23
في مـكان بــعيـد عــن الاستراحـات
كـــانو جــالسين على جـو الاغانـــي العـــالي حـيل والشيشه مرزوزه حـــولهم وكـل واحد متكي وجلس يشيش بكـل راحــه ويلعبون قمـار
وحيل مندمجين مـــره وكان الــوضع تــحـدي وتنافس قــــوي بينهم
شوي انفتح الباب بـــــقوة
وكل الرجال لـــفو
عايض مــعصب حـــيل : أبو احـــمد
أبو احـمد كان جالس ويشفط مـن شيشتــــــه بكـل هدوء وينــاظره بجمود : نـعم
عايض بصوت حاد وفيه عصبيــــه : تعال ابيك في الغرفه بموضوع مـهم
أبو أحمد صد ورجع يكمل لعبته وينفث الشيشه بكـل برود فـــيه : إذا خلصت جــيتك ماتشوفني مـــشغول
عــصب عايض وصرخ بصوته الكبير : قم قم قامــت عليك جهنم الموضوع خـطير
أبو أحمد ترك الشيشه وقام : ممنوع تكملون مـن دونــي
ولف عايض طالع ولحقه أبو احمـد بكل برود دم
ودخل الغرفـــه وقفلها عايض
أبو أحمد بجمود وبرود يجلـــط : وش عـندك تكلم
عايض : الـشرطـه تدور عـــنك عندهم امــر من المـسؤول حقهم يقبضون عــليك أمر رسمــي وقالبين الدنيا يدورنــك
ابــو احمد جـــمدت مــلامــحــه : لــــيــه وش يبون مني ماسويت شي انا
ضحك عايض بسخــريه : بسم الله عليك أبد ماسويت شي من اللي قتل زوجته من ٩ شهور من اللي زور سبب الوفاة من اللي هدد بنته عشان تسكت مـن اللي كان يروج مـخدرات هنا
جـــمدت مـلامحـه : شسوي شسوي من علمـهم مــن وش عرفك انت
عايض بهدوء وحده : نسيت ان ولدي يشتغل شرطي ومن الشخصيات المهمه وماتدري اني قريب مـنه قال لــي وهو يسولف عن يومــه
انــصدم أبو أحمد : من اللي مقدم البلاغ
عايض بحده : صهرك ياقلبي رجـــــل بــنتك وبنتك راح تــشهد عليك يعني انحجرت في الزاويـــــه يا حرام
تنح لـفتره مو مصدق أهداب تخاف مـنه تخاف لاجت السيرة أهداب مستحيل تتكلم بحرف واحد
وشـــدت عـــروق جــــسمــه مـن غبنـه من مشاعره مثل البركان
عصبيه غـضب
عايض بعصبيه : وش بتسوي لازم تسافر مـن هنـا
صرخ أبو احمـد : اكيد قدمو بلاغ عني بكل مكان مـهند مو ســهل وخصوصاً لا تنسا مـن ابوه
الدعوة كــذا ماراح اهرب وماراح اختبي راح اخليهم هم اللي يخافون مـني مو انا اخــر عمري بزران
يحشروني بالزاويه يخسون يعقب هو وياها ورعان تف عليهم
عايض انصدم مـن قوته ؛ مجنون بنتك بتشهد عليك عندها دليل قوي يجبرهم يعدمونك ماتفهم
أبو أحمد رفع حاجبه بخبث : شكلك للحين ماعرفتني
عايض رفع حاجبه : اكــــيد مصيبه من مصايبــك الخبيثـــه
ابــو احمــد بجمود : اســمــع راح اخـ...................................................................................... ؟!
وبعد عنه أبو احمـد وهو يبتسم بـخبث
انصدم عايض : حـقير انت للامانــه منت هــين أبد
ابو احـمد : شف شغلك
لف عايض عـنه طالع وتاركــــه .
•
نجي عـند ناس مـن زمان عــنهم مـن زمان ماجبت طاريهم في الروايــه
كانو توهم طالعين من دار الايتام
والهـنوف بحضنها رضيعه حــيل صغيرة عــمرها ٣ شــهور حـيل صغيرة
وركبو السياره والهنوف بتطير من السعاده عليهاوتضمـها وتبوس فيها
ورفعت عيونها لعبدالعزيز : شف كيف تجنن شف عـــيونها شف كــيف تهبل
ابتسم عبد العزيز وانبسط بفرحتها : حبيتيها
الهنوف دمعت عيونها ؛ وكانها شي مــني شف كيف نايمــه عزوز وش نسميها ..
عبد العزيز ابتسم بحنيه وعطف : لمـار
الهنوف تضمها : وقلبس ياروح امك يا لمار تجنن عزوز ودي أكلها ذا القطبــه
الهنوف تحمست وعضت خدها على خفيف
والطفله بكت بصوت الاطفال اللي يصرع الرأس
عبد العزيز يناظر الهنوف : كفو صيحتي بنتي من البدايــه خوش أم صراحــه
الهنوف تضم الطفله وتهزها : بس ماما بس حبيبي بس ياروحي
وحرك عبدالعزيز والهنوف تحاول تسكت لمار اللي للحين ماسكـتت
الهنوف : تتوقع جوعانــه
عبد العزيز : شكلها اوقف عشان تسوين لها رضعه
نوف : ايه بالله وقف ياعيوني
ووقفو على جنب ولهو في لمار .
•
طلعت أهداب مـن المطبخ وتحس نفسها ثقيله من كـرشتها اللي برزت حيل
مـهند توه راجـع من الدوام ودخل الغرفه يبدل وأهداب جـهزت السفره عشان الغداء تعلمت تطبخ مـن قريب واليوم تجرأت تسوي لمهند الغداء في العاده تحت عند أم فياض
طلع مهند وهو يصوت : أهداب يلا امشي ننزل للغداء
طلعت أهداب له : مـحد راح ينزل لا انا والا انت
مهند بلع ريقه : الله الله ليه تراني جوعان ناويه تذبحني جـوع
أهداب قربت وسحبت يده وتبتسم وترمش ببرآءة : لان انا اللي بغديك
مهند كشر : مابي مطاعم يااختي
أهداب فكت يده وتخصرت : انا مسويته ليه مطاعــم
مـهند عض شفتـه وتوهق خاف ما يعجبه اول مره تطبخ : تمزحين صح
أهداب : لا ما امزح من الصباح وانا جالسه اسويه عشانك
مـهند قمط اكيد جابت العيد وراح لغرفة الطعام ويناظر الاكـل اللي كان عباره عن صينية خضار مقلي مـع خلطت الجبن والقشطه في بقدونـس وليمون بطريقه جـميله وريحتها تفوح والببسي محطوط في كأس قزاز والخبز الحار اللي ريحته طلعت
لف مهند وهو يشم الريحـه وجلس بدون مقاومـــه
وجت أهداب تحط له في صحنـه
وجلست : سم بالله وقيم اول طبخه اطبخها لك
مهند بدأ ياكـل وفتح عيونه و يناظرها : آع فيها ســكر
أهداب انصدمت : امانـه مستحيل حاطه مـلح انا والله
مهند يمثل العصبيه : وع ما تنوكـل بس خسايــر الله يسامحك جالسه تلعبين في النعمـه
أهداب منصدمــه وسكتت شوي وتبكي لها يومين تتعلم عليها وتضبط كيف اليوم ماضبطت معها
مهند شافها بتصيح
وضحك بقوة : هههه تجنن ياحماره تعرفين تطبخين وما تعلمني
أهداب اخذت كرتون المنديل ورمته عليه : كل تبن جتني الصيحه لي يومين جالسه نوف تعلمني اضبطها وتجي انت تقول مخيسه الله يهديك
ضحك مهند وجلس ياكل وهو يمدح في الاكـل وأهداب تحفزت وقررت كل يوم تتعلم تسوي شي وتلف له : وش تبي بكره اسوي لك
مهند : تدلعيني يا لبا ابي مصقعه يالبيه اشتهيتها
آهدآب تآشر على عيونها : اليوم دخلت الشهر التاســع
مهند نسى انها حامـل : نعم نعم وانتِ ماجتك طاقة الطبخ الا على شهرك الاخير خلاص مابي شيء مابي الا تنتبهي لنفسك لو طحتي في المطبخ
أهداب تمد البوز : لالا مو من جدك مهند مو صاير شي وانا كل شي اسويه وانا جالسه مو من جدك تكفى مهند
مهند يآشر في اصبعه في لا : انت ِ بس تولدين راح تتعلمين جميع الاكل اللي احبها وتسوينها لي
أهداب تستسلم : طيب طيب فهمت آوف تحمست اطبخ الحين
مهند قام بعد ما شبع : خلي الخدامه تشيله مو انت ِ يلا بروح ارتاح بعد الدوام
أهداب بارتباك من اللي بتقوله : مهند بسأل عن شيء
مـهند حس في ارتباكـها وقرب منها ومسك يدها بخفيف من توترها : وش فـــــيك
أهداب تنزل رأسها : مـسكتوه لأن شعور خوف يدور جواتي
مـهند تنهد : للحين نبحث عـنه لا تخافين راح نمسكه بدون مـا يحس لا تخافين ثقي فينا
أهداب : واثقه فيكم انا
ولف مهند وراح ينام
أهداب راحت وانسدحـت مـثل العاده عشان ترتاح وتناظر بطنها وتهمس: مابقى شي عشان تطلع ياولد امك
•
رعـد دخل على ابوه اللي كان جالس في غرفته بينام بعد تعب الشركـه
رعــد رد البـاب وراح لأبوه : ابيك في موضع مـهم
قعد أبو رعـد وخوفته نبرة صـوت رعـد : نعم يابــوك
رعـد جلس جنبه وتنهد : يـبه مو انا ذراعــك اليمين مـو انت ماتخبي علي شي ابد
أبو رعـد استغرب مـن اسلوبــه : فيك شي
رعـد غـمـض عيونــه : في شي يخصني وانت للحين مـخبيه عــلي صح
أبو رعـد عقد حواجبه : ما فهمـت
رعـد تنهد ودخل في المـوضوع : يعني عـندي اخــو تـؤام و انــتم مـاقلتو لـنا لــيه ابي اعـرف ذا الشي صحيح والا لا
انـــــصدم ابــــو رعـــــد : وش عــرفـــك من قال لك
.
كـانت بتدخل بس جمـدت مـكانها من كـلام رعـــد و وقفت وهي تســمـعهم ودموعها تنزل حـرقه على ولدها اللي انخطف منهم
.
رعـــد ببرود وحـده وجمود : ابي اعـرف قصته وليه محد جاب طاريـه لي للحين
أبو رعد تضايق وغمض عيونــه : طلعت يارعد انت و اخوك راشد على ذا الدنيا كان اسعد خـبر ان ربي رزقني في عيال تـؤام وكلهم يجنون وحيل نسخه مـن بعض
على العموم كان راشد الكليه عـنده تعبانـه وماقدرنا نطلعه مـن المستشفى كنا نروح ونجـي عـليه ياولدي بس في ذاك اليوم جينا ودخلنا حضانة الاطفال قالو اليوم راح ناخذه من المستشفى بس اللي انصدمـنا مـنه انه من مـوجود هناك كلنا انهرنا امـك اكـثر انسانـه بتموت من الحسره وعرفنا انه مخطوف جلسنا ٣ سنوات نـدور عليه ٣ ســــنوات واحنا كـل يوم نتآمـل نـحصله بس للأسف كانت خيبه كـبيره لـنا كنت انت تكبر قدام عيوني
واشوف فيك لأخــوك راشـ؟
رعــد آنصدم يعني ذاك مـاكــذب
رعـــد غـمض عيونـــــه : يبــه لو عرفت انه على قيد الحياة وتحصله وش بيكون شعورك
ام رعـد دخلت ودموعها تــنزل بنهيار : بضمــه بصدري بحـطه قدام عيوني ٢٤ ساعـه راح اتركـه يتكلم واسمح له يعتبني وانا بسمعه و وببكي على حسرى الايام اللي خذوه مني حـسبي الله عليهم دعواتي عليهم قايـمـه قاعده والحرمـه اللي حرمتني مـن ولدي ياجعلها فيها مرض تمـوت فيـــــه من سنين وهذي دعوتي عليها من يوم خذو ولدي مـني من يوم حرقو قلبي عـــليــه
انـــصدم رعــــــــد ماتت الحرمـه
ورعـــد طـــلع مـن غرفتهم ما بين بكــاء امـــه واتصل على رتــــيل .
.
هيون تناظر فونها ورتيل تبتسم وترد : هـلا
رعـد صوته مـو زين ابـــد : انتظرك في الكراج البسي عبايتك وتعالي
رتيل خافت عليه : رعـد فيك شي
رعـد مخنوق حــيل : سلام انتظرك هــناك وسكـر منها
وقامت رتيل مرتبكـه
هيون : وين رتيل
رتيل : رعـديبيني صوته واضح فيه شي هيون اسفه لازم اشوفـه اليوم مـو سهل عليه من بعد الكـلام اللي سمـعه
و اخذت عبايتها وطلعت بسرعـه
وهيون تتنهد : الله يعينك .
•
رتيل ركبت السياره وسكرت الباب وتناظر وجه رعـد اللي كان شاحب ويفكر
رتيل : رعـد
رعـد لف عليه : تكلمت مـع ابوي رتـــيل كــلامك كــله صــح كـله كـله كـله كل كلامك انا حــاقد عليه بجنون بس دموع امـــــي عـورت لي قلبي شسوي مـعقوله أسكت له عـن كل شي صار فينا وفيك و اقول تعال حياك الله
رتـيل تتنهد : رعــد هو مـن قهر فيه فعل كـذا والشيطان شاطــر
رعــد ضرب الدركـسون بقوة وعروقه برزت مـن العصبيه : في شخص مات بسبب قهره وش ذنــبه ها وش ذنـب اهـله اللي انحرقت قلوبهم وانا طعني لــو مــت حزتها وانا مالي ذنب كـيف تبيني أتقبل شخص حقير ووصخ مــثله كرهته حـيل مـن يدخـل ذا البيت انا مالي جلسه فــيه
رتـــيل انـــصدمــت : لا تقول كـذا الماضي مات يارعـــد هو ما اطلق النار على الرجال رجاله اللي اطلقوا وانت ربي لطف بك فكر في الحاضر الرجال أعتذر يارعــد وقال ماكان في وعـــيه وصح قريب بتكون عــم زوجتـه حامــل
رعـد عصب : يـخسى ويعقب ومن وين لك كـل ذي المعلومات يارتيل
رتـيل : تكلم وقال لي و واضح متشفق قلبه يبيكم يبي له اهل عـزوه صعبه الحياة بدون أهل يارعــد
رعــد صد عنها
رتـيل وتهمس : عشان خاطر امك و ابوك ابيك تنسى كل شي صار و تسامحه وتحـبه في النهايـه اخوك و تؤامـك من لحمـك ودمــك يارعـــد
على الاقل اسمح ان خالي يعرف في وجــوده ماراح تعرف كـيف راح يطير من السعاده لا عرف يارعد
رعـد مارد عليها
رتيل : رعــد
رعــد : لازم ياخــذ عقابه الحقير قرب من أكثر شي بذي الدنيا يخصني و صار وقح حـيل
رتـيل : رعــد بليز مابي اشوفك كـذا حـقود نظرات الكره اللي في عيونـك ما حبيتها
رعـــد ضرب الدركـــسون بقوة وعصبيه : جايه لي فجاة وتقولين أخوك هو نــفس الشخص اللي يبتزني اللي كان معيشك في رعب اللي ابعد الراحه عن عيوني من خوفي عليك
وتبيني اقول اوه اخوي خليه يجي صراحـه حبيته عشانـه اخوي ولا بعد تؤام مـره حبيته ونسيت كـل شي فعله خلاص نسيت سهله علي هــي يارتـــيل
رتيل خافت وتهمس: ماراح اضغط عليك ابد جمع افكارك اليوم
ونزلت مـن السياره تاركــته
رعــد ضرب الدركــــسون بقوة وصرخ بضيقه : آووووووووووووووووف .
•
الـــــجــد انصدم : زياد وش تقول انت مو من جــدك كيف تقول خلاص هونت ما تبيها
زياد بهدوء: جـدي خلاص هونت مابي اتزوج و لا ابي لا ريما ولا غيرها
الجد عصب : بنت ساره بنتي لعبه عــندگك تخطب ثم تـهون
زياد ببرود : للحـين ماصار شي رسمي خلاص ما ابيها مـابيها مـابيها اوف أفهم
الـجـد عصب مـنه ؛ مـو كـيفك
زياد عصب : محـد يقدر يجبرني على شئ مابيه وش ابي بوحـده جايه لي وتقول ما ابيك هاه وتقول انا مـغصوبه عليك وش ابي في وحـده ما تبيني في وحـده باعتني وانا حبيتها وجيتها بنيه صادقه وتجي تقول مابيك انا ما احبك ومغصوبـه عليك اللي مايبيني انا ما لبيـها ما تستاهـل شي اسمــه زيـــاد
الا على دخـلت ابو رعـد وسمع كـلام زيـاد وتضايق لانه يعرف ان ولده يحب ريمـا
وطلع زياد تارك لهم المكان
والجـد يناظر أبو رعـد / شنقول لهـــم
أبو رعــد : قال انلغت الخطوبه البنت ماتبيه وولدي لـه كـرامـته يمكن خـير له
تنهد الجـد واتصل في نوره تــجــيه .
•
طلع مـهند من البيت بعد مـا قام مـن نومـه
أهداب وصلتهـا رساله مـن رقم غـريب : أهداب انا احمد ذا رقمي الجديد انزلي تحت عند الكـراج بعطيك اغراض يلا انتظرك لا تتاخـــرين
أهداب استغربت واخذت جـلالها و تلثمـت ونــزلت مــتوجـهه للكراج اللي كان فاضي ومـافيه احـد
وترسل : وينك
تجيها رساله : افتحي الكراج عشان ادخل
راحت أهداب وفتحتـــه ودخــــلت مــــنـها سياره سـوده مـظلله من جميع الجـهات
أهداب واقفه تنتظر احــمــد ينـزل
لتكملة الفصل يمكنكم متابعتنا على قناتنا في اليوتيوب الرابط اعلى الصفحة
ليست هناك تعليقات:
إرسال تعليق