الحلقة
الأولى ..
روايـــــــــــــة
✍🏼
{ بلا ميعاد }
.........•( البداااااااااايه) •..............
في مزرعة
الجد طلع سطام من غرفته وهو في اتم انواع الروقان تقدم وهو مبتسم ويغني : حبيبي صباح
الخير
رفع
راسه الجد من الجريده وهو يضحك : صباحك نور تعال تعال وش عندك صاحي من بدري
قرب
سطام وهو ينزل يبوس راسه ويده: وانا عندي ذا الوجه اللي تشرق به الشمس وانام
جات
ساره معاها القهوه وهي تضحك : يا صباح الروقان يا شيخ وش ذا الغزل مع الصباح
سطام
: والله اليوم مقري علي و اخلاقي عاليه
ساره:
بكمل لك روقانك واقول ترا جدي ما افطر زين ولا حتى مشى ولا ضرب ابره السكر
سطام
نزل الفنجان من يده : لا ما اصدقك لالا ليه يا جدي افاا بس هاذي صحتك اهم شي في الدنيا
الجد
: والله يا ولدي مالي حيل اليوم لشي
سطام
: ساره جيبي الفطور لاهنتي
قامت
ساره تجيب الفطور وسطام راح يجيب الابره وجلس : اول شي لازم تفطر عشان يصير لك حيل
وبعدها الابره وبعدها بنطلع انا وانت نمشي اصلا بوريك الفرس الصغير اللي انولد امس
ابتسم
الجد وهو يستسلم لسطام اللي قرب له صينية الفطور وقال: الا انت وين بتروح اليوم
سطام
وهو يمد اللقمه لجده : اول شي بنروح الاسطبل اشيك على الفرس وبعدها بطلع اجيب لها العلف
وبخلص كم شغله بطريقي
الجد
: ايه لا تتأخر ترا اعمامك جايين الليله ان شاء الله المغرب وهم هنا
سطام
ميل فمه بضيق لما تذكر سند : لا تخاف ان شاء الله ماني مطول
ساره
: سطام ابي اعطيك اغراض ناقصه جيبها معك
سطام
: زين انتي اكتبي كل شي واذا رجعت جدي اخذه
انتهى
سطام من ابرة جده ووقف وهو يمسك جده بيده ويمشي فيه ويسولف له ..
٠
•......
وفي بيت ابو مازن .......•
نزل
مازن وهو يضحك: شعندهم امي وابوي لحالهم مع صبح الله
ابو
مازن ابتسم : جالسين مثل العالم والا ما تبينا نجلس بعد
جلس
مازن وهو يدق ابوه بمزح : جاالسين علينا يبه
ابو
مازن :هههههه مازن اعقل احسن لك
ام مازن
: صدق اللي استحوا ماتوا
مازن
: ياخي لا تستحون مني اعتبروني ماني موجود عادي يبه خذ راحتك
سحب
ابو مازن البيضه المسلوقه اللي بالسفره وضربها في جبينه : ابد ماني مستحي تطلبني شي
غمض
مازن بألم : لا اطلبك ولا تطلبني الله يسلمك
ام مازن:
هههههه ايه تعدل
نزلت
العنود : صباح الخير
الكل
: صباح النور
مازن
هز راسه بزعل : يا اختي كم مره اقولك قبل تنزلين ابتسمي لا تضيقين علينا من الصبح
عنود
: مازن مو وقت استضرافك مالي خلق
مازن
: تبين اقولك خبر يخلي لك ابو الخلق كله
عنود
بطرف عين : قول يا حافظ
سبقه
ابوه : بننزل العصر لجدك
شهقت
عنود بفرح : قول والله
مازن
ناظر ابوه بعتب : يا يبه انا اعرف ان الاباء يضحون عشان عيالهم ! يعني وش بتخسر اذا
خليتي اقول الخبر
ضحك
ابو مازن : افا انا ابي اوفر طاقتك المرحه هاذي لشوي اذا رحنا لجدك مابي اهدر نشاطك
مازن
ضحك: تقول كذا يعني
ابو
مازن: ايه ايه
عنود
: متى يبه بنمشي
ابو
مازن: اذا اتصل عمك سند بس انتم اجهزوا من بدري مالنا خلق مشاكله
مازن
ميل فمه بتذمر: يبه ترا ما صارت كل مانبي نروح لجدي نقوله
ابو
مازن: لاحظ انك تتكلم عن عمك هو كبيرنا وغصب علينا نحترمه سامع
مازن
: سامع سامع
انتهى
الكلام هنا ومحد راضي بالروحه مع سند بس مجبورين ..
٠
......•
وفي بيت العمه جميله •........
الكل
كانوا على السفره وتكلمت جميله: الحين خلصوا وجهزوا شناطكم عشان بنروح لابوي
ناديه
: طبعا بنكون مع خالي سند
جميله:
ايوه يعني خلصوا بسرعه مانبي نتاخر
هيفاء
: يمه ليش ما نروح لحالنا ملينا
جميله
: بعد لازم نتجمع مع اخوالكم ما يصير نروح لحالنا
هديل
: يمه والله خالي سند ما احد يروح معاه بس
يخاصم
جميله:
تكلمي زين عن خالك
نايف
ببتسامه : والله يمه اخوك هذا بدون ما تزعلين مو شي نكدي نكدددي يدور المشاكل
جميله
: انا اقول احترموا خالكم نهاية الكلام ويلا اجهزوا
هديل
بضيق :احسن شي بنروح لخالي سطام
هيفاء
: صدقتي
نايف
: يبي له مقلب والله
هديل
: حنا نعين ونعاون
ضحك
نايف : ماعليكم اذا احتجنا مسانده قدمنا طلب
جميله:
نايف بسك مقالب هديت حال سطام المسكين
نايف
: ههههه يمه لا تخافين متعود
٠
..........•
وفي بيت سند •.........
كانت
الجوري وام مصعب يركضون ركض وهم يجهزون اغراضهم ويسمعون صراخ سند العصبيي اللي كان
فيه ينتقد كل شي
سند
: وش ذا كله مهاجرين احنا مهاجرين
ام مصعب
: يعني احنا بنجلس اسبوعين يعني نحتاج اشياء كثير
سند
: هذا انتي قلتيها اسبوعين مب سنه نزلوا اللي ماله داعي
الجوري
اللي كانت متعوده نزلت الاشياء اللي ماتحتاجها كثير وهي مبسوطه انها بتروح لساره وسطام وتستانس معهم بدال الضيق والعصبيه ..
٠
٠
وفي
بيت ثاني بيت ابو دانه
الكل
كان محتاس بعد ويجهزون لطلعة المخيم غمضت دانه لما سمعت هواش ابوها : ما خلصتوا يلا
بسررعه عطلتوني الناس ينتظرون
ام دانه
: خلاص جهزنا
ركضت
دانه وهي تقفل كل الانوار والابواب وركبت وهي تشوف سيارات اعمامها اللي تكرههم وتكره
تسلطهم وعيال اعمامها اللي نفسيات وماتبي تختلط فيهم بس مجبوره من ابوها نزلت راسها
وابتسمت وهي تشوف اسوارتها اللي كان مكتوب عليه ( الدانة 💎)
ضمتها
لصدرها وهي تحب الاسوار اللي كانت هديه من امها سندت راسها لشباك وغفت من تعب اليوم
.
٠
٠
عند
سطام اللي رجع بالجد وهو يتركه بدوانيته ينتظر الشياب اللي معتاد على سوالفهم ودخل
شاف ساره جالسه بتعب قرب وهو مقطب حواجبه : سوير وش فيك
ساره
رفعت راسها ببتسامه: سطام الله يهديك فجعتني
سطام
: فيك شي
ساره:
لا بس من شوي مخلصه غرف اعمامك وتعبت من الحوسه
سطام:
خلصتي والا باقي
ساره
: باقي بس اخلص المجلس
سطام
: زين عطيني اساعدك
وقفت
ساره اللي متعوده على سطام اللي يساعدها بكل شي يقدر عليه ابتسمت وهي تعطيه المنشفه
ومنظف القزاز : شوف الطاولات نظفها
ابتسم
سطام واخذها : ضايقه عشان سند بيجي صح
ساره
ابتسمت : وش يعني اذا ضقنا بيجي ويضيق علينا
سطام:
يالله قد ايش نفسي امسكه وانتفه وافرمه فرم
سارت
:يعني في النهايه ليش الكل ساكت عشان جدي والا هو مو كفو حشيمه
سطام
: والله ماني مكسور خاطري الا على جوري
ابتسمت
ساره: ايه يازينها كلمتني وتسلم عليك
ضحك
سطام: والله ودي انها ماصارت بنته
ساره:
وش نسوي ابوها عاد
سطام
نزل الاغراض وهو يناظر ساعته : طيب انا بروح عشان ارجع قبل المغرب
ساره:
الورقه شوفها جيب الاغراض كلها
سطام
اخذها وهو يناظرها بهدوء : طيب
ساره
:سطام معك فلوس!؟
سطام
ابتسم بضيق : معي معي
طلع
وهو يناظر بجيبه اللي ماكان فيه الا 5 ريال
رفع راسه وهو يقول : يارب على بابك
اتجه
لسيارته وركب وهو يناظر شلون رايحة في اهلها ابتسم بحزن: والله تسلمين دامك صابره معي
على عناء هالدنيا مشكوره يا صديقتي
ضحك
على نفسه وهو يتحرك بهدوء ويمر اي عامل او احد يأشر وياخذه مشوار يمكن يجمع له كم ريال
•
•
عند
دانه اللي كانت نايمه ولكن صحت لما حست نفسها تتألم رفعت راسها ولكن شافت ناس ودخان
واسعافات وصراخ ما قدرت ترفع نفسها من الالم ولا حست نفسها الا مغمى عليها ..
قبل
نص ساعه ......
كانت
دانه نايمه من التعب ما حست بصراخ اللي حولها لما اعترض لهم جمل بالطريق وعجز ابوها
يسيطر واستصدم فيه وانقلبت السياره ولا دخلت دانه في حالة اغماء ولا قدرت تصحى الا
بهالفتره البسيطه
ولانهم
كانوا بطريق سريع اخذتهم الاسعافات وكل واحد صار بمستشفى
•
•
اما
عند بيت ابو سند اجتمعوا ابو مازن ونايف ومازن وسند
سند
: وش بلاكم تاخرتوا شايفين الساعه كم 4 العصر متى بنوصل الحين
مازن
: بكره العصر شفيك يا عمي ترا كلها ساعتين
سند
بغضب : انت تستهبل يا غبي
مازن
كان بيتكلم بس قطع ابوه : معليش يا سند الطريق زحمه
نايف
كان واقف وفجاءه صرخ : عمي سند اركض .
سند
اللي طرا له مليون طاري يخوف لانه كان واقف قرب الشارع ركض سند والكل يناظر بصدمه
ضحك
نايف وهو يجي ورا ابو مازن : وش فيك خفت انا اقصد انه تاخرنا على جد
عصب
سند وسحب عقاله لكن ابو مازن اللي كان يضحك دخل بينهم وهو يهدي الوضع اما مازن اللي
ضحك وهو يرسل بوسه فالهواء لنايف
سند
: قسم بالله لاربيكم يالاثنين بسرعه تحركوا
اتجه
الكل لسيارتهم وهم يضحكون على سند اللي كانت عصبيته غير مبرره
•
•
بعد
ساعتين ..
عند
سطام اللي اخذ كل الاغراض بعد ما تعب وهو يدور بالشوارع ينزل واحد ويركب واحد جلس على
الطريق وهو يناظر الاسعافات غمض عيونه بضيق وهو مايحب يشوف الحوادث صد وهو يقول : الله
يكون بعونهم ويرحمهم ويرحم موتانا
مسح
جبينه وهو يدعي لامه وابوه اللي ماتو وهو عمره 7 سنين في حادث شنيع وقف وهو ينظف ملابسه
واخذ طريقه للمقبره دخل وهو يسلم على امه وابوه ويدعي لهم وطلع واتجه لبيت يحبه كثير
وقف وهى يدق الباب بطريقة سريعه ومتكرره وضحك فارس وهو يقول : مابغيت تجي من امس احتريك
قرب
سطام وهو يحضنه : ابد وحشتني جيت ادورك
فارس
اللي كان اعمى وعشان يعرف ان سطام جاء كان يدق الباب بسرعه : ايه وحشتك بس فيه شي ثاني
ابتسم
سطام : وش دليلك!
فارس
مد يده يدور وجه سطام لما حصله وحط يده على حواجب سطام المعقوده وضحك وهو ينزل يده
لكتف سطام : حواجبك ليه معقوده ؟
ضحك
سطام : غصب تطلعني ضايق
فارس
: تدري شكلي اعرف وش فيك
سطام:
قول يا ابو العريف
فارس
: من شوي قلت لمؤمن يجيب اغراض من البقاله وشاف اعمامك جايين
سطام
تنهد : انت تدري ما همني سند بس انا ما اضيق الا من اسلوبه مع ساره وانا ماني قادر
اقوله شي
فارس
: ان شاء الله المره هاذي غير
ضحك
سطام: تدري كم مره قلت هالكلام لي
فارس
ضحك: كثير
سطام
: وانا جاي شفت حادث بطريقي وضقت منه
فارس
نزل راسه بهدوء : الله يكون بالعون
سطام
وقف وهو ينزل كوب الشاهي : انا بروح ماني ناقص كلام اشوفك على خير
فارس
:لا تقطع
سطام
: ابشر يلا باي انتبه لنفسك
جاء
مؤمن وهو يضحك : ااوووه سطام مافيه يجلس هذا شيطان يجي
سطام
ضحك وهو يناظر مؤمن السواق اللي يشتغل عند فارس : مين شيطان
فارس
ضحك : يقصد سند مسميه شيطان عشانه مره هاوشه
ضحك
سطام بقوه : اذا عشان هاوشك سميته شيطان انا شسميه
مؤمن
: والله انت سوي دعاء ربي ان شاء الله موت هذا شيطان
ضحك
سطام وهو يخبط على كتف مؤمن : عنده عيال استغفر ربك ... يلا سلام
طلع
سطام وهو مبتسم واتجه للمزرعه وهو يستعد للمواجهات الصعبه مع سند
● (
فارس ) صاحب سطام من زمان ويعتبره اخوه كفيف عمره 27 طيب ولا يرضى على سطام ورغم انه
كفيف الا انه يحس بكل شي يصير لسطام ويفهمه من نبرته واذا احتاجه سطام في ثواني وهو
عنده عايش لحاله امه مطلقه وابوه متزوج ولاهي مع عياله )
٠
٠
عند
ساره
اللي
كانت واقفه وهي تشوف سيارات اعمامها وابوها وصلت ابتسمت وهي تشوفهم لكن ما يخفى ضيقها
من سند اللي ما يخلي اي كلمه تعدي ما يجرحها فيها
تقدمت
بحب وهي تسلم على ابوها واخوانها وبعدها صارت تسلم على الكل لما وصلت عند سند اللي
كان مكشر : عساه القهوه جاهزه بس مب مثل العاده نجلس سنه نطلبها
ساره
نزلت راسها: جاهزه
مازن
تقدم ودخل بينهم وهو يضم ساره : وعساها لا جهزت وجعلنا ننتظر سنين هاذي قهوة سوير ولو
نطلبها عمرنا كله لنا الشرف إنا نشربها
سند
ناظر مازن بعصبيه وتدخل الجد : تعالوا اجلسوا وانتي ساره ابوي جيبي القهوه
وفي
هاللحظه دخل سطام والاكياس في يده واخذ نفس لما حس الجو متوتر نزل وهو يتجه لهم وسلم
عليهم كلهم والكل كان يرحب فيه ويحضنه من جهه
سند
: اها بس اخلصوا اللي يشوفكم يقول جاي من اخر العالم وما شفتوه سنين
لف سطام
يناظره بهدوء وقال: انا بخير الحمدلله وانت ياعمي
انصفق
وجه سند والكل ولف : بخير يلا جيبوا القهوه
لف سطام
وهو ياخذ الاغراض يدخلها وساره تجهز القهوه نزلها وهو يقول : سوير وش فيك ضايقك هاللي
ما يستحي
ساره
ابتسمت: اكيد لا بس قولي جبت كل شي
سطام
: جبته جبته
اخذ
القهوه وسارة اخذت الصينيه وطلعوا متجهين لديوانية اللي الكل كان هناك ونط مازن لسطام:
عطني عنك
سطام
ابتسم : انثبر بس اللي يشوفك يقول شايب ما يقدر يسوي شي
مازن:
بكيفك انت ترفض عروض قويه ترا
ابو
مازن : سطام ابوي شخبارك وش مسوي خيلك وش مسويه
سطام
وهو يصب القهوه : والله على ما تحب يا عمي وباقي بتشوف الفرس اللي نولدت جديد
هيفاء
: بالله عليك خلاص لي انا
هديل:
ماشاء الله يالثقه لي انا هو من زمان وعدني
سطام
: هههههه مع الاسف هاذي ما راح يكون لها صاحب
جميله
: ليش يا سطام
تو سطام
بيتكلم بس قطع عليه سند : وانت هذا بس شغلك متى بتتعدل تدور لك وظيفه وتشوف نفسك
الجد
: ياسند سكر هالموضوع
ابو
مازن بسرعه غير الموضوع : كأنه هالموسم برد مره
رجع
سند يتكلم : حتى ما استحيت على وجهك وكسرت حطب وشعلت نار تخلي الناس تدفى والله اني
حاس انكم مخلين ابوي يموت من البرد والجوع
سطام
نزل الدله بغضب مكتوم : الحمدلله احنا ما نحتاج شهادة في اهتمامنا بجدنا
سند
: غصب عليكم تهتمون فيه اقل شي تردون له جميله عليكم ليه هو من لامكم غيره
الجد
بحده: انا مالي جميل على احد هذولا عيالي مثلهم مثلك وانتهى سطام روح يا ولدي جيب الحطب
واشعل النار اللي خمدت
سطام
رفع اكمام ثوبه وهو يقول بكلام مبطن : فعلا خمدت وكثير بعد صار لازم تشتعل
وقف
نايف وهو يحاول يشتت الموضوع : والله يا سطام بجلس اخذ عندك دروس ابيك تعلمني كيف اشعل
النار
مشى
سطام وهو يستغفر ماكان مهتم بكلام نايف وكان حاط كل غضبه بالحطب رجع وهو ينزلها واشعل
النار وكأنه يشعلها من قلبه ..
اما عند دانه اللي كانت بالمستشفى صحت وهي تتألم
لفت تناظر وهي ما تدري وينها ابدا ناظرت يدها اللي كانت ملفوفه بشاش مدت يدها لراسها
حست باحد جاي وكانت الممرضه : الحمدلله على السلامه
دانه
ناظرتها باستغراب :مين انتي وين انا
الممرضه:
انا ممرضه انتي بالمستشفى صار عليكم حادث انتم وعايلتكم انتي بس الموجود عنا واهلك
ما عندي خبر عنهم
طلعت
وتركتها بعد ما اعطتها الدواء
انصدمت
دانه اللي كانت تفكر وتتذكر بس ماهي قادره تتذكر اهلها بكت وانهارت وهي تايهه ماتدري
وينها فزت وهي بتدور اي احد تعرفه طلعت وهي لافه طرحتها لفت المستشفى كله لكن بدون
فايده انجنت وخافت ركضت برا المستشفى تبي تدور على اهلها بس بس هي ماهي ذاكرتهم ترددت
بس بعدها طلعت وهي تبكي وما احد حس عليها
ركضت
بالشارع اللي كان فاضي ركضت وركضت بألم من رجلها ويدها بس خافت لفت لكن ما توقعت انها
ابتعدت عن المستشفى شهقت وهي ترجف خافت لما صار الطريق ظلام مافيه الا انوار السيارات
ركضت وهي تدور شي تتخبى فيه لصبح سكرت اذنها بقوه وهي تسمع اصوات البوري ابتعدت وهي
تركض تبي ترجع المستشفى لكن اللي ما حسبت حساابه انه ممكن تتعرض لخطر مرتها سياره
3 شباب وابتدوا يتحرشون فيها واللي يقول جنيه واللي يقول شغلو سورة البقره وانواع اشكال
مو الكلام ما كان عندها حل الا انها تركض ركضت بكل قوتها ودموعها مغطيه وجهها وهي تصرخ
وتدعي ولكن المرعب ان الشارع كان شبه فاضي واغلب اللي يمرون مسافرين وطايرين بالخط
السريع
وكان
ظلام دخلت للبر تبي تهرب منهم لكن نزلوا وراها بالسياره حست انها اختنقت والدنيا تدور
فيها صوتها راح على كثر ما صرخت وطاحت لما فقدت وعيها ..
٠
٠
اما
في مزرعة الجد بعد العشاء كان المجلس مليان بالسوالف والضحك رغم انتقادات سند المزعجه
ابو
مازن : بكره يا سطام بتاخذنا للاسطبل بنشوف الخيل
سطام
: ابشر ان شاء الله اذا رجعت من سوق الاعلاف بمرك ونروح
مازن
وهو متكي على نايف : واحنا بعد
سطام
: ان شاء الله الكل .
جميله اللي كانت جالسه جنب سطام : اجل بكره نروح
كلنا للاسطبل ونشوي ونستانس
سطام
باس يدها : تأمرين امر
سند
: لا والله بتروحون هناك على طريق اللي يمر افترضوا جاء رجال
سطام
: مايجي احد هناك الا فارس وفهد ونادرا ما يجون
سند
:ههههه ضحكتني فارس وفهد انت عاد هذول رجال واحد سايب 24 ساعه والزقاره بيده وواحد...
قطع
كلامه سطام اللي قال بصوت عالي وهو مغمض : تكلم على الكل الا فارس لا تخليها تخرب اكثر
من كذا
سند
: تهددني انت
سطام
: احذرك من انك تتكلم في فارس وبعدها ماني مسؤول
وقف
سطام وطلع وهو يستغفر والكل يناظر سند
ابو
مازن: يا رجل خاف الله في ذا الادمي من يوم جيت ما قلت كلمه طيبه وفوق ذا بتتكلم في
انسان اعمى
سند:
ايه انتم ساعدوه ورفعوا له عشان يدشر زياده
الجد
: سند ريحنا وارتاح وش بيسوي بنفسه المسكين ما معاه شهاده كيف يتوظف
سند
: يتوظف مثل الرجال ما يجلس كأنه حرمه هنا
الكل
سكت بغضب ووقف مازن ونايف وطلعوا يدورون على سطام وشافوه يمشي باتجاه اسطبل الخيل ركضوا
وراه ووصلوا بتعب مازن استند على كتف سطام وهو
يتنفس بسرعه: كنت خمس دقايق واصير حصان
سطام
ابتسم : كمل يمكن تمقلب
نايف
: انا بسالك وش ذا اللياقه اللي تخليك رايح جاي للاسطبل ما تحس بالتعب
سطام
ضحك : متعود يارجل
مازن
بهدوء: لا تزعل من كلام عمي انت تعرفه حمقي حتى على عياله
سطام:
من جدك انت اكيد ما فكرت فيه بس ماحبيت يتكلم في فارس
مازن:انا
اتكلم بشكل عام يعني وانا متاكد لو كلنا نهتم بجدي ما راح نغطي ربع اهتمامك انت وساره
فيه
نايف:
والله صادق اصلا مدري وش يبي وش له دخل المزرعه نصها لك والاسطبل لك هو وش دخله مدري
سطام
:سكروا الموضوع ماله سنع
مازن:
الا شخباره فارس ؟!
سطام:
الحمدلله مبسوط
مازن:وفهد
سطام:
والله ما شفته من يومين رايح مع امه وابوه مكة ولا كلمته
مازن:
يعتمرون!
سطام:ايوه
مازن:زين
ان شاء الله يعقل ويبطل حركات
سطام:ان
شاء الله مع اني ما اظن
دخل
سطام يتفقد الخيل ولكن رجعه صراخ نايف طلع برعب وهو يدور وينه وشافه واقف جنب الفرس
الصغير
سطام
:خير وش فيك
مازن
نزل جزمته وهو يرميها عليه:تستهبل وش فيك
نايف
: ولا شي بس شفت الفرس الصغيره
سطام:خير
تصارخ فجعتنا
مازن
:وش وضعك أهبل
نايف:
هههههه والله ممكن اثروا فيني
سطام
: زين ذكرتني خلني ادخلها عن البرد
اخذها
سطام وهو يداريها بحب ودخلها جوا وسمعوا صوت السياره ولف وكان فهد اللي نزل وهو يقول:
سطومه ..
ضرب
مازن جبينه وهو متجه له بضحك: دمرت كل معاني الهيبه في اسم سطام
ضحك
فهد وهو يسرع له ويسلم عليه :هلا هلا تو ما نورت الديره
مازن
بادله السلام بضحك:بوجودك كيفك وش اخبارك
فهد
تنهد بحب:عايش واحب
ضحك
مازن : ههههه خف على قلبك
نايف:
انا بسالك باقي بنت ما تعرفت عليها
فهد:
شدعوه اللي كلهم كم وحده
سطام
طلع : وصل الحبيب
اتجه
له فهد وهو يسلم عليه :جيت اشوفك يالحب
سطام:كذاب
كبير على قولة مؤمن
فهد:هههههه
من جد والله وبقولك يعني تعال بنسهر عند فارس
سطام
رفع يده باستسلام :والله الاجواء محظوره مثلك شايف
فهد:
ياخي امشوا بس ما عليكم
سطام
: لو العيال بيروحون بكيفهم بس انا اليوم لازم انام بدري وراي شغل لازم اخلصه
فهد
شهق : لا يكون متزوج بالسر
سطام
دفه بضحك :ليه بتشبكها بعد
فهد
: ههههه لا ما نتعامل مع مجنون
مازن
: حمدلله عفت شي اخيرا
فهد:
جد جد انتم تعالوا دام ذا الشايب بينام بدري
مازن:
والله صاحي بدري وسفر وتعب بنام والله
نايف
: رتويت لمازن
فهد:يا
سامجين دام كذا خلوني اروح قبل يمسكني الشيطان على قولة مؤمن هههههه
طلع
وهو يضحك ولف مازن :مين الشيطان ؟
سطام
قرب بهمس وهو يضحك :سند
نايف
انفجر يضحك:اما عاد
مازن:ههههه
من جدك ليش؟
سطام
: والله
نايف
:هههههه وليش
سطام
: هاوشه وحقد عليه
مازن:
ذا المؤمن عجيب
سطام
: عجيب عاد نفسه واحد من الشلة
نايف:
هههههه ماخذ حقه
سطام
: يلا يلا خلونا نرجع ( فهد ، صاحب سطام انسان فاضي لابعد الحدود ، ويموت على البنات
لكن بحدوده ، ماعنده هم الا يسهر ويحب وينام لا شغله ولا عمله )
رجعوا
وهم يسولفون ودخل سطام وهو يدور بعيونه على جده وابتسم له بمعنى انه صار وقت الابره
تقدم سطام وهو يسنده
ابو
مازن : وين يبه تونا جالسين
الجد
: باخذ الابره وبنام تعرفني ما احب السهر وانتم ناس تعبانين ارتاحوا
مازن
جاء وهو يبوس جده : الليله انا بنام معك
الجد
: حياك الله
نايف
: وانا بعد
جميله:
لا لا ابوي مو حمل ترفس تبون تذبحونه
مازن
: لا والله ما انام الا مع جدي
الجد
: ايه ايه بينامون معي شعليكم انتم
نايف:
حتى سطام بينام معنا
سطام
: لا لا انا خلوني بعيد بنام في المجلس الخارجي
ابو
مازن: ما فيه احد غريب وشوله تنام هناك
سطام
: انا بطلع قبل الفجريه وانا نومي ثقيل وتغربل ساره اذا جت تصحيني ومابي ازعجكم
مازن
: دام فيها ازعاج حبيبي لو بتنام مع خيلك نام
ابتسم
سطام ولف : يلا تصبحون على الف خير
جات
ردود مختلفه وابتداء الكل يتجهز لنوم لان الكل تعبان
٠
٠
وعند
سطام اللي جلس وهو يعطي جده ابرته وادويته جمع كل شي وتحرك بيقوم بس مسكة جده : سطام
سطام
بسرعه: لبيه
الجد
: لبيت في منى يا ولدي
سطام
ابتسم وهو يبوس كتفه : ويدي بيدك ان شاء الله
الجد
:ان شاء الله .. سطام يا ولدي ما ابيك تاخذ بخاطرك من سند تراه رجال تعبان صاحب سكر
وضغط وحار وانت تعرفه احشمه من حشمتك لي وخله يقول اللي يقول ويسكت
ابتسم
سطام : لا تخاف ياجدي ما اخذت في خاطري ولا شي والكلام ذا انا فاهمه من زمن طويل
الجد
: الله يرحم والديك ويسعدك
سطام
وقف وهو يبوس راسه : انت الحين نام وارتاح والصبح افطر وامش لا تنسى
الجز
: ابشر ابشر
طلع
سطام واتجه للمطبخ وشاف ساره والبنات جالسين ويسولفون ابتسم وجلس وهو يقول : شكله الناس
الوحيدين اللي مب تعبانين انتم
عنود
وهي تقرب منه : من كثر ماني شبعانه نوم ومتنفخه عيوني معدومه الرؤيه عندي اشوفك دبل
هههههه
سطام
حط يده على وجهها وهو يدفها بخفه : هههههه واضح طول الوقت بالمجلس نايمه
عنود
بمزح : تراقبني يعني تحبني صح قول لا تستحي
سطام:
ههههههه الله من السخاطه
الجوري
: والله من جد يا سطام مره وحشتنا
سطام
ابتسم للجوري اللي كانت تفتح النفس عكس ابوها: والله وانتم اكثر
ناديه
: بتطلعنا للخيل ترا وبركب عليها
سطام
: من عيوني
ساره:
سطام متى تبي اصحيك
سطام:
قبل الفجر ب ساعه
هديل
: وين بتروح من قبل الفجر بساعه انتظر لبعد
الفجر
سطام
: لازم اروح من بدري والا بيروح علي كل شي انا مواعد رجال لازم اجي على الموعد
ساره:
طيب
وقف
سطام واتجه للمجلس انسدح وهو ضايق فعلا من سند وحركاته بس ما طول كثير ونام بتعب
٠
٠
اما
عند دانه اللي كانت مرميه في مكان قديم و مهجوور مباني مهدمه وحالها يرثى لها تركوها
اشباه الرجال و وضعها يحن له الكافر ..
أما
عند فارس اللي كان جالس وهو يسمع سوالف فهد اللي كلها عن الطلعات والبنات ووش شاف ومن
شبك نادى بزهق : مؤمن جدد الشاهي برد ومليت
فهد
اللي كان مسترسل يسولف لكن وقف كلامه ولف لفارس : وش تقصد يالطيب
فارس
ابتسم بهدوء: اللبيب بالإشارة يفهم
فهد
صفق : شاطر حطمني كأني ناقص
فارس
ضربه بعصاه بشويش : بحطمك ولعنتك اجل هاذي سوالف ياخي قول شي صاحي ترا طقت مرارتي
فهد
: والله هذا اللي عندي
فارس
: الحين رايح لمكه ومعتمر ومنعم عليك ربي وراجع تسولف بذا السوالف
فهد
: وش تبي اقولك يعني اتكلم عن حمامات الحرم مثلا
فارس
: انت تلف وتدور اهم شي تجيب انثى حتى لو هي حيوان
فهد
ضحك : ياخي والله مافيه غير دوامة امي وابوي توظف وتزوج
فارس
: دام عندك شهاده توظفك وشو له جالس ياخي شوف حياتك عمر هالسوالف ما تجيب خير
فهد
: ياخي ما ابي ارتبط خلني حر طليق
فارس
: والله انا استسلم لك صراحه ما ينفع معك الا سطام اللي عنده تنبلم وما تنطق بحرف عن
ذا السوالف السامجه
فهد
: والله سطام عسر ما تقدر تفتح معه موضوع الا يهب فيك
فارس
: يهب فيك عشان سماجتك لو انك تتكلم بشي عدل شفت كيف يرد
مؤمن
اللي جاء وهو معصب : كل شويه شاهي كل شويه بارد هذا فهد مافيه يشرب شاهي بس كلام كثير
هنا ساعه خلاص 3:30 هنا كله نوم انت روح بيت
فهد
ناظره بتناحه ولف يناظر فارس اللي يضحك : الله يالدنيا اخيرا يطردني ذا الهندي
فارس
: ههههه زهق من الصباح صاحي
وقف
فهد وهو يمسح وجهه : يلا يلا بروح انام وبكره اجيك
فارس
: اجلس مؤمن بيروح ينام اصلا
فهد
: لا والله جد بروح اشوفك بكره
فارس
: الله معك
طلع
فهد اللي ما كان عنده اي هم يفكر فيه
٠
٠
الساعه
3 طلعوا البنات متجهين لسطام فتحتوا الباب وكان
سطام
جالس قربت ساره بخوف : سطاام بسم لله ما نمت
سطام
تحرك بهدوء : لا نمت بس صحيت من شوي
الجوري
: الله واكبر انت تقوم لحالك
جلست
العنود جنبه وهي تدقه بمزح : صحيت والا ساهر ليل العشاق
ضحك
سطام وهو يدفها بمزح : يالله كيف كشفتيني
عنود
بمزح : اسأل مجرب
سطام
اللي عارف انها تمزح :الله يكون بعون كل العاشقيين وعون اللي انتي بتحبينه
هديل
: هذا المفروض يذبح نفسه اريح له
عنود
: اسمعيني مابي اتعامل بالعنف فا احترمو نفسكم
سطاام
وقف وهو ياخذ ملابسه من ساره : اذا تبون شي ارسلوه على الجوال عشان اجيبه
هيفاء
: احب اذكرك ما تنسى قهوتي
سطام
لف باستغراب: اي قهوه !!
شهقت
هيفاء : لا مو معناته تنسى اني احب القهوه اذا نسيت حبيبة قلبك
فجاءه
الكل سكت وصار يناظر هيفاء بعتب وزعل الا سطام اللي تدارك الوضع وهو يرمي عليها المنشفه
: شسوي اذا انا نساي اكتبيها مع البنات
هيفاء
:انا اسفه
سطام
:على وشو
هيفاء
كانت بتبرر بس تدخلت ساره بسرعه: سطام جيب لعمتي جميله ...... وكملت وهي تفهمه اشياء كثير بس تبيه ينسى كلام هيفاء
ولف
سطام بملل : اخرتوني كل شي ارسلوه
دخل
يبدل ملابسه وهو يبدل حتى شعور قلبه اللي اقتحم جوه فجاءه كأنه ناقص ضيق طلع متجه لسيارته
وركب وهو يشد جاكيته على نفسه ببرد حرك سيارته وهو يقطع طريق طويل عشان يوصل المكان
اللي يبي ووقف سطام على جنب وهو يبي يصلي الفجر نزل بجنب اماكن مهجوره وفرش سجادته
وكبر وابتداء يصلي ولما سلم لفت انتباه شي كأنه انسان بس تعوذ من الشيطان واتجه لسيارته
مسرع ركب وطلع من المكان وهو يدري ان المكان
مشبوه ابتعد بسيارته لكن عجز يروح رجع وهو يحس شي يرجعه وقف واخذ سلاحه والكشاف ونزل
بهدوء وهو منتبه وحذر تقدم وهو يناظر في اللي مرمي بالارض قرب بهدوء وهو يكشف وانفجع
لما شافها بنت رجع لوراء وهو عليه نور الفجر الخفيف لف المكان ولا حصل احد رجع مسرع
لها نزل وهو يبعد شعرها ويسمي بهدوء كان نبضها ضعيف خاف ووقف وهو مايدري وش يسوي غمض
وهو يدخل الكشاف والسلاح بجيبه ونزل وهو يشيلها حطها بالسياره وطار فيها لاقرب مستشفى
سلمها لطوارئ وهو مستغرب وجودها في ذاك المكان جلس ينتظرهم وشاف الممرضه متجهه له
: اش صلة القرابه
سطام
: مالي صله حصلتها طايحه قريب وجبتها
الممرضه
: طيب ياليت تملأ هالاوراق
سطام
اخذ الاوراق وهو يعبيها بهدوء وقف يناظرهم رايحين جايين عليها ..
٠
٠
عند
البنات اللي الكل يناظر هيفاء اللي تناظرهم بهدوء
الجوري
: تستهبلين انتي احنا يالله طلعناه من الوضع وانتي تعيدين الموال
هيفاء
: والله بدون قصد
عنود
بحزن: يالله اكيد انه ضاق
ناديه
: طبيعي بيحزن ويضيق لا تنسون ان اللي صار كله محد متوقعه ..
ساره
: الله يعينه هالسطام مدري وش ذا الدنيا مخبيه له
عنود
: والله احس اني مقهوره عليه احس ما نسى
ساره:
من جدك انتي تعرفينه ما ينسى لكن يمثل
الجوري
: بالله عليك كنت حاسه
هديل
: اكيد تستهبلين اللي صار مو شي ينسي
ساره:
قوموا بس خلونا نصلح الفطور لجدي وسطام الله يعتني به
عنود
: بدري !
ساره:
لا جدي يصحى بدري ويجون بعد هالشياب معاه
وقفوا
البنات اللي نصهم راح ينام ونصهم يساعد ساره
٠
٠
عند
سطام اللي كان جالس ينتظر وحاس ان الوضع مشكوك فيه حس باحد يناديه وقف وهو يشوف الدكتور
: انت اللي مع المريضه
سطام
: ايه نعم ، خير فيها شي
الدكتور
اللي كان يناظر سطام بشك بس سطام كان طبيعي : ممكن تشرح لنا اللي صار
سطام
: انا مريت اصلي الفجر قريب هنا لكن شفتها مرميه وطبعا نقلتها هنا
الدكتور
اخذ نفس : انت مسافر
سطام:
لا انا من السكان قريب هالمنطقه
سكت
الدكتور وهو يناظر سطام بدقه : انت تدري ان البنت تعرضت لحادث
سطام
: لا والله انا قلت حصلتها طايحه ونقلتها بسرعه مدري وش اللي صار
الدكتور
: وفوق هذا تعرضت لإغتصاب
اتسعت
عيون سطام بصدمه : كيف !
الدكتور
اللي كان شاك بسطام : اللي سمعت
سطام
اللي ما استوعب وهو يناظره : مو تقول حادث !
الدكتور:
وبعد الحادث مدري وش صار لين وصلت لهالوضع
سطام
فهم انه شاك فيه : طيب تصرف سوي شي
الدكتور
: احتاج اني ابلغ الشرطه
سطام
:اكيد مو مشكله
الدكتور:
ان شاء الله بس يا ليت تعطيني عنك بيانات
سطام
:ابشر
اخذ
الورقه من الدكتور وهو يدري ان الدكتور يراقبه وعباها وسلمها له وجلس ينتظر ومر الوقت
وسطام ينتظر او بالاصح يحاول يستوعب هالكارثه اللي طيح نفس فيها
٠
٠
في مزرعه
الجد الكل كان صاحي بناء على اوامر سند
ابو
مازن: يبه اخذت ابرتك
الجد
: ايه ساره اعطتني اياها
مازن:
لو انا منك ياجدي دورت لي عروس واجدد شبابي
الجد
:هههههه لا لا خلني كذا ما بعد المرحومه احد
نايف
: والله يا جدي ماشاء الله عليك وفي
جميله
: ايه تعلموا انتم
مازن:
اركدي يا عميمه اللي يشوفك يقول ذابحينكم بالخيانات
ابو
مازن بدقه : اترك ابوي وتزوج انت اللي صدق راح شبابك
مازن
: لا لا لا خلوني اجلس باخلاقي مالي خلق اتزوج وانفس
ام مازن
: ومن قالك ان الزواج تنفيسه
نايف
ضحك على مازن: تحب تجيب لنفسك الكلام
مازن
وقف: كأنه تاخر سطام
الجد
: اي والله الساعه الحين 9:30
نايف
: ترا بدري يا جدي
الجد
:لا بالعاده يرجع قبلها
سند
: تحصله الحين عند الهايتين اللي يعرفهم
مازن
بدقه : والله اذا بيهيت رجال
سند
لف له بغضب: وشو وش تقصد انت وش تلمح له
نايف
اللي كان جالس قريب سند وطلع من جيبه لعبه على شكل ثعبان وحطها قريب منه وفجاءه نط
وهو يصرخ : ثعبااااااان
الكل
نط وهو مفجوع الا سند اللي كان ينطط بشكل غريب ويصرخ لحاله : وينه تحتي تحتي وين راح
لكن
استوقفهم نايف اللي كان يضحك بصوت عالي لف الكل عليه وهم يناظرونه بصدمه وسند اللي
صرخ :نايف
ابتسم
نايف بهباله: لبيه
وفجاءه
طارت الجزمه وصكت في بطن نايف وقال مازن اللي رماها: تستهبل انت بغيت توقف قلبي
ابو
مازن : احسن
نايف
ركض ورا الجد : انا في وجه جدي
سند
: انت لازم لك تربيه جميله ربي ولدك لا اربيه لك
اما
جميله اللي كانت تضحك وبعدها ابتداء الكل يضحك عليه
الجد
: ساااره اتصلي بسطام شوفيه وينه وقولي له يمر الصيدليه يجيب دواي معاه خلص علي امس
ساره
: ابشر
سند
بغضب : ليه هو معاه ريال عشان يجيب دواك
ابو
مازن : يا سند فك عن الولد ضيقت صدره خلاص
جميله
: وبعدين هو شايل حمل نفسه ولا طلب احد شي
ساره
بضيق وهي توجه كلامها لسند : شايلنا قبل نفسه ومو مقصر حتى لو ما معه ريال يخلقه عشانا
غصب عن كل الظروف
سند:
انتي طلع لك لسان وعرفتي تردين
ساره
: بعض الاحيان يجبرك الكلام اللي على غير سنع انك ترد وتتعلم ترد ..
انسحبت وهي ضايقه وقف ابو مازن : احذرك يا سند انك تضايق
ساره سامعني
سند
: وش بتسوي يعني
مازن
: عمي الكلام اللي يغث ماله داعي انا مدري وش مسوين لك عشان تعاملهم كذا
سند
: انا محد يحاسبني
مازن
وقف بغضب : جرب تحاسب نفسك قبل تكلم الناس يمكن يتغير شي
طلع
وتركهم وهو زهقان من سند
وابتداء
الكل يفترقون من سند وافعال سند .
بعد
ساعات نرجع لسطام اللي كان يحاول انه يفكر بحل رفع ساعته وهو يشوف الوقت يمشي رفع ساعه
وهو يشوف ساعته غمض وهو يشوف الوقت مشى العصر قريب يأذن وقف واتجه لغرفة الدكتور وقبل
يدخل سمعه يقول : كلموا الشرطه وبلغوهم بحال المريضه وخلهم يقبضون على الرجال اللي
برا ماني متطمن له زين انهدا اخذت معلوماته
ابتعد
سطام وهو مسرع وقف قريب المصلى وهو يحمد ربه انه ما عطاه معلومات صحيحه عنه طلع وهو
يتمشى عادي وشاف الدكتور طالع ويناظره ابتسم سطام بمكر وراح الدكتور وبعدها ركض سطام
لسيارته وابتعد عن المستشفى وهو ما يدري وش يسوي متلخبط شعور جلس يراقب المستشفى وهو
مايدري يروح ويترك البنت او يرجع ولا حس بنفسه من تفكيره الا هو نازل دخل المستشفى
ورجع للغرفه بهدوء دخل وهو يناظر دانه بهدوء واخذ نفس وهو يعيد قراراته طلع للممرضه
وسألها عن حالة دانه وقالت (مستقره ) وهنا رجع وهو ياخذ عربيه دخل الغرفه لما الكل
انشغل بالصلاة اتجه لها واخذها نزلها بالعربيه وطلع بشكل طبيعي من المستشفى اتجه لسيارته
ونزل دانه بالمرتبه اللي وراء وترك العربيه وتحرك بشكل طبيعي
سطام
مايدري ليش سوا كذا بس اللي متاكد منه انه مو لازم يترك هالبنت هنا ابتعد من المستشفى
ودخل بيت المزارع ولكن استوقفه صوت دانه اللي صحت
٠
٠
عند
ساره اللي كانت تسقي الورد بضيق وهدوء وهي مشغول قلبها مع سطام لفت لما سمعت صوت مازن
: سوير ودك بعصير
ابتسمت
ساره وهي تلف له شافته واقف ومعاه عصير تركت اللي بيدها وراحت له : اكيد دامك جايبه
مازن
: شتسوين !
ساره:
جالسه اسقي ورود سطام لان لو بيصير فيها شي بينتحر
ابتسم
مازن : تاخر مو !
ساره
: تحصله انشغل او يكون عند فارس والا فهد
مازن
:ساره ما ابيك تاخذين على خاطرك ادري به سند يضايقك وادري انك متحمله عشان جدي بس انا
ما ابيك تضغطين على نفسك ردي ولا تفكرين
ساره
: لا تخاف انا ما يهمني بس ما ابيه يأذي سطام
مازن
ابتسم: وسطام يقول ماهمني بس ما ابيه ياذي ساره
ساره
:هههههه الله يسعده
مازن
: اتوقع انكم تكرهون الاجازات عشان سند
ساره
: بالعكس نموت عليها عشانكم
مازن
جلس ورا السور وهو يبتسم : ليتك تجين معانا البيت
ابتسمت
ساره وقبل ترد تفاجأت بدخول الجوري اللي تركض وطاحت جنب ساره وهي تضحك بهستيريا : ساره
فاتك شصار في عنود هههههه تخيل....
قطعت
كلامها لما حست جنبها ولفت وكانت الصدمه مازن اللي كان مفجوع ويناظرها بصدمه وفجاءه
فز وهو منحرج وطلع بدون ما يلف وراه لكن جوري اللي اتجمدت وهي تناظر مكانه وناظرت ساره
اللي مصدومه مثلهم
قالت
جوري وهي تبي تتاكد :مين ذا
ساره
بهدوء :مازن
فزت
جوري بخوف وركضت وهي متفشله اما ساره اللي ابتسمت وهي ترجع تسقي الورد
٠
٠
اما
عند سطام حصل شي تقريبا متوقعه ناظرته دانه بخوف : مين انت انا وش جابني هنا ليش حنا
بهالمكان
وقف
سطام وهو يحاول يهديها: اسمعيني انتي كنتي طايحه مكان مهجور واسعفتك للمستشفى ولما
خرجتي ما كان فيه احد واخذتك انا
دانه
برعب وصوت يرجف : وين بتوديني
سطام
: لا تخافين باخذك لاهلي هم شوي بعيد ب
ما مداه
يكمل الا فتحت دانه الباب وركضت ماكانت تدري وين بتركض بس تبي تهرب سطام اللي هنا خاف
لا يصير لها شي وركض وراها وهو يحاول يمسكها وبالقوه مسكها لما طاحت وهي تحاول تقوم
ثبتها سطام وهو يحاول ما يقرب : يا بنت الحلال والله مارلح ااذيك والله العظيم لا تخافين
انتي في امان الله ثم وجهي دانه دفته وهي تحاول
تبعد بس ما عطاها سطام فرصه : ادري اللي صار معك مو شوي لكن والله والله مأذيك اوعدك
دانه:
ابعد الله يخليك ابعد بروح
سطام:
وين بتروحين انتي شايفه احنا في مزارع وخطر اسمعيني انتي مريضه وما تتحملين تعب تعالي
اركبي وانا مستعد احلف لك باللي تبين اني ما راح ااذيك
دانه
لفت تناظر حولها وخافت لكن قررت تهرب من جديد بس سطام فهمها وقال: ناظري نفسك مليانه
جروح لو تهربين صدقيني ما تنجين وخصوصا ان كل هالمزارع مليانه عمال انا ما اطلبك تثقيين
فيني لانه شي مستحيل بس اطلبك تثقين بربك
ناظرت
دانه وهي متردده وخايفه وفكرت وسطام جالس قبالها وهو رافع ركبته اليمين ومستند عليها
وقفت وركبت بهدوء وابتسم سطام ركبوا وهو يمشي بهدوء
سمعها
تقول : وش صار لي
سطام:
وش اخر شي تتذكرينه
تجمعت
دموعها بعينها وهي تقول لسطام كل سالفتها من لمى طلعت من المستشفى الين طاحت ولا حست
الا با اصوات الشباب وضحكهم
سطام
عجز ينطق ويقول لها انها اغتصبت
دانه
بصوت باكي : سوو لي شي
سطام
هز راسه ب ( ايه وهو خايف ) انهارت دانه وهي تبكي وتضرب الشباك بقهر وتبكي وماعرف كيف
يتصرف سطام بس حس صوتها يرتخي شوي شوي وطاحت مغمى عليها وقف سطام بخوف رجع وهو يحاول
يصحيها كب عليها مويه لكنها عرقت وصارت ترجف وتمتم
رجع
لمكانه وطار بكل سرعته متجه للبيت وهو مايدري كيف بيواجه سند ويواجه الكل وصل بسرعه
مرعبه ونزل وهو ثوبه كله دم من جروحها اللي تنزف ما عرف يسوي شي غير انه يشيلها ونزل
وهو يمشى بسرعه رفس الباب برجله وهو مغطي وجهها بشماغه وكانت هاذي هي الصدمه للكل اللي
وقفوا يراقبونه بصدمه وقف وهو عيونه تلف عليهم كلهم وكان واضح صدمتهم وهم يناظرون البيت
اللي شايلها وكيف مرميه وثوبه المليان دم و وجهه الخايف المرعوب
٠
٠
في مكان ثاني في احد المستشفيات كانت ام دانه واقفة
بخوف جنب ابو دانه اللي مكسوره يده وراسه ملفوف سمعته وهو يكلم ويصرخ: دوروا على البنت
وين اخذوها دوروها بسرعه
الطرف
الثاني ( ولد عم دانه ) : هذا حنا ندور بالمستشفيات القريبه لكن انتم كم مستشفى نقلوكم
له
ابو
دانه : وانا ادري اسمعني زين دور بنت عمك قبل تصير فضيحة علينا شوف هي حيه وللا ميته
ام دانه بكت وهي تقول : يارب احفظ بنتي يارب
ابو
دانه بصراخ: بس عاد ازعجتيني انتي وبنتك
ام دانه
:كيف ما تبيني ابكي وانا مدري وينها بنتي كيف
ديمه: يمه خلاص ان شاء الله بيحصلونها اكيد باحد
المستشفيات ناظرتهم ام دانه بحزن وهي تشوفهم مو مهتمين الا في انها ما تكون لهم فضيحه
..
٠
٠
وعند
فارس اللي كان جالس سمع صوت يسبب له الضيق
ابو
فارس : سلام عليكم
فارس
وقف بهدوء: عليكم السلام
ابو
فارس تقدم يسلم عليه : كيفك
فارس
: من الله بخير
ابو
فارس : وش بك تكلمني كذا
فارس
: عادي مثل كل مره
ابو
فارس : مو مشكله تمون
فارس
فهم انه ساكت عشانه يبي شي : خير وش اللي جاي عشانه
ابو
فارس بتردد : اخوك سالم
فارس
: وش فيه
ابو
فارس : يبي يشتري سياره ونبيك تاخذها له تقسيط واحنا بنسددك كل شي بس انت تدري انه
اخذ كثير من البنك
فارس
: من وين اخذ له ان شاء الله
ابو
فارس : مثل ما اخذت سيارتك
فارس
: ماني مسؤول عن عيالك مو انت ابوهم تصرف
ابو
فارس : ماشاء الله هذا ردك لي
فارس:
مؤمن وين الشاهي
وقف
ابو فارس بعصبيه وطلع وهو يدف مؤمن والشاهي اللي انكب بالارض
هز راسه
فارس بضيق : سم بالله يا مؤمن
مؤمن
: اش فيه نفر كله خربان
مارد
فارس بس فز على صوت سيارة سطام اللي مرت بسرعه ومؤمن يقول انه سطام ..
٠
٠
عند
سطام اللي تركهم ومشى والكل ينتظر منه تبرير على اللي يشوفونه فز الجد وهو مو قادر
يوقف من الصدمه : سطام يا ولدي وش صار
مارد
سطام اللي كان شبه يركض دخل غرفته ونزلها على السرير وهو يركض يدور اي شي يغطي فيه
جرحها اللي ينزف سحب شماغه الثاني وهو يحطه على الجرح ركض بسرعه ورعب وهو ينادي ساره
: ساره اضغطي على الجرح تكفين
ترك
ساره وطلع وهو يدور الجوال اتصل وهو يمسح جبينه
فهد
: سطام هلا والله توني.....
قاطعه
سطام : فهد تكفى وينه ابوك
فهد
: ابوي نايم
سطام
: اسمعني صحيه وقوله يجي بيتنا بسرعه بسرعه
فهد
: سطام جدك فيه شي
سطام
: بسرعه يا فهد
قفل
ورمى الجوال وتحرك بسرعه وقبل يدخل مسكه سند بعصبيه : وش اللي يصير فهمنا
سطام
سحب يده بغضب : ماني فاضي لتفاهات الكلام
دخل
وهو يحاول يصحيها والكل مذهول
لكن
افترقوا اول ما سمعوا صوت ابو فهد : يا اهل البيت
ركض
سطام وهو يقول : طريق طريق
دخل
ابو فهد وهو يناظر سطام بخوف : سطام وش فيكم جدك فيه شي
سطام
: لا كلنا بخير بس تعال معي
دخله
الغرفه بعد ما راحت ساره : سطام مين هاذي
سطام
اخذ نفس وهو يقول : مدري لقيتها طايحه بأثر حادث وجبتها هنا
ابو
فهد : ليش ما اخذتها لمستشفى
سطام
: مدري خفت وجبتها يعني كانت قريب من هنا اكثر من المستشفى
ابو
فهد : وين إصابتها
سطام
: مدري النزيف من جرح عميق ببطنها وغيره مدري
ابتداء
ابو فهد يعلاجها ويضمد جروحها بمساعدة سطام ( ابو فهد جارهم ابو فهد صديق تميم دكتور
وانسان متفاهم لابعد المراحل ولكن العلاقه بينه وبين سند جدا سيئه )
٠
٠
عند
فهد اللي عجز يروح لبيت سطام وهو يدري انه بيواجهه كلام من سند ويغثه غير اتجاهه لبيت
فارس وصل وشافه واقف برا ومؤمن يراقب له
فهد
: فارس وش فيك
فارس
: فهد جيت بوقتك من شوي مرت سيارة سطام مسرعه سرعه غريبه ومر ولا حتى وقف ولا سلم
فهد
: ايه اتصل فيني يقول قول لابوك يجي بيتنا بسرعه
فارس
بخوف : لا يكون جده فيه شي
فهد
: مدري بس انا عجزت اروح وسند فيه
فارس
: اقول امش وش رايك نجلس نتفرج لا بنروح ونسانده اذا احتاج مسانده وسند هذا خله على
جنب ولا تعطيه وجهه
فهد
: ما ودي بالمشاكل
مشى
فارس ولحقه فهد وهو فعلا مايبي يسبب مشاكل زياده
وصلو
وشافوا المكان فاضي والكل بالبيت دق فهد الجرس وطلع لهم نايف : هلا يا شباب
سلموا
عليه وقال فارس : نايف وش اللي صاير
فهد:
جدك صاير له شي
نايف
: لا جدي بخير بس صراحه ماني فاهم جاء سطام ومعاه بنت حالتها مزريه ولا فهمنا شي للحين
فارس
وفهد : بنت
نايف
: ايه
فهد
: سطام جايب بنت للبيت هذا حتى انا ما سويتها
فارس
بحده: مو وقت استهبالك
فهد
سكت وهو مصدوم من سطام
فارس
: طيب ما قال شي انتم ما تعرفون هالبنت
نايف:وين
نعرفها يا ابن الحلال حنا حتى ما ندري كيف سطام جابها
فارس
: طيب ابو فهد فيه
نايف
: ايه ودخل لها يعالجها
قطع
عليهم صوت سند: ماشاء الله كان ناقص هالفضيحه وجودكم انتم وانا متاكد انكم سبب هذا
الشي
طنشوه
وجاء مازن : هلا فارس كيفك
سلم
عليه فارس :هلا يا مازن تمام وانت
مازن
: كويس
فارس
: انا جيت بشوف و ش صار فجعنا سطام
سند
: ههههه قصدك تسمع ركز على كلمة بشوف ماهي لك
فهد
فقد نفسه : على الاقل اعمى بصر ولا اعمى بصيره واخلاق
سند
: انت يا متسكع تكلمني كذا
فهد
: ومن انت يعني ان.......
قطع
كلامه فارس : بينك وبيني الله ماني محتاج عيوني عشان اكون انسان صحيح
مازن
: عمي اهتم بصحتك واترك الخلق للخالق
سند
: والله زين انت ترد علي بعد
مازن
: من دق الباب سمع الجواب
فارس:
مازن الله يسعدك اذا انتهى الوضع بلغني
مازن
: ابشر
انسحبوا
وراحوا وسند يناظرهم بحقد ولف لمازن اللى مشى وتركه
٠
٠
عند
سطام اللي كان مع ابو فهد وخلصوا معالجة دانه ووقف ابو فهد وهو يقول : سطام البنت تعرضت
لحادث وفيها جروح كثيره وعميقه لازم ترتاح واذا تطور وضعها وقتها لازم نوديها المستشفى
سطام
بقلق : طيب ابشر بس وش اجيب لها ادويه
ابو
فهد : هاذي ورقه فيها كل شي ممكن ينفعها روح للصيدليه القريبه وقل انا من طرف ابو فهد
وهو راح يخفض لك مبلغ من القيمه لانها بتكلف شوي
سطام
: مو مشكله
تحرك
ابو فهد وناداه سطام: عمي بطلبك طلب
ابو
فهد : امر
سطام
: ما يامر عليك عدو بس بغيتك طال عمرك ما تجيب طاري لاحد الين نشوف وش بنسوي
ابو
فهد :لا تخاف عندي
طلع
ابو فهد وهو يسلم على الجد ابو مازن واستاذن وراح اما سطام اللي اسرع لصندوق صغير عنده
مخبي فيه كم فلس للايام الصعبه وادوية جده
طلع
بعد ما اخذ الفلوس وشاف الكل ينتظره نزل يده بضيق وهو يقول : اجلسوا بشرح لكم
جلسوا
كلهم ووقف سطام بالنص وهو يقولهم السالفه كلها بس ما قالهم انها اغتصبت ولا قال لهم
انه اخذها من المستشفى قال ما قدرت اوديها للمستشفى
ابو
مازن : غلط غلط يا سطام المفروض توديها المستشفى
سطام
: ما قدرت اوديها انتم تدرون ما معي هويه وغير هذا في سيارتي سلاح مو مرخص والموضوع
صعب واكيد بيعتبروني صادمها
سند
: تلعب على مين انت قولي تلعب على مين وش جاب البنت بهاذيك المنطقه وانت وش وداك هناك
كنت حاس انه بتفضحنا في يوم وسويتها
سطام
: الله يرحم والدينك تطلع انت من الموضوع
مازن
: طيب وش بتسوي بعدين
سطام
: بعد اذن جدي بتكون هنا لفتره لما تتشافى وحزتها بنوديها لشرطه وندور لاهلها
سند
: تخسي تجلس بنت ال**** هنا تاخذها الحين وترجعها لزباله اللي جبتها منها
سطام
اخذ نفس وهو يقول : انا اكلم جدي
الجد
: يا سطام هاذي بنت صعبه نخليها عندنا في مصايب وش يدرينا عنها وش بلاها
سطام
: جدي ابشر باللي تبي بس اول خليها تتشافى
سند
: اقولك تطلع من البيت يعني تطلع
سطام
فقد نفسه وصرخ : البيت بيتي وبيت جدي وساره انت مالك شغل
الكل
سكتت وهم يناظرون سطام اللي كان وجهه احمر
ومعرق لف لساره: خليك بجنبها لين اجيب الدواء
طلع
وهو معصب ركب سيارته وهو مسرع وراح الصيدليه
٠
٠
وعند
فارس اللي رجع هو وفهد مسكه فهد من يده وهو يقول : قلبي يقول ما زعلت من كلام سند
ابتسم
فارس : وش رايك انت
فهد:
انك مازعلت ابدا
فارس
ضحك على فهد اللي دايم اذا حس احد منجرح ينكر الاذي اللي تعرض له عشان ينساه : من سند
اصلا
ضحك
فهد وهو يضمه : الشيطان هههههه
فارس
: نفسي اعرف وش سالفة هالبنت
فهد
: بيجي سطام ويبرر اصبر بس
فارس
: الله يستر ..
وعند
ساره اللي كانت تراقب دانه بصمت وهي تفكر وش سالفتها فجعها الباب اللي انفتح وكان سند
معصب بعد ساره وهو يسحب دانه اللي ماكانت حاسه بنفسها
ساره
صرخت وهي تحاول تبعده عن دانه :حرام مريضه البنت حرام عليك
سند
دفها ولكن تدخل مازن وهو يبعد سند عن دانه : وش بتسوي انجنيت البنت مريضه
سند
دف مازن وهو مصر الا يطلع دانه من البيت لكن هنا وقفه صوت سطام اللي ركض وبيديه الادويه
ومن دون ما يحس دف سند اللي طاح على نايف رمى الادويه وهو يرفع دانه رجعها بسرعه على
السرير وهو يتاكد ان جروحها سليمه وبعد ما تأكد طلع وهو يفور من الغضب وهو يشوف سند
يصارخ قبل يتكلم سطام تدخل الجد
الجد
: خلاص انتهى الموضوع يا سند البنت بتجلس هنا وغير هذا مافيه كلام
سند:
انتم بتسوون لنا فضيحه ناقصين مشاكل وغثى
سطام
: اذا فيه احد سبب لهاذي كلها فهو انت
سند
: اشوف لسانك طال يوم جبت بنت الحرام اللي جوا
وهنا
صرخ الجد : والله اللي يزيد حرف واحد لتبرى منه واطلع من ذا البيت ومن حياتكم
سكتوا
الكل حتى سند ولف سطام لساره : ابي ملابس
ساره:
طيب
دخل
سطام يتروش وهو يحاول انه يهدى ويفهم ويفكر مسح جبينه بتعب وهو يناظر ملابسه اللي ملطخه
دم ومن هالنقطه فهم انه حياته بعد تلطخت ولا عاد فيه رجعه من ذا الطريق رماها واخذ
دش وطلع جلس قبال وروده وهو يناظرها بهدوء سمع صوت مازن يقول : احب اقولك انك بتنشغل
عن هالورد كثير
سطام
لف لمازن : فاهم فاهم
مازن
: احس ان قصتها غير عن اللي انت حكيته
سطام
بهدوء : اللي حكيته هو الصدق وغيره ماني مجبر اخليكم تصدقون
مازن
: لا بس يعني استغربت وش جابها هنا
سطام:
يمكن من المزارع اللي بالاطراف اكيد اذا فقدوها بيجون يدورون لها
مازن:طيب
ترا فارس وفهد جو وقالوا اذا فضيت كلمهم
سطام
: طيب طيب
سحب
جواله سطام و واعد فهد وفارس يجون له في الاسطبل ..
٠
٠
أما
البنات كانو جالسين بصمت وكل وحده تفكر
نزلت
العنود الكاس اللي بيدها وقال : مدري سالفتها ما دخلت راسي
جوري
رفعت يدها : وانا
ناديه
: بالمنطق ابدا ما دخلت
ساره
: الله يستر لا يكون سطام دخل نفسه في مشكله
هديل
: شكله
عنود
:انا لازم اعرف وش سالفتها عشان كذا اول ما تصحى بكلمها
ساره:
يا بنت اخاف سطام يعصب
ناديه
: اذا عصب معناته فيه شي حنا ما نعرفه
الكل
سكت وبعد مده قالت هديل : يعني هي سبب طلعته من قبل الفجر هيفاء بهدوء : ويمكن هي سبب فركشة خطوبة سطام
هنا
كلهم ناظروا في بعض وهم خايفين يكون هذا هو الكلام الصدق ..
٠
٠
عند
سطام اللي كان جالس بهدوء عند الخيل وهو ينتقل بينها وكانه يتنقل بين افكاره صحى وهو
يسمع فهد : والله سواتك انا ما سويتها
لف سطام
مبتسم : والله صادق
قرب
فارس وهو يقول : سطام وش اللي صاير وش سالفة البنت .
سطام
مسك يد فارس وهو يساعده يركب مع فهد الخيل وركب هو حصانه وتحركوا ( وكانت هاذي الحركه
ما يسوونها الا اذا كان فيه مصيبه او مشكله تحتاج تبرير وقرار حاسم )
فهد
: دام ركبنا معناته كارثه
سطام:
قصدك بداية كوارث
فارس
: قول خبصتني
سطام:
كنت رايح اجيب اعلاف لكن طلعت بدري عشان الحق السوق من بدري واشيل كم واحد اطلع منه
كم ريال وافرح البنات بشوية اغراض ورحت قبل الفجر لكن لما وقفت اصلي حصلتها طايحه قبالي
اخذتها للمستشفى ولكن تذكرت اني معي سلاح مو مرخص وانا ما معي هويه ومشاكلي كثير وخفت
ولاحظ الدكتور ارتباكي وقرر يبلغ الشرطه وانا اخذت البنت وطلعت( ولا قال عن الاغتصاب)
وقف
فهد بصدمه وهو يقول: اخذتها من المستشفى ؟
سطام:
ايه
فارس
: سطام انت انهبلت جد اتكلم انهبلت ما عادت تفرق معك
سطام
: مدري استعجلت خفت وماحسيت بنفسي الا وانا
هنا
فهد
: بسألك سؤال واحد ورد علي بصراحه ،ناقصك يا طيب
مشاكل يعني ماشاء الله مقطع ابو السعاده انت وقررت تجيب مصيبه ؟ ناقصك اكشن
في حياتك كان قلتي بسلفك مشاكل
سطام
ناظره بطرف عين : بسم لله عليك ظريف الله يخليك لامك
فهد
:ههههه وانا صادق
فارس
: من جد فهد صادق سطام وش سويت انت ناقص مصايب انت احنا وماسوينا شي ما تركتنا المشاكل
وبعدين انت اخذ بنت تعرف وش يعني بنت هذا جنون
سطام
: ادري ماني ناقص مشاكل وادري بعد اني غرقان في المشاكل من راسي لرجولي بس ما قدرت
احد يفهمني البنت اكيد ماوصلت لذاك المكان وهي جريحه الا احد اخذها ماقدرت اخليها
فهد
: وشلون يعني ؟
سطام
: يعني البنت صار لها حادث من قبل ونقلوها لمستشفى قريب الحادث لكن احد اخذها من هناك
لما وصلت للمكان اللي حصلتها فيه والمستشفى اللي اخذتها له متاكدين انهم ما استقبلوها
من قبل وخصوصا ان بين المستشفى هذا واي مستشفى ثاني مسافه طويله
فارس
: يعني البنت ممكن تكون انضرت ؟!
سطام
بسرعه: لااااا البنت بخير بس اللي قصدته انه احد كان بيذبحها ما يبي شي ثاني ( اضطر
يكذب عشان ما احد يزعجه ولما تصحى دانه يتفاهم معها ومن باب ثاني ما حب يحرجها ويفشي
سرها ) .
فارس
: مدري انا مأيدك وماني مأيدك
فهد
: طيب وسند وش بتسوي فيه
سطام
: مدري اليوم غثني رحت اجيب دواء ورجعت لقيته ساحبها للباب
فارس
وفهد :كيف ؟
سطام
: تخيلو !
فهد
نزل وهو يساعد فارس ينزل : والله لو اني ما تعوذت من ابليس واتذكر القصاص اني اقطعه
تقطيع
فارس
: ياخي شوفوا له حل هالمريض
سطام:
اتوقع من بعد الحين بنصدم معه كثير
فهد:
اصطدم ياخي اصطدم برد قلوبنا
سطام:
انا مو مسكتني الا جدي اخاف يصير له شي من المشاكل
سكتوا
وكملوا مشي وقال فارس بهدوء: وش وضعك مع اهل امك
سطام
انصدم شوي ما توقع السؤال وقال بهدوء وهو يغسل يده : انتهوا من حياتي من زمان مدري
عنهم
فهد
: ما رحت لعزاء خالك !؟
سطام
بغضب : لو يموتون كلهم ما اهتميت
سكتوا
على اتصال ابو فهد اللي يقوله يجي
فهد
: فارس يلا عشان اوصلك
فارس
: يلا
راحوا
وسطام واقف بهدوء وهو ما يحب يتذكر اي شي يضيق باله
٠
٠
عند
دانه اللي فتحت عيونها وهي تتألم شدت على يدها وهي تون من الالم سمعت صوت بنت : بسم
لله عليك الحمدلله ع السلامه
دانه
فتحت عيونها وهي تناظرها برعب : مين انتي
ساره
: اهدي انا ساره اخت سطام
دانه
بخوف : مين سطاام
عنود
: سطام اللي جابك هنا ما عرفتيه
دانه
غمضت وهي تتذكر الرجال اللي وعدها يوديها لاهله يهتمون فيها ناظرتهم بخوف : مين انا
ومين سطام وين انا
البنات
ناظروا ببعض باستغراب وقالت جوري : لا تخافين انتي بأمان
ناديه:
اذكري الله
قطع
عليهم صراخ سند : وين جوري
فزت
جوري برعب وهي تركض طلعت برا بخوف : نعم
سند
بصراخ : وش تبين عند بنت ال...... اللي داخل
جوري
: رحت مع البنات يبه
سند
: انكتمي وامشي لا اشوفك عندهم
ابو
مازن : سند بشويش على البنت
سند
: رب عيالك واترك عيالي في حالهم .
ابو
مازن : الله يهديك بس الله يهديك
دخل
سطام اللي ما انتبه للي صار واتجه للغرفه نادى ساره اللي طلعت وهي تقول : سطام صحت
البنت
سطام
: خليها تتغطى بكلمها
سند
: هو باقي تتغطى اقص يدي اذا ما كنت شايف كل شي
سطام
سكر عيونه وهو ياخذ نفس رجعت ساره : تعال سطام
دخل
وهو صاد ويستغفر :سلام عليكم
البنات
وقفوا بهدوء ودانه خايفه تناظرهم برعب سطام قال بهدوء : بنات اتركونا
طلعوا
البنات وهم ما ودهم يطلعون وجلس سطام بعيد وهو يقول : الحمدلله على سلامتك اول شي ثاني
شي تأكدي انك بأمان وانك هنا بين اهلك هذولا اهلي وعدتك اوديك عندهم عشان ما تخافين
وانا سطام اللي انقذتك وتاكدي اني ما افشيت سرك ولا احد يدري الا اني حصلتك طايحه وجبتك
وبس
دانه
ناظرته بحزن : انا مين وش صار لي
انصعق
سطام وقال : وش اخر شي تذكرينه
دانه
: ما اذكر الا اني طلعت من المستشفى وركضت
سطام:
ليش طلعتي
دانه
: كنت خايفه قالوا لي اهلي صار عليهم حادث بس انا ما اتذكرهم ما اعرفهم طلعت يمكن احصلهم او يحصلوني لاني كنت خايفه من
المستشفى
سطام
: بس اللي صار ضدك
دانه
بكت بحزن : تعرف اللي سواء فيني كذا
سطام
: لا انا كنت اصلي وشفتك
دانه
:يعني انت ما تعرف اهلي
سطام
بهدوء: لا
دانه:
وش بسوي انا
سطام
:لا تخافين انتي بتظلين هنا معززه مكرمه الين ما ربي يحل امورك
دانه
كان واضح بصوتها الخوف وقالت : طيب وش اسمي انا
سطام
اللي لف لها وطاحت عينه على الاسواره اللي بيدها دق قلبه بقوه وهو يناظرها بهدوء قرب
وهو يناظر الاسواره وبعدت دانه بخوف وقال سطام بعد ما رجع لوراء : لا تخافين كنت اقرأ
اللي مكتوب على الاسواره وهو اسمك اسمك (داانه )
ناظرت
دانه الاسواره وهي تحس قلبها يدق رجعت ناظرت سطام اللي لف وهو يمسح جبينه واخذ الادويه
:هاذي ادويتك بتساعدك فيها ساره اي شي تحتاجيه قولي لي وارجع اقولك لا تخافين انتي
بين اهلك
دانه
بحزن: الله يعطيك العافيه ما تقصر
سطام
: يعافيك
طلع
وهو يدور على ساره وشاف جده جالس بضيق قرب وجلس وهو ياخذ جهاز السكر قاس له السكر وشافه
شوي مرتفع اسرع وهو يعطيه ابرته وقعد وهو يقول : جدي حبيبي وش مضيقك ؟
الجد
: يا سطام انا خايف من عواقب هالسالفه
سطام
باس يده : جدي الله يسعدك لا تخاف انا بتحمل كل شي اذا صار شي وتاكد اني ما سويت غلط
بالعكس انا ساعدت الناس لا تهتم لكلام سند وانت تعرفني
الجد
: انت تعرف ان اللي يضرك يضرني
سطام
: لا تخاف صدقني بنكون كلنا بخير ودانه بعد
الجد:دانه
!؟
سطام
: هي فاقده الذاكره ما تذكر الا اسمها
الجد
: زين الله يجعل العواقب سليمه
سطام
: الحين ابيك تدخل لها اكيد اذا شافتك كبير سن بتهدى حاول تطمنها وتهديها
الجد
: بس انا يا ولدي مدري وش اقول
سطام
:جدي حبيبي البنت خايفه وانا ابيك تدخل مع ساره وتطمنونها حرام مسكينه
الجد
: زين زين يا سطام
وقف
سطام واتجه للمطبخ دخل بهدوء وشاف البنات جالسين : ساره روحي مع جدي ادخلوا لدانه وطمنوها
سكت
الكل وهو يناظرون سطام ووقفت عنود : دانه !؟
سطام
: ايه البنت اللي جوا
عنود
: وش عرفك عن اسمها ؟ سطام : كانت في يدها سواره وشفت مكتوب دانه اتوقع اسمها بس البنت
فاقده ذاكرتها لا تضغطون عليها
الكل
كان يناظر سطام بهدوء وساره تناظره بخوف ناظرها سطام : ساره يلا خذي لها شي دافي وروحي
ساره
تحركت وهي مفجوعه وطلع سطام وهو يدري ان اسمها بعد بيسبب مشكله
عنود
ضربت الطاوله : احط بصمتي هنا اذا ماكان للبنت هاذي سالفه في سطام ما اكون عنود
ناديه
: مو معقول اسمها دانه
ساره
: بنات انا خايفه
هديل
: اول شي خلونا ما نحسسهم إنا شاكين
عنود
: صح
هيفاء
؛ واذا فهمنا نتصرف
ناديه
: صح
عنود
: طيب قوموا بنروح للجوري اكيد طفشانه
طلعوا
البنات وساره اخذت شي دافي واتجهت لغرفة دانه مع الجد
٠
٠
عند
مازن اللي كان جالس هو ونايف بالجلسه برا جاء سطام وجلس وهو ساكن وبعد شوي جو البنات
اللي كانوا متغطين مروا ومازن متكي وبيده علبه ورماها عليهم بشكل عشوائي وصرخت جوري
:وجع
ضحك
مازن : هو انتي احسن
الجوري
: عساك الكسر تخيل تخيل صابت عيني
مازن
:كنت ادعي تصيب لسانك
عنود
: يوه دخلنا دوامة مناقرتهم
نايف
: وين كنتوا رايحين
هيفاء
: بنروح نجلس هناك تحت شجرة التفاح
مازن
: هههههه شجرة التفاح يعني مثلا بيطيح على راسك تفاحع وتصيرين مثل نيوتن
سطام
:ههههه مع الاسف احب اقولك انها خطه فاشله من وعيت على نفسي طايح تحتها ولا صرت نيوتن
ولاهم يحزنون يعني انتي شايفه اني يضربي المثال فالعطاله والحظ الردي
نايف:
هههههه تعجبني القناعه السيئه بالنفس
سطام
وهو يبوس يده وجهه وقفى : والله عارف لنفسي وراضي
مازن
: انا اقترح انكم تجلسون تحت شجرة البطيخ كود تطيح عليكم بطيخه وتبلعون ألسنتكم
جوري
:ها ها ها ظريف الله لا يضرك ليتك ساكت ازين
مازن
وقف وهو ياخذ حبة من فاكهة الشمام اللي قباله ومدها لجوري : يعني الناس اللي بطولك
وحجمك هاذي البطيخه حقتهم لا تروحين هناك هاذيك بالنسبه لك كوكب ههههه
الكل
ضحك من مازن اللي يستمتع بالطقطقه على جوري اللي انقهرت منه بقوه ولفت وهي تدور شي
ترد فيه اهانتها ابتسمت لما شافت أكل البقر تبع جده راحت وهي تجيبه ونزلته قدام مازن اللي يناظر باستغراب
وقالت : اعذرنا على القصور هذا عشاك اليوم وبكره ان شاء الله نوع جديد
الكل
سكت بصدمه وفجاءه انفجروا يضحكون
نايف
وهو يضرب جله : قوية قوية
سطام
: والله ياهي شالت ابو ضلوعك مر بس جبهتك
عنود
: اقول دام اخذنا حقنا حنا نتيسر
راحوا
وهو يضحكون لف مازن بضحك وصدمه : لا تقولون ان هالنقطه ذبت علي
نايف:
والله حقيقه
سطام
: وبختم سند هههههه
مازن
:هههه هين هين اوريها
٠
٠
عند
دانه اللي كانت تسمع كلام الجد وهي متطمنه له ولساره اللي كانت تساعدها بكل شي
وقف
الجد وهو يقول : ارتاحي انتي وان شاء الله بتصيرين بخير
دانه
سكتت وهو تفرك يدها بخوف وطلع الجد جلست ساره وهي تقول : مثل ما قال جدي لا تخافين
وتاكدي انك بأمان
قطع
عليهم دخول البنات اللي يضحكون
عنود
: سوير فاتك
هديل
: فاتك وبقوه بعد
ناديه:هههههه
وجه مازن تنشرى شوفته
ساره
: بنات بشويش البنت تعبانه
عنود
: اسفين والله
دانه
: عادي
جلسوا
البنات وبدأت ساره تعرف دانه عليهم
عنود
: انا احس انك بتصيرين صاحبتنا
جوري
: اصلا انا اعتبرتها صاحبتنا من زمان
دانه
ما عرفت وش ترد وش تقول وما حبو البنات يحرجونها
وكملت
عنود تسولف لهم عن اللي صار
ساره
: لا لا لا يا جوري هاذي المره قويه
جوري
: رفع ضغطي يا اختي
ساره
لفت على دانه ببتسامه : جوري دايما مناقره مع اخوي مازن وطبعا كل واحد يبدع في الطقطقه
على الثاني .
دانه
ابتسمت بهدوء وقالت عنود :انتي الحين تعبانه ارتاحي
دانه
اللي فعلا كانت تحس نفسها تعبانه انسدحت بتعب بعد ما اخذت الادويه وتعشت ونامت
٠
٠
وعدا
الليل وكان غريب وثقيل على كثير من ابطالنا اولهم سطام اللي مايدري كيف بيتصرف مع مصيبته
وكعادته
اتجه لبيت فارس دخل وهو يشوف نايف ومازن وفهد كلهم مجتمعين وانواع السوالف
فهد
:اوه وخروا عنه شرف سوبر مان المزارع
سطام
ابتسم وهو يقول : مؤمن ابريق شاهي فالمخ
مؤمن
: والله الحمدلله سطام يجي انا سوي شاهي كويس بس هذا فهد قول سوي اسبيرسو بس عشان صور
سطام:
فهد ذبحت ذا المسكين تخليه يسوي عشان بس تصور
فهد
:ياخي انا مهم فيه ناس تشوف فخامتي
فارس
:مالت على فخامتك النايمه
مازن
وهو يقلب بيده كوب ستار بوكس : لا يكون هذا اداة التخقيق
فارس
: اوه اسكت بس كل شهر يروح يشتري مشروب واحد وهو ما يحبه ويتغصبه غصيبه وبعدها الكوب
يصير من اختصاصات مؤمن كل شوي يسوي له نكهه غير وهذا عايش زمان الافنديه
فهد
: حسبي الله عليك فضحتنا
سطام
: المشكله انه يكذب ويصدق الكذبه
نايف
: اهنيك صراحه على الجو اللي انت تخلقه
فهد
: مشكور يا نايف انت الوحيد اللي تقدر المجهود
مازن
: الا سطام وش صار بالبنت
سطام
: صحت بس فاقده ذاكرتها
الكل
انصدم فارس : مره ما تتذكر شي
سطام
: بس اسمها ناسيه كل شي
فهد
: زين تذكرت اسمها
سطام
ابتسم بهدوء : ايه واسمها دانه
الكل
لف على سطام اللي اخذ الشاهي من مؤمن وهو يقول : ادري انكم شاكين بس من جد انا ما اعرف
البنت
فهد
: والاسم !
سطام
: مدري صدفه انا نفسي عجزت اصدقها
مازن
: هنا لازم تقنع الكل وبالذات سند انها صدفه
سطام
بحده : مو هامني سند ولا فارق معي
نايف
: اقل شي تحصل لك سبب تفك نفسك وجدي من المجادله معه
فارس
: مدري يا سطام وش سويت بنفسك عزالله طحت بمصيبه مالها ترقيع
مازن
صفق وهو يضحك بإستهزاء :لا هذا كله وانت باقي ما جتك شريفه
نايف
:اوه دام شريفه بتجي
فهد
حط يده على راسه : يا ويلك يا سطام من الجاي
سطام
تنهد بضيق وهو يصب الشاهي : ما اردى من المربوط الا المفتلت
مازن
وقف : انا من الحين اعلن استسلامي
فهد
: يارخمه
مازن
:هههههه والله ادور راحت البال خلني بس اروح انام بس
نايف
: خذني معك
سطام
: اذا جت الملائكه ذهبت الشياطين
نايف
: مع الوضع اللي انت فيه لو قلبتها بتكون صحيحه
سطام
: اقلب وجهك
فهد
:وين بدري
مازن
: والله اليوم صحينا بدري مع جدي ولا قدرت انام الحين مره طافي
مؤمن
: اجلس شويه مافي مشكل
سطام
: حلف عليكم مؤمن
مازن
: والله يا صديق انا فيه نوم تعبان مره مافي يقدر يجلس
مؤمن
: خلاص الله يستر على انته
الكل
انفجر ضحك على مؤمن اللي خابط ام اللهجات واللغات راحوا نايف ومازن
فهد
: سطام انت وين لقيت البنت
سطام
: شايف السكه اللي توديك سوق الاعلاف بس من الجهه الخلفيه
فهد
بهدوء: ايوه
سطام
: لقيتها في الخرابه اللي هناك
انقلب
وجه فهد وبلع ريقه وهو يرجع لوراء
سطام:
ليش !؟
فهد
بسرعه: لا بس غريبه هناك حتى ما فيه طريق يصير فيه حوادث
سطام
وقف وهو ينزل البياله: كم مره شرحت وقلت كانت في مستشفى واحد اخذها هناك
فارس
: مين بياخذها لمكان مهجور ويتركها كذا بدون ما يأذيها
سطام
: يمكن ما كان قصده يأذيها بس يبيها تضيع
فهد
: ما ندري بس يلا خلنا نروح انا تعبت بنام
فارس
: وش بكم بدري مره
سطام
: انا منهد حيلي مو بس تعبان ميت ميت
فهد
: اجل يلا
٠
٠
مرت
يومين كان الوضع فيها مرتبك شوي لكن عصبية سطام وحرصه على موضوع دانه كان مهدي الوضع
والكل ساكت رغم اعتراضه على اللي صار
اما
دانه اللي كانت هاديه وخايفه بنفس الوقت متطمنه تعودت على ساره والجد والبنات اللي
اخذوها في جوهم بسرعه
اما
سند اللي كان ساكت مو طيب وحب لا ساكت ينتظر الداعم الاكبر له وهي ( شريفه )
٠
٠
من بدري
كان سطام يحاول انه يشتت الوضع المتوتر اخذ خيوله وقرب فيها وهو راكب واحد ويمشي الباقي
وراه قرب من الجلسه اللي جالسين فيها الرجال ونزل وهو مبتسم
سطام
: اللي بيشوف المُهر ( يعني الحصان الصغير
) يجي
اجتمعوا
حوله نايف ومازن ابو مازن والجد اما سند كان يناظر بغضب كعادته
ابتدوا
كلهم يركبون الخيل وكل واحد يستعرض مواهبه في الخيل
سطام
: انا بروح اوري البنات المُهر
مازن
: ودك اساعدك
سطام:
ههههه ترا جبهتك للحين تعبانه
مازن
صد وهو يضحك وانطلق ونايف اللي كان يروح بعيد يجي مسرع وينط بالخيل من فوق سند اللي
عصب والكل يضحك عليه تقدم سطام لجهة البنات اللي جالسين وقرب وهو يقول : يا بنات
تغطت
دانه ودخل سطام وهو معاه المُهر نزل وهو يقول : هذا مولودنا الجديد
ركضت
هديل وهي تقرب منه : الله يخليك يا سطام هذا لي مره يجنن وكيوت تكفى تكفى
هيفاء
: وش اللي لك هذا شوفي عيونه يقول انا لهيفاء
عنود
اللي جات من المطبخ : شكراً مره يا سطام والله ماكان له داعي تتعب نفسك وتحلف علي اخذه
سطام
: والله لو تموتون كلكم ولا وحده تاخذه
جوري
: صادق لانه لي
سطام
: انتم على هالاصرار تاخذون جائزه والله
ساره
: انا مقتنعه الحمدلله
هديل
: ليش ما تبي تعطينا اياه
سطام
: لاني قلت انه بيكون حر ماهو لاحد
هيفاء
: ليش كل الخيل اللي هنا لها اصحاب الا ذا
سطام
وهو يناظر المُهر : من هنا لين يكبر خير وبركه
سكتوا
وهم يناظرون المُهر وقال سطام : دانه .. كيفك اليوم
دانه
: الحمدلله احسن
سطام
: منتظمه على دواك
دانه
:ايوه .
سطام
: زين
عنود
اللي كانت تراقبهم : دانه تعالي شوفي المُهر
دانه:
لا انا ما احب الحيوانات
ساره:
دامك جيتي هنا لازم تحبين الخيل لانك بتشوفينها بكل مكان
دانه
ابتسمت بهدوء وسكتت وسمعوا صوت مازن يقول : سطام انتبه لا تغلط في بعض الناس تحسبهم
المُهر ههههه
البنات
سكتوا شوي وتوجهت انظارهم لجوري وفجاءه الكل ضحك
ضحك
سطام وهو يقول : دقيقه خلني اخذ المقاسات
جوري
: هاها سامجين
عنود:
ههههههه لا تسكتين
جوري
: مين اللي يتكلم تكفون لاني صراحه عجزانه افرق بين الثور اللي بجنبه وبينه
مازن
اللي كان واقف جنب حظيرة البقر وقفه عاديه ما توقع انها بتنقلب عليه
ناظر
بجنبة وشاف ثور ورجع يناظر سطام اللي جاته حاله هستيريه من ضحك وجوري اللي نطت بسرعه
وهي تصوره مع الثور وانحاشت
مازن
: خير صور لا ما اتفقنا
جوري
: من متى اتفقنا احنا
مازن
: سطام دخيلك كل شي الا التصوير
سطام
: ههههههه والله ماعندي اي استعداد اركض وراها
مازن
بقهر: هين يا البطه اوريك
جوري
: اعلى ما في خيلك اركبه
عنود
: اوه تحدي واضح وصريح
مازن
: اقسم بالله لاتبكين وتشوفين
عنود
: تهديد شديد اللهجه
ضربها
سطام وهو يسحب شعرها: انتي معهم معهم عليهم عليهم
عنود
:اااااه
نايف
اللي جاء يركض وهو منخرش : النجده شريفه جت
الكل
فز واختبص ومازن اللي ترك مناقرة جوري وراح والبنات دخلوا ودانه واقفه ماتدري وش تتصرف
وسطام يناظرها بهدوء تقدم وهو يقول : لا تخافين مافي شي يخوف دانه : مين هي شريفه ليش الكل خايف منها
سطام
كان بيتكلم بس قطع عليه صوت الجد : سطام تعال
سطام
بسرعه : مافيه شي يخوف بس انتي روحي ارتاحي بغرفتك وحاولي ما تطلعين لين تجي لك ساره
تحركت
دانه بخوف ودخلت وسطام اللي راح بسرعه ووقف بجنب جده وهو يشوف سيارة شريفه اللي وصلت
كعادتها ..
٠
٠
عند
فهد اللي كان جالس بجنب ابوه بهدوء وهو يناظر يده صحى على صوت ابوه : فهد اكل وش فيك
فهد
: لا مالي نفس
ام فهد
: بسم لله عليك فيك شي
فهد
: لا بس مو مشتهي
ام فهد
: بجيب لك مكرونه تحبها انت
راحت
ام فهد ولف ابو فهد: وش صار على سطام والبنت
فهد
: ما صار شي هاذي هي عنده
ابو
فهد : ان شاء الله ما فيه مشاكل
فهد
: يعني بإستثناء سند
تنهد
ابو فهد: الله يصلح حاله ما خلا شي ما سواه
فهد:
ولا شريفه جايه
ابو
فهد : لا حول الله يعينك يا سطام
فهد
: امين
رجع
فهد وهو يفكر ويروح يجي بتفكيره
٠
٠
وفي
مزرعة الجد الكل وقف يسلمون على شريفه اللي كان بجبروت واضح وكلمة الكل يسمع لها بعد
ما سلمو الكل تقدم سطام وهو يسلم عليها وقبل
ما يروح مسكت يده وهي تناظر وجهه زين : وش صاير ليش وجهك شاحب
سطام
بهدوء : ولا شي كل شي تمام
بعدته
بقوه وهي تقول : اذا اعتدل مزاجي بنتفاهم
وقف
سطام جنب مازن وهو يشد على يده اللي اوجعته فيها
وجلس
الكل وابتداء نايف يصب القهوه وبعد اخبار عاديه قال سند : زين ان جيتي يا عمه عشان
تشوفين اللي يصير
شريفه
لفت له وبحده : وش يصير !
ابو
مازن : ما يصير الا كل خير انتي تقهوي وروقي وشوفي خيل سطام
مازن
بهمس لسطام : وش بتقولها
سطام
: الحقيقه
مازن
: واذا حاست الدنيا
سطام
: مضطر اني اوقف بوجهها
مازن
: مهبول انت
سطام
: حيل الله اقوى ..
#يـــــتـــــــبــــــــــع...
في الحلقة
القادمة ..
ليست هناك تعليقات:
إرسال تعليق