الحلقة الاخيرة ..
عــند راشـــد من رجعو البيت وكانت خوله
تتكلم وكانت طايره من الوناسه : يجننو خواتك امك ياراشد حيل طيوبه حبيتها وابوك وجدك
وش اقول بس حبيتهم ماحسيت نفسي غريبه مـعهم والله وكانــي وحـده منهم وربي حبيتهم حــيل
راشد ابتسم : وانا بعد ما ادري كيف كنت
اكرهم ماتوقعت كل ذا الترحيب
وبالذات امي واضح متعذبه على فراقي
خوله : تخيل تقول لا تقولي خالتي قولي يمه
يازينها حبيتها
راشد ابتسم وقرب مـن خوله وباسها وبعد
: اهم شيء عجبوك ياروحي
خوله تـــدفـــه : ايه عجبوني بس ولــــدهـــم
مو مضبوط
راشد بحركــــه سريعة مـنه شالها بذراعه
وخوله شهقت : نزلنـي انا حامل بطيح ماراح تقواني
راشد : تدرين إني أحبك خلاص والله اموت
لاصرتي قاسيه معي مو متعود خلاص خوله وبكره يوم جـــديد اوعدك اتغير واكون مــثل ماتبين
انا اصلا تركـت كل اشغالي اللي غير قانونيه
يعني راح يتغير نظامي كـله وبكون لك كل يوم خلاص خوله مابي كلام يغث وبنفس الوقت من
فتره كنت اروح عند دكتور نفسي
و اتنوم عـنده
خوله تناظر بصدمه : ليه مريض انت
راشد بهدوء: النفسيه لها دور في كيان الانسان
ياخوله كنت احضر جلسات والحين بديت اتحسن ما يحتاج اجلس لفترات طويله وامس كنت مع رعد
و واحد يصير ولد عم زوجته زوجته مخطوفه وانا حسيت نفسي اقدر اساعدهم ورحت أشوف رجال
تساعدنا ورجعنا البنت السالفه ومافيـها اسمعي وبدا يسرد
،
خوله انصدمــــت وتناظر راشد بصدمه : والله
انك كفو يوه حبيبي الحمدالله على سلامتكم
وتضمـه
راشد ابتسم : آوه رضيتي علي اخـــيراً مابـــغيتي
يابنت
خوله : وانا اقدر ازعل مـنك بس كنت معصبه
خلاص كل شي بح الحــين
راشد ابتسم ومسك يدها ودخلو غرفتهم .
•
في مكان ثاني عند شخصيه اللي بس كان ينذكر
بس اسمها في الروايه راح تطلع بدور صغير في الروايـــه هل راح يكون لها تاثير على ابطالنا
والا لا نـعرف مع الاحـداث
كانت جلسه وتقرأ سوالف البنات في القروب
يتكلمون عــن زواج " رعــد الـــــ " اللي بيكون بعد يومين
انـــصدمــــــت و تتكلم بجمود : راح تتزوج
يارعد بعد مـرور سنتين مـن بعد لالي صار بيــ... وسكتت و وقفت وهي تبتسم بخبث
رميت اخوي بالسجــن وانا مايحتاج اقول وش
سويت فيني لازم نـــــوجبك في اجمل ايام عـــــــــمرك يا قليبي يارعــــــد وتضحك
بخبث
ومـــشت
وتتصل على احـدى المشاغــل القريبه مـنها
وتطلب حجز مكياج وشعر في نفس يوم الزواج
وسكرت بعد ما ضمنت الحجز وتناظر نـــفسها
بثقه وتمشي وهي تضحك وتطلع فستانها اللي من قريب شاريته مالبسته الا مــره وحـده مافي
مانـع البسه ثانيه بزواج روعــــده
وترسل في القروب : بنات انا بحـظر من راح
تجي معي كلهم قالو راح يجون
تبتسم وتسكر القروب ،
" وطلعت رقم اريام وترسل لها : السلام
عليكم اريام اخبارك الله يسامحك زواج اخوك بعد يومين وما نسمـع الا مـن الناس الله
يسامحك بس صراحـه خذيت بخاطري عليك لا تنسي الصداقه اللي كانت بينا يا اريام وابقى
أحبك رغم كل شيء صار بينا " ،
ضحكت ضحكه شيطانـــيـــه
، " جا دوركم تخافون مــني أنقلب السحر
على الساحر "
و انسدحت بسريرها عشان تنام وتفكر بكل شي
ممكن تسويه ،
من هذي من تتوقعون تــــكون ايوه هي اللي
جت بعقولكم
•
بـــــــعد مـــــــــرور يـــــــــــــــــومــــــين
بالضبط بدون احـــــداث
الـــــــيوم الــــمنتظر بالنسبه للــكـل
وأنواع التوتر والخوف عند البعض والحماس والفرح عند البعض الكره والخبث عـند البعض
.
.
الـــيوم يوم زفاف بــــطلتنــا وبطلـــنــا"
'
رتــــــــــــيــــــــــل و رعــــــــــــــــد
مـن الــسـاعـــه ٦ الصباح وهي صاحـيه ومصحيه
الكل مـعها ومـرتبكـه وخايفه ومشاعر جواتها كــثيره تمنت تـكون امها جنبها واخوها دحوم
تمنتهم اليوم معها
تمنتهم كــثر شعر رأسها و بالذات امـها
وابــوها اليوم يومي اليوم فــرحـي ،! و اغــلى نــاسي مـــو جـنبي صعب الشعور اللي
تحس فيه رتيل .
.
{ امي وابوي وعبد الرحمن سرقهم الــمـوت
مـني ومحمد اخـوي زوجتـه سرقته مـني } .
.
دخلت عليها لمى وتناظر بعيونها وكأنها فهمت
ويش تفكر فيه وتهمس لمى : رتيل جهزت لك حمام العروسه يا اختي خوذي مـن بدري ازين لك
، يا عروستنا الــيوم يومك ويلا انبسطي وش
فيك مـكشره من صباح الله خـير
رتيل تناظرها وتهمس : فياض رجع خايفه يــخرب
يومي هــذا أو يسوي شي لرعـد
لمى : اوف رتيل مو لذي الدرجـه فياض مـراهق
او مختل عقلياً
سكتت رتيل ،
وقامـت تاخذ شــور يبعد التوتر والـخوف
اللي فيها حتى في يومي شعور الخوف والتوتر يلحقني ما انكتب لي ارتاح الحمدالله على كـل حال ريلاكـــس يارتيل هــــدي
يابنت ،
•
وعلى الساعه ٩:٣٠ كل البيت قايم من كلا
الجهتين يختبصون الشباب طلعو يشيكون على القاعه واللي راح يشيك على وضع الــبوفيه الــمفتــــــــوح
واللي يشيك على الكوشه والــخ كل شخص توزع
يشيك على الاستعدادات لزواج
•
نــجي عــند زيـــاد مـن فتح عــــيونه
مسك الجـوال مـتوقع رساله صباحيه منها مثل ماتعود بس انـــــــصدم برساله مـن رقم يعرفه
واللي زاد صدمــــــته الــــكـلام الــــي كان مـــــــكـتوب فيــــــه
زياد فتح عيونـه بصدمـه بعدها سكر الجوال
وضحك بــسخريه بعد ما ارسل الكـلام اللي كـتبه وقام وملامحه جامـــده وطلع يشوف ابوه
وجــده وش ممكن يحتاجون مــنه
ومازال مـصدوم مـن الوقاحـه اللي شافهـــا
مـن كم دقيقه .
•
بالنـــسبه لـــرعـد بعد ما اخـذ الشور
نزل عشان يفطر وشافهم مستلجين والكل رايح جاي
رعـد جلس يفطر مع ابوه وجــده وكان اكــثر
شي متحمسه انــو خلاص راح يصحـى تحت حسها و على صوتها يغمض ويفتح عيونه يحصلها جنـبه
وكان شاق الابتسامـه ومــــرتاح الـــبـــال
الـجد يبتسم لـه : متحمس
رعـد يرمش بكل ثقه وراحـه : حــيل متحمـــس
الـوقت بيطول علي على مايـــمر ربك كريم ذولي متى بيطسون الــمشغل ازعجوني بروحتهم وجيتهم
اريام جت ركض من شافت رعــد وضمـته ؛ الــمـعرس
هنا يالبا ياخي الحب حقي بنزفـه الليله لعروسته
رعـد يقرصها : هي اللي تزفونها لــي وش
حرمـه انا
اريام استوعبت كلمتها ثم ضحكـت : ههههه
سوري ياقلبي سوري
رعــد تنهد : الله يــصبر احــمد عليك أخ
بس أخ مـــنك
اريام انحرجت
الـجد : لـحظه هي مــوا فقه عليه يا رعـد
رعـد
يبتسم ويغمز لاريام : بتوافق لــيه ماتوافق حــضرتها ذا احمد قول طايره فيه
والا لا يا اريام
اريام حمرت وراحت عنهم
رعــد ضحك : ههههه شفت انها مـوافقه لا
تغرك ذا السوسـه يمـه منها من تحت لتحت
ام رعد : خف على بناتي اقول في البدايه
فجر تحرجها والحين اريام ترا بحط حيلي بزوجتك عاد هي خلقه مـرتبكه
رعــد ضحك بخبث: امــــوت عليها لا صارت
مرتبكه بالله يا يمـه زيدي جــرع الارتباك اللي فيها
الهنوف وفي حضنها لمار : مجرم اعوذ بالله
الله يصبر رتيل المسكينـه عليك
رعــد وقف ويمسك جـواله يدق عليها
كـشر يوم شاف الــجــوال مــقفل : وش فيها
ذي مـقفله الجوال لايكون نايمـه وللحين ماقامـت
فجــر تضحك : انا اتـوقع كـذا مو مـهتمه
مو مثلك مسنتر كـأنــك جـني اعوذ بالله
رعـــد لف لفجـر : تكفين فجر روحي شوفي
وش تسوي تكفين
الـهنوف : هيه اعقل خلاص اتــــرك البنت
بروحــها تتنفس شـــوي مو من جدك
رعـد : طيب بس بتطمن عليها شوفي الــجوال
مغلق
الهنوف تضحك : انا يوم كنت عروس قفلت جوالي
عشان عزوز خبيث مثلك ما ابيه يربكني يعني عادي
رعـد تآفف : خبث يا ذا البنات طيب وش اسوي
انا الحين طفشان مافي أحد اطقطق عليه واعصب فيـه
رعــد جت عيونـه على لمار النايمـه وضحك
بخبث وقرب مـن الهنوف ودنق وباسها بقوه
لمار فتحت عيونها وبكــت
الهنوف طيرت عيونها بعصبيه و صرخــــت
: رعـــــــــــــــــد يا اهبل والله راح تمسكها وتسكتها انت
رعـــد طير عيونـه : تمزحين صــح ما اعرف
الهنوف ترمي لمار بحضن رعــد : نومـــها
مـثل ماقومـتها وراحت وتركـته
رعـد توهــق : انا المعرس خير تسوين فيني
كـذا وانا اخوك
الا على دخلت راشد وضحك : هههه تستاهــل
من ساعه أشوف فيك طاقه
رعـد شطح : وش جـــابك
راشــــد جمدت مــــلامــــحه : قــلت اجــي
اوقف مــعـ...
رعــد حس على نفسه وضحك : ههههه وش فيك
جمدت ملامحك تعال خذها تكفى انا المعرس لازم اتجهز لـعروستي يا رجال وبعدين تدرب عليها
جـت الهنوف وتاخذ لمار : ماني مجنونه اذب
بنتي عند المجانين و راحـت
رعــد وراشد نــــاظرو بعض رعــد تكلم : تقصدك تــــرا
راشــد تكتف : بالله مـن اللي منهبل مـن
اليوم غــيرك ياقلبي يلا يلا قوم احلق فك اهل
البيت مـنك
اريام شافت راشد وجت ركض من بعيد وتصوت
: رشود رشودي
وضمـته : جابك ربي ذا من اليوم صاير خبل
الله يشفيه
ضحكك راشد ويرفع يــده : ادعي له الله يشفيه
امين ياربي
رعــد طير عيونـــه ويخز اريام : بــعد
رشودي مالت عليكم تعالي بس صوري مـعي اليوم بطردكم
اريام بلعت ريقها : انا احبك رعودي مالي
الا انت يا حبيبي
رعـــد :اوف قسم طفشت مـتى يجي الـليل آه
يارتيل محد يفهمني كــثرك
زيـاد يناظر رعـد : روح احـلق وفك العالم
مـنك وبعدين شف روح تمشى في الشوارع صدقني انت بس تعلق بزحمة الرياض راح يروح يومك
بسرعه
رعـد عطـاه نـظره وسحب نظارتـه الشمـسيه
وطلــع ،
•
أهداب تزن فوق راس مـهند من الصباح مـثل
الاطفال : مـهند جعلك بالجنـه بروح مهند تكفى تكفى
مـهند منجلط منها : صاحيه آنتِ تبينهم يصكونك
بعين يقولون قبل اربع ايام والده واليوم تحضر زواج و بكل عافيتها وصحتها مجنونه انت
ِ
أهداب بضيقه : آوكيـه خـلاص لا تعصب
مهند تنهد : ماني مطول بسلم عليهم و اجيك
ولا تزعلين
أهداب مطنقره سفهتـه
ومهند يبتسم : أحبك
أهداب : حبتك القراده قلت لك ابي اروح بس
انت ما تفهم ولا تحس بس بسلم على رتيل و اصور معها و ابارك لها تكفى
مـهند اوجعه رأسه وسحب البطانيه ويتغطى
: لا والف لا ما تفهم ذا المجنونــه .
•
عـــلى العصر رتـــيل طلعت بعد ما خذت شور
ولبست العبايه هي و خواتها ومعهم ام رعد واريام وفجر والـهنوف وطيف
وطلعو للــمشغل ورتيل كانت في حالة تـــوتر
وخوف ماهي طبيعيه ومشاعرها تروح وتجــي وكان واضح عليها الـتوتر و وصلو المشغل ورتيل
تناظر المشغل وكانت سرحانـه جتها اريام وتضرب كتفها رتيل لفت مـرتاعـه
اريام تبتسم : وش فيك مو متحمسه عكس رعـد
بيطير من الصباح وهو موجع روسنـا فيك ورتيل هي اللي تفهمني وتريحني انا مابيكم وبثاره علينا اليوم فصله قبل الزواج
رتيل تبتسم : خـبل يازينه
اريام تسحب رتيل ويدخلو الغرفه الخاصه في
العروسات وكان في كثير عروسات وكل وحده جالسين يجهزونها ويضبطونها
رتيل راحت للعامـله اللي بتضبطها وجلست
واريام تناظر رتيل : وش فيك رتيل احسك مـو
على بعضك في شي مـزعجك
رتـيل توترت ؛ اممم وجهي يعطي كـذا مدري
ياختي يا اريام آوف مو قادره اعبر وش فيني بس لا تهتمي
جلست اريام قبالها على اساس بتهديها جت
بتتكلم بس انربط لسانها وهي تناظر اللي قــدامـها
وطيرت عيونـها بصدمـه
رتيل عقدت حـواجبها ولفت تناظر اريام من
تناظر الا في وحده لابسه شورت وبدي ابيض ورافعه شعرها ذيل حصان وكانت جميله وملامحها
ناعمـه
وتبتسم لأريام وتاشر لها
و اريام مصدومـه وش تبي ذي ويش تبي ليه
اليوم بالذات ليه
وصلت الى اريام وتمد يدها عشان تسلم : هاي
اشتقت لك ياحماره وحشتيني
اريام بجمود تصافحها وتناظرها بإحتقار
: هاي اهاه
رنــد تناظر رتيل وتبتسم لها : مـن هـذي
يا اريام
اريام تتكلم بحده وتناظر عيون رنـد : رتيل
زوجة رعـــد ياروحي
رنـــد تبتسم : ماشاءالله انتِ زوجة حبيبي
الــســ ......
اريام بــحـده : رنـــــــــد احترمي نــفسك
رعــد نساك مـن زمان وانتِ و لا شي بالنسبه لـه الحين شي واحد يحبه ويموت فيه بذي الدنيا
، واللي هي رتيل وبس
رنـد ضحكت : يوه حــــيل واثقــــه هو بس
لو يسمـع اسمـي شوفي وش يصير فيـه ليه سهل الحب ينرمى من المـزاج اعذريني يارتيل بس
هذي حقيقه اتوقع تعرفي في حبنا السابق والا مخبين عنها كـل شي المسكينه مـثل الاطرش
في الــزفه
رتــــيل تولدت مـشاعر الغيره بعيونها وقلبها
ووقفت وتكلمـت بكل ثقه : صح الحب صعب ينرمى بس ياقلبي الحين مالك شيء بقلب رعــد لانه صار مو يعشقني الا
صار مــجنون فيني ياقلبي والحب اللي ما ينصان ينرما وعشان ابين لك اني واثقه مـن كـلامي
حياك اليوم في زفافي مافي شي اخاف مـنه لاني واثقه مـن كـلامي يا عيونـــي
ورجعت رتيل وجـلست وهي تناظر ذي الـرنـد
وكان خاطرها تذبحها
رنـد ترمش: على اساس كذا والا كذا راح اجي
بس صح تعالي بقولك شي رعـــد ما يقول أحبك الا لي الناس اللي يحبها من جـــد اذا قالها
لك بشكل صريح فهو يحبك إذا لا يــــكــذب عليك خبز يديني رعــد
ورمشت ببرود: بالتوفيق يا عروسة حـبيبي
السابق تتهني فيـــه
رتــــيل كانت مصدومـــــه
{ اذا يحبك راح يقول لك احبك بشكل صريح
آذا لا فهو يكذب عليك خبز يديني }
اريام حست على رتيل : ماعليك مــنها حقيره
حقيره مو كافي اللي ســوته هي مقهوره منك وتبي تخرب جـوك طنشيها لا تاخذي كلامـها على
محمل الــجد لانها اكـبر كــذابـه عرفتها بحياتي هي وسديم كانو قريبات مني مره بس اكتشفت
كذبهم عــلي بشكل يقرف
رتــيل ماهي حول اريام وتفكر في كلام رنـــد
وماسكـه نفسها " رعـد ماعمره قال رتيل أحبك مــعقوله يـكذب عــلي لا لا يارتيل
وش فيك جتك بنت وذبت كلمتين هزتك في كـلآمـها بس هذا الصدق الف مـره المح لرعـــد بس
كان يصرفني بس حركاته كلامـه عيونـه قلبه تقول انه يعشقني بس
وقفت وهي مــــتوتره وقامت من مكانها طالعه
و اريام انــــصدمـت و تصوت لها وتصارخ : رتــــــــــيل ويـــــــن
رتـــيل تمشي وماهي سامعه شي فيها كمية
بـــــكاء وش ذي الأشياء اللي صارت تطلع في البدايه فياض ثم رنـــد شسوي انا وش ذا
التوتر اللي وصلت له ودخلت دورة الـمـياة وسكرت على نـفسها وفجاة شهقت بـــكاء معقوله
صح كـلامها .
.
رنـــد كانت تراقب من بعيد وتبتسم لان واضح
الكلام أثر في رتيل وكانت واثقه من رعد انــه مايعيد الكلمـه اللي كانت تطلع لها بشكل
مستهلك وبشكل يومــــي
تذكر كيف رعد كيف كان يشغلها في حبه وكل
يوم من يقوم الى ان ينام وهو يقول
" رنــد احبك لا تنسين هــذا ابد لو
يصير اللي يصير راح ابقى أحبك وثم أحبك طول عمري وحياتي كلها مافي ولا حرمـه ممكن تاخذ
مكانك وما تطلع ذي الكلمـه الا لك احبك يارنـــد "
وقبل يوم تركها واكتشف كـذبها كان يكلمـها
وهو مـــصدوم : آوكيه طعتيني ومستحيل اسامحك و مستحيل اثق في النساء مـره ثانيه مـــستحيل
اعبر عن حبي لك واللى اشكالك و الله لا أخليك تندمـــي يا الخاينـــه
غمضت رنـد عيونها وفيها كمـية دمـــوع : قسم بالله يارعـد للحين أحبك وما اتحمل
وجودك مع وحـدة ثانية صح انا غلطانه وانا نيتي كانت حقيره بس حبيتك غصب عجزت أنساك
عجزت اخليك و اطرحك مـن قلبي واكيد انك تبادلني نفس الــشعور اذا انت للحين مو قايل
لها انك تحبها لو انك تحبها جد كان ماتأثرت في كـلامي عندي ثقه اني بقلبك للحين وذي
الرتيل حجه عشان تنسانـــي الحب ماهو جـبر وغصاب
ماله داعي تغصب نفسك على حب وحده ماتحبها آه يارعــد
آه مشاعري فيها كمية الم لانك فكرت فيها
وصارت زوجتك وانا حبيبتك اللي احق منها اخ على الزمن والاحـداث الشيطان اللي اعمى عيوني
والسبب الفلوس وطمـعي فيها
وقفت وراحت تضبط نفسها وعـندها شي تفكر
فيــه .
•
رتــيل طلعت بعد ما غسلت وجـها وطلعت ورايحه
تضبط نـفسها وجتها اريام : وين رحتي
رتيل بهدوء: رحت اغسل وجهي يلا روحي ضبطي
نفسك وهذي راح تشتغل فيني يلا روحي لا يتعطل شغلك عشاني قلبو انتي
اريام : رتيل انتِ بخير
رتيل تحاول تبتسم : وش فيك اريام والله
انا بخير خلاص روحي شوفي نفسك ياقلبي لازم العشاء نكون في القصر ياقلبي يلا روحي
وراحت اريام وراحت الى رند الي كانت تسوي
تسريحـه
وضربت الطاوله اللي جنبها : احذرك ثم احذرك
تقربي من رتيل رعـد بس لو يعرف انك بكل وقاحه مقربه منها هدم الدنيا فـــوق راسك فاهمـــــه
رنـد تضحك بطريقه تستفز : ياخوفي يتدوده
من يسمع اسمي واصير انا عروسته الليـله مـو ذا الرتيل اللي انتِ طايره فيهـا ماتدرين
يختي الحب أقوى منك انتِ ومن كلامك ومن ذا البزر وثقتها بنفسها " عمر رند ٢٥
"
رنــد تلف تـصد عن اريام
اريام خافت تسوي شي يـــخرب ذا اليوم و
راحت تشوف نــفسها
رند بعد ماخلصت من نفسها طلعت من المشغل
.
.
بــعد مــــرور كم ساعه صارت الساعه ٧ العشاء
رتــــيل خلصت مـن نفسها واغلب البنات خلصو
نوره تناظر رتيل : تهبلين تهبلين بسم الله عليك
رتيل كانت مرتبكه وتناظر لمى : كيف شكلي
زين والا لا مافي شي غلط فيني
ام رعـد خاقه عليها : راح ولـدي وطي بسم
الله عليك سبحان مـن صورك ملكة جمال شويه وقليله بحقك
كل اللي في المشغل عيونهم على رتيل
رتيل شافت عيون الناس عليها وشكت بنفسها وتناظر لمى : وش فيهم يناظرون
كـذا لايكون اوفر شكـلي
ريما : لا خاقين عليك تف تف ما شاء لله
جت ام رعد وصارت تقرأ عليها المعوذات وتبعد
عنها : يلا روحي البسي كلنا راح نلبس وبنروح القصر
رتيل كشرت : البس هنا
اريام : ايه مايمدي اصلا نروح البيت ونلبس
وهناك حوسه هنا احسن كل شي معنا ماخذينه لا تتوترين
رتيل تناظر لمى ؛ تعالي ساعديني طيب
ومشت لمى تساعــدها
لتكملة الفصل يمكنكم متابعته على قناتنا في اليوتيوب في الرابط اعلى الصفحة
ليست هناك تعليقات:
إرسال تعليق