا والله اطلع
اسماء من مسوؤليتي
صقر: ابد نايف الشيخ ما قلنا شي
سطام هز راسه بطقطقه: افااا اخر عمرك تخضع
للحريم
صقر: والله اخضع
نايف: هذا هو سبب اني ما تزوجت
شريفه : تاخروا العرسان صح
نايف: هذا اذا جو اصلا حبيبتي عايشين بالعسل
شيبون فالبصل بالله
صقر: انا ابصم ان مازن بالذات ما انتم شايفين
وجهه
سطام: اي والله
ابو مازن: ما ينقال عنه والله
٠
عند مصعب اللي صحى وهو يحس انه من الالم
بينهار وقف وهو يغسل ورجع يحاول يلبس ثوبه
وبالقوه لبس وهو واضح عليه الالم والغضب وطلع وهو متجه للمستشفى
وهذا كله تحت انظار عنود اللي تجهز للعشاء
ومتجاهله مصعب والم مصعب وبعد غياب ساعتين رجع مصعب وهو حاط حمالة ذراع ودخل بعد ما رد السلام وجلس وهو يقول : تعالي كلي
عنود : مابي منك شي
طنش مصعب واكل وهو يشوف عنود تتجهز وقف
وهو يبدل ونزل حمالة وهو يحاول يخلي ذراعه طبيعيه وكانت مفكوكه
كان يرتب نفسه بهدوء ولا فيه صوت الا صوت
عطره وخطواته القويه الثابته اللي ترعب لكن يطغى عليها تصرفاته الهاديه واللطيفه
طلع وهو يقول : يلا
طلعت عنود وكانت تمشي بجنبه بقوه ممكن تعادل
قوة مصعب اللي كان تعجبه قوته بس ما تعجبه وقاحتها في قوتها
٠
عند مازن وجوري واضح مثل الشمس والحب مسيطر
عليهم وصلوا بيت ابو مازن وقف مازن وهو يسحب عطره ويتعطر ولف على جوري وهو يعطرها
جوري : بس انا تعطرت
مازن: ادري
سحب عطرها من يدها وتعطر فيه هو : مافيه
شي اسمه عطري وعطرك الحين حنا واحد حتى ريحتنا بتكون وحده معروفه عند الكل
جوري ضحكت وهي تقول : انا تصيبني صدمه اذا
قلت كلام كذا دون طقطقه
مازن : لاحقه خير اصبري
لفوا على نايف وسطام اللي يدقون القزاز
نزل مازن القزاز بخفيف بس : يوه وش تبون انتم يا علل
سطام : لا يالرخمه جحدتنا
نايف : هذا وانت توك بالبدايات
مازن: معليش ما اكلم الا متزوجين بالله
وخروه
نايف : الله ياخذك
ضحك مازن ونزل وهو يسلم عليهم ولكن ما تركوه
وشالوه بعد ما حاسوه شخصيته كامله ودخلو وهم يرمونه جنب سند : يلا يا عريس سلم على
عمك
مازن: الله يغربلكم
نايف : اجل ما تحاكي الا متزوجين
الجد : الله يصلحكم
مازن : دقيقه بجيب زوجتي
سطام سحبه : تدل الدرب ترا
دخلت جوري وقف مازن وهو يصلح شماغه : غلط
عيدوا بندخل من جديد واحترمونا لو سمحتوا
الكل : يوه
طلع مازن وجوري وهم يضحكون ورجعوا دخلو
والكل يرحب
٠
اما مصعب اللي وصل بطلعة الروح تعطر وهو يمسج كتفه كان المفروض يحط الحمالة بس ما حب
يبين تعاسة زواجه من البدايه وهو يحمد ربه انها يده اليسار
نزلوا بهدوء ودخلوا ومصعب يقول : سلام عليكم
نايف : الكبير وصل يا رقاله
ساره : وصول الجبابره
ابتسم مصعب وهو يسلم على الكل وجهه يعرق
كل ما واحد ضغط على يده
انتبه سطام : وش فيك
مصعب : ولا شي
جلسوا ومع القهوه والسوالف ضحك نايف وضرب
يده وهنا لا شعورياً قال مصعب : ااااخ
الجد : مصعب وش فيك
سند : وش فيها يدك
شريفه : ليه ما تحرك يدك وجهك من ساعه يتقلب
مصعب ابتسم : ولا شي بس نايم عليها وصار
لها شد بس
نايف ومازن تحولت نظراتهم لخبث وهم يناظرون
نايف بهمس : انت اللي نايم عليها والا
مصعب ضربه في بطنه : وجع وجع يلوي بطنك
مازن : صادوه
مصعب : اقول اعقل انت وياه
صقر بتحفظ : جرب تطقها بتشفى
مصعب بنفس التحفظ : ايه دايم كذا
٠
ساره بهمس للعنود : وش صاير
عنود : ولا شي
ساره: عنود اقص يدي اذا ما كان من تحت يدك
عنود : لا تنكدين علي اكثر بالله عليك
ناديه : بنات دريتوا
عنود : وشو
ناديه : اسماء حامل
عنود : ماشاء الله مبروك اسماء
جوري : مبروك يا قلبي والله فرحت لك
اسماء : عقبالكم يارب
٠
وبعد ما انتهى اليوم الكل اتجه لبيته والكل
مبسوط ومرتاح الا مصعب اللي يحس انه ابتداء مرحله بحياته ثقيله وكان يحاول انه يبتعد
عن عنود وهي بعد وما صدق مر شهر العسل اللي بالنسبه له نكد وعنود نفس مشاعره بس كانت
هي الطرف القوي
اما عند مازن وجوري كانوا عايشين تفاصيلهم
بكل حب ولا يتغير الا انه يزيد
وصقر اللي طاير بأسماء وفرحان فيها وهي
بعد نفس الشعور
اما سطام ودانه ما ينحكى عن حبهم وسعادتهم
ببعض
٠
وعند مصعب اللي كان جالس بجناحه وهو يقرا
كتابه ويحاول يسترخي فز على شي انكسر ولف وهو يسمع العنود تقول : حسبي لله ونعم الوكيل
عليك
مصعب اسرع وهو يشوف سند اللي كان يلعب وطيح
عطر عنود وكسره اتسعت عيونه وهو يناظرها بصدمه: انهبلتي تحسبين على طفل هذا بدل ما
تبعدينه عن القزاز
عنود : ليه ان شاء الله امه والا ابوه والله
يجيب عيال ويرميهم وانا ابتلش
مصعب وهو كاتم غضبه : اقصري صوتك يا بنت
الناس افضل لك وعطر بداله مليون عطر بلا جنان وهبل
عنود : مين بيجيب العطر لا يكون انت
مصعب اللي كان حاضن سند : ايه انا عندك
اعتراض
عنود بتهور : تخسي انت واشكالك تجيبه
هنا طفح كيل مصعد واتجه لغرفة سند وهو يدخله
فيها ورجع مثل البرق وعنود اللي كانت جالسه على جوالها وهي تتأفف لكن سحبه سطام وضربه
بنص الجدار وانكسر وصرخت عنود : انهبلت بعقلك انت ليش تكسر الجوال يا مريض
مصعب سحب عطوراتها واحد واحد وكسرها كلها
قدام عيونها وهي مصدومه كان ساكت لكن غضبه واضح قرب وهو يحط عينه بعينها وثبت نفسه
قدامها وقال بصوت زعلان وضخم ومرعب : لصبري حدود يا عنود هالمره في عطوراتك ولا تجربين
زعلي ترا للحين اعطيك الحد مابي ابني مشاكل لكن كل الناس الا ولدي لو تفكرين تأذينه
صدقيني لتموتين وانتي ماتدري وش اللي حصل لك بالضبط
ابتعد وهو يتنفس بغضب طلع وهو يشوف امه
بخوف جايه: مصعب وش فيك يمه اسمع شي يطيح ويتكسر
تلاشى غضب مصعب وابتسم: لا ياحبيبي بس سحب
سند من الطاوله قاعده عطور وانكسرت بس بسيطه
ام مصعب : صار له شي
مصعب : لا يا حبيبي تعالي نتقهوى بس جوري
ما جت اليوم
ام مصعب : لا يقولون طالعين يتمشون
مصعب : الله يهنيهم ..
#يـــــتـــــــبــــــــــع...
ليست هناك تعليقات:
إرسال تعليق