رواية تعبت انتظر الى متى هذا الصمت : الفصل الثامن عشر للكاتبة هيون

18

نـزل احمد وهو يضحك وفتح الباب اللي ورا ودخل راسـه : وريني بشوفها 

اريام تنزل العبايه على رجلها وترفع يدها بوجها : هيييييه اطلع عيب ما يصلح اوريك رجلي اطلع اطلع 

احمد طلع وكل شوي يضحك : طيب طالما ما تبيني اشوفها ليه صدعتي رأسي رجلي ورجلي ويش أسوي لك

اريام صارت تسحب جسمها الين  طلعت رجلها وتحاول توقف وتبي تمشي بس تعورها جـت بتمشي بس تون 

احمد غمـض عيونــه خايف يجيه كف والا بوقس : اسف والله مجبور ما ينفع كـذا وسحـبها مـن ذراعها 

اريام ارتبكـت وتصارخ : هيييه عيببب عليك عيببب

آحمد يناظر قدام : ما تقدرين تمشين على الاقل اوصلك الين البيت و الخدامـه تساعدك 

سكتت اريام وكانـت تمشي وهي تعرج وماسكـها احمد وتفتح لها الخدامــه 

آحمد يناظر قدام : تعالي انـتِ امسكـيها لا تطيح وبكلم رعد يشوف رجـلك

اريام وقفت : طيب مشكـور ما تقصر و اشكرني عشاني ضحكتك 

احمد لف وهو يضحك عليها الخبله 

ودخلت اريام جوا والخدامـه تساعدها 

واحمد ركب سيارته وكلم رعد وقال له عن اريام و رجلها 

وسكـر . .

•

في الطياره اللي طالعــه الى خارج البلاد كـان جـالس ويناظر الارض اللي بدا يبعد عنـها بعد اقلاع الطياره قـلبه يحـترق 

ويردد" ماكان قصدي اقتلها الله ياخـذني يوم خوفتها الله ياخـذ الشيطان والله ما سويت لها شي بس اوف الله ياخـذك يا شروق وياخـذني يوم سمعت كـلامـها ولا شعورياً صارت دموعه تنزل معقوله ماتت رتـــيل 

غمـض عيونــــه وهو يذكــر يوم مـــسكـها يسحـبها جـهته 

رتـــيل صرخـــت بقوة وتضربه و تحاول تــبعد مــنه ورجعت ورا بقوة

الا فيها تطيح عــلى الارض بقوة 

انفجع فياض يوم صار يحركـها و صارت مــثل الجـثه بدون حركـــــه انجن 

وصار يرجف بخوف " ذبحت البنت اللي أحبها انا قتلتها وقتلت نـفسي معها "

و سمـع صوت رعـــد وجـمد مـن الخوف وطلع له وكان مرتبـــك و صرف رعـد مثل ماكـتبت قبل 

وهــج 

فياض نزل راســـه ويبكــي : مـعقوله ماتت مـستحـيل مقدر افكر او اتخيل 

وغمض عيونـــه بإنهيار 

اللي جـنبه كان شاب بعمر ١٩ : اخوي 

لف له فياض وشاف ماد له مــنديل 

سحـبه فياض بهدوء وهمس: شكــراً

الشاب: شكـلك مـو حاب تتغرب عـن ديرتك

فياض هـز راسه في ايــه 

الشاب : مثلي شعور صعب تروح ديره ماتعرف فيها احـد و انت مــجبور صح اهلي حيل رافعين راسهم فيني اني بجيب الشهاده و ارجـع بس من الحين حسيت بشعور الشوق و خاطري اوقف هـذي الطيارة و انـــزل 

فياض يمسح دموعها اللي ماتوقف : ياليت اقدر ارجــع روحتي ما منها رجــعه وانا اخوك بس انت تقدر ترجع بعد ماتخلص دراسه بس انا لا الوضع للأبد 

سكـت الشاب ثم ابتسم : إذا محتاج تفضفض انا موجـود وبسمع مـن هنا وبطلع مـن هنا اهم شيء ترتاح وتخفف عـن نـفسك

فياض ابتسم : مشكـور 

وصد عنــــه وهو يفكر في رتــــيل مو قادر يتحمل الفكره ويسب في نفسه ويشتم .

•

اريام تسحـب رجـلها مـن رعـــد : خـلاص انا بخـير بس الحديده عورتني خويك حمار يوم يحـطها ورا وغبي بعـد 

رعـد ابتسم : الرجـال شكـله ماسلم مـن لسانك وش قلتي له يوم صقعت رجلك

اريام ضحكـت بـبرآءة : بس تحسبت عـليه هو والعجـراء حـقته بس وربي بس تدري مقدر امسك لسانـي لا تعورت 

رعد وقف ويحك دقـنه : يعني فشلتيني جـعلك ماني قايل 

اريام تضحك : مو كـثير بس شوي 

رعـد عض شفته : اي واضح شكلك جبتي العـيد الله يفشلك بس 

ووقف عـند الباب : المهم اسمـعي في المدرسـه ابيك على طول مـع رتــيل 

اريام رفعت حاجبها : اممم وش فيــه 

رعــد صـار يناظر يمين ويسار ثم سكـر الباب وجـلس جنب اريام وهـمس في اذنها 

واريام فتحـت عيونــها بصدمـــه وصارت ترمــِش : امممم عااااااااااد والله لووووو

رعـد يسكـر فمـها : هـش هش يافضيحــه 

وطلع رعـــد 

و اريام تشرد في كـلام رعـــد " جاني خـبر انو في بنات يبون يخربون سمـعة رتيل و يضرونها باي شكـل رتيل لا تعرف بذا الكـلام خـليك معها و انتبهي لها وبعد عنها " 

اريام تعقد حواجبها

" ليه وش سوت لهم رتـيل وليه رعــد مايبي رتيل تـعرف وتهـز كتوفها بقل حـيله "

•

المجهول صرخ بعصبيه : كيف رعـــــد ماهو هين جـالس يلعب معنا بوقاحــــه 

الشاب ١: أبد مـــو هين ورفع كـل الكـاميرات اللي في البيت كـل اللي حطيناهم شالهم واجـهزة التنصت حــتـــى 

المجهول معصب حــــيل ؛ كـيف فهم ان الكـل مـراقب كيف 

الشاب٢: حـتى اللي في السيارات واللي بغرف الحـــرس ماهي موجــوده والخدم 

المجهول صرخ بعصبيه ويرمي الكاس في الارض بقوة : كيف تـعبي كـله راح على الفاضي كيف تعبت على ماركبتها كيف عرف مـــن علمــه ما هو هين طلع داهيـــه اكــثر مــن جـــده ..

الشاب١؛ طيب طال عمرك هدي تبي نتخلص مـــنـه 

المجــهول صرخ بعصبيه : غــبي رعد غبي هو يعرض حياته للخـطر يعرف انو راح نـفكـر نتخلص مــنه اكـيد حاط خـطه عشان يمسكــــنا حتى لو خاطر بحياته اكـــيد في شيء في باله اكــــــيد خـــبيث مـو غريبه يكـون ذكـــــي وين بيروح طــالـــع عــلـ.... وسكت 

الشباب صارو يناظرونـــــه 

و صرخ المجــهول بعصبيه : لا تناظروني وكـــل شخص على شغله و احذركــم رعـــــد لا يجيه شي ابـــــد خـــلوه عـــــــلي انــــــا واتمنى تسمعوا الكلام مو مثل ما عملتوا بحراسه

وسكــت وهو يفكــر وضحك بضيق و وقف يبعد المشاعــــر عــنــه ؛ انتبه يا راشـــد انتبـــه انتبـه مافي رحــــمــه مافي شي اسمــه مشاعــر يا راشــــــــد وضحك بقوة

: كـذا والا كـذا راح العب مـعك يا رعــــــد مره ذا الشي يسليني حـــيل وابتسم بإستهزاء 

وصرخ ينادي احـد مـن رجاله ودخل عـليه 

: سم طال عمــرك امــرنـــي 

اسم المجهول الحقيقي " راشـــــد" : اسمــع كلم سديم خل تجيني اليوم لازم نعوض اللي خـربـــه رعـــد عشان في بالي كـم خــطه 

الشاب: طيب طال عمرك بس المهمـه اللي بتعطيها رتـيل وش راح يصير فيهـا 

ابتسم بخـبث راشــد ويكلم نــفـســـه .

.

" راح تدمرك يارعـــد راح ادمرك و ادمــر الكـل معــاك ورتـــيل هي الحـــبل في البدايـــه رنـــد حرقت قلبك عليها وسرقتها مـــنك والحــين رتيل راح اخليك تنهار راح اخليك تنطعن مـــنها ما اكون راشد ان ما دمرتكم واحــد واحـد بس لازم الرأس الكبير يطيح عشان الكـل يطيح تركت اريام تكـره ركان وتركـت رعـــد يترك ويكره حبيبته السابقه و تركـت أم رعـد تذبح ساره ام مــحمد الدور يمشي عليكم واحـــد واحــد كلكم بلطخ يديكم بالوصخ 

وضحك بقوة ويحس بشعور الانتقام يزيد بدمــه

و همـس باقي فيصل وابو رعــد و الجــد وفجــر الدور جايكم ياحـــلوين كـل شخص راح انتقم مــنه نلعب مـع رعــد شوي ان ماخليتكم تدخلون السجن واحـد واحد والعالم كـلها تتكلم عنكم ما اكون انا راشــــــد 

وسحـب مويه وصار يشرب وهو يتنفس بقوة وتفكيره الخبيث يمشي بشكـل مـــقرف .

•

رعــــد ابتسم وهو يكـلم خـــويه : حلو حلو متاكـد مابقى ولا كــمره ولا جهاز تنصت 

خويه : أستاذ رعـــد ولا شي وفوق كـــذلك ركـبت لك كمرات مـراقبــه

حـيل مخفيه ومـحد يقدر يحس فيها الشغل كان دقيق وفوق هــذا خلك على الامن اللي يحرسونــكم 

رعـد تنهد بضيق : متاكد ان احنا في آمان الحين وراح نقدر نمسكهم 

خويه : رعـد خطتك بطله وان شاء الله ماراح يفكرون فيها وانت ذكــي 

رعــد همس ؛ مــدري احس يفكر نفس تفكيري احســه يحـس باللي انا ممكن افكــر فيــه 

خويه : لا مستحيل وإن شاءالله راح تمسكه قبل ما يسبب أضرار لكم 

رعـد تنهد وهمس ؛ ان شاءالله 

وغمض عيونــه وحــس بشعور أبد ما عجبـــه و دايم يحــس فيه من يومــه مع رنـد اللي هي حبيبته السابقـه اللي خانـته 

تنهد رعــد بضيق ؛ احس بنفس الشعور مــع رتـــيل الشعور جــداً سيء لا ان شاءالله مايصير شيء يوم حـسيت بذا الشعور مـع رند مامرت فتره الا افترقنا وحذفتها من حياتي بس رتــيل لا والف لا ان شاءالله مايصير شيء وراح احميها مـن شعوري هـذا هفففف 

وقف وهو مــتضايق وتنـهد ورجـع يستغفر ربـــه وناظر الساعــــه كانــت

٢:٤٥ في الليــل 

رعـد راح يتوضى ويصلي الــوتر وبعد ما سلم حـــس بكــمية راحـــــه و

ابتسم : الحمد الله لم يارب 

و يطفي النور ينسدح ينام بعد ما حـس براحــه بعـد ماطلب ربـــه و توسل لــه .

•

في يوم جـــديد صحـت مـن نومــها وتسكر المنبه من فونها وشافت كـذا رساله وتفتحها وكانـت من البنات اللي عندها ومن رعد وتدخل على رعـد كان مـرسل '

كانـك ما نمتي قولي اذكارم وصلي الوتر وادعي لي ولك وإذا كانك نايمـه نوم العافيه 

وإذا صحـيتي قولي اذكار الصباح و صلي ركعتين قبل الفجر وافطري 

والبسي ودقي علي انا اللي بوصلك 

اشتقت لك "

رتـــيل ابتسمــت ابتسامـــه شقت وجها وتبوس الفون 

دخلت عليها لمى ورفعت حاجبها : احمم احممم اختي انهبلت 

رتــيل وقفت تـغنـــي : " 

احبه حب ماحبه بني ادم ماعشقه عشق الله فيه العالم

احبه انا احبه واموت فيه لو يرضى انا قلبي روحي اعطية

لو يطلب انا عمري كله اهديه لو يدري شكثر اعشق انا عيونه

ماقدر اعيش شوقي انا شوفه احس بهنا اهو روحي قلبي انا يويلي

شوفو لي حل لا اسوي بنفسي مصيبة يا ناس ابيه ماقدر لحظة اسيب

انا ماقدر اكمل العمر بلا ياه 

لتكملة الفصل يمكنكم متابعته على قناتنا على اليوتيوب

على الرابط اعلى الصفحة