شخصيات رواية تعبت انتظر الى متى هذا الصمت للكاتبة / هيون

 

الشـــخصيـات ..

في عائله تسكن  في الريـاض وكان كبير العائله مشغول طول الايام والشهور  ويعتبر قاضي في المحكمة العليا وكان حيل ينشغل عن عياله 

الان شغل القاضي جداً صعب وحسـاس مرة لدرجه كبيره 

المهم راح أعرف لكم الشخصيات 

عنده 3 أبناء و بنتين ..

نبدأ به ..

ابو فياض الفتره الاخيره صاير مره عصبي ويحول يمسك أعصابه على قد ما يقدر بس بعض الاوقات كل شي يخونه بس حنون مع عياله وخصتن بناته عمره 54 

ام فياض : مغروره كثيـر تفتخر في شغل زوجها وفخوره في عيالها وبناتها اللي يجيبون درجات عاليه وفي مستواهم المادي وتكره أم محمد وعيالها وتحتقرهم بـالمره صلة القرابه عيال عمهم ..

1 - فياض شخص مزاجي بالمره بس قلبه كبير يشتغل في شركـة كبيره ورتبته زينه وراتبه عالي عمره 28 سنه ..

2 - مهند مره بثر وعليه حركات تجلط وبارد وهادي ومحد عرف شخصيته من اهله بس أخوانه كارهين ام أم أمه من بثرته وحركاته الغثيثه ومزحه الثقيل مع هذا كله حافظ القرآن الكريم وأخلاقه عاليه مع ناس عمره 25

3 - نوف بنت مره كيوت وفيها طيبه زايده بس إذا عصبت عصبت وابن أمه يكلمها أحد  وأهي معصبه بس تنحط على الجرح يبرا عمرها 20

4 - البراء :  مره فاهي وإذا سأل عز الله ما سكت فيه إزعاج بس مره طيب وعلى نياته وحبوب بالحيل وقت الفزعه تلقاه موجود عمره 24 

5 - شروق  ملامحها ناعمه وتكره استخفاف دمـ أخوها مهنـد عمرها 18 

.

.

هنــا في الرياض كان لهم منصب مرموق ومشهــوريـن بشــكل كـبيـر ولهم من المراكز والمحلات الكبيره 

والمؤسـسـات العـالميـه جدآ مرموقين وسمعتــهم جـداً طيبه بيـن النـاس 

وهم ..

أبو رعد : تـاجركبير في شمـال الرياض ومعروف في اخلاقـه وطيبته وآسلوبـه اللي يحبب الـكل فيه و تــواضــعه اللي يشهد لـه ..

أم رعد انسانـه فيها من التـكبر والغرور وأهـم ماعليها كلام النـاس 

وبـس هذا أكبر همها وتحب الـكـل يمدحها ويعجب فيها وأهم ماعندها لبسها وشكلها ومكياجها  وأناقتها ورافعه خشمها فوق مـره وما يعجبها العجب ..

عندهم من الابنآء آربعه  والبنات آربعه

 

1 - رعد : شخصيته جداً قــوية ولـه هيبته في كل مـكان يروح له والكل يحترمه و وراث الاخــلاق  من آبـوه جدآ عصبي إذا عصب مايعرف لا امه ولا ابــوه وسيده ماعنده يمين ويسار ويشتغل مع ابـوة جدآ متعلق فيه بشكل قوي جدآ ونظرتـه تحـرق وتخرفن بالنسبه للبنات عمره 28 سنه خاطب بنت ابو فياض بعدين نعرفها ..

2 - فيصل فيــه طيش شبـاب وجدا متهور وشغله مغازل وتمقل في ذا البنـات بس جداً حنون عمره 26 وطيب وفيه من العصبيه ووقت الجد جد وخفيف دمــه مره وعايش حياتــه 

3 - فجر دلوعـه مره ومغروره وما يعجبهـآ العجب وكلامها يتنفذ 

وماهره في التمثيل درجه آولـى بعد عمرها 23 

4 - اريام جدآ عربجيـه وتكره دلع فجر أختها ودوم تكوفنها اذا عصبت منها مجنونة الهلال بس جداً طيبـه تكره أنواع الميك آب وما تحبه آبد وعفويه جدآ في كــلامـها وتكـره الفساتين وخربيط البنات بس عسل وجذابه في كلامها وتعشق رعد بالمره واهو مايرفض لهـا طلـب مهما كـان صعب وتحب المغامرت والاكشن  عمرها 19 

5 - الهنوف هذي متزوجه من 5 سنوات وربي الى الحين مارزقها في عيال وكانت صابره وماتشتكي من هذا شي آبد عمرها 33

زوجها عبد العزيز كان حاسس بشعورها ورغبتها أنها تكون أم ومحترمها وعشـان كذا عرضها على اطباء كثيرين وكلهم نفس الكلام  سليمين عمره 36 ..

6- ركان يدرس في مدرسه داخليه وفي الويكند يطلع منها ويزور اهله وكانت هذة عقوبه من رعد أنه يدخله مدرسه داخليه واهو في ثاني ثانوي 18 عمره بنعرف بعدين ليه عاقبه رعد  ..

7 - طيف عمرها 6 سنوات  متعلقة برعد مره واول مايرجع من الدوام تروح تتربع عنده تموت فيه وتعشقه واهو مدلعها آخر دلع مره وكثير تنام معه وإذا سافر أو إذا طلع مع آخويها تقلب الدنيا على امها  وبسم الله عليها كلامها مرتب ومنطلقه في الكلام. 

8- زياد في الجامعه اخوهم من ابوهم وامه متوفيه من كان في سادس ابتدائي وعلاقته مع اخوانـه قويه الا فجر ومرة أبوه أبد ما بينهم اي احتكاك وهو هادي جداً و حبوب وطيب وماخذ بعض من العصبيه وكتوم عمره 23 حاد الطباع بعض الاوقات  ..

٠

٠ 

وفي قـريـــة من القرى 

وفي آحدى المنازل المتواضعه 

وآحدى العوائل اللي كانت ساكنه في

القريــــه وكانـت قريـبه من عاصـمة الريــــاض 

كانت أفراد العائله عبارة عن 

أم وعندها 3 من الابناء و 4 من البنـات 

زوجها كان متوفي من 7 سنوات  وأُجبرت على تحمل تربية عيالها بدون الاب و وحدها وكانت شديدة جدآ معهم وتعبت جداً كانت تبي توفر لهـم كل شيء وما تخليهم محتاجين لااحد أبداً وكان وضعهم المادي نوعً ما ضعيف وكانت تعتمد على الجمعيه اللي تصرف لها الضمان السنوي لحقوق المرآة الارمله 

وبنفس الوقت كانت تشتغل في وحدة من المدارس فراشه بس عشان تعيش اهي وعيالها وكان أكبر عيالها 

عمره 29 وساكن في الرياض اهو وزوجته وعنده بنت يعني كان بعيد عن امـه وإخوانه..

بعرف لكم الشخصيات { أم محمد كانت حرمه عن 10 رجاجيل وشخصيتها قوية وكانت حادة المزاج وتفكر في مصلحة عيالها أكثر من أي شي بالدنيا أهم شي هم مو مهم هي  كانت كبيره بالعمر } 

آكبر عيالها ..

 

1-محمد متزوج وعندة بنت عمره 29 سنه وكانت وظيفته في الرياض وساكن في شقه متوآضعه اهو وزوجته وعلى قد حاله متى ماقدر أرسل مبلغ مالي لاأمه وإخوانه وكل عطله ينزل للقــريـه عند امـه واخوانــه مره ينبسطون فيه زوجته اسمها مريم مالها اي احتكاك في أهل محمد يعني ماتجي لهم كثير كل ما نزل محمد القريـة هي تروح عند اهلها عمرها 29 

وبنتها تدرس في ثاني ابتدائي و ملسونه عمرها 6 سنوات..

2-ريان: يدرس في ثالث ثانوي وكل يوم طايح في مشكله وسالفه 

بعدين نعـرف ليه المفروض اهو في ثاني جامعه بس كان يرسب ومايدرس أصلاً عمره 21 

3- نوره أكبر البنات بس مطلقه وعندها بنت تدرس في أول ثانوي

عمر نوره 38 سنه بنتها رهف عمرها 17 حساسه مره نوره تزوجت وعمرها صغير ..

4- ريما: في اولى جامعه  عمرها 20 سنه 

5- عبد الرحمن : كان عاطل باطل كله جالس في البيت وعصبي مره وشديد وكل همه خواته بس في بعض الأوقات يكرهونه بعدين نعرف ليه عمره 26 

6- لمى : هذي دايـم  هواش مع ريان وكله مشاكل وكره عظيم بينهم  ولمى كله هياط وتفاخر في بعض الامور بعدين نعرفها مع الروايـه عمرها 16 في اولى ثانوي ..

 

7- رتيل : كـانت الذراع اليمين لاامها وتحاول تساعدها وكانت تشتغل في التطريز وترسم لوحات لنـاس طبعاً كل شي وله ثمن كـان عندها الحس الفنـي ومنها تطور موهبتها وتساعد امها كانت رتيـل جداً جميله وكلمة جميله شويـه عليها وقليله في حقها

كانت بنت جداً فلاويـه مع الكل بس ملسونـه وفيها شوية بثاره 

ومن طبعها الصمـت في أغلب الاوقات مستحيل تعبر عن مشاعرها وإبتسامتها جذابه جدا عمرها 18 في ثاني ثانوي كله تاخذ إمتياز ومهذبه وأخلاقها عالية بس ميزتها عن الباقي أنها تمسـك نفسها عنـد الغـضب انســانــه جداً صبوره وطيوبــه مره بس بنفس الوقت ذكـية وتتحمل آمور أكبــر منها !