الحلقة
الثالثة ..
📖 روايـــــــــــــة
{ بلا ميعاد }
وفي
المطبخ كانت جوري جالسه وهي ما تبي تحضر اي مشكله بين ابوها وسطام لانها فعلا تعبت
سمعت صوت عند الباب ولبست جلالها وتغطت
مازن
اللي دخل : فيه احد
جوري
وقفت : انا اصلا رايحه
مازن
: اهلا لا والله جيت بوقتي
جوري
: مازن مالي خلق والله
ضحك
مازن: بس صراحه خدعتيني وثقت فيك اكتبيه في تاريخك الجبار
جوري
لفت بعدم فهم: شلون يعني
مازن
رفع الكوب وهو مبتسم : انكشفتي يا النقطه
جوري
اتسعت عيونها بذهول وقرب مازن وهو يحط الكوب قبالها : ما اكون مازن اذا ما رجعتها لك
دبل
طلع
وهو يضحك وضربت جوري جبينها بفشله : وفرحانه بنفسك انتي ووجهك
مازن
رجع طل عليها : انا اقولك الثقه الزايده شينه
جوري
انسحبت وهي متفشله انها انكشفت وطلع مازن يضحك وقابله نايف : وش عندك تضحك؟! مازن
:حرام اضحك يعني
نايف
: والله عند ذا العايله حتى الضحك يصير ذنب
مازن:
وش الجديد يعني
نايف
: ما تحس ان فيه شي غريب !
مازن
: ياخي احس اني اعرف اللي جاء بس ناسيه
نايف
: سمعتهم يقولون صقر
مازن
لف بقوه : صقر مين !؟
نايف
: والله مدري اذا اللي في بالي وبالك صح
جلس
مازن بصدمه من انه يكون صدق
٠
٠
اما
سطام اللي كان في دوامه عجز يتحرر منها وقف وهو يناظر خيله من بعيد ويقيس عليها حياته
اشياء كثيره بالنسبه له مجهوله ابتداء يجهل حتى نفسه مو كفايه حتى مستقبله مجهول
طلع
وهو متجه لفارس ملجأه الوحيد بدون ما يحس بالعيون اللي تراقبه وصل بيت فارس ودق الباب
طلع له مؤمن : ماشاء الله سطام يجي
سطام
اللي ماكان له خلق : وين فارس
مؤمن
ميل فمه بعدم رضا : فارس عنده ضيف
سطام
باستغراب : مين ضيف
مؤمن
: هذا بنت انا ما يعرف مين
سطام
: بنت؟
تردد
في انه يدخل بس انسحب لاخر لحظه ورجع بطريقه للمزرعه دخل وهو مايدري وين يروح بالضبط
لف بخوف وهو يسمع عنود تناديه بخوف : سطام الحق
ركض
وراها وهو خايف على جده بس انقطع نفسه لما سحبته لغرفة دانه دخلوا وهو يسمع صوت بكى
وساره وجوري والبنات حواليها بعدهم عنها بخوف وهوي يناديها : دانه دااااانه دااانه
تسمعيني دانه
ساره
: سطام مدري وش صار لها واغمى عليها من امس
كانت تشتكي من مغص
بسرعه
حط يده سطام على عمليتها ما كان فيها شي بعدهم وهو يلفها بأقرب عبايه له وشالها وطلع
وقفته عنود : سطام خذ هويتي عشانها
سطام
نزل دانه بالسياره ولف لعنود : مالها داعي
راحت
عنود تركض ورجعت بسرعه وهي تمد له هويتها وهوية مازن ناظرت عيون سطام بحزم : مو وقت
اللعب ما راح يعالجونها بدون هويه وهوية مازن خذها معك احتياط
حطتها
في يده وابتعدت وهي تقول : خلك قريب جوال
ركب
سطام وتحرك بسرعه وهو عينه على دانه اللي كانت مرميه بالمرتبه ولا يسمع الا ونين
كان
ما يدري وين يروح حط كل حيله في السياره وهو يدور بعيونه على اقرب مستشفى لكن وقف وهو
يقول ( مستشفى خاص )
وبسرعه
استدار لطريق المستشفى اللي يعرفه
٠
٠
وعند
عنود اللي كانت واقفه بتوتر وهو ماسكه راسها جاء مازن يركض : عنود وش صاير
عنود
لفت لمازن بحيره: دانه تعبت اخذها سطام للمستشفى
مازن
: ليش ما قلتوا لي اروح معه شلون بيتصرف الحين
ساره:
هويتك معاه
مازن
: الله يستر من عواقب هالموضوع
عنود
: اجلسوا لا احد يحس اقل شي نفتك من عايشه اذا حست بتقلب الدنيا
مازن
: صح عايشه لا تدري
وما
مداهم سكتو الا جات عايشه: وش فيكم هنا
عنود
بسرعه: كنا بنروح الاسطبل
عايشه
: ذا الوقت ؟!
مازن:
ايه انا قلت متاخر بكره نروح
ضحكت
عايشه بإستهزاء : قلت لكم محد مخليكم تروحون ارتحتوا الحين
مازن
: يلا يلا ادخلوا قبل يتاخر الوقت أكثر والكل ينام
ساره
اللي كانت في حاله مزريه من اللي صار اليوم قرب مازن وهو يحط يده على كتفها : سوير
يلا تعوذي من ابليس جدي بخير والامور تمام
ابتعدت
ساره بحزن وهي تروح لغرفتها ودخلوا البنات كلهم وقف مازن وهو يبي يفهم شي من اللي يصير
ماهو قادر ..
٠
٠
في مكان
مظلم كان صقر جالس وهو يراقب المزرعه اللي تعود يراقبها من سنين اخذ نفس وهو يستند
على باب السياره غمض عيونه وهو يرجع به الوقت لذاك اليوم اللي نقل كل شي في حياته اللي
حطم وبناء في نفس الوقت شد على يده وهو يتذكر كيف كان طايح ويبكي وسط صراخ سند المتكرر
عليه وبكى امه اللي تحاول ترفعه وتحضنه
سند:
يمه اتركيه شتبين فيه شتبين فيه مثله حرام يعيش حرام
ام سند
: حرام عليك هذا اخوك
سند:
اي اخو هذا دمار هذا آفه هذا بيهدم الدنيا علينا
الجد
: ليش يا صقر ياما نصحتك ليش
صقر
اللي كان في حال ما يقدر يرد فيها على احد ماكان يسُمع منه الا صراخه وألامه
سحبه
سند وهو يوقفه : تطلع من ذا البيت وتنسى ان عندك اهل تسمع )...
صحى
على صوت السياره فتح عيونه وهو يشوف سيارة سطام مسرعه وتتخبط تحرك وراه وهو خايف ان
ابوه معاه ..
٠
٠
وعند
سطام اللي نزل وهو شايل دانه وركض فيها لطوارئ سلمهم دانه وهو يدور بعينه على شخص مسؤول
شاف الدكتور وركض وهو يشرح له حالتها بإستثناء (الاغتصاب )
ومثل
كل مره اعطوه الاستبيان يعبيه وخرف من راسه اي كلام وسلمهم الورقه وراح يدور على دانه
وين اخذوها
وقف
لما شاف الدكتوره عندها مد يده لجبينه وهو يمسحه بتعب
وصار
يدور وينتظرهم يردون له ..
ولا
يدري ان فيه احد يراقبه و احد مذهول مايدري من ذي اللي اخذها سطام ومتوتر عشانها
وبعد
انتظار ساعات طويله تقدم سطام لدكتوره وهو يسألها عن حالة دانه
الدكتوره:
مافي شي خطير ان شاء والحين تجي التحاليل وتشوف وتقدر تشوف المريضه
دخل
سطام وهو صاد: دانه
دانه
بتعب : تعال
دخل
وهو يشوفها تعبانه: فيك شي يوجعك شي
دانه
:الحين احسن من قبل
سطام:
ليش ما قلتي من لما اشتد الالم
دانه:
توقعته بيروح زي كل مره
سطام
: مو مشكله ان شاء الله بسيطه
دانه
بخوف واضح عليها : سطام لا تروح بعيد خلك قريب
سطام
ابتسم وهو يجلس على الكرسي اللي بجنبها : ماني رايح انا هنا
ارتاحت
دانه وهي تراقب الباب ودخلت الدكتوره وهي تقول : طلعت النتايج
وقف
سطام وهو ينتظرها تتكلم ابتسمت الدكتوره وهي تناظر بسطام : الف مبروك المدام حامل
هنا
وفي ذا اللحظه حس سطااااام الدنيا داااارت فيه مسك بالسرير وكلام الدكتوره ينعاد عليه
اكثر من مره وصحاه شهقت دانه المرعبه
٠
٠
اما
عند صقر اللي راح للاستقبال وسألهم وقالوا له الاسم واسم الرجال بس كان غير رجع لوراء
وهو يفكر ليش سطام مغير اسمه ومين هاذي اللي بعد ما يعرفها جلس وهو يفكر وش صار طول
هالسنين اللي غابها
٠
٠
وفي
طرف ثاني كان فهد جالس وهو يناظر ابوه بسرحان وينقل عيونه بين امه وابوه يبي يكلمهم
بس خايف تراجع لاخر لحظه وقرر يكلم سطام قبل يكلمهم مد يده لجرحه وهو يقول بنفسه (
صدقني ما اخلي دمي يروح هدر )
.
.
عند
سطام اللي لف لدانه اللي تناظره وعيونها مليانه دموع
سطام
: متاكده انتي
الدكتوره
: ايوه فيه مشكله ؟!
سطام
لف يناظرها وهو مايدري كيف جاته الجرأه انه يكذب بمثل هالوقت اصلا ولا يدري كيف طلعت
معه : معليش بس احنا تزوجنا من بدري ولا نبي الحمل يعني في مشاكل لازم تنحل قبل
الدكتوره
قربت لدانه وهي تمسح على راسها: لا تبكين هاذي نعمه من ربي غيرك مو محصلها احمدي ربك
وارضي وبتشوفين كيف بيصير اجمل شي صار في حياتك وخصوصا انك توك بالاسابيع الأولى
دانه
اللي كانت مو قادره تبكي ناظرت سطام وهي تقول بصوت متقطع : لا يا سطاااام لا
قطبت
الدكتوره حواجبها : سطام ؟؟!
سطام
ابتسم لدكتوره بسرعه : هي تحب تناديني بذا الاسم
قرب
وهو يحط يده على كتفها بتحفظ : خلاص يا قلبي اللي صار صار
الدكتوره
: راح اكتب لها ادويه وارجع
سطام
فهم ان الدكتوره شكت ابتسم وهو ينتظرها تطلع وبسرعه سحب الكرسي وهو يساعد دانه تلبس
دانه
بخوف : وش بنسوي
جلس
سطام قبالها : دانه تماسكي لازم نطلع من هنا قبل يدرون ان هويتنا كذب
ما عطاها
فرصه تعترض وطلع مسرع واتجه بالعربيه للباب وابتعد بعيد لما اختفى من انظار كاميرات
المستشفى ركض لسيارته اللي تعود ياخذها بعيد عن الكاميرات ساعد دانه المنهاره وركب
وابتعد وناظرها وهو يقول : دانه الله يخليك هدي خلينا نفكر وش بنسوي
دانه
وهي تضرب وجهها : سطام وش نفكر فيه هاذي مصيبه كارثه وين بروح وين اروح وش اسوي بنفسي
انا حتى لو احصل اهلي كيف بيقبلوني قولي كيف لا يا سطام تكفى قول يكذبون قول اي شي
تكفى يا سطام
سطام
اللي فعلا مايدري وش يقول هاذي مصيبه بالنسبه له وين بيوديها كيف بيتصرف وقف لما ابتعد
ودخل بين المزارع سند راسه على الديركسون وهو مايدري كيف بيتصرف ما عرف حتى يهدي دانه
لكن رفع راسه : دانه لازم نجهضه
لفت دانه وهي تناظر سطام بخوف : وشو وش تقول انجنيت
سطام
: دانه اسمعيني هاللي في بطنك مجهول احنا وين بنوديه كيف بنتصرف معه ورانا شريفه وسند
احنا بدون شي مو مفتكين الحين وش بيصير لو عرفوا وانتي تدرين ان كل شي يتخبى الا الحمل
دانه
وهي تبكي : كيف كيف ؟!
سطام
: الحين بنرجع البيت طيب وبنكون طبيعين ونهدي ونفكر وان شاء الله محلوله
دانه:
لا تكفى مابي اروح البيت كيف اروح ؟! كيف بقابلهم تكفى سطام لا نروح
سطام
: مجبورين نروح وين بنروح اذا ما رحنا البيت عشان محد ينتبه واوعدك اني بساعدك ونخلص
من ذا المصيبه
دانه
اللي انهارت وهي تضرب بطنها وتصرخ مسكها سطام بسرعه وهو يقول : دانه اذكري الله الموضوع
بينحل بس اهدي اسمعيني اوعدك ان هالسالفه بتنتهي
دانه
اللي ابتعدت وهي تبكي ولكن انقطع صوتها لما شافت جوال سطام يدق باسم ( عنود )
سطام
اخذ نفس ورد بهدوء : هلا عنود
عنود
: سطام وش صار معكم قلقنا مره
سطام
: لا الحمدلله مجرد التهاب بسيط وهذا احنا
راجعين
عنود
: اكيد مافيه شي خطير
سططام
: لا ارتاحي وطمني البنات احنا مسافة الطريق
عنود
: زين
سطام:
احد حس من الكبار
عنود
: لا
سطام:
زين يلا
سكر
وهو يشوف دانه اللي تبكي بحرقه واضحه وارتفع صوتها وهي تدعي على اللي سوا فيها كذا
ماكان
بيد سطام يسوي شي الا انه يسكت ويخليها تطلع اللي بقلبها قبل يوصلون
٠
٠
وفي
طرف ثاني كان صقر شاهد على كل اللي صار مع سطام بس اللي مستغربه ليش طلع كذا من المستشفى
وليه طلعوا الامن والدكتوره يدورون وراه اشياء كثيره استغربها بس حس انها مصيبه كبيره
كان يتبعهم بهدوء وهو يفكر وش ممكن يكون صاير
وقف
لما شافهم وقفوا عند المزرعه ونزل سطام وهو يتكلم مع البنت وهي منهاره وتبكي وطولوا
لي دخلوا
اخذ
نفس صقر وهو يقول : وش يصير يا صقر وش الموضوع
٠
٠
اما سطام اللي كان يحاول انه يهدي دانه اللي ما وقفت
بكى وهي تترجاه يتصرف وبعد عناء سكتت دانه ودخلوا وهم يشوفون مازن ونايف والبنات ينتظرونهم
في الجلسات الخارجيه
لفت
دانه لسطام ببكى : سطام وش اسوي
سطام
رجع لورى قبل يشوفونهم : دانه قولي لا حول ولا قوة الا بالله اذكري الله ان شاء الله
محلوله اول شي امسحي دموعك وعلى طول روحي لغرفتك واذا اسألوك قولي إلتهاب وانتهى واتركي
الباقي علي
دانه
: سطام تكفى لا ينتبهون
سطام
: لا تخافين انا معك
مشوا
متجهين لهم والكل وقف ركضت ساره وعنود لدانه: دانه كيفك
سطام
بسرعه: مجرد إلتهاب في الجروح وهي سكتت لما زاد الوضع لكن خلوها ترتاح لانها اخذت دواء
بينومها
ساره:
زين تعالي اوصلك
دانه
: انا اروح لحالي لا تعبين نفسك
عنود:
اي تعب تعالي نوصلك بس
راحوا
البنات وتقدم سطام وهو يعطي مازن هويته: هذ ما استخدمتها
مازن
: شلون عالجوها طيب
سطام
: مثل ما تعالجت انا من سنين
راح
وتركهم وهو ماله خلق يجادل كفايه المصيبه اللي بين يدينه
نايف
: ياخي فعلياً انا ماني فاهم شي احس الكل يركض لكن محد يدري وين بيروح
مازن
تنهد وهو يتجه لفراشه : يا رجل من متى فهمت ذا العايله اصلا
نايف
: وش تسوي ؟
مازن
: بنام !
نايف
: تكفى لا
مازن:
شتبي ياخي بطني يوجعني بنام يمكن يخف
نايف:
اجلس لحالي يعني
مازن: محمد قالك نام قبل
نايف:
تكفى يا مازن
مازن
لف له وهو يهدده: اسمعني انا بحط راسي وانام ليش لاني تعبان واذا حاولت انك تخرب نومي
بخليك ثالث واحد تروح المستشفى تسمع وبإصابات خطيره
نايف
رجع لورا وهو مكشر: يا شين النفس ياخي
مازن
ما رد وهو يتلحف
دخل
سطام بلحافه وناظره نايف ببتسامه
سطام
قطع الكلام بسرعه وهو ينسدح ويتلحف : نايف لا تحاول ولا تزعجني
ميل
نايف فمه طفش وانسدح يلعب ..
٠
٠
ومن
بكره صحى سطام وهو يناظر حوالينه كان هدوء والكل نايم ناظر بساعته وكانت 9:30 استغرب
ان محد صحاهم وقف بسرعه لما تذكر دانه لبس بسرعه وطلع شافهم جالسين بالديوانيه واتجه
للمطبخ دخل وهو يتمنى محد يصادفه بس شاف جوري ابتسم وهو يقول : صباح الخير
جوري
: هلا هلا صباح النور
سطام
: وين البنات
جوري
: كلهم نوم ما عدا ساره عند جدي والعنود قافله معها ومطنشه الكل وجالسه برا
سطام:
ليش ليش !
جوري
: متطاقه مع مازن وانت عاد تعرف عنادها
سطام:
شبلاها ذا البنت متحامله على مازن
جوري
: والله اخوها يقهر
ضحك
سطام وهو يقول : مو مشكله وين دانه
جوري
: بغرفتها
سطام:
زين شوفي لي الطريق بشوف كيفها
جوري
:ابشر
ابتسم
سطام وهو يقول بنفسه ( يا زينك ياجوري على نياتك والله لو اني قايل لعنود والا وحده
من البنات لتطلع عيوني )
رجعت
وهي تقول :خلاص تعال
راح
سطام ودخل الغرفه وهو يناظر دانه اللي كان واضح له انهيارها
جوري
: دانه قلبي خلاص وقفي بكى الموضوع كله إلتهاب
سطام
: جوري جيبي مويه خليها تهدي
راحت
جوري ووقف سطام وهو يقول : دانه اسمعيني انا الحين رايح اشوف لنا حل لكن ابيك تهدين
لا تشككينهم فيك
دانه
: كيف بنتصرف
سطام:
بنتصرف بس انتي اهدي وانتظريني
جوري
جات وهي تعطيها المويه: خلاص هدي
دانه
اخذت المويه وهي تراقب سطام اللي قال :انتي لا تفكرين وشوفي كيف يخف كل شي
جوري
بحسن نيه : صادق
سطام:انا
رايح
طلع
وراح لديوانيه دخل ويدور جده وابتسم ابتسامه عريضه : صبحه بالخير يالله وش ذا الرضا
اللي يخلينا نصبح على وجهك الطيب
ابتسم
له الجد اللي كان واضح حزنه: هلا يا ولدي انت بعدك هنا ما رحت للاسطبل ..
سطام
: وشلون اروح وانا ما شفتك علمني بس
ساره
: سطام جهز نفسك لان جدي مو راضي يفطر
سطام
: افا !
جميله:
ولا هو راضي يسمع من احد
سطام
اخذ الصينيه وهو يحطها على رجوله وجلس قبال جده: عاد انا ما فطرت وانت بتفطر معي
الجد:
مالي نفس يا سطام
سطام
:عاد انت تعرف اني ما اعرف وش يعني مالك نفس
قرب
وهو يهمس في اذن جده: لا تفشلني عاد وترا والله ما اكل شي الا لما تاكل ..
الجد
هز راسه بضيق : وشوله تحلف
سطام:
يلا يلا
ابتداء
سطام يسولف اي شي يخطر عليه عشان يسلي جده ويخليه ياكل وعطاه الابره ووقف وهو يقول
: بالعافيه
ابو
مازن: والله الظاهر بنصير نغار منك
سطام
بضحك : لا تجرب حظك وتتحطم
ام مازن
: اي والله
ابتسم
سطام وهو يقول : انا رايح تبون شي
الكل
: سلامتك
سطام:
سوير ناقص شي
ساره:
لا ابوي جاب كل شي امس
سطام
همس : وين الشياطين
ساره
ضحكت: والله مدري طلعوا بعد الفطور يمشون
سطام
: اجل يا صباح الخير دامني ما صبحت فيهم
طلع
وهو مبتسم واتجه لبيت فارس دق الباب ودخل وهو ينادي : فارس يا فارس
فارس
اللي طلع وهو يقول : ماشاء الله هذا سطام والا نور القمر
ضحك
سطام وهو يتجه له ويسلم عليه : جيت لك امس وقال مؤمن فيه بنت وش مخربط انت
فارس
: ههههه لا مخربط ولا شي هاذي اسماء
سطام
اتسعت عيونه بفرحه: من جدك
فارس
:تعال اجلس بقولك السالفه ، يامؤمن جيب الشاهي
ابتداء
يحكي لسطام كل شي ابتسم سطام: زين احمد ربك ان اختك جات عندك
فارس:
الحمدلله بس والله اني خايف ان له نيه ثانيه
سطام:
لا ما اتوقع
فارس
: انت وينك امس ؟! مؤمن يقول انه وهو جاي سمع هواش
سطام
نزل بيالته بضيق : ياخي من غيره سند
ابتداء
سطام بدوره يحكي له ورجع لورى وهو يقول : بس ابي اعرف من الرجال اللي دخل انا متاكد
اني اعرف صوته بس ما ركزت في شكله
فارس:
من بيكون يعني
سطام
: مدري بس بحاول اعرف الموضوع بأي طريقه
فارس:
شلون طيب
طلع
سطام جواله : عنود مالي الا عنود هي تجيب كل شي
فارس
: واذا كان شي كبير
سطام
: عشان كذا لازم اعرفه
فارس
: طيب وين بتروح
سطام
نزل جواله بعد ما ارسل لعنود (عنوده حاولي تعرفين مين الرجال اللي امس )
سطام:
بروح اخلص لي كم شغله تبي شي
فارس:
سلامتك
سطام
اتجه للباب بس وقف ولف : الا فهد وينه ؟!
فارس
: مدري من امس ما مر علي
سطام:
احسه وراه شي
فارس
: والله مدري يا سطام
سطام:
خلني اخلص الشغله اللي بيدي وارجع اطلع الحكي من عيونه
طلع
متجه لسيارته وهو يفكر وش يسوي
٠
٠
عند
عنود اللي وصلها رساله سطام ووقفت وهي تدور بعيونها الى سند ماحصلته وطلعت تدور عليه
بهدوء وشافته هو شريفه جالسين بطاوله بعيد ويتكلمون مشت بهدوء ومشت ومشت لما صارت قريب
منهم سمعت سند يقول بغضب : هذا اذا رجع بيخرب عيالنا وشره مب مأمون
شريفه
: تصرف ولا تخلي ابوك يحس
سند
: لا تخافين عندي
قطبت
عنود حواجبها وهي ما تدري من ذا الشخص اللي يتكلمون عنه
رجعت
لوراء لما طلعوا ولحقتهم وهي تحاول تدور سبب او تعرف مين ذا ..
٠
٠
عند
سطام اللي وقف قبال صيدليه وهو يرتب الكلام داخله تقدم ودخل وهو يحمد ربه ان الصيدليه
فاضيه راح لصيدلي :السلام عليكم
الصيدلي:
وعليكم السلام كيف اخدمك ؟
سطام
: لو سمحت ابي اي حبوب او دواء يجهض الحمل لكن بدون اثار جانبيه او اي مضاعفات
الصيدلي
: في اي شهر الحمل
سطام
: الاسبوعين الاولى
الصيدلي
: هل موجود امراض تعاني منها ضغط سكر حساسيه اتجاه الادويه
سطام
بتردد :لا
الصيدلي
: اوك هاذي حبوب تاخذها وخلال 24 ساعه يتم الاجهاض وفي اي حال تعرضت لاغماء او شي انقلها
بسرعه للمستشفى وخذ معك علبه الدواء
سطام:
بس انت قلت مالها اي اثار
الصيدلي
: ايه لكن هذا اجهاض تحتاج بعده تنظيف
سطام
سحب محفظته لكن ما حصل فيها الا مبلغ قليل ما يكفي : زين خليها عندك بعد تقريبا ساعه
ارجع لك
الصيدلي
: مافيه مشكله
طلع
سطام وهو ضايق من حالته الصعبه وركب سيارته وهو متعود على هذا الحال وصار يشيل معاه
اي احد يأشر على الخط وبعد ساعه وقف بتعب وهو يمسح جبينه طلع الفلوس وهو يعدها وكانت
قيمة الدواء رجع لصيدليه واخذها وطلع رجع بطريقه للمزرعه ..
٠
٠
عند
دانه اللي كانت مع البنات وتحاول قد ما تقدر تكون طبيعيه وهي تحس داخلها نار كانت تراقب البنات وهم يضحكون ومستانسين ومناقرات
جوري ومازن وغير عصبيتهم من نايف اللي ينزفزهم وصراخ عايشه على عياالها
قطع
عليهم صوت مازن : عايشه يا مجنونه اتركي العيال بحالهم
عايشه
:اللي ما يسمع الكلام يستاهل
ساره:
بس هذا مو حل تخبلينهم زياده كذا
نايف
وهو متكي على رجل امه : والله لو عايشه امي لحذف نفسي من ناطحات السحب
مازن
جلس وهو يتربع : انا اقول احذف نفسك لانك نايف
هديل
: رتويت
جميله
: وش تبون فيه انتم يسوي اللي يبي براحته
جات
عنود وجلست وهي ساكته لف عليها مازن : ما زالو حاضرين
ناظرته
عنود بهدوء ولفت وهي تقول : عمه مين الرجال اللي جاء امس
جميله
توترت وانقذها دخول شريفه اللي تقول : وينها القهوه ما جهزت
فزت
ساره: الحين تجهز
الكل
سكت وهم يناظرونها جلست ولكن الكل لف لسيارة سطام اللي كانت مسرعه وقف ونزل وهو مقطب
حواجبه شاف شريفه وميل فمه بضيق ودخل وهو يدور بعيونه على دانه
مازن
: وينك من صبح الله
سطام
اللي فعلا كان قلقان وماله خلق ابدا : رحت اخلص شغلي
شريفه
: شغل وين !؟
سطام
وهو متجه لعنود ومد يده لها بمعنى ( تعالي ) : يخص الخيل
وقفت
عنود ومشت مع سطام اللي قال : عرفتي شي
عنود
: لا كلها اشياء مبهمه
سطام
: شلون
عنود
شرحت له كل شي وهي تشوف سطام متشتت وقطع كلامها
وهو يقول : مصيره يبان
عنود
: انت وش فيك
سطام
ناظرها بهدوء وهو مايدري يقول لها او يسكت بس في نفس الوقت خايف يصير لدانه شي وهذا
شي لازم يكون احد جنبها
عنود
: سطااام
وقف
سطام: لا مافيني شي بس ضايق شوي
عنود
: وش فيك
ابتسم
سطام بالغصب : عنود مافيه شي
لف وهو
يسرع ولا يبي عنود تحس فيه او حتى تناديه
اتجه
للمطبخ سمع صوت فيه : فيه احد
ساره:
تعال مافيه احد الا دانه
دخل
سطام وفرح ان مافيه احد غيرهم
ساره
: هاه كيف يومك
سطام
اتكى وهو يشرب مويه : يعني
ساره:
صاير شي
سطام
: بس صداع لو تجيبين لي مسكن بيكون احسن
ساره
تركت كل شي في يدها وطلعت بخوف على سطام قرب سطام بسرعه لدانه وهو يحط العلبه بيدها
وعلمها كيف تستخدمها وقال عشان يطمنها: لا تخافين بس اليوم وكل شي بعده بيكون بخير
دانه
بخوف : سطام والله خايفه
سطام
: دانه لا تخافين وحطي في بالك ان هذا الشي لازم تتخلصين منه عشانك
حط في
يدها جواله وقال : فيه الرقم اول ماتحسين بشي اتصلي فيني طيب
دانه
: طيب
ابتعد
ووقف بعيد بهدوء وهو يناظر بنظرات يحاول يطمنها فيها رغم انه خايف اكثر منها
رجعت
ساره وهي تعطيه المسكن اخذه وطلع واتجه للاسطبل وهو يفرك يدينه بقلق انتبه لصوت جده
وابو مازن: سطام
وقف
سطان واتجه لهم : هلا
ابو
مازن: وش فيك
سطام:
مجرد صداع
الجد
: فيك شي اذا تحتاج مستشفى اترك عمك يوديك
سطام
ابتسم بضيق : لا ياجدي ما احتاج
ابو
مازن : طيب روح ارتاح
سطام
: لا بجلس هنا ارتاح مع الخيل
ابو
مازن : براحتك
رجع
سطام وهو ينتقل بين الخيل وهو ينتظر اي خبر
٠
٠
اما
دانه اللي راحت غرفتها واخذت الحبوب وجلست بخوف وهي ترجف وتبكي
دخلت
عنود : دانه تعالي بن ..... دانه وش فيك
دخلت
عنود وسكرت الباب واسرعت لها : فيك شي
دانه
:لا مافيني شي
عنود
:متاكده
دانه
: ايه بس بجلس لحالي
عنود
ما ارتاحت ووطلعت وهي تدور على سطام واسرعت للاسطبل وصلت وهي تلهث وتنادي : سطااام
سطااااااام
طلع
سطام بخوف : نعم وش فيك
عنود
ركضت عنده : مدري شفيها دانه تبكي وترجف
سطام
: شلون يعني
عنود
: دخلت عليها لقيتها جالسه وتبكي
سطام:
فيها شي ثاني
عنود
: لا
سطام
سحب يده منها بهدوء : عادي طيب
عنود
بشك : وشو عادي سطام امس معها التهاب يعني اكيد فيها شي
سطام
سكت وجلس وهو واضح عليه التوتر
قربت
عنود : سطااام
سطام
: عنود وش اسوي لها يعني التهاب وبيخف
عنود
بغضب : دامك ما تدري وش تسوي لها ليش جبتها هنا كان تركتها يحصلونها اهلها
سطام
مسح جبينه وهو ساكت عنود : قوم وديها للمستشفى قوم سطام قوم
عند
سطام اللي كان هلكان من التفكير والقلق والخوف وصرخ في عنود وهو يقول : مب شغلك
عنود
: خلك جالس بوديها انا ومازن
وقف
سطام وهو يسحبها : عنود قلت مب شغلك
عنود
: وش خايف منه هااااه ! قول وش اللي مخوفك
سطام
بهمس غاضب وهو يشد على يدها : عنود انتهى اذا جاها اي شي يستعدي المستشفى حزتها اوديها
عنود
: فيه شي وبعرفه
سطام
سحبها وهو يصرخ فيها: عنود مو عشان ساكت لك تتمادين
عنود
: شفيك تصارخ
سطام
بعدها بغضب : لا تزيدينها وروحي من هنا اذا صار شي كبير وديتها غيره اطلعي من مخي
عنود
اللي حست ان فيه شي وشي كبير ومو سهل رجعت وهي باقي تراقب تحركات سطام المتوتره
٠
٠
ومر الوقت وسطام ينتظر وفز اول ماشاف جواله ينور
برقم دانه ركض وهو يرد : دانه دااانه
ما فيه
اي رد ولما وصل شاف عنود جايه وهي تركض له : ارتحت الحين
سطام
: وش فيك
عنود
: دانه اغمى عليها
بردت
اطراف سطام وركض للغرفه شاف دانه طايحه قريب الحمام واتسعت عيونه اول ماشاف ملابسها
كلها دم دخلت عنود وهي ما تدري وش ذا الدم لف سطام يدور اقرب شي اخذ عبايتها ولف لعنود
وهو يد عليها بحرص :عنود الموضوع عندك نظفي المكان من الدم ولا احد يحس بشي كل السالفه
دانه طاحت بسبب الالتهاب وسطام وداها غير كذا مافيه الموضوع عندك زبطيه
اخذ
دانه وطلع يركض وهو يحمد ربه ان الكل مجتمعين بالدوانيه
اما
عنود اللي ما استوعبت اي شي الا ان سطام في مصيبه لا شعوريا ركضت وهي تنظف كل شي لكن
وقفت يدها على كرتون الحبوب .
.
٠
اما عند سطام اللي كان يحوس يدور لمستشفى هو ما قد
جاله ولاخر لحظه تذكر وطار له وكان مستشفى خاص اضمن له سلمهم دانه وشرح اللي صار وكعادته
عبى البيانات بطريقه كذبيه واتجه لدانه وهو كل خليه بجسمه ترجف رجف عمره ما مر عليه
ماكان قادر يجلس او يمشي او يسوي اي شي كان مثل المشلول حط يدينه على وجهه وهو يردد
( لا حول ولا قوة الا بالله )
٠
٠
وعند
عنود اللي اخذت الحبوب وهي تناظرها بإستغراب ولكن جمدت لما قرأت اسمها واستخدامها
( إجهاض ) حطت يدها على راسها وهي مرعوبه من ذا الكارثه فزت لما حست الباب ينفتح ودخلتها
بجيبها وهي تمسح وجهها
ساره:
عنود وينك ووين دانه
عنود
اللي ضاعت من 28 حرف ماعرفت تجمعها ابدا: ا ا دانه ايه ايه دانه تعبت وراحت المستشفى
تعبت وراحت
شهقت
ساره بخوف : متى واحنا وين ماحسينا ؟! مين اخذها
عنود
:سطام توه اخذها كانت تعبانه مالحقنا نقول
دخلوا
البنات وهم يضحكون بس اختفت الضحكه لما شافو عنود و وجهها
ناديه:
وش فيه وجهك
عنود
بتوتر : مافيني شي
هديل
: وش اللي مافيك ناظري شلون اصفر
جوري
: وينها دانه
ساره:
تعبت واخذها سطام للمستشفى
هيفاء
: شوضعها كل يوم تعبانه
ساره
بغضب: استغفري هذا مرض
عايشه
اللي دخلت : وش فيكم عنود وش فيك !
محد
رد وقالت عايشه وهي تطل في الغرفه : وينها البنت لايكون انحاشت
ساره:
تعبت واخذها سطام للمستشفى
عايشه
: وش علتها هاذي
عنود
جلست وهي تحس ان داهمها غثيان من اللي صار
وابتدت
السالفه تطلع واجتمعوا الكل
سند
بغضب : هذا متى بيحط عقله في راسه اخذ البنت ورايح فيها وهو لا هويه ولا بطيخ
ابو
مازن: الله يهديه ليش ما اخذ مازن اقل شي معه
عايشه
: والله انا ما ارتحت لوضع البنت ابد واكيد فيه شي
شريفه
اللي كانت تراقب الوضع بصمت وهي تشوف هدوء عنود اللي مو من عادتها في مثل هالوضع :
عنود بتقول وش الوضع
رفعت
عنود راسها برعب : وش اقول
الكل
لف لها وقالت شريفه : واضح انك تعرفين وش صار .
عنود
بتوتر: اللي صار ان البنت معها التهاب وسطام اخذها
شريفه:
لا تكذبين من بداية اليوم وانتي وسطام مختفين وفجاءه ياخذها ويروح للمستشفى
عنود
وقفت بغضب : سطام كان في الاسطبل
سند:
وانتي وين كنتي
عنود
ناظرت سند بغضب: والله مالي نفس اجلس مع ناس مرضى
طلعت
بسرعه قبل لا تنحشر ووقف سند بغضب وهو يوجه كلامه لابو مازن: فرحان بتربيتك هاذي
مازن:
والله عاد هي صادقه الواحد يكره الجلسه من الصراخ والمشاكل
ابو
مازن : بس يامازن
سند:
بكره بتشوفون وش بيجيب ذا المدلل من مصايب
جميله:
بس خلاص الموضوع انتهى اذا جاء تفاهموا معاه لا تتعبون ابوي
الجد
اللي كان في حال ما يعلم فيها الا الله يشيل هم سطام والا هم صقر
ولكن
الكل كان مشغول فالتحليل لكن محد حس بوجود صقر اللي رجع بعد ماسمع كلامهم
اتجه
لسيارته وهو يمسح يدينه في بعض : من ذا البنت وش تسوي هنا وش ذا التوتر اللي صاير بسبتها
جلس وهو ينتظر سطام يرجع
٠
٠
وعند سطام اللي انهد حيله وهو ينتظر وقف وهو يسأل
عنها ولكن طلعت الدكتوره وراح لها سطام مسرع : دكتوره وش صار
الدكتوره:
الحمدلله صحت المريضه بخير الجنين فقدناه بسبب الحبوب اللي اخذتها بس تحتاج انها ترتاح
شوي هنا
سطام:
في اي اثر او اي مشكله ممكن تواجهها
الدكتوره:
على ما تصحى المريضه بنتكلم بالتفاصيل بالمكتب
تبعها
سطام وهو متوتر جلس وهو ينتظر الدكتوره تتكلم : هي بتعاني شوي في موضوع الحمل بعدين
في النهايه هي اجهضت وهي بكر وهذا شي يأثر عليها لكن ان شاء الله راح تستمر في العلاج
وتتشافى
سطام
: ان شاء الله
الدكتوره:
هي الحين بترتاح معانا وان شاء الله بكره بتتطلع
سطام
: تحتاج ادويه
الدكتوره:
اكيد انا راح اكتب لك وصفه وراح تنزل تحت الصيدليه تاخذها لها وتمر على الرسبشن يعطونك
تفاصيل الفاتوره عشان ما تصير مشكله بالدفع
سطام:
مو مشكله طيب متى اقدر اشوفها
الدكتوره:
بس يدخلونها الغرفه وتقدر تشوفها يعني بعد ما تخلص الاجراءات تكون موجوده
سطام
: شكراً لك ..
.
وعند
فهد اللي كان مايبي يقابل احد لين يكلم سطام في الموضوع سمع صوت فارس برا ونط وهو يمسك
امه قبل تروح تفتح : يمه يمه اذا سأل عني قولي
مو موجود
ام فهد
: ليش هذا فارس
فهد
: ادري بس مابي اقابله الحين بينا مشاكل شوي
ام فهد
: حرام عليك جاء لين هنا
فهد:
يمه عشاني وعشانه
ام فهد
: بكيفكم عاد
وقف
فهد وهو يسمع امه تفتح الباب :هلا فارس
فارس
: كيفك يا خاله
ام فهد
: حمدلله انت كيفك
فارس
: حمدلله وينه فهد
ام فهد
: مو موجود
فارس:
طالع وهو مريض ؟؟!
ام فهد
: والله عجزت فيه
فارس:
الله يهديه
ام فهد
: امين
جلس
فهد وهو يقول :وش اسوي ان جلست معك جبت العيد
اما
فارس اللي رجع وهو يفكر في فهد اللي وراه مصيبه دامه طالع وهو مريض
٠
٠
اما
عند سطام اللي كان بالصيدليه واتسعت عيونه بصدمه لما شاف اسعار الادويه
الصيدلي
: بتدفعها هنا او تضمها للفاتوره
سطام
: يعني حاليا ما يتوفر معي سعرها
الصيدلي
: تقدر تضمها للفاتوره
سطام
: اوك خلاص ضمها لها
الصيدلي
: ابشر تروح للرسبشن وهم بيعطونك الفاتوره
اخذ
سطام الادويه :شكراً لك
طلع
متجه لرسبشن وهو يسألهم عن الفاتوره ولكن اخذ صدمته الثانيه لما سمع بقيمة الفاتوره
مبلغ فوق طاقته لو يموت ما يجيبه
طلع
لدانه وهو ضايق ومايدري كيف يجيب هالمبلغ دخل الغرفه وهو صاد وما سمع صوتها توقعها
نايمه جلس وهو يفكر كيف يتصرف
سمع
صوت جواله سحبه بسرعه وهو يشوف رقم جده رد قبل تصحى دانه : هلا جدي
الجد
: سطام وينك يا ولدي وش صار معكم
سطام
: كل شي تمام يا جدي دانه تعبت جروحها شوي والتهبت واضطروا انهم يبيتونها عندهم الليله
وبكره ان شاء الله بنخرج
ابو
مازن بصوت عالي : الله يهديك ليش رايح كذا كان اخذت مازن معك على الاقل احد منكم معه
هويه
سطام
: مو مشكله يا عمي انا دبرت نفسي سنين ما راح اعجز عن هاذي
مازن:
سطام هاذي قضيه غير لا تستهبل قولي وينك فيه
سطام
بضيق : خلاص الموضوع انتهى اصلا يلا يلا اكلكم اذا قضيت
الجد
: بتجي والا شلون
سطام
: لا بجلس في المستشفى
سكر
بسرعه قبل اي سؤال ثاني وارتخى على الكرسي وهو يتنهد لكن فز لما سمع صوت دانه المتألم
:سطام
سطام
وهو صاد : نعم
دانه
ببكى: وش صار لي
سطام
: دانه اهدي انتي بخير وانتهى كل شي خلاص تخلصتي من اللي في بطنك وانتهى الموضوع خلاص
اهدي عشان ما تتعبين نفسك
دانه
اللي انهارت وهي لو تفكر عمرها كله ان ممكن تمر بذا الموقف ما صدقت
حاول
سطام يتدارك الوضع ويهديها بس مافيه فايده اضطر انه ينادي لها الممرضات يعطونها مهدئ
ورجع جلس وهو من دوامه في دوامه لكن وقف بعد تفكير طويل اضطر ان يضحي فيه ماعنده خيار
ثاني طلع وهو يتردد بالرقم اللي يدقه واخيرا بعد حرب دق وهو يتمنى انه مايرد لكن خاب
ظنه وسمع صوت يقول : هلا هلا بالخيال
سطام
: هلابك
ابو
مشعل : وش عندك تذكرتنا
سطام
: قلت لي قبل فتره انك تبي تشتري ( الادهم ، اسم احد خيل سطام اللي غالي عليه )
ابو
مشعل: هههههه اخيراً يعني خضعت
سطام:
ما اشوف انه شي يضحك لذا الدرجه
ابو
مشعل : روق روق شفيك معصب زعلان عليه لذا الدرجه
سطام
: انا سألتك سؤال ؟!
ابو
مشعل : ايه مازلت ابيه
سطام
: اوك موافق
ابو
مشعل وقف : متاكد انك بتبيع
سطام
اللي حس بغصه : ايوه
ابو
مشعل: وبكم
سطام:
بمبلغ وقدره .............
ابو
مشعل : كذا غالي
سطام
: لا تنسى انك تاخذ فرس اصيل وغالي
ابو
مشعل :مو مشكله يا سطام غالي والطلب رخيص
سطام
: ابي الفلوس بعد ساعه
ابو
مشعل: خير وش عندك مستعجل اخبرك ما تفرط بخيلك
سطام:
انا ماني فاضي اجادلك
ابو
مشعل: زين بس انا متى استلم الفرس
سطام:
انا بكره اجيبه لك
ابو
مشعل: وش يضمن لي
سطام:
انت تعرف مع مين تتعامل
ابو
مشعل: زين فلوسك جاهزه وانتظرك
سطام
سكر وهو يلف وهو يبي يعرف اذا دانه نايمه وتأكد
لما حس بهدوءها ورغم انها ماتدري عنه الا انه حريص انه ما يكشفها طلع بسرعه وهو يوصي
الممرضه وركب سيارته واتجه لطريقه وهو حزين على الفرس
٠
٠
وعند
العنود اللي كانت تحس انها بتنهار مو قادره ابدا تسيطر على الموضوع توترها كان واضح
ومشكك الكل فيها اخذت طريقها لمكانها المعتاد بعيد عن انظار الكل وجلست وهي منهاره
عمرها ما توقعت هالافعال من سطام ابداً
.
.
وعند فارس اللي كان فرحان بوجود اخته لكن ضيقته من
فهد وعلى سطام مشغله باله كثير
اسماء
اللي جات وهي معاها العشاء : فارس وش فيك
فارس
: ولا شي مشغول بالي مع سطام ما مر اليوم
اسماء
: ما زال سطام معك
فارس
: انتي مجنونه سطام روحي مستحيل اقدر ابتعد عنه
اسماء
ابتسمت: ايه ادري بك والا وشو له سويت مشكله ورفضت تطلع من هنا مو عشانه
فارس
ابتسم: سطام يستاهل اني اضحي بكل شي عشانه
اسماء
: فعلا اخو
ابتسم
فارس وهو يقول : شوفي لي رقمه ودقي عليه
دقت
اسماء ولكنه اعتذر ولا احد يرد وقف فارس وهو ينادي مؤمن يروح يشوف اذا هو موجود او
لا
٠
٠
وعند سطام اللي وصل للمكان اللي يكرهه ونزل وهو متجه
بثقه يحاول فيها يخبي حزنه دخل من بين الحراس وهو متجه لابو مشعل اللي وقف وهو مبتسم:
ما بغينا والله نشوفك منور المكان
سطام
: انكتب لك وشفت
ابو
مشعل : جيبوا القهوه
سطام
بحده : ما جيت اشرب شي عطني الفلوس بمشي
ابو
مشعل: خير وش مسوي عشان وقتك ضيق والله اني ما اصدق ان فيه احد في الدنيا يقدر يلوي
ذراعك
سطام
: ولا انخلق للحين
ابو
مشعل ضحك وهو يمد الشنطه لسطام: ولا تزعل تفضل
اخذها
سطام وهو يقول : بكره يكون الفرس عندك
ابو
مشعل: واثق منك
طلع
سطام وهو يكابر على نفسه رجع للمستشفى وهو يحس انه كاره الساعه اللي اضطر فيها يتخلى
عن اشياء يحبها وقف واخذ الفلوس اللي يحتاجها والباقي تركه تحت المرتبه ولان سيارته
خرده كان مطمئن ان محد بيقرب عليها اتجه لرسبشن وهو يسدد الفاتوره كلها وطلع لدانه
وهو ضايق دخل بهدوء ونزل اغراضه بهدوء وهو يرتخي على الكرسي
ولا
حس بنفسه من التعب ونام
٠
٠
وفي
طرف ثاني في مكان تعود صقر انه يكون فيه مراقب لكل شي يصير في مزرعة الجد كان يحسب
الساعات وهو يشوف عنود باقي في مكانها والكل وضعه عادي كان يراقب مازن ونايف اللي كانوا
يلعبون والبنات اللي كانوا يسولفون
وعينه
بالاخص على سند اللي كان مرتاح هو وشريفه
نزل
بهدوء واتجه لعنود اللي جالسه وثبتها بسرعه وهو يسكر فمها قبل تصرخ : عنود لا تخافين
ما عطته
عنود اي مجال وهي تضرب بكل شي فيها وكانت منفجعه من شكله
صقر
اللي عجز انه يسوي شي وهي بهالقوه: وبعد وهو يقول : انا صقر عمك صقر يا مجنونه
عنود
جمدت وهي تناظره بصدمه : كذاب صقر مات كذاب
مسكها
صقر قبل تهرب : عنود ما مت انا سند موتني بنظركم بس انا حي حي
ماكانت
عنود ناقصه هالموضوع ابد ركضت وهي ماهي مستوعبه شلون ميت فجاءه يصير حي
اما
صقر اللي توقع انها بتقولهم عليه وبسرعه طلع قبل يحصلونه
وكملت
عنود ركض لما وصلت البيت وهي مرعوبه وخايفه من ذا الاحداث
٠
٠
ماكان اليوم فارق مع الكل كانت الاحداث عندهم عاديه
ومن بكره الصباح صحى سطام على صوت الدكتوره وهي تتكلم طلع وسمعها وهي تقول : احس البيانات
في مشكله مو متكامله
الممرض
: طيب وش بنسوي
الدكتوره:
تأكدوا مره ثانيه واذا احتجنا نستدعي الامن ونفهم وش صاير
رجع
سطام بهدوء واتجه لدانه اللي نايمه وهو يصحيها بشويش :دانه دانه
دانه
صحت تناظره بخوف سكر سطام فمها وهو يقول : خليك هاديه بجيب عربيه ونطلع
دانه
بخوف : ليش وش صار
سطام
:دانه مو وقت الاسئله نطلع وبعدين نتفاهم
طلع
سطام وبسرعه رجع ومعاه عربيه جمع كل اغراض دانه وساعدها تلبس عبايتها وهو قد ما يقدر
صاد وطلعوا وهو يحاول يكون طبيعي وابتعد عن المستشفى وساعد دانه تركب وبسرعه طلع وقف
بعيد وهو يلف لدانه :باقي موجوعه من شي
دانه
:لا عندي شوي مغص بس اتوقع عاد
سطام
: مو مشكله معنا ادويتك اعطيك الحين وترتاحين بس قبل لازم ناخذ لك ملابس مايصير بملابس
المستشفى
دانه:
لا سطام تكفى بنروح خلاص البيت لا يمسكونا
حاول
سطام انه يقنعها ورفضت وغير سطام اتجاهه للبيت بعد ما اعطاها الادويه وتركها ترتاح
..
٠
٠
في المزرعه كان سند مشتط وهو يصارخ والكل جالس بإستثناء
عنود اللي كانت جالسه بالمطبخ وهي مصدعه من اللي صار معها
سند
: ما تقولون لي وينه الحين انا اقص ذراعي اذا ما كان وراه بلا ومصيبه
شريفه
: سند قضينا قالك البنت تعبانه
سند
:البنت وراها كارثه
الجد
: بس يا سند اتعبتني اتعبتني خلاص
ابو
مازن : سند خلاص خلاص بيجي ونفهم منه
جميله
: انت وش فيك عليه الدنيا ما طارت
سكتهم
دق الباب وكان فارس طلع سند بغضب : وشتبي انت ما كفاك اللي مسويه سطام باقي تجي تكمل
فارس
هز راسه بضيق: لا حول ولا قوة الا بالله
ابومازن
: هلا يا فارس هلا يا ولدي
فارس
: هلا يا بو مازن كيفك
ابو
مازن: الحمدلله طمني عنك
فارس
: الحمدلله بخير ، جيت بسأل عن سطام من امس ما مر
سند:
انت اخبر ببلاويه
مازن
اللي جاء وهو يسلم على فارس: سطام اخذ البنت للمستشفى تعبانه وبيجي اليوم
فارس
: خير ان شاء الله بلغه يمر علي
مازن:
ابشر
استوقفهم
وصول سطام اللي اعتفس وجهه من شوفة سند ومر من جنبهم وهو يدخل بسيارته لباب البيت نزل
وهو يقول : ساره ساعدي دانه
سند
: شرفتوا
سطام
طنشه واتجه لجده وهو يبوس راسه:جدي كيفك
الجد
: انتم كيفكم
سطام
:كلنا بخير الحمدلله تطمن
جميله
وهي تمسح على كتف سطام : كيف دانه
سطام
: بخير الحمدلله
جميله:
افطرتوا
سطام
: لا والله خلوني اشوف فارس وبروح ابدل وبعدها افطر
جميله:
ابشر يا حبيبي ..
اتجه
لفارس وهو يضمه وهمس بأذنه: اسبقني بخلص اللي عندي وألحقك ماله داعي تواجه سند
فارس
: طيب بس انتم بخير
سطام:
بخير لا تخاف
راح
فارس ورجع سطام بسرعه لدانه ودخل المطبخ وشاف عنود جالسه بسكون غريب عليها وقبل يتكلم
سمعو صوت صراخ انتشر بكل البيت ورمى سطام كل شي بيده وركض وقف لما شاف سند ماسك صقر
من ياقته ويهزه ويصرخ عليه تقدم سطام بسرعه وهو يبعد سند عن صقر بالقوه : وش صاير هنا
سند
: اقولك ابعد بس
سطام
اللي كان مرهق من كل شي لف لسند وهو يصرخ في وجهه : يا انسان خلاص خلاص لين متى هالموال
معك
لف لصقر
وهو يثبته بغضب : مين انت ؟ وش سالفتك وش تبي هنا
الجد
اللي كان واقف بجنب ابو مازن ويناظر بحزن
ورجع
سطام يصرخ : تكلم يا رجل
صقر
بعد يد سطام عنه وقال: انا صقر
قطب
سطام حواجبه وهو يقول : صقر ؟
سند
سحب سطام: انت شكلك ما تفهم بالكلام
سطام
وهو بعيد عن صقر دقق في ملامحه وهو يكرر اسمه
مازن:
صقر عمنا ما غيره
نايف
:مو لذا الدرجه صقر مات انجنيتوا انتم
صقر
: مت عندكم بس انا حي
الكل
صار يناظر صقر برعب سطام اللي انسحب بسرعه واتجه لجده : جدي وش ذا اللي يصير يا جدي
ابو
مازن مسك سطام بهدوء : سطام اهدا يا سطام
سطام
اللي يحس انه بينجن : شلون اهدا يقولك ميت وصار حي كيف كذا
صقر
: انا اقولك كيف انا اقول
رجع
صقر يحكي الموضوع من لما طاح يبكي وهو يترجى سند إلى (تكمله لقصة صقر ......
سحبه
سند ودفه برا ولكن ام سند طلعت وهي تركض له : اذا صقر بيطلع انا مالي جلسه هنا
الجد
: انتي وين رايحه يا بنت الناس ولدك انتهى تروحين معه وين
وقف
صقر وهو يترنح مسك يد امه وهو يقول : بتندمون صدقوني بتندمون
مشى
وهو يستند لامه وكلهم يبكون ركب سيارته وراح مع امه
والجد
ينادي وراهم: سند سند رجع امك بتروح مع ذا المريض
سند
: خليها بكيفها بتندم لانها راحت مع المدمن ذا
ابو
مازن اللي ركض وهو يدق الشباك تبع السياره : صقر اصبر اصبر وتعوذ من ابليس اصبر
مارد
صقر اللي تحرك بسرعه عاليه وهو غارق بدموع المظلوم )
الكل
كان مذهول من القصه بشكل مرعب
سطام
اللي جلس وهو يمسح جبينه ولكن رفع راسه اول ما سمع سند يصرخ على صقر : طردناك لانك
مدمن ومتهجم وسارق لا تنسى ذا الحقيقه
صقر:
فيه شي انت ناسيه يا سند ومغطيه عن الكل
ابو
مازن : خلاص يا جماعه
صقر
ترك كل شي واتجه لابوه وهو يترجاه بحزن : يبه الله يخليك سامحني ايه انا غلطت بس كنت
جاهل يبه كنت مدمن بس ما غلطت انتم رميتوني للغلط انتم ..
سند
: اقولك لا تكذب واطلع من هنا
صقر
لف له وهو مقهور : هذا زمان يمشي كلامك
مازن
: ليش قلت انه مات وهو حي
صقر
: قبل كل الاسئله قولي وينه مصعب وينه ولدك
سند
: مب شغلك
صقر
:الا شغلي وكل شغلي بعد مصعب ذا اللي شايفينه الولد الناجح اللي يدرس ورافع راسكم وبيجيب
الشهاده هو سبب كل شي انا فيه هو سبب كل اللي صار هو ابتداء بالادمان وسحبني معه هو
اللي اخذني لذاك البيت وهو اللي سرق ولكن سند ما رضا يكون ولده غلطان ورمى كل شي علي
وطردني رغم اني كنت محتاج احد يمسكني يرجعني لطريق الصحيح ولكن وين اخذ ولده وعالجه
برا وارسله يدرس وانا وش كان نصيبي غير الطرد والتهجير
لف الجد
بشك لسند : هذا الكلام صحيح
سند
بتوتر : لا مب صحيح وبعدين وش يخليني اسوي كذا
صقر
ضحك وهو يقول : بسهوله عشان تنتقم من امي فيني
سطام
: انتقام وطرد وادمان احد يفهمني
ابو
مازن : دقيقه يا سطام سند كلام صقر صحيح
سند
: كذب كذب
صقر
: انا طلعت مع امي من هنا وصار لي الحادث امي توفت وكله سببك يا سند لو انك ما سويت
اللي سويته وطردتني وانا بإسوء حالاتي ما كان ذا حالنا
مازن:
بس قالو انك مت ولا احد لقى جثتك
صقر
: لا ما مت وسند يعرف هذا زين اقنع الكل انهم ينفوني من حياتهم ويعتبروني ميت و يعتبروني
سبب موت امي وتركوني الضايع والداشر وشفت الموت لين قدرت اعيش
سطام
وقف وهو يقول برعب : كنت مدمن انت ومصعب ومن ثم اخذك مصعب معه عشان يسرق ولما انكشف
الامر كله صار عليك ومصعب نجى !؟ انطردت واخذت جدتي معك وصار لكم حادث وماتت وانت عشت
بس عندنا صرت ميت ؟! هجروك وطردوك ! وبعد هالسنين جاي تكشف الحقايق وان سند سواء كذا
عشان ينتقم !؟ كل شي فهمته بس ليش ينتقم وش صار عشان ينتقم بهالطريقه القذره ؟
سند:انت
اخر من يتكلم
صقر:
كلامك مردود لك يا سند انهزمت للكل وحطيت كل حيلك علي انا وسطام لكن انتهى الحين انتهى
سطام
تركهم واتجه وهو يدق كتفه بإستغراب : انتقام لايش ؟! وليش انا معني معك ؟!
ابو
مازن اللي صرخ بغضب : انتهى النقاش اتعبتوا ابوي بس يا صقر الين هنا وبس خلاص
الجد
اللي جلس وهو يحس انه دايخ ركض مازن وهو يجيب له ادويته والكل سكت وسند اللي اخذ نفسه
واهله وطلع من المزرعه متجه لبيته
شريفه
اللي اتجهت لصقر وهو تقول : تطلع الحين من هنا كفايه اللي سويته
صقر
ابتسم : واذا ما طلعت وش بتسوين
ابو
مازن : بس بس خلاص
شريفه
اللي لفت بغضب للجد : باقي بيجلس هذا ببيتك
الجد
: اللي تسمينه هذا هو ولدي يا شريفه
ابتسم
صقر بفرح وهو يبوس يده : انا اسف يبه والله اسف انا اوعدك ان ما فيه شي يتكرر انا الحين
صرت احسن تركت كل شي وراي تعالجت وانتهى كل شي اسمح لي اجلس معك واعيش معك تعبت يبه
من التغريب
الجد
وقف وهو يستند لكتف ابو مازن : تعال ابيك ياصقر
تقدم
صقر وهو يسنده وطلع معه للمجلس
شريفه
بغضب: وين السواق
ابو
مازن: يا عمه استريحي لا تعقدين الامور
شريفه
بغضب :انا مالي جلسه هنا
وفي
ثواني جهزت هي وعايشه وطلعوا هم بعد من المزرعه
وجلسوا
ابو مازن وجميله المنهاره اتجه لها سطام وهو يقول : عميمه دخيلك قولي وش الانتقام اللي
اتعبني قولي لي
ابو
مازن : سطام لا تضغط علينا احنا مالنا خبر بأي شي
مازن:
يبه كيف ما تدرون وش صاير
ابو
مازن وهو ماسك راسه: ما ندري يا مازن كل شي تحت تصرف عمك
ام مازن
اتجهت لجميله تهديها هي وناديه وهديل وهيفاء
اما
عنود اللي كانت مصدومه من ضغط الاحداث بالاخص عليها وساره اللي كانت جالسه بخوف ورجفه
وفي
طرف بعيد كانت واقفه وهي تبكي من كل شي صاير لها وهي مو قادره تنقذ نفسها
وسطام
اللي كان ما يدري وين يودي نفسه من كل هالمصايب جلس وهو ماسك راسه يحاول يجمع شي
..
٠
٠
عند
الجد اللي جلس وهو يناظر صقر اللي كانت ملامحه متغيره وصايره غريبه ومفجعه
صقر
: يبه الله يخليك اسمعني والله مالي ذنب بكل شي ليتك ما سمعت كلام سند ولا رميتني لناس
ما تخاف الله ليتك ماخليتني اعيش اللي عشته ليتك ما خليتني اوصل لذا اللي انا فيه
الجد
بحزن: قبل اقبلك هنا ابي استحلفك بالله تقول الصدق
صقر
: والله ما اكذب عليك
الجد:
تبت من اللي انت فيه
صقر: تبت يبه تبت وربتني الايام زين
الجد
: وين كنت
صقر:
عشت في الخرابات والبيوت المهجوره تحت الجدران صرت ولد الشتاء وعدو الضعف تعلمت كيف
اخذ حقي تركتوني ضعيف ولد 16 سنه وانا الحين ولد 26 عمر بس لكن هالعشر السنين خلتني
بعمر 90
الجد
اللي بكى بحزن بعد ما سمع من صقر كل قصته طول 10 سنين وندم انه تركه وقرر انه يرجع
ولده لمكانه ويكمل معه رضا سند والا بكيفه
وقف
وهو يقول : صقر
صقر:
لبيه
الجد
: ادري اللي سواه سند مو قليل بس مهما كان احشمه عشاني وثاني شي سر سند لا يدري به
سطام سامع لا تهدم حياته فوق راسه كفايه مهدود حيله من اللي يصير له
صقر
بضيق: يبه سطام لازم يدري
الجد
:لا لا مستحيل يدري لانه لو دراء ما بيعدي الموضوع على خير
صقر
: وشو اقوله طيب ؟!
الجد
: قله اي شي غير الحقيقه
صقر
: طيب
٠
٠
برا الكل كان ينتظر الجد يطلع يقول وش صاير واول
ما طلعوا الكل فز واولهم سطام قرب لجده وهو يقول : جدي انت بخير
الجد:
بخير يا ولدي
سطام
:جدي فهمني وش صاير
الجد
: اللي صاير ان عمكم صقر بيرجع يعيش معنا هنا واللي فالماضي يبقى بالماضي وينتهي
ابو
مازن بفرح: هذا والله الخبر المفرح
جميله
ركضت لصقر وهي تحضنه والكل راح يسلم عليه بعد ما صحوا من الصدمه ( صقر يكون هو الولد
اللي رضعوا معه ساره وسطام وهو بعمرهم 26 بس شكله كأنه كبير بعمره ويخوف )
الا
سطام اللي انتظرهم ينتهون واتجه له وهو يقول : وش الانتقام اللي تقوله
صقر
: مرض سند المعتاد يحس انه منبوذ وان الكل متجاهله ويعتبر امي كانت تفرق بينا بالاخص
بيني وبين ابوك الله يرحمه وبينه
سطام
: انت تستغبيني بيسوي كل ذا عشان بس التفرقه
صقر
بحده : اذا انت تعرف سند لو واحد بالميه بتدري انه مريض نفسي ويسوي اي شي عشان يلفت
الانتباه له
سطام
اللي تعب وهو يحقق : والله عاد انا مليت من ذا الكذب
لف بيروح
لكن وقفه الجد وهو يقول : سطام كلام صقر هو الحقيقه لا تتعب عقلك
اختار
سطام انه ما يكثر جدال وينسحب زي ماهو معتاد لاني يدري هالامر ما بيكون طبيعي وبينقلب
لمصيبه وهو مو ناقص
راح
وتركهم وهو في باله مليون مصيبه لف الجد : وين شريفه وسند
ابو
مازن:راحوا
هز راسه
بضيق وجلس والكل جلس والبنات اتجهوا للمطبخ
لكن
عنود ركضت وراء سطام وهي تبي تنهي المهزله اللي بداخلها :سطام انتظر
كمل
سطام طريقه وهو ما يبي اي زياده ولما صار قريب الاسطبل سحبته عنود وهي تصرخ: اكلمك
انا
سطام:
نعم خير وش تبين ..
عنود
رمت في وجهه الحبوب : ابي شي واحد بس افهم وش اللي يصير لانك بديت تطيح من عيني كثير
سطام
غمض وهو بالقوه ماسك نفسه : شوفي عنود من غير شي الدنيا دايره فيني مو ناقصك انتي بعد
عنود
: لا يا حبيبي بتنقصني ! والحين بتفسر وش اللي صار والا اروح اقول كل شي لجدي واقول
انه هاذي حبوب اجهاض
سحبها
سطام وهو يصرخ في وجهها : تهدديني يعني ! ابشري ابشري يا عنود ايه دانه حامل واجهضت
....... وكمل حكى لها كل الموضوع وهو انبح صوته على كثر ما صرخ : ارتحتي الحين برد
قلبك يلا الحين روحي وقولي اللي تبين
عنود
اللي وقفت برعب من القصه :وساكت ما قلت
سطام
بإنكسار : ماكان ودي اكشف سر الانسانه طاحت ضحيه بيدين ناس ما تخاف الله
عنود
: وعشان كذا رافض تاخذ اي هويه ورافض توديها للشرطه !
صفق
سطام : هه ماشاء الله اشتغل عقلك الحين لكن هي كلمه وحده بقولها بعد كل ذا لو الجن
الازرق يدرون بالموضوع دفنتك بأرضك
تركها
وراح للاسطبل وهو يصارع بنفسه حزن على دانه وعلى فرسه وعلى نفسه وعلى صقر وعلى حياته
بعد
دخل
اسطبله وهو يحاول يفرغ اللي بداخله بأي طريقه ركض وهو يفتح الابواب للخيل وانطلقت كلها
في الاسطبل تركض وسطام اللي متعود يسابقها وكأنه يسابق اقداره انطلق من بينها وهو يصارع
الهزيمه بداخله لكن استسلم لما شاف ( الادهم ؛ الفرس اللي باعه ) من بين الخيل ما كان
هين عليه فراقه ابد اتجه له بضيق وهو يعتذر منه عل وعسى يواسي نفسه بفراقه ركب عليه
وهو يركض بكل إرداته وكان الارحم لسطام يموتون خيله ولا يبيعها ..
٠
٠
وعند
الجد اللي كان واقف وهو يراقب الاسطبل من بعيد والكل جالس وقف ابو مازن وهو يقول :
وش بها الخيل صار لها غبار وصهيل
مازن
اللي كان جالس بضيق : لا تخاف يبه هذا غبار سطام سطام عندها
نايف
اللي حاول يلطف الجو : يعني مو متعودين على سطام اللي اذا ضاق ترك حيله بذا الخيل
صقر
اللي كان يراقب الخيل وسطام اللي كان واضح غضبه من بعيد ومن طريقة ركوبه على الفرس
انسحب بهدوء واخذ له زاويه قريبه وهو يراقب هالسطام اللي ابتداء يصير لغز بالنسبه له
.
.
٠
عند
دانه اللي كانت بقمة حزنها حضنت رجولها وهي تبكي رفعت راسها لما انفتح الباب شافت عنود
اللي وجهها مليان دموع دخلت وسكرت الباب وهي ما تدري كيف تقول قربت منها وهي تحضنها
: لا تخافين كل شي بيعدي انا معك وسطام موجود
ناظرتها
دانه بخوف : وش قصدك !
عنود
وهي منزله راسها : انا اسفه بس حصلت الحبوب بعدكم وانفلت على سطام واضطر انه يحكي لي
كل شي
دانه
بصوت باكي : والله مالي اي ذنب
عنود
وهي تشد عليها : لا تخافين يا قلبي ادري مو ذنبك مو ذنب اي احد
انهارت
دانه بحضن عنود وعنود اللي تطمنها ان سرها مستحيل يطلع لاي احد
دخلت
ساره : بنات وش فيكم
عنود
بعدت وهي تمسح دموعها : ولا شي ضقت من سالفة صقر
ساره
: صقر وسطام والدنيا محتاسه
عنود
بخوف :ليش ؟!
ساره
فتحت الشباك وهي تناظر جهة الاسطبل : سطام ضايق مره اسمعي صوت الخيل شوفي الغبار نفسي
اروح له بس خايفه
عنود
مسحت دموعها وهي توقف جنبها : لا لا خليه شوي بيروق ما تعرفين سطام يعني
دانه
اللي بسرعه مسحت دموعها وهي تحاول تنضبط
ساره
: نسيتك يا دانه كيفك الحين
دانه
: الحمدلله
دخلوا
هيفاء وهديل وناديه
ناديه
: والله مو مصدقه سالفة صقر
هديل
: كنت متوقعه عمي سند مريض بس مو لذا الدرجه
ساره
بحزن : حبيبتي يا جوري ما تدري كيف تتصرف
هيفاء
: لا ومصعب ذاك الوصخ طلع عنده بلاوي
عنود
: كنت حاسه انه انسان مب سوي
ساره:
شيسوي صقر !؟
ناديه:
مدري بعد ما هدا الجو اختفى
عنود
: وين راح
هديل
: شكله عند سطام
دانه
اللي انسدحت وهي تحاول تتماسك وهي تسمع تحليلات البنات عن اللي صار اليوم ..
٠
٠
عند
سطام اللي بعد ما حس انه ارتاح وانزاح شوي من ضيقه هدا وهدأ الخيل معه اخذ الادهم وهو
يدخله العربه الخاصه بالخيل ورجع دخل المطبخ بهدوء وشاف البنات موجودات
ساره:
سطام تعال اكل لك لقمه
سطام
: مب مشتهي بس انتبهي لدانه معك اعطيها اي شي دافي عشان جروحها
عنود
بهدوء :توني اعطيتها
سطام
: ساره جيبي لي ملابس
ركضت
ساره وهي تحضر له ملابس وجلس سطام وهو مستند على الطاوله اتجهت له عنود : سطام ابي
اكلمك شوي
سطام
: مو وقته عنود مو وقته
ساره
رجعت وهي تعطيه الملابس واخذها وطلع وهو يقول : شوفي طريق بكلم دانه
ساره:
بس هي تقول بتنام
سطام:
تأكدي
راحت
ساره ورجعت : تعال
راح
معها سطام ودخل وهو يقول : دانه كيفك الحين
دانه
: الحمدلله
سطام
: اخذتي ادويتك
دانه:
ايوه ..
سطام
: لازم تاكلين شي دافي وارتاحي لا تتحركين اقل شي يومين
دانه
:ليه وين بتروح
سطام
: ما راح اروح بس انتبهي لنفسك
دانه
: طيب
طلع
سطام وهو يقول لساره: شوفي وش ناقص عشان اجيب بطريقي
ساره:
وين رايح
سطام:
الادهم تعبان بوديه
سكتت
ساره وهي تكتب له النواقص
٠
٠
وفيه مكان بعيد في طرف ثاني من القصه في مطار نيويورك
بالتحديد كان مصعب واقف وهو بين يدينه طفله رفع راسه لما شاف (جولي : زوجته الامريكيه
) جايه وبيدها عصير اعطته وهي تاخذ منه الولد
مصعب
بالانقلش ( راح اترجم لكم ) :You have to be ready to face my family
( عليكِ
ان تكونِ على استعداد لمواجهة عائلتي )
جولي
: I feel that
this will be difficult
( اشعر
ان هذا سيكون صعباً )
مصعب
: We can
overcome this problem
( يمكننا
التغلب على هذه المشكله )
جولي
وهي تحضنه :Yes;
we'll be fine
( نعم؛
سنكون بخير )
مصعب
شد عليها :I want
you to stay by my side only
( اريدك
ان تبقي بجانبي فقط )
جولي
: I will never
abandon you; you are my darling
؛
You are my husband, Musab
( لن
اتخلى عنك أبداً ؛ انت زوجي يا مصعب )
تنهد
مصعب وهو يسمع النداء على الطائره وتحرك وهو مايدري كيف بيواجه الكل وبالاخص صقر..
٠
٠
عند
سطام اللي سلم الادهم وهو كنه يسلم روحه كان ياخذ اغراضه وهو يحس انه ناقص شي اخذ الاغراض
وطلع وقف عند بيت فهد وهو يناظر بتمعن ينزل والا يكمل طريقه بس شاف انه ماله خلق وقرر
يكمل للمزرعه بس وقف لما تذكر فارس واتجه لبيته دق الباب وهو يقول : ياهوه فيه احد
فارس
اللي فز وهو يمشي بعصاته : سطاام
قبل
سطام بسرعه وهو يحضنه شد على فارس وهو يقول : وحشتني يا فارس
ضحك
فارس وهو يحس انه فيه شي: ايه واضح كسرت عظامي
ضحك
سطام وهو يبعد : شسوي
فارس
: وش فيك من مضيق خاطرك
رفع
سطام يدينه وهو يتنهد :كل شي
فارس
: وش فيك قول لاخوك
عجز
سطام يبدأ لكن قاله ان دانه تعبت من دون ما يقوله سرها وكمل سالفة صقر
فارس
بذهول :سند سوا كل ذا
سطام:
ايه وفيه اسرار كثيره ماني فاهمها
فارس
: وش رايك ما تدقق اترك المواضيع مانك ناقص
سطام:
بتركها فتره لين ارتاح وبعدها نتفاهم
فارس
: ودانه ذي ترا صارت تضغط عليك وبعدين وشو له تبيع فرسك ليش ما قلت لي
سطام
: ما ابي اكلف عليك وبعدين الفرس برجعه بس انتظر فرصه
فارس
: سطام دخيلك لا تسوي كذا اذا احتجت كلمني
سطام
وقف : خلني اروح اشوف جدي من امس مدري عنه
فارس:
اهرب اهرب بس بنتفاهم
ضحك
سطام وهو يرجع يبوس راسه : انت مافيه مثلك يا سند سطام وكل اهله
طلع
وهو يحس انه احسن وصل للمزرعه دخل وهو ينزل الاغراض ببتسامه وهو يقبل على جده ونزل
يبوس راسه :كيف الشايب الحين
الجد
وهو يمسح على كتف سطام: دامك مبسوط انا بخير
سطام
وهو ياخذ جهاز الضغط والسكر: تقول بخير بس نشوف الحين من اللي يصدق
نايف
: ايه من ساعه احاول فيه ولا باقي فنجان مارماه علي يقول بخير واذا جاء سطام استسلم
صقر
دخل وهو يبوس راس الجد: سلام
الكل
:وعليكم السلام
سطام
لنايف وهو يقيس ضغط جده: قلت لك من قبل يا بني لاتقارن نفسك فيني سطام سطام ونايف نايف
مازن:
الحمدلله اني فاهم هالجمله وحافظها عن ظهر غيب ولا جربت حظي
جميله
وهي تنزل الشاهي قبال سطام : ايه ايه عاد هذا ولد قلب ابوي لو مدري وش يسوي المنتصر
دايم
ضحك
سطام وهو يعطي جده دواه :شعندها عميمه غيرانه
جميله:
والله ماني غيرانه بس اشوف محد يقدر على ابوي غيرك
ابو
مازن : معلوم هذا شي كلنا ندري به
جات
ساره وهي تقول : سطام تعال ابيك شوي
وقف
سطام وراح لها وهو يشوف صقر الساكت اللي بس يراقب الوضع بهدوء
سطام
:وش فيك
ساره:
ماعرفت اقرأ ادوية دانه
سطام
: زين هاتيها
اخذها
واتجه لغرفه دانه دخل وهو يرد السلام وجلس بالكرسي اللي بالطرف :ساره جيبي مويه
راحت
ساره وجلس سطام وهو يقرا الادويه ورفع راسه لما سمع دانه تقول : قلت لعنود
غمض
وبان ضيقه :غصب علي يادانه بس لا تخافين عنود ثقه
دانه
: بس انا خايفه من الجاي
سطام
: لا لا لا تقولين كذا خلاص كل شي انتهى وراح يومين وتصيرين بخير وبعدها خلاص تبدين
من جديد واللي في الماضي انسيه
ساره
رجعت : هذا هو
اعطاهم
سطام التعليمات ولف وهو يسمع ضحك البنات : شعندهم
ساره
: يلعبون
سطام
ناظر ساعته وكانت قريب المغرب : طيب ناديهم
راحت
ساره ورجعت مع البنات
سطام:
خير وش ذا الضحك
هديل
وهي تجلس جنبه:فاتك لعبه فيها تكسير روس
ضحك
سطام : وش ذا اللعبه
هديل:
لودو بعلمك عليها بس ما جت فرصه
سطام
وهو يناظر عنود : طيب اجهزوا بعد العشاء بنطلع الاسطبل انتم بس لا احد يدري
هيفاء
: اخييييييرا
هديل
: من الحين اقولك بركب على كل الخيل
سطام:
خير ان شاء الله المهم جهزوا جلسه حلوه
ناديه:
لا تقول العيال بيجون معنا
عنود
:لا سمعت مازن يقول انهم بيطلعون
سطام:
وين
ساره
: قالوا معزومين
هديل:
احسن
ساره
: طيب صقر يجي
سطام:
لا احنا بس حتى الكبار لا
هيفاء
: والله من زمان ماسهرنا معك
هديل:
ليت جوري فيه
تنهد
سطام وهو يقول : على ما اخلص شغلي تكونون انتهيتوا وانتي دانه معاهم
دانه:
طيب
طلع
وتركهم يجهزون بحماس
٠
٠
بعد
العشاء فضت المزرعه من الكبار اللي راحوا للمناسبه اما سطام اللي اخذ البنات وراحوا
للاسطبل وفرشوا وجلسوا واشعل سطام النار وجلس وهو يناظر القمر : اليوم 15 ؟!
هديل
بسماجه: ايه شفيك ما تشوفني منوره
لف سطام
وهو يناظرها بإستهزاء :اهنيك صراحه على ثقتك
ساره
وهي تعطي سطام القهوه : شصار على الادهم
سطام
:تركته عند الدكتور
ناديه:
ليش وينه
ساره:
تعب واخذه سطام
هيفاء
: سطام بنركب على الخيل ترا
سطام
: طيب وش بك تصارخين
هديل:
ايه وانا بعد
سطام
وهو يناظر الحلا : انا معجب في سرعتكم متى امدامكم تسوون هذا كله
عنود
:البركه في سوير
ابتسم
سطام وهو ياكل بهدوء : ايه ومن غيرها سوير
هديل:
ترا بنلعب الحين
سطام
: اخذي نفس يا هديل سولفي تقهوي وبعدين نلعب
ومن
هنا ابتدت جلسة التحليل للاحداث اللي صايره ومن بعدها انتقلوا للعلبه وصار قاتل ومقتول
ثبت سطام هديل وهو يصرخ: حركوا بسرعه يا ويلكم تسجنوني
هديل
: والله غش والله
سطام
صرخ عليهم: بسرعه
وتغيرت
اللعبه ووقفت هديل وهي معصبه: خير من سمح لكم والله انك غشاش
سطام:
انثبري بس قالت غشاش هذا موت موت
وسط
صراخهم قالت دانه بهدوء وهي مركزه بعيونها على مكان: سطاااااام
لف سطام
والكل معه : وش فيك
دانه
:فيه احد هناك
الكل
لف بخوف وصرخت هديل اللي كانت واقفه قريب :يمممه
فز سطام
وهو ياخذ السكين اللي بالصحن : وين
عنود
: سطام انتبه
تجمعوا
البنات مع بعض بخوف وتقدم سطام وهو يقول :من هناااااا
صقر
اللي طلع من بين الشجر بشكله المرعب : سطام وش تسوي هنا
سطام
:انت وش تسوي هنا
صقر:
كنت امشي سمعت صوت وجيت عليه
سطام
لف وهو يقول :ما فيه احد يا بنات هذا صقر
جلسوا
البنات برعب وقال صقر :وش عندكم هنا
سطام
: من وين جاي ؟! ليش مو جاي من قدام
صقر
بحده : مدري ما اعرف الطريق بالضبط مشيت كذا
ساره
بهدوء: تعال اتقهوى
لف وهو
يتفحصهم بنظره وطاحت عينه على دانه اللي متغطيه من بين كل البنات : اتوقع ان معكم غريب
!؟
سطام
رجع يجلس : ما غريب الا الشيطان اجلس دانه
ماهي غريبه
صقر
جلس وهو يشوف البنات كلهم جالسين بمكانهم من الرعب وجه نظره لسطام اللي اخذ الجوال
وهو يجمعهم يلعبون من جديد : ليش ما رحت مع الرجال ليش جالس مع البنات
سطام
: ليش وش فيها اذا جلست مع البنات ؟! صقر : كان المفروض تروح مع ابوي دامهم يعرفونك
سطام
بحده : كيف اخذ هالمعلومه ؟!
صقر
: نصيحه اذا تبي
سطام
: ايييه نصيحه ! يعني تتوقع انه من الاصح نروح ونترك ورانا بنات في المزارع
صقر
اللي ناظر البنات كلهم ورجع يناظر سطام : يعني بعد هالوضع تقدر تقول افضل جلسة البنات
ضحك
سطام بإستهزاء : صادق عندي هالتفضيل
عنود
اللي زهقت من التوتر الحاد بينهم : غيروا اللعبه تكفون سطام بتحداك
صقر
: عنود ؟! صح عنود
عنود
ناظرته بقوه : ايوه
صقر
: ملاحظه ان فيه رجال يتكلمون !
عنود
ابتسمت : ملاحظه بس لاحظت قبل انه استنقاد قبل الكلام
سطام
: قولي اش تتحدين فيه
عنود
وهي تأشر بعينها على الخيل : بنتسابق لكن اذا سبقتك وفزت عليك انت تعرف وش بتسوي (
تقصد انه يسامحها في مسألة دانه )
سطام:
واذا فزت انا
عنود
: تطلب اللي تبي
وقف
سطام وهو يمد يده لها وفزوا البنات بفرح
هديل
: احنا بعدها
سطام
: ماني مسؤول عن احد من الحين اقول
هيفاء
:حفظنا ذا الجمله وفالاخير اذا وحده تكلمت بصوت عالي تموت ع بالك صاير فيها شي
سطام
ببتسامه جانبيه : اص اص
الكل
وقف وراحوا معهم ما عدا دانه وصقر فزت دانه بسرعه معاهم وهي ماهي متطمنه لصقر اللي وقف وراح لهم
ابتداء
سطام وعنود يركبون الخيل وعنود اللي كانت محترفه لان سطام يدربها مزبوط
سطام
: ناديه عدي
ناديه
: جاهزين
الكل
:ايوه
ناديه
: 1...2...3
انطلقوا
وكانت عنود مصره انها تسبق سطام وفعلا قدرت لكن هذا اللي يعتقدونه (اما سطام كان يهدي
شوي يبيها تسبقه لانه ما يقدر يزعل منها )
عنود
اللي نطت بسرعه من فوق الفرس وركضت لسطام وهي تضمه ضحك سطام وهو يقول :الحين تكشخ علينا
صقر
: واضح انك مو سهله
طنشته
عنود وهي تلف لسطام: خلاص تم
سطام
دفها بمزح: تم
هديل:
عندي احساس انها طالبه شي قوي تبيه لنفسها اعرفها نذله
ناديه:
اشاركك الاحساس
سطام
وهو يقرب الخيل: اقول اللي تبي تركب تجي
دخلو
البنات كلهم ما عدا ساره ودانه
سطام:
سوير خير
ساره
: تعرفني مستحيل
سطام
: سوير دايم وانتي تقولين مستحيل وتركبين غصب عليك
ساره:
والله هالمره لا
مارد
اللي سحبها وهي يرفعها فوق الفرس وهي تصرخ والكل يضحك عليها وساعد سطام كل البنات وكمل
وهو يمشي فيهم اما عنود اللي راحت ووقفت بجنب دانه وهو تخز صقر
وبعد
صراخ وحماس الكل نزلوا ورجعوا يكملون جلستهم والسوالف وكان سطام مسترسل يسولف مع البنات
كأنه يسولف مع اصحابه
هديل
: الا صدق وينك ما عاد تروح للعيال
سطام
وهو متكي على ساره : والله فارس اليوم مريت عليه وفهد للحين مدري عنه
ساره
: امس عميمه راحت لامه تقول مطعون و مريض
سطام:
ايه الله يصلحه
عنود
: والله ما عمري سمعت عنه الا مطعون ومتطاق
سطام
: بكره بروح اشوف وش وضعه
صقر
اللي كان يسمع كل الكلام حرف حرف واتسعت عيونه من كلامهم لكنه كان هادي
هديل
اللي نطت وهي تقول : شوفو الزين اللي هناك
الكل
لف وشافوا ( العربه اللي ينقلون فيها الاغراض ،، الخضراء اذا عرفتوها) عنود : اي والله
الزين
ناديه
: اهنيكم صراحه اخيرا لقيتوا شي يعجبني
سطام
: ما راح ادف احد
ركضوا
البنات وجابوها وصاروا لكن وحده تركب وتدف الثانيه
سطام
بصوت عالي: برد ترا لا ياخذكم الحماس
عنود
:تعال بالله دفني سامجات ما يعرفون
سطام:
قلت من قبل ما راح ادف احد
ناديه:
تكفى سطام
وبعد
محاولات وقف سطام وهو يدفهم وهنا عاد ارتفع الضحك والصراخ
ووقف
صقر بإنزعاج ووقفته ساره: صقر اجلس للعشاء
صقر:مابي
بالعافيه
طلع
مسرع والكل يراقبه عنود : وش فيه ذا
هديل:
مدري
هيفاء
: والله يخوف
سطام
وهو يصفق : اقول ركزوا هنا الحين دوري يا ويلكم احد يطيحني
هيفاء
: اتوقع سطام بعد ما يحبه
سطام
بطرف عين : تو جاء ترا ما لحقت احب واكره
هديل:احسه
جاي بشره
ساره:مهما
كان تراه صقر
سطام
: اشكرك يا سوير دايم تقولين اللي على لساني
وبعد
ما انتهوا رجعوا يشوون ويسوون العشاء ووسط حرب نشاز الاصوات اللي كان يتفوق فيها
سطام
وعنود وهديل
وبعد
العشاء قرروا يرجعون بما ان الوقت تأخر والكل تعبان
سطام
اللي راح وطفى كل الانوار والكبسات ولا باقي الا نور القمر
سطام
: نمشي للبيت
البنات
:ايوه
سطام
لف لدانه: تقدرين تمشين ؟!
هديل:ايه
اكيد ليش ما اقدر
عنود
: لا وين الانسانه جروحها ملتهبه
ركضت
وهي تجيب العربه والكل يناظرها عنود : بتركب هنا واحنا بنمشي
دانه
:لا لا لا انجنيتي
سطام
عجبته الفكره ونزل فروته وهو يحطها بالعربه : الا الا
الكل
صار يضحك عليها وهي تفشلت لكن اصر سطام انها تركب وبالقوه ركبت وصار سطام يدفها ويستهبل
فيها لما وصلوا البيت وبعدها قرر سطام انه يروح اقل شي يشوف فهد
٠
٠
عند
صقر اللي كان واقف بعيد وهو يدق على رقم : الوووو
***:
هلا صقر
صقر:
تدري وينه بيت فهد
***
: ايه في ..........
صقر
بصدمه: وشو وليه ماقلتو لي من قبل
***:
على بالي عندك خبر
صقر
: الله سكر سكر وارسلي موقع بيته على الجوال
حط يده
على عيونه وهي يبي يستوعب المصيبه اللي هو فيها وصله الموقع وشافه قريب حس بضيق داهمه
واتجه مسرع لبيت فهد بس وقفه سطام اللي كان عند الباب ودخل
غمض
بقوه : ناقصني انت بعد
.
.
عند
فهد اللي سلم عليه سطام وجلس
سطام:
وينك مختفي ؟
فهد
:ابد جالس في البيت عشان الطعنه
سطام:
فهد لا تكذب واضح انك متورط بشي
فهد
: وش دعوه مب دايم تقولون اعقل هذاني عقلت
سطام:
عقل كذا من الباب لشباك عقل
فهد
: وش فيك شايل علي
سطام:
ماني شايل بس احسك في مصيبه
وقفهم
رساله على جوال فهد (صقر : ان تكلمت بكلمه وحده لسطام عن اللي بيني وبينك اعدمك اياه)
فهد
اختبص وهو يسكر الجوال وناظره سطام: وش صاير
فهد:
ولاشي وحده
سطام:
فهد اذا فيه شي قولي
فهد
:ابد مافيه شي
سطام
: اكيد
فهد
:اكيد
سطام
وقف :انا بروح اجل انتبه لنفسك
فهد
: ابشر
طلع
سطام وهو متأكد انه عنده مصيبه بس مايبي يضغط عليه
اما
صقر اللي انتظر سطام يروح واتجه بسرعه لبيت فهد ودق الباب فتح فهد الباب :وش جابك هنا
صقر
سحب فهد وهو يثبته على الجدار : تدري بي زين اي احد يعكر صفوي امحيه ولا افكر وتدري
بعد ان سطام مايسكته شي لو طلع حرف من اللي بينا له بيموت سطام ومن ثم انت وانا اعطيك
خبر ما اهددك
دفه
وابتعد بدون يسمع له اما فهد خاف على سطام اكثر من نفسه ورجع وهو يسب صقر ..
٠
٠
ومن
بكره الصبح كانت الاوضاع سليمه والكل هادي بما فيهم سطام اللي كان يتنقل بين المطبخ
والبنات وجده واعمامه وسوالفهم
ابو
مازن:عاد نبيك ترخص لنا يبه بنتسهل لبيتنا
سطام:بدري
ياعمي
ابو
مازن : وين بدري يا سطام خلاص بعد بكره دوام يا دوب نلحق امورنا
الجد
: والله مر الاسبوعين بسرعه ما حسينا
ابو
مازن : يلا ان شاء الله لنا رجعه
الجد
:امشوا بعد الغداء
ابو
مازن : ان شاء الله
مازن
اللي جاء وهو ماسك كتفه بألم من ضربة نايف :ياخي انت يدك ايش مسمومه
نايف
: عشان تتربى وتترك اللقافه
جميله:
وش فيكم انتم
نايف
: يكب علي الصابون وانا اغسل
مازن:لا
يا شيخ ومن كب علي المطهر
جميله:
الله واكبر عليكم تلعبون في الاغراض
سطام
وهو يهز راسه بإستهزاء: والله حرام تكونون تقربون لي
لفو
له نايف ومازن : اقول خلك بحالك
سطام:
يالله زين انكم بتطسون اليوم خل ارتاح واعيش مثل الاوادم
نايف
وهو يرفع كمومه : والله شوف انت لك فتره ماااش مب عاجبني جلدك يحكك
مازن
: اشكرك صراحه هذا احسن شي ممكن تسويه
سطام
: لا تخليني اقوم وبعدها بتكون العواقب وخيمه
ساره
وهي تعطي القهوه نايف يصبها : وش رايك تفرد عضلاتك على القهوه
نايف
: عرض مرفوض
ضحكت
ساره وراحت ورجع كل واحد لمكانه وهم يتقهوون
ابو
مازن: وينه صقر !؟
الجد
: صحى من بدري قال عنده شغل بيخلصه ويجي
مازن
لف لسطام: ماشاء الله يشتغل !
سطام:
وش دراني انا
مازن:
كأنك ما حبيته
سطام:
مو عن ما حبيته بس احسه باقي ما تعودت عليه
نايف
اللي كان يراقبهم من بعيد وقال بضحك :وانا بعد
لفو
عليه مستغربين وضحك وهو يأشر انه سمعهم
سطام:
وش بلاه فضحنا !؟
مازن:
ليه !؟
سطام:
اتوقع جدي ما يرضى عليه
مازن:
ضحكتني يا سطام ايه ما يرضى عليه بس ما اتوقع انه بيتجاوز غلاك عند جدي
سطام
: مهما كان فيه فرق بين ولده وولد ولده
مازن
: تذكر انه ما اغلى من الولد الا ولد الولد
سطام
ابتسم وهو يدري ان صقر مب سهل ويدري بعد انه ما راح يمر في حياته مرور الكرام
٠
٠
عند
البنات اللي كانوا جالسين يفطرون
هديل:
ياخي انتم ليش مخلين الفطور هنا
جميله
:وين تبينه يا قلبي
هديل:
ياخي الورد يجيب لي الحساسيه افهمو
عنود
:احنا مايجيب لنا شي يعني ما تبين خذي فطورك وروحي داخل
ام مازن:
وش ذا الكلام يا عنود
عنود
: وانا صادقه ما فتكينا من شريفه الا جات هديل
هديل
بقهر: عساك بفوبيا ورد تخليك ما تدخلين مدينه فيها ورد
ضحكوا
على دعوتها ورجعوا يكملون فطورهم ..
٠
٠
وفي
طرف ثاني وقف مصعب وهو ناسي تفاصيل العنوان لف على السياره وهو يناظر جولي اللي متورطه
بالعبايه وابتسم وهو يقول : Is everything okay؟
( هل كل شي بخير ؟!) جولي بضيق :It's very difficult to deal with (من الصعب التعامل معها )
ابتسم
مصعب : You will
get used to it ,It's a matter of time
( سوف
تعتادين على ذلك , إنها مسألة وقت )
جولي
: I hope so ( اتمنى ذلك )
رجع
مصعب وهو يدور بعيونه على احد يسأله وشاف هندي ( مؤمن )
مصعب
: لو سمحت
مؤمن
: هلا
مصعب
قطب حواجبه من اللكنه المخلوطه بين هندي وسعودي : سعودي!؟
مؤمن
ضحك : والله ان شاء الله يصير سعودي
مصعب
ابتسم : ايوه ان شاء الله انت يعرف كل مكان هنا
مؤمن
بفخر : انا كل شي يعرف هنا ، انا خريطة
رفع
مصعب حواجبه بأستغراب : اووه ماشاء الله طيب يعرف مزرعة ابو سند
مؤمن
: سند هذا شيطان !؟ .
مصعب
: شيطان !!
مؤمن
ضرب جبينه: مافي مشكله سند وسطام ومازن هذا معلوم انت
مصعب
: ايوه ايوه
مؤمن
وصف له واتجه مصعب على وصف مؤمن وقف قبال المزرعه ونزل وهو يدق الباب ومعاه جولي الخايفه
وطفله
انفتح
الباب وخلفه سطام اللي قطب حواجبه بإستغراب : تفضل ؟! من تبي
مصعب
اللي اخذ نفس وقال : مزرعه ابو سند
سطام
اتسعت عيونه بإستغراب : وصلت
مصعب
مد يده لسطام : انا مصعب
سطام
جمدت يده على الباب ولا عرف يقول كلمه الا انه صحى على صوت مازن: وش بلاك من عند الباب
سطام
مد يده وسلم على مصعب وهو عينه على اللي ورا مصعب
نايف:
لا يكون بس احد جاي يخطبك ههههه
سطام
لف وهو يقول :تفضل
دخل
مصعب والكل يناظر الباب واللي جاي
وقف
الجد : من جاء يا سطام
سطام
اتجه لجده بسرعه وهو يقول : مصعب ياجدي
الكل
لف يناظر مصعب ونايف اللي بدون سابق انذار قال : وش ذا المصايب
مازن
دقه وهو يسكته مصعب اللي ابتسم واتجه للجد وهو يبوس راسه : كيفك ياجدي
الجد
اللي بالقوه رد وهو يدري بعد جيت صقر بيختلف الموضوع كثير
سطام:
جدي
مصعب
: ادري ما احد توقع بس ادري ان ايام الاجازه الكل هنا
الجد
اللي بالقوه نطق: هلا يا ولدي هلا الحمدلله على السلامه
مصعب
: الله يسلمك
الكل
سلم عليه وجلسوا بتوتر
مصعب
: وينه ابوي ؟! ما اشوفه
ابو
مازن : ابوك سبقنا لبيته وحنا ماشين ذا الساعه
مصعب:
لا تقولون
جميله:
مصعب من ذي
التفت
مصعب على جولي اللي نساها ووقف وراح لها وهو ياخذ ولده واتجه به للجد وهو يعطيه : جدي
شوف هذا ولدي سند
سطام
اللي من هول اللي سمعه تعلقت رجله بالفرش وطاح هو والقهوه
ابو
مازن : وش تقول
سطام
بدون ما يحس : هاذي والله المصايب اللي ماهي عندنا
مصعب
لف لسطام اللي وقف بمساعدة مازن ونايف اللي مصدومين
جميله
اللي منصدمه: انهبلت انت تبي ابوك يذبحك
مصعب:
ما سويت شي غلط يا عمه
نايف
: انت ما خليت الغلط يعتب عليك
مصعب
: نايف انا اتكلم مع ناس كبار وتفهم
مازن
:اهنيك على االكلام
طنش
مصعب وهو يقول : هاذي جولي زوجتي مسلمه
جميله:
مسوي بترقعها يعني ابوك بيذبحك
ابو
مازن: الله يهديك يا مصعب وشوله تسوي كذا مب انت رايح تدرس
مصعب
: انا يا عمي ابي اعصم نفسي عن الغلط
سطام
ومازن ونايف اللي انفجروا يضحكون ولكن انقطع صوتهم لما عطاهم الجد نظره
الجد
: والله مدري وش اقول لكن ابوك ما بيرضى
مصعب
باس راس الجد :انت معي
ابو
مازن : جميله خذي البنت عند البنات
مصعب
: عميمه ترا ما تفهم عربي
جميله
:قولها تجي معنا الله يصلحك بس
في زوايه
كانت جولي واقفه وهي تدري من نظراتهم محد متقبل
مصعب
اتجه لها : Julie,
go with my aunt
( جولي
اذهبي مع عمتي )
جولي
:to where (الى اين ؟)
مصعب
: Wait for me
inside
( انتظريني
في الداخل )
جولي
:ok
اتجهت
مع جميله وهي معاها ولدها ومصعب اللي اتجه لجده وهو يشرح له لكن ضحك الشباب اقلقه واضطر
الجد انه يطردهم ..
٠
٠
عند
البنات اللي كانوا جالسين وهم يرتبون البيت دخلت جميله وهي تقول : بنااات بنااات
هديل:
يمه من ذي
جميله:
تعالو شوفوا وش مصيبتنا الجديده
هديل
صرخت: بنات ألحقوا اخر اصدار من المصايب
وفي
ثواني كل البنات اجتمعوا
عنود
رمت المنظف اللي بيدها : من ذي
ساره
: عمه مين ذي
جميله
:اللي تفهم انقليزي تكلمها تجلس
ركضت
ناديه وهي تشيل الاغراض اللي بالكنب وقالت عنود :عميمه شغاله والا ايش
هيفاء:
اذا هالزين شغاله انا وشو
الكل
: هههههه
جميله:
اخلصوا
عنود
توجه كلامها لجولي وهي تسلم عليها :Hi, sit here
( مرحبا , تفضلي بالجلوس هنا )
جولي
: ok
عنود
:عميمه وش ذا الصاروخ من ذي
جميله
جلست وهي ماسكه راسها: زوجة مصعب
الكل
شهقوا بصوت واحد
ساره:
حلفتك بالله
هدييل:
والله ياهو جاب العيد
عنود
: شلون
ام مازن
: يا جميله انتي تسمعين اللي تقولين
جميله:
اسمع اسمع الله يصلحه غاب سنين وجاء وجاب معه مصيبه
عنود
ضحكت: والله ياهو سدد لابوه ضربه بين الضلوع
هيفاء
: ربي ينصر سبحان الله
ساره:
وش السالفه اشرحوا لنا تكفون
ابتدت
جميله تحكي لهم والبنات مصدومين
٠
٠
وعند
الشباب اللي ما زالوا مو مستوعبين اللي صار
مازن:
والله يا مصعب ذا جاي وهو ناوي الجلطه لعمي
نايف
: والله ربي بينصر سطام وصقر
سطام
اللي كان في حاله غريبه من الضحك : استغفر الله وجهه انرسم قدامي ابغاه بس يشوف سند
الصغير ههههههه
مازن:
استغفر لله
نايف
: قبل تتحمس لوجه سند انتبهوا لصقر اللي بيجي الحين واذا شافه ! اترك لكم التفكير
سطام
: يا شيخ خلهم ينشغلون في بعض يفكوني اتنفس شوي
مازن
: يعني وهاذي فايده فالموضوع
نايف
اللي قال بهمس : ولا تستعجلون هذا هو الوحش قادم
لفوا
يناظرون صقر اللي دخل وهو ينزل اكمامه :سلام
الكل:وعليكم
السلام
صقر
: وش فيكم جالسين هنا
نايف
:ابد نشم هواء
صقر
ناظرهم بتمعن: وين ابوي
سطام
: ادخل هذا هو داخل
تقدم
صقر ودخل والكل يراقب دخوله
صقر:سلا....م
الكل
وقفوا بهدوء ومصعب اللي وقف وهو مايدري مين ذا لانه تغير كثير وصعب انه يعرفه
اما
صقر اللي ما نسى ملامح مصعب ابدا لانه اصلا يدري بكل شي عن مصعب وحافظ كل شي عنه
..
#يـــــتـــــــبــــــــــع...
في الحلقة
القادمة .
ليست هناك تعليقات:
إرسال تعليق