22
بعد زواج رتيل باسبوع بتكون الملكـه
نوف سكتت وتمثل الصدمـه وانها مستحيه : مدري اللي تشوفه
ابو فياض: انا عن نفسي موافق بس انتِ
نوف تبتسم بخجل : اذا انت موافق وشايف يناسبني مالي كلام بعد كـلامك
ام فياض: يابنتي ذا زواج استخيري
نوف تهمس: انا اعرف اخلاق الرجال وابوي بعد عشان كذا موافقه مالي حكي بعد حكي ابوي
ابو فياض: زين نرد لهم اليوم لان امس مكلمني
نوف قامت وطلعت غرفتها
•
بعد ساعتين من كثر ماكان مسرع وصلو الرياض وبالتحديد البيت
ونزلت خوله بدون صوت
وراشد بعد مانزل اغراضهم ركب السياره وطلع شريحه واتصل في رتيل
•
رتيل تهز هيون اللي منسدحه جنبها : رقم غريب اكيد المجهول
هيون تهمس: حطي سبيكــر وخليك نفس اللي قلت لك
رتيل تتشجع وتحط سبيكر وترد بصوت شبه تعبان : الــو
راشد عقد حـواجبه : هلا سلامات وش فيك زوجك فيـه شي
رتيل تمثل انها تبكــي بطريقه قويه و واضح انها منهاره : كــله مــنك راح يطلقني وش سويت لك انا حرام عليم حرام عـــليك انا خسرت كل شخص يخصني من بعد موت ابوي تعلقت في امي واخوي بس للأسف المـوت خطفهم مـني بلحـظه وحـــده
ثم يوم حصلت الشخص اللي احـــبه و اللي امـــــوت فيه اللي حطيته في مقام امي وابوي واخوي واهلي وناسي تجــي انت بدون سبب معروف وتدمــر حياتي لـيــه
راشد مو فاهم وش تقول وتعاطف معها وشتم نفسه الف مره وحيل رحمها يوم عرف انها يتيمه : رتيل ممكن تهدين انا اعتذر بس اهدي
هيون تنط متحمسه
( جبنا راسه كفو يا رتيل وتاشر لها يعني انتِ كذا كملي )
،
رتيل تبكي بقوة : وش يفيد الإعتذار الحين راح اموت عشان ترتاح و تنبسط عشان يروق لك الجو
راشد خاف انها تسويها لان كل شيء صار لها قوي مو غريبه تنهار وتسوي شي بنفسها : لا لا انتبهي وربي برجع لك رعد وماراح يطلقك اهدي الحين
طيب شوفي ماينفع كــذا لازم نتقابل وربي راح ارجعه لك
صرخت رتيل : كــذاب انت كله شاطر تورطني وتوهقني وتاذيني كيف اثق فيك الله ياخذك دمرتني دمـــــــرتنـــي
راشد توتر وصرخ بعصبيه : خـــلاص اهــــــدي قلت لك والله والله الله ياخذ اغلى ما املك اذا كنت اكذب عليك
رتيل تهمس وهي تبكي : اخاف منك و الازود لا صارو معك عصابتك كيف تبيني اجي مجنونه انا
راشد تنهد : رتيل بجيك لحالي والله لحالي والله ماينفع نتكلم على التلفون
رتـيل تصارخ وتمثل انها منهار : مقدر اخاف منكم
راشد تنهد وهمس : اوعدك اني بروحي وماراح اضرك اصلاً من عرفت انك يتيمه حسيت بندم بكل شي سويته فيك انتِ كنتي مجرد طعم
اصلاً ماني ضارك اكثر من اللي جاك لان انتِ تشبهيني
رتيل تناظر هيون اللي تاشر لها تسايره في الكـلام
رتـيل : ما اشبهك تخسى ثم تخسى انا مستحيل اضر نمــله
راشد ضحك بهدوء: منتي فاهمــه وش الشي المشترك اللي بينا على العموم انتظرك على الموقع اللي برسله لك و عطيتك وعد رجال اني راح ارجع لك لرعــد
رتيل بهواش: ليه عاد نفسك رجال انت لوك رجال كان ماطلعت قوتك على بنت
راشد بحده : بنت احترمي نفسك
وسكر مـنها وحرك للمكان بعد ماوصل له ارسل لها الموقع
•
رتيل تناظر هيون بخوف : نروح
هيون : اكيد بنروح شكل الرجال مشكلته مو معك مع رعد مثل ماقلت لك انتِ ضحيه عشان يعور رعد فيك
رتيل خافت : وان سوا فيني شي بس عشان يقهر رعـد خايفه هيون
هيون : انا معك وراح اخذ كل شي ممكن نحتاجه يلا لازم نكشف الموضوع اليوم واضح الرجال متندم رتيل ماني غبيه اعرف اذا كان صادق والا اذا كان كذاب يلا امشي معي
رتيل تنهدت وراحت لبست لها شي مريح والعبايه والنقاب هي وهيون
وطلعو مع السواق
وحــركو على الموقع اللي ارسله كان الوقت صباح
هيون : شوفي انتِ اشغليه وانا بطلع من السياره بدون مايحس ونكمل باقي الخطه وان شاءالله يجي بروحه مثل ما وعدك
رتيل تدعي : ان شاء الله يجي بروحـه يارب يارب
وترسل لرعد انها بتطلع مع هيون المـول عشان ما يشك بشي وتحط فونها مغلق وتسكره
وترجف وهيون تهمس: هدي تحملتي أشياء اقوى من كذا تحملي هذي بعد
رتيل تغمض عيونها : ايه ماعليك يارب نطلع بشيء
هيون تبتسم وترفع من معنوياتها : رهيبه وانتِ تمثلين انك تبكين لو اني ما اشوفك كان رحمتك من كثر ما بكيتي وتعرفين تمثلين منتي هينـه ابد
رتيل تغمز لها : اعجبك وراح نعرف سر ذا المجهول على الاقل اليوم
وتبتسم هيون تشجعها
•
خوله دخلت وترمي عبايتها في الارض وتسحب الفلاش وراحت ركض للغرفه وتقفلها وتطلع اللابتوب وهي مرتبكـه ويدها تـــرجـــف و وتنتظره ينفتح عشان تـــشوف اللي فيـــه ويدها ترجــــف وخايفه من اللي بتشوفـه بس انصدمــــت انو عليه رقم ســـري تحطم كــل شي جواتها وعصبت زود وتهمس
: ماراح استسلم بعرف وش مخفيه عني وتربعت وصارت تجـرب جميع الرموز اللي ممكن يحطها
•
وقف راشد في المكان كان مسجد توه ينبنا وفاضي مافي حوله أحد وكان مـثل ماوعد رتيل ما معه احـــد و ينتظرها
الا في سياره فان تجي صوبـه ..
هيون تناظر الرجال الطويل واللي واضح معضل من شكل جسمـه ومتلثم في الشماغ وعليه ثوب : هذا هو
رتيل تتنهد : ايه ما اعرف شكله بس حافظه شكل جسمه هيون لا يحس عليك انتبهي
هيون: شوفي انتي لا جيتي تفتحين الباب انا بفتح معك انتِ خليك واقفه وانا بطلع من الناحيه الثانيه طيب وسكري بابك وانا بابي بيكون مـفتوح طيب
رتيل بلعت ريقها : طيب
ونزلو مع بعض بس رتيل ظلت واقفه ثم ثواني وسكرت بابها وبقى الباب حق هيون مفتوح
وتوزت وجت من الجهة الثانيه وكان راشد معطيها ظهره
رتيل بخوف صارت تتلفت
راشد تنهد وما استغرب خوفها : قسم بالله مافي أحد الا انا وانتِ والسايق حقك
رتـيل تناظر المكان : مقدر اثق فيك استودعت نفسي ربي ومن شرك
راشد تنهد : اسمعك
رتــيل تتكلم بهدوء عشان تتركه يرحمها ويتعاطف معها وتنفذ خطتها: انا مدري وش قلت لك لان حيل منهاره بس انت سرقت مني كـلش كـلش ليـه وش السبب ليه تبي تضرني ليــه تخفي وجهك فك هذا خلني اتعرف على شكل عدوي كل ذا خوف مني مامعي شي عشان اصورك
راشد رفع حاحبه : انتِ رسامـه هذا اول شيء وثاني شي مابي اصدمك في شكلي لان حيل راح تنصدمي وماراح تفهمين حاجه أبد الا اذا شرحت لك
رتيل : عادي متقبله انصدم وتشرح لي
راشد : مو هذا موضوعنا
رتيل صرخت منهاره مـن قلبها : الا هو وش تبي مني وش تبي مـني من انت وش سويت لك وش تبي تكلم
و ماقدرت تسيطر على نفسها وقربت ودفته من صدره بقوة وسحـــبت اللثمــــه بحيث تفك الشمــــاغ بطريقه سريعها وتسحبه وترميه في الارض وترفع عيونها تناظر تبي تعرف وجهه
وفتحـت عـــــــــــــــيــــــــــــــــــــــــــــــونــــــــــــــــهـــــــــــــــــــا
بـــــــــــــــــــــصـــــــــــــــــــدمـــــــــــــــــــــــــــــــه
وتهمـس : رعــــــــــــــــــــــــــــــــد
ماهي قادره تستوعب اللي تشوفه عيونها وصارت تغمض وتفتح وتناظر
راشد عصب وصرخ : حـيوانه انتِ
رتيل بصدمه فيس رعد كلش رعد كلش وربي رعد بس الصوت النبره كلش تختلف
وتبكي بخوف : رعد والا شلون
وطاحت على الارض على ركبها
وهيون ورا السيارة تصور ذا المجهول وتبي تروح لرتيل بس لازم كل شي يتم من الخطه
راشد حسها انهارت من الصدمـه : هيه ماني رعد بس ماني رعد والله مو رعــد انا تؤامـــــه
رتــيل انـــصدمــــت : كيف رعد له تؤام كــيف محد قال لي كيف طيب ليه تسوي فيني كذا ليه
راشد تنهد وغمض عيونه وصرخ بجنون : عــشان انتقم مــنه عشان أعور له قلبه عشان يذوق طعم الالم مايحق له يعيش حياة انا انحرمت منها مايحق له يوسع صدره
وانا اتعذب لازم يتعذب مــثلي لازم يحس بطعم الالم باي طريقه
انصدمـت رتيل وتهمس: وش غلط فيه رعد تكلم وش غلط به
راشد ؛ غلط انه عاش حياة بين اهله وبين امه وابوه وتربى بين اخوانه وكلش هناك رعد رعد و راشد ماله وجد ماله حس بذيك العايله
رتيل تهمس : مافهمت ممكن تتكلم لي مـثل الناس اتوقع ان اهلك ما يعرفونك
راشد تسند على سيارته وتضايق حـــيل وبهدوء: بتكلم ممكن اني ارتاح
رتيل قلبها يضرب خـــوف
راشد تنهد واخـــذ نفس عـــمــيق : ذاك اليوم اللي طلعت فيه انا ورعد على ذي الدنيا انا كنت تعبان وعندي مشكله في الكلى فطلع رعــد مع امي يوم جابته بالنسبه لي انا بقيت في المستشفى إلى ان يتأكدون من سلامة صحتي بذاك اليوم اختطفني واحد كانت زوجته عندها مشكله في الحمل ودفع رشوه للظمرضه وعطتني الرجـال ابوي وجدك وش سوو جلسو ٤ شهور يدورونــــي بس اربع شهور ثم نسو وسكرو ملف القضيه وباعوني ليه وقفو لـــيـــه والرجال اللي سرقني من المسـتشفى كان ساكت طوال ذا السنين كله والحرمه اللي ربتني جاها الخبيث وماتت والرجال تزوج وزوجته ماتحملتني وتكرهني وكان الرجال اللي حسبته مـثل ابوي يكرهني متحملني بس عشان زوجته اللي ماتت اللي اعتبرتها اكثر من امي كانت صدق امي تحبني تخاف علي كلش كانت كلش من بعد ما ماتت طلع كره زوجها ذاك يوم صار عمري ١٠ سنوات مسكني وسرد لي كل شي كل شي بدون مايرحم عمري مع ان عقلي كان اكبر مني وقتها وذكي وقال انو انا مو ولده وانو خذاني وانو ماهو مجبور يربيني مو مجبور يصرف علي خذانــي
ورماني في الميتم بدون رحمـه ونسى كيف قلت له بابا وقال الذنب مو ذنبي ذنب اهلك اللي ماسالو عنك روح لهم
وعلمني من اهلي ومن انا ولده وشفت رعد اخوي اللي كان مثل الامير وانا مرمي مثل المشرد ما صدقت الرجال انو هذولي اهلي رحت الميتم وعشت فيه الي ان صار عمري
١٧ وصرت اطلع و اروح لقصر
اللي ينقال عنهم اهل حياة سعيده واحد فيهم سال عني كنت كل ماشفت رعد من بعيد اكرهه اكثر حيل نسخه مـني حيل يشبهني قلت اهتم بدراستي واكون نفسي ثم احرق قلوبهم اللي نسوني اللي نسوني
اللي عاش حياة انا ماعشتها اخواني خواتي حلفت ما اتركهم يرتاحون انا اللي تركت اريام تكره ركان
انا اللي خليتهم يهجمون على فيصل انا اللي تركت امي تقتل " امـــــك" انا اللي حست العايله
رتــيل انـصدمـــت وشهقت بصدمــه : امي وش ذنبها وش ذنبها امك ذبحت امي انت اللي حرضتها كيف وش سوت لك امي وش ذنبنا وش ذنبنا ..
راشــد حس نفسه مو واعي على نفسه ؛ ماكنت نيتي اضرك كنت ابي ادمر امي كنت ابي اطلعها مجرمـه
رتــيل مغبونـه : حــيل حقير حقيرر
و وقفت بغبنه وضربته كـــف و صرخت بجنون : بس بس حقدك كرهك حسدك تركك مجرم وخبيث مو مصدقه انك تؤام رعد رعــد مو كذا رعد افضل منك كيف تقتل امي كيف تعيشني شي مالي ذنب فيه ما تختلف عن اللي خطفك اناني ما فكر في اهلك وانت تشبهه اناني ماتفكر الا في نفسك وبس وماتسمع الا شيطانك
الا حـــقدك وش بيضرك يوم انك عرفت ان ذولي اهلك كان رحت لهم وقلت انا راشد ولدكم رحت لهم قسم بالله راح يضمونك راح يفتحون لك قلوبهم وانت وش عرفك وش عاشو من بعد مافقدوك الام قلبها كبير مـا تدري وش نوع العذاب اللي تعيشه
كل هذي السنين رعد وفيصل واريام وركان وش ذنبهم وش ذنبهم اذا مالهم خـبر في ماضيك وش يدريهم
باللي يصير لك اعمى قلبك الحقد الحقد غطى قلبك وكله كتل سوده
حسبي الله ونعم الوكيل
راشد لا شعورياً جلس على الارض : مو مني واحد اعرفه شحني قال دمرهم اللي دمرو حياتك
رتــيل انصدمت يوم شافته وما تدري وش تسوي من الغبنــه اللي تحس فيها وتهمس : اعترف بكل شي سويته اعترف الغلط منك انت اللي كان المفروض من عرفت انهم اهلك رحت لهم مو تنتقم وشو ذا وش ذا الانتقام اللي يدمر اشخاص مالهم ذنب فيك ومايعرفونك حتى ..
راشد : مابي مستحيل وانتِ الحين روحي قبل لا يركب راسي الشيطان و اخطفك واخفيك من الدنيا بسبب المعلومات اللي تعرفينها
وضحك بسخريه : محد راح يصدقك اصلاً ماعندك دليل وماتقدرين تمسكيني اصلاً
رتيل : خلاص روح واضح انك مو بوعيك
راشد لف تاركها و آنهيار فضيع يصارعـــــه وركب سيارته
وولفت رتيل لهيون اللي جت وضمت رتيل اللي بكت بجنون
هيون : اووووششش خلاص اهدي كل شي مـــسجل هنا بس اهدي
وركبو السياره وحرك السواق اللي مو فاهم شي ورتيل منهاره يعني امي كان في امل تعيش وترك راشد امه تذبحها كيف يمــه وحشتيني يمه اشتقت لك ريحتك حنانك عطفك يـــمـه وحشتيني حيل احرموني مــنك بدون ذنب
ورتيل تبكي بنهيار
وهيون ضمتها وتهدي فيها كل شيء سمعته حيل ثقيل عليها وتبكي بجنون مصدومه ماتدري وش تسوي
وجلسو ساعتين يدورون بالشارع الين تهدا رتيل اللي ماتدري وش بتسوي والا كيف راح تتصرف والا كيف بتحط عيونها برعد وانها طبيعيه ..
دخلو من الكراج ونزلت رتيل وهيون ماسكتها الا يصادفون رعــد اللي همس: رتيل
رتيل تضغط على يد هيون وتهمس: مالي حيل اتكلم معه
هيون بهدوء: لا تتركينه يشك بشي اهــدي
رتيل لفت لرعد وكان عليها النقاب بس عيونها واضح انها محمره
رعـد همس: حياتي وش فيها عيونك
رتيل بهدوء: دخل فيها عـطر وحكتني رعد اتكلم معك بعدين سلام
ومشت صاده عنه و وقفها صوت رعــد
رعــد بهدوء: فـيك شيء اعرفك لاصرتي منهاره نبرة صوتك عيونك اللي ماتحطينها بعيوني عشان تخفين اللي فيك لا صرتي تضغطي على يدك
وقتها افهم انك مصدومه ومنهاره من شيء طيب ارتاحي الحين وبعدين نتكلم طيب
رتيل مشت وتسارع خطوتها ودموعها تنــزل من وجع فيها وش بتسوي كيف بتعلم رعد كيف بتقول له كيف
كيف بتسكت عن الشخص اللي حرض قتل امها
ودخلت وطلعت غرفتها وهيون تناظرها : وش فيك
رتيل تهمس: مابي اخسره مـــابي احبه وبنفس الوقت مابي اضيع دم امي مابي اسكت له اللي ذبح امي وام رعد ضمن الموضوع اوه
هيون ضمتها صعب الموقف اللي انحطت فيه : رتيل هـدي هدي
لتكملة الفصل يمكنكم متابعته على قناتنا في اليوتيوب على الرابط اعلى الصفحة
ليست هناك تعليقات:
إرسال تعليق