فتح عـــيونـه وحس في يد بارده ماسكـه يده و وفتح عيونه نـوف وقفت : فـــيصل
فيصل همس ببحـه : مـــويــ..........ــــــه
قامت نوف تبلل له شفايفه وتعدل السرير له بحيث يجلس
وفيصل تآلم وحط يده مكان الطعنه : آح يوجــع
نـوف تبعد يـــده بخوف : آوش آوش ياروحي لا تلمســـه
فيصل يطالع فيهـا : ماغيرتي مـلابسك
نوف تناظر نفسها للحين عليها الفستان : لا كيف اروح و اخليك جاء رعد وشافك بالصدفه وجن جنونـه حيل خايف عليك بغا ينهبل لدرجـه بغا يضربني وضحكت نوف وهي تغمز له ثم جت رتيل بعدين راحو لملكة اخوك عشان محد يحس فيك وعاد بعد الملكـه بيجون وانا برجع البيت
فيصل تنهد وغمض عيـــونـه : خلاص روحــي لاتصير لك مشكـله واكون انا السبب
نوف تهز رأسها في لا
فيصل : قلت لك روحي جد وجودك ماله مـعنا ابـــد
نـوف انـــــصدمـــت : فيصل انا تقول لي هــذا الكـلام
فيصل بعصبيه : ايه جـد اطلعي ادري ليه جالســه عندي مو حب فيني تبين ما ارفع قضيه على حبيبك عشان مايعدمونــــــه والا يحبسونه
نوف نست فارس وشهــــقت بصدمــــــــه : فيها اعــــدام فيصل لا تقولها
فيصل ما تحمـل يشوف نظرات الخوف لغيره وصرخ بعصبيه : بـــــرا اطلـــ...... وتعور ومسك جرحــه : آه آخخخخخ
نوف خافت عليه وجت ترجـعه على ورا : فيصل تكفى لا تنفعل عشان خاطري
فيصل بحده وهو يعض على شفته : اطلعي طـاب خاطـــري مــنك اصلا
انــــصدمـت نوف وتجمـعت الدموع بعيونها وترمي الشنطه في الارض : وش تبيني اسوي وش صار لك تتكلم مـــعي كـــذا تتوقع جـالسه اتمصلح مـعك عشان فارس تأكـد مافكرت فيه الا يوم تكلمـــت تــــو ذكـرتــه حرام عليك
ولفت وطلعت وتركـــتـــه وعيونها كـله دموع وسكـرت باب غرفتـه وجلست و تتسند على الباب وعيونـها تــذرف دمــوع وش تســـوي طايحــه بين اثنين واحـد مد لها ذراعه بعد ماكانت مكسوره وجريحـه والثاني حبيب روحها الانسان الي حبته من كم سنــه فكرت بلحـظه فارس ينعدم رجفت و انهارت تبكي بصمـت لا فارس لا مستحيل اتحمل موتك بسببي كل شي يصير هنا انا السبب
وورفعت عيونها لصوت الرجـال الكبير في السن : هذي غرفة فيصل الــ....
نــوف انصدمـت من ابو فارس اللي واقف قدامها وتهمس: فارس وينه وش صار له رد علي تكـفى
جلس يناظرها وعرف انها نوف وإستحقرها : انت ِ نوف بنت أبوفياض
نوف جـمدت انــه يعرف أبوها
ابو فارس رفع يدينـه : حــسبي عليك حسبي عليك من بنت كانـك دمرتي ولدي مو كفايه دمرني ابوك جيتي تحولين عـلى ولدي ماهي غريبه يا بنت ابو فياض انتِ بنتـه هذا طبعكم تدمرون الناس
نوف منصدمـــه وماهي فاهمـه شي الا على صوت فيصل من جوا يصرخ : آوص ولا كـلمـه نوف ادخلي جوا
ما اسمح لك تغلط عليها تـــفهم
نوف وابو فارس دخلوا
أبو فارس بهدوء: الحمدالله على سـلامتك وجيت اعتــذر لك
فيصل ببحده وماسك نفسه : وش تبي لاتخاف للحين مامت بس تحلم اتنزل عن السجن توكـل وكلامك على زوجتي تسحـبه وتعتذر لها بسرعـه
نوف رفعت عيونها له وتناظره وتهمس: زوجتك
ابو فارس: زوجتك
فيصل : ايه زوجتي عـندك مانع ما اشوف انها مخطيه ولدك اللي جاء وطعني عشاني تزوجتها وحضرته جالس يتزوج ومنقهر انها تزوجتني
أبو فارس تنهد : تكفى لا يوصل الموضوع لسجن وندفع اللي تبي
فيصل ببرود : الدم بالدم شبعان فلوس وتبيني اطلب فلوس روحي مابعدها روح خله ياخـذ درس
ولا امثاله
نوف تهمس بخنقه : لا
فيصل همس: ولا كلمة
و بعدين كلم ابو فارس : وجبت لو سمحت اخرج من هنا
أبو فارس انقهر وخرج وهو مقهور
نوف جلست وبكـــت بــــــــــقــــــوة وتهمس : بسوي اللي تبيه بس لا ترفع قضيه لا يموت حرام عليك
فيصل مارد عليها
نـوف قامت وجلست جنبه وتتبكي بترجي : تكــفى فيصل تــكــفى تـــكـفى
فيصل صرخ بقهر : خلاص اسكتي انا تعبان وتوني طالع مـن حلق الموت وكنت بين الحياة والموت اشوف مو همك الا حياة حبيبك
نـوف شهقت بقوة : لا تفكر كـذا تكفى لا والف لا .
•
على ساعـه ٢:٣٤ راحو الضيوف وانتهت المـلكـه بخيرها وشرها وكل شخص طلع غرفتـه
بنجي عنـد رعد ورتيل
اللي تسحبو وطلــعو بدون محد يحس فيهم
ودخلو عــلى صراخ فيصل وبكـاء نـــوف وصوتهم اللي كان شبه عالي
رعــد فتح الباب بقوة ويناظرهم وشافهم مـتوترين
نوف كتمت نفسها وصدت تعدل لثمتها : كيفك ياخوي
.فيصل يحاول يبتسم : هـلا هلا سمعت انك بغيت تنهبل
رتيل مسكت نوف وطلعو
ورتيل منصدمـه من عيونـها الحمـــراء اللي مـــثل الجــمـر : وش فيك وهذا فيصل وقام ليه يصارخ عليك
نوف تهمس : يبي يعدم فارس
وشهقت بقوة
رتيل فتحت عيونها بصدمــه : لحـظه وش السالفه يانوف وش بينك وبين فيصل ومن فارس حبه حبه علي
نوف تهمس: فيصل يحبني وانا قلت لك من قبل اني احب انسان اسمه فارس في البدايه صارت مـواقف لي انا وفيصل ثم اعترف بحبه ثم قال خلاص بتركك اذا تحبينه ويحبك
فجأة فارس تركنــي بدون سبب يارتيل وانهرت ومحد وقف مـعي الا فيصل وجلس يهديني بجميع الطرق بس اليوم زواج فارس من بنت عمـه واتفقت عشان اكسره مثل ما كسرني نطلع انا وفيصل على اساس متملكين عشان نكسره بس
شهقت بقوة وماقدرت تكـمل
رتيل بدا عقلها يستوعب الاحـداث : فارس ماتحمل تتزوجين غيره وطعن فيصل وفارس بالسجن وفيصل بيرفع عليه قضيه محاولة القتل المتعمد و في شهود كثير وقتها على الجريمـه و منها يكون فيصل عنده عدة خيارات الاعدام والا نقد مالي والا يتركـه ويعفو عـنه هو اللي يقـرر وقتها
وفيصل اختار يـعدمـه
نوف صرخت بإنهيار : لالالالالا مستحيل لالالالالالالالالالالا
وصارت تضرب نفسها بجنون : لالالا
رتيل مسكتها تهديها : بس خلاص هدي فيصل مو نـذل لذي الدرجـه و إذا يحبك مستحيل يعور لك قلبك
نوف تشهق: لو مات فارس امــوت يارتيل يتزوج يتركني كل شي بذي الحياة بس الا الموت انت ِ حطي رعد مكان فارس
رتيل بخوف : بسم الله عليه والله اموت
نوف تمسح دمــوعها وترمي راسها بحضن رتيل : مجرد التفكير يصيبني في الجنون
رتيل تهمس: لاتفكرين فيصل معصب وبس مو مستوعب اللي يقوله بكلم رعد يكلمـه ورعد يقنـعه
نوف: بس رعــد يتوعد في فارس
رتيل تبتسم : لحظة غضب يانوف اكيد بيطلع مـنه ذا الكـلام انتِ حطي نفسك مكانه لاصرتي معصبه من شي تقولين كـلام ماتستوعبينه الا بعدين
رعد يوم هدا قدرت اسيطر عليه ماعليك يلا امشي بنرجعك البيت عشان ترتاحين توترتي واجد اليوم
نـوف : لا بتصل على السواق مابي يشفون رعد وتصير سالفه تعرفين كيف علاقته مـع أهلي
رتيل تبتسم : على راحتك
الا على طلعت رعـد : رتيل
رتيل لفت وراحت له : عيونها
رعـد متنرفز : الغبي مايبي احـد يجلس عنده الا ذي الغبيه
رتيل تناظــر نـوف
نوف توهقت : مااقدر اغيب عن البيت اكثر من كذا
رتيل : بكلم عمي وبقول له انك بتنامين عـندي
نوف : كذا كلامك صار مـعقول
وترفع رتيل الـجـوال وتكلم عمها بعد السلام وسأل عن الحال أخذت الاذن مـنه ان نوف تنام عندها بعد عدة مـحاولات وافق
وتسكر رتيل وتغمز لها : تم انتهى المـوضوع و وافق
تنهدت نـوف
رتيل : شوفي الحين بتجين معي البيت عشان يشفونك البنات و يشهدون انك جيتي ومنها تاخذين شور وتغيرين مـلابسك طيب
نوف تتنهد : ايه محتاجـه اخذ شور واغير فستاني ضايقني
رتيل : طيب يلا
رعـد يلا بنروح البيت عشان نوف تبدل عليها فستان الزواج ومنها ترجع عند فيصل مـره ثانيه
رعـد تنهد طيب ودخل عند فيصل يقول له ثم طلعو مـن عنده و ركبو السياره على بيت ابو رعــد
وصلو ونـزلو
رتيل ونوف
ودخلو الجناح حقهم رتيل تناظر : الكـل نايم اكيد من بعد الملكـه الكـل تعب ونوف تفسخ العبايـه وتدخل دورة المياة اكرمكم الله و أخذت لها شور يريحـها و تسترخي فيـه
ورتــيل جلست تناظر فونـها وشافت رقم غريب وجت بترد بس هونت اكيد العصابه وتحط مـشغول ماتبي ترد عليهم وش يبون مـنها بعد اخر مره معطينها شنطة مخـدرات
وتسكر جوالها وحـطته مـغلق
وطلعت من الغرفـه ونزلت للحــديقه وكان رعـد واقف وسرحـان
رتيل مشت له وضمـته من ظهـره وتهمس: وش تفكر فيـه
رعــد ابتسم : افكـر فيك وفي لمار
رتيل عقدت حواجبها وتتكلم بغيره : نعم مـن ذي
ضحك رعـد وسحبها لين صارت قدامــه ومسك وجها : بنتي حتى من بنتي راح تغارين
رتيل استحت : من الحين مختار الاسم ماشاءالله عليك
رعــد : ليه ماعجبك
رتـيل تهمس : كيف مايعجبني وانت تبيه صاحــي انت
رعـــد ابتسم : اركـــدي اركـــدي باقي ثلاث اسابيع ونسكن على سقف وآحــد
رتــيل تتنهد : ايـه
رعــد : خـلصتي اغراضك والا توك
رتـــيل ترمش : ماسويت شي حـتى ولا فــكرت حتى
رعـد رفع حاجبـه : وي وي ليه ماتبيني لو قلت لك اني بادي شغل في الدور حـقنا
رتيل تهمس: بنسكن هنا
رعـد رفع حاجبه : وش رايك ياقلبي وين تبين نروح
رتـيل تهمس: مكان مافيه الا انا وانت
ضحك رعـد وغمز لها : مو مشكـله بعد مانوصل نــوف نروح مكان مافيه الا انا وانت ِ
رتـيل تلعب بشعرها : كنت امزح اصلا
ضحك رعـد : ههههههه خــــوافــــه ما اعض ترا
رتـيل تهمس: مو كـذا طفشت منك طول اليوم وانا مقابله وجـهك
رعــد رفع حاجبـه : زين تسوين خير فيني ناشبه لي مـن اليوم مثل العلكة اعوذ بالله
رتـيل تكتفت : خلاص من بكـره منت شايفني الا يوم الزواج
رعـــد ضحك بثقه : اتحـداك ثم اتحـداك
رتـيل رفعت حاجبها : وش لـــي
رعــد : اللي تبينه بسويه
رتيل بخبث : احلف عشان اضمـــن
رعـد : والله لك اللي تبينـــه
آبتسم رعــــد واشر لها تروح تشوف نوف
رتيل : وش فيك لا خلصت بتدق علي كحل عيونك فيني لان منت شايفني لمده شبه طويله
رعـــد عض شفتـه : يـــوه راح تتدمرين ياروحي تموتين مـن دونــي
وعشان كــذا بعد مانوصل بنت عمك بخطفك لمكان قريب ونبدا تحـدينا من بكره نشوف من اللي يجي لثاني قبل انا عن نفسي انسي
رتـيل تحط يدها على صدرها وترمش بطريقه دوخـت رعـــد وخدرته :تحـلم اجيك انت اللي راح تجيني و اذكـرك ما راح تصبر علي وعلى فـراقي و على فكره حتى الاتصالات داخله من ضمـن التحدي
رعـــد : واو شيء جميل خل اتنفس شـــوي
رتـيل رفعت حاجبها بثقه : هــه لا تكابــر بتموت و اذكرك مو انا دواء لك بس في حاله واحـده نسمح في الاتصالات لا صار شيء مـهم
رعـــد ضحك : انتبهي رتيل تسوين نفسك مـريضه او تكثر مشاكـلك في ذي الفتره ممنوع تتحججين ترا راح افهمها
رتــيل ضحكـت : العكس صحيح يا روحي انت
نزل رعـــد رتيل يوم لمح نوف جايه وهي متلثمه وعليها العبايه
رتيل تهمس: اف ليـه نزلتني
رعد يضحك ويهمس: ثقلتي يااختي
نوف تهمس وانحرجت: آء
رتيل لفت وتصرف : هـلا نـــوف خلصتي يلا رعد انتظرنا بالسيارة
رعـد يهمس : صرت سواق عـندكم
رتيل تاشر بامر : انتظرنا بالسياره
رعـد عض شفته ولف رايح للكراج
ورتيل ضحكت ونوف مافهمــت وش تقصد رتيل بإسلوبها ذا مـع رعـد و اخذت رتيل عبايتها من نوف
نوف تهمس: حيل مبسوط مـعك رعــد يوم شروق ماعبرها اشوفك صايره تتحكمين فيه
رتـيل رفعت عيونها : شروق ماتحبه وهو مجبور عليها انا وهو فاهمين بعض وهذا المهم وفي شي اسمـه حب وهذا رابط قوي
ونوف ضحكت وتغمز : وبيبي بعد
جمدت رتيل مكانـــها
نوف : سمعته يوم صرخ عليك يوم جيتي تركضين يوم جيتي نطق شي زي كذا وفهمت انك حامـل
رتيل حمرت وقمطت
نوف تبتسم : عادي زوجك ولدكم حـلال مو حرام
رتيل رفعت رآسها : بينا حـدي خايفه اصلا بليز نــوف
نوف تاشر على عيونـــها
وراحو وركبو السياره و وصل رعد نوف المستشفى و وصاها على فيصل
وطلع من عند فيصل بعد ما شيك عليـه
•
فيصل يناظر نـوف اللي سكرت باب الغرفه وقفلتـه بعد ماطلع رعد ورتيل
فيصل بهدوء : اشتقت لك
نـوف تهمس: عندك انفصام في الشخصيه صح
فيصل تنهد : ترانــي احبك وكنت مـعصب نوف مافيني اتحمل بعدك لو دقيقه وعشان كـذا وصلت لقرار رضيتي مارضيتي ذا شي راح يصير
نـوف بهدوء: وش ذا القرار اللي راح يكون غصب عني يافيصل غرد يا ابوبلبل غـرد وانا بسمعك
فيصل عـدل جـلستـه و اشر لها تقرب مـنه
نوف قربت وفيصل تكلم : ربي يشهد علي ان نيتي كانت صادقه وبرجـعك له بس عقب اللي سواه فيني قسم بالله لشلعك شلع و اخـذك وادري انـك بتزورينـه بــس بلغي حـبيبك و قولي لــه انــي باخـــذك مــــنه وهمس : مدري كيف طلعت مـني بس خــلاص يانوف انا اتكلم بكـل جـديــه ماني مثل ذا اللي باعـــك
ويناظر عيونـها اللي ساكـته وترمش
فيصل همس : نـوف وش قلتي
نـوف جلست جنبـــه وتناظر عيونـــه : مافيني اقول لـك " لا "
بس حطها حلقه بأذنك اللي يرميني ارميه ومستحيل ارجـع لــه لو تنطبق السماء على الارض واللي يشريني اشريـــه بعيونــــي وقامـت عنـه وهي تحس نفسها بتنهار
فيصل حس عليها وهمس : اول ما اطلع بتكونين لــي شرعاً
نوف لفت له : اللي تشوفـــه والحين ممكن تاخذ ادويتك وتنام عشان يابابا توك طالع من غرفة عمليات وجروحك للحين مابرت
فيصل ابتسم : اجمل ممرضه تشوفها عيوني
نوف تبتسم : تسلم فيصل ابيك تعرف شي واحد ان لك مـعزه بقلبي كـبيره وما ابي اكذب عليك واقول لك وصلت للحب بكون كـذابه بس معزه محد وصل لها من سنين ومع الزمن ماتدري ممكن تتحول لــحــب
ابتسم فيصل : وجودك جنبي راحـه واعتذر على كلامي لك اليوم قسم بالله مو من قلبي
نوف : ادري يلا خذ ادويتك
وتحطها في يده وفيصل اخذها ..
•
لتكملة الفصل يمكنكم متابعته على قناتنا في اليوتيوب الرابط اعلى الصفحة
ليست هناك تعليقات:
إرسال تعليق