رواية تعبت انتظر الى متى هذا الصمت : الفصل الثالث للكاتبة :هيون

 

📖 روايـــــــــــــة

{  تعبت أنتظر إلى متى هذا الصمت }

3

 

رعـد : بتنامين الحــين  يعني اوه اسف لايكــون ازعجتـك

رتيـل تحس تعدت الحدود معه بدون ماتحس : يعني لاعادي يلا بسكر

رعـد يناظر السـاعه وماحب يحرجها اكثـر : يــلا سلام بينا إتصال ان شاءالله سلام

وسـكرت وقلبها يضرب آه ياناس خذا قلبي وش قاعد يصير لي أنـا مـو كـذا

رتيـل مـو كـذا تغمـض عيـونـها بس هــو خــاطب مرتبط ياربي وش اسوي انـا معقوله ياربي مـو قـادره افــكر الـموضوع يثير الغــيرة عــندي بشـكل جنـوني بس ابد مالي حق لـو تدري خطيبتـه حلال عــليها تذبحنــي بس انـا

تقوم بتوتر مـن مشـاعـرها المتكــهربـه خلاص انــا طحــت فــيه ' قسم بــالله عشقــــتـه '

رتيـل تغمض عيونــها وتعض شفتــها مـن كـثر مـاتعـض صارت تصب دم

وصار فيـها بعض الشقوق

رتيـل حسـت علــى نفســها ودمـعت عـــيونهـا بألم وتبتـسم علـى مشـاعرهــا الغبيـه في الشـخص الغلط والمــكان الغلـط ياخوفي يـكون كلام هـيـون صح لالا ان شاءالله مايصير فيني شــي

تتقدم لتسريحـه وتنـاظر نفسها وتتنهـد : يالله صبــرك

٠

رعـد من بعد ماسكر مــن رتــيل وصلـه إتـصال مـن احـمد

رعـد : هلا آداحمـد بشـر في اخـبار عـن عمتـي سـارة

آحمد : للأسف طـال عـمرك المـوضوع راح يطول لان مثل ما انت عارف انو صعب نحصلها

بهذي السهوله طال عمرك بس تطمن لك مني وعـد راح نحصلها لا تفكر و انت تعرفني كويس طال عمـرك

رعد بإبتسامـه : مـا يحتاج تشـرح انت قد الثقه وقد المسؤليه اعرفـك انا رجـال ونعـم فيـك

احمد : يلا ما اطول عليـك وتصبح علـى خير ونوم العافيـه

رعـد : الله يعافيـك وانت من اهله

وسـكر الخـط

٠

بعد مرور اسبــوعين بدون أحداث ليلة الـمـلكـة

شـروق كانت متوتره وخـايفـه

أم فياض عافسه الدنـيا عفــس ومـره كارفـه نفسـها والبـنات في تجهيزات

وتنسيق وحجزو الفنانة بلقيس يعني الــمـلكـه بـتكون كـبيـره وفخـمه

بـالمـره ومقطعه نفسها من كـثر مـا تروح وترجع من عـند المصممه

في الليل السـاعـه ١١ دخـلو البيـت والتعب واضـح علـيهـم

شـروق تجـلس في أقرب كنـبه : آه يـاظهـري اف يايمـه كرفتي ام ام امي ماصارت ترا كـلها بشخمط على ورقـه ورعـد مايستاهـل اتعب له كل هـذا التعب

نـوف كاتمـه الضحكه من نظرات امها: اوص اللي محمسني بلقيس بتجي بـكره رقص يـا مرقصني

أم فيـاض: أجل بنتي مالها الا اجمـل ملكـه مع أجمل وأفخم وأشهر  فنـانـه

شـروق تبتسم : ههههههه ودي اصدق كل هذا مو عشاني يعني لحاله عشان الناس بعد صح يـا مـامي

أم فياض انربط لسانها : يعني عشان ابيض وجهـك عنـد النـاس وش تبينهم يقولون اول بنت عندها تتملك وماتسوي لها حفله علـى مستوى وعـشـانـك ياروح امـك بنتي وابـي افرح فيـك

شروق تبتسم ابتسامـة منكسره : آف يـايمـه عمـري 18 وبتزوج واحد اكبر مني بعشر سنـوات كبيره بحقي

أم فيـاض : يا بنتي هـذا أفضل لـك تاخذين لـك واحد اكبر منـك وعقله كبير و راكد ويكون عاقل ومتفهم صدقيني احسن لـك مو تاخذين لـك واحد بزر ومطفوق

شروق بقهـر : بس انتِ عـارفـه انـو سنـه كـامله مطنشني والحين بجلس سنـه كامله على مايصير الزواج مذله الدعـوة هي

أم فياض تصرف : يا بنتي بالعكس اللي يسويـه صـح عشـان تركزي بدراسـتك

شروق تبتسم بسخـريه وذكرت كـلامه لها ومسـكت دمـوعهـا وتحس مكبوته

وكلامـه يتردد في راسهـا حست بالعبـره خــانقتها قامت وتحاول تطرد الدموع عن عيونها : يلا يـمـه بـروح انـام تعبـانـه ولازم انـام عشـان تعرفين بـكره لازم اكـون مصحصحه

كـويس

أم فياض : بحفظ الله يـا بنـتي ونوم العافيـه

وقامت شـروق غـرفتـها وتحس الف بركـان وبركـان جـواتهـا ومستعد ينفجر في اي لحـظه ماعمره فـكرت تتزوج بذي الطريقـه اللي ممكن تجـرح مشـاعرهـا ومن اعز الناس لـها ابـوهـا يرضـى فيـه ليـه طيـب

وتسـكر البـاب عليـها وترمي نفسها عـلى السرير وتحس بمـشاعر تحرق قلبها و تغمـض عيونـها تحاول تنام

•

بـالنسـبه لأم محـمد وعيـالها طلعو الرياض وخلصو امورهم والحـين في بيت محـمد في الرياض

رتـيل وريما ولمـى ونورة ورهف كانو بغـرفه وشبه صغيره مع أغراضهم وفساتينهم

رتيـل تـكره تنـام في بيت محمد وكانت أم محمد جالسه بالصاله هي والبنات الا رتيـل بالغرفـه تعـرف مريم راح تضايقها في الكـلام وتذل ام ام امهم فضلت تجلس بالغرفـه ولا تسمع كلام ممكن يهز كرامتـها 

والعيال في المجلس عبدالرحمن وريان ومحمد جالسين يسولفون

مـريم طول الوقت تتافف وتهف على نفسها : اووه حر

لمـى رفعـت حاجبهـا : لا مـو حر بالعكـس الـجو يهبل والمكيف يبرد

ريمـا متنرفزه من مـريم بس ماسـكه نفسها

مريم : اقـول خـالتـي ليـه ماتروحين تنامين تريحين لـك واضح عليـك التعب ياجعل عمرك طويل

أم محمد تقوم : اي والله ي بنتي والله أني تعبانـه يلا يا بنـات فرشكم عشان بـكره نتجهز للملكـة ونروح بـدري مـابي نتاخر

لمـى : لالا يـايمـه مانبي نروح بدري تدرين إذا رحنا بدري وش يفكنا من لسان مرة عمي أم فياض بتقول ماصدقو خبر وجين اول ناس ثقلي حـالك يايمه تحسبنا الحين ميتين عليهم

ريمـا ترد بسرعـه : خليها تقـول اللي تقـوله احنـا بنروح عشان شـروق هذي بنت عمي لازم نـكون جنبها بـكره عيب مانكون جنبها بـكره في يوم مهم بالنـسبه لها

ام محمد تقوم : يلا يابنات وخلو عنكم الهرج وبكره نشوف وش يصير في صباح رباح

وطلعو مع امهم

مـريم راحت غرفتها وتقفل عليها الباب

رتيـل طلعت الصـاله بعد ما نام الكـل وترد على اتصاله وتتكلم بصوت واطي : هـلا

رعـد بإبتسامـه : هـلا بـك

رتيـل خايفـه أحد يقوم ويشـك في وضعها : ايش تبي مني من هذا الوقـت مـن الليل

رعـد يناظر الساعه كانت ٢:٣٥ : والله مافيني نوم بالله رتيـل ترضين اجلس كـذا طفشان

رتيـل بصوت منخفض : بس بـكـرة عنـدي منـاسـبـه يـارعـد لازم انـام بدري

رعـد ابتسم بسخريه وقهر على حظه : حـتى انـا عندي منـاسـبه مهمه بس  ابي اجلس معـاك الحـين

رتـيل قـام قلبـها يضـرب بـقوة : طيب ياسيدي تــامـر امــر عارفـه انـي بـكره راح أكلها تبن وبروح لهم وانا نايمـه وانت السبب

رعد ضحك تعجبه بشكل محد يتوقعه حكيها سوالفهـا: ههههه ما عليه انا نفسـك جد رتيـل مـا ابي انـام يهون عليـك اجلس كـذا

رتـيل تبتسم : يقطع ابليسك يعرف كيف يجيب رأسي طيب طيب ماقلنا شي بنجلس معـاك بدا يسوي نفسـه مسـكين

رعـد ضحـك : ههههه اعرف كيف اجيـب راسـك

رتـيل لا شعورياً : رعـد أيش سالفـة البنت اللي انت خاطب لها تقرب لـك

رعـد تنكد : اوه لازم تنكدي علـي

رتيل : بس ابي اعرف السالفه وراح تقولها وما علي منـك تفهم

رعد ابتسم : طيب طيب لا تعصبين السالفه ومافيها انـو ابـوها يعـرف جـدي في المناسبات وكذا وفي وحده من الزواجات كانو يسولفون مع بعض ومع الرجال وجت سيرة زواج البنات

في العمر الصغير وابو البنت سخر من ذا الحـكي عـاد انقلبت السخريه

الى جد وجدي قال عطنا بنتـك بنزوجها قال ابـوها وين العريس قال جدي رعد

الله لايوريك انو فتحت عيوني بصدمـه خير المشكله مااقدر اتكلم لان المكـان كله رجال وماحبيت احرج جدي عاد تراهنو قدام القبايل انا قمت معصب وطلعـت من الزواج

وجدي عناد فيني قال راح تتزوج البنت وفهمته اني مابي بس حلف أخذها رحت لأبوها افهمه بس ابــوهـا طمـع فينـا ورمى بنـته وللعلم بنـته تكرهني لان سنـه كامله راميها معلقه تعتبر خطيبتي بس أبوها عصب وتهاوشت معه الف مره واعيد الف مره اني مابي البنت وهو مصمم أخذها عاد حطوني في الامر الواقع

بس راح اسوي حركه اعلمهم كـيف يحطوني بموقف كـذا وهـذي السـالفـه

رتـيل تحس مقهوره : قسـم بالله جـدك ماله داعي ابـد

رعـد تنـهد : ايـه بس لا تخـافي مستحيل اسكـت لهم هذي حياتي مو لعبه بالله رتيل غيري المـوضوع لانه يثير اعصابـي

رتـيل : طـيب ابشر ياسيدي ماطلبت شـي ( خلال اسـبوعين علاقة رعـد برتيل صارت نوعاً مـا قــويـه لأن رعد ينام ويقوم يرسل لها يسأل عن حالها من الاسبوع الثاني صار يتصل وصارت المكالمات تـكثر بينهم ورتيـل

ماحسـت عـلى نفسـها ابـد بس كل اللي تعـرفـه انـها ترتاح وتحس بسعادة إذا كلمها أو سمعت صوته

 

لتكملة الفصل يمكنكم متابعته على قناتنا على اليوتيوب في الرابط اعلى الصفحة